做冬/聖誕飯局終於可以12人一枱喇～一班人可以食勻花膠、炒蟹、龍蝦真係好正！尖沙咀「翠林辣蟹舫」新推優惠套餐《海鮮宴》$500/位就可以食盡9道菜，當中包括11款口味選擇嘅 原隻招牌炒蟹、原隻澳洲龍蝦㗎。
雙重優惠！優惠套餐《海鮮宴》+半價花膠雞
想享受雙重優惠～可以嗌埋「半價花膠雞」！明明半價咁平，但塊花膠扒竟然仲大過手掌！湯身好清澈，估唔到飲落雞味咁濃郁～全因大廚將多隻原雞熬足4個鐘，熬出精華再隔渣，先可以咁香濃又清澈順喉，女仔一定要飲多碗滋補吓。
全場均提供「半價花膠雞」優惠。
店內有好多卡位，VIP房亦有大圓枱。
雙重優惠詳情！
1) 凡惠顧「濃湯花膠雞」即享半價，可與優惠套餐《海鮮宴》同時使用。
2)《海鮮宴》優惠套餐 日期: 即日起開始* 價錢: $500/位全包(4位起)
菜式包括: - 原隻生猛炒蟹(口味5選1) - 原隻澳洲龍蝦(口味6選1) - 客家黃酒煮雞 - 甘醬蒸筍殼魚 - 蟹粉扒豆腐 - 福菜花炒黑豚肉 - 蛋白珍珠貝炒飯 - 口水金皮蛋 - 古早味紅糖糕
*2022年12月22日不適用 (請提早1日預訂，以便準備食材) |
優惠套餐《海鮮宴》$500/位全包，可同時享受「半價花膠雞」優惠。
即睇海鮮宴有咩食～
【招牌炒蟹+澳洲龍蝦】
海鮮宴$500/位食盡9道菜，包括 原隻招牌炒蟹+原隻澳洲龍蝦，仲有11款口味揀，唔使嚟嚟去去都嗰幾種煮法咁悶。
全部海鮮生猛游水，每日新鮮運到。
炒蟹龍蝦超多口味！
原隻炒蟹 任選1款口味: - 避風塘炒蟹 - 黑白胡椒蟹 - 新加坡辣椒蟹 - 黃金流沙蟹 - 薑蔥流沙蟹
澳洲龍蝦 任選1款口味: - 香辣宗谷瑤柱炒龍蝦 - 避風塘龍蝦 - 黃金流沙龍蝦 - 川味椒麻龍蝦 - 芝士焗龍蝦 - 水煮龍蝦 |
避風塘香辣蟹。游水蟹勁多肉，特別係蟹鉗真係好澎湃！
水煮龍蝦。澳洲龍蝦好大隻，足足6款口味揀，終於唔只得上湯/芝士焗，勁有新鮮感。
【7款手工小菜甜品】
手工小菜由超過20年經驗大廚主理，勁暖身嘅客家黃酒煮雞、年尾蟹季必食嘅蟹粉扒豆腐等等都好吸引，係秋冬限定㗎。
客家黃酒煮雞
天氣轉涼，大廚特別推出黃酒煮雞補氣暖身，如果女仔氣虛或手凍腳凍，呢道菜好有幫助㗎。
甘醬蒸筍殼魚
游水魚本身已經好嫩，配埋酸酸甜甜嘅甘醬，加埋魚汁撈飯超開胃。
蟹粉扒豆腐
秋冬係大閘蟹旺季，用蟹粉蟹油蒸豆腐勁香～老人家、小朋友都好啱食。
福菜花炒豚肉
坊間好少食到福菜花，但其實比似樣嘅椰菜花清甜啲㗎～加豚肉爆炒幾香口。
蛋白珍珠貝炒飯
平時套餐炒飯旨在畀你飽吓肚，但呢度嘅炒飯真係勁有鑊氣！入口乾身又粒粒分明，好值得留肚食呀～珍珠貝又夠鮮，配蛋白好夾。
口水金皮蛋
好鍾意黃金皮蛋顏色好靚～而且比一般黑色皮蛋少咗阿摩尼亞味，所以蛋香會濃啲，加埋少少麻辣嘅口水汁，好易食上癮。
古早味紅糖糕
最後仲有煙煙韌韌嘅紅糖糕甜品～
翠林辣蟹舫
地址: 尖沙咀亞士厘道24-38號天星大廈1樓A號舖
電話: 26289888
