香港有好多高質日本菜，但唔係間間都可以望埋靚景。主打日法fuison菜嘅「花楽」，就有落地玻璃望住尖沙咀靚海景。全店優雅和式設計，無論下午茶定晚餐都好有氣氛。
想同閨蜜high tea好推薦「花楽熱氣球下午茶」，3層熱氣球+玻璃甜品屋打卡都好靚㗎。
夜晚就有「花楽Fusion料理套餐」，一次過食勻多款日本料理，包括刺身、壽司、蒸物、和食、天婦羅之外，仲有套餐主角—黑松露雜菌佐黃金蛋汁釜飯，由師傅席前即刨新鮮黑松露片，再倒入日本蛋漿撈勻舀出飯焦，無論用餐體驗定味道都好圓滿。夜晚9:30後單點85折，再每位送cocktail好抵呀。
「花楽」優惠詳情
晚上9:30後入座，即享單點85折 及 每位免費雞尾酒1杯 |
【花楽熱氣球下午茶】
熱氣球下午茶極唯美，一個價錢有晒熱氣球層架、甜品玻璃屋、小食3點、冷盤3點、花茶。料理同甜品都會定期轉變，每次嚟都有新鮮感。
落地玻璃旁有一整排卡位，並懸掛唯美花花吊燈，隱私度高兼有靚景，好啱閨蜜girl’s talk或約會。
「花楽熱氣球下午茶」菜單
餐前小食 三文魚、鱈魚乾、炸北海道甜蝦
冷盤小食 海葡萄醋物、煙燻三文魚芝士卷、迷你吞拿魚蟹肉手卷
熱氣球層架 拖羅、油甘魚、甜蝦刺身 海膽刺身 冷番茄佐梅酒啫喱
甘品 日本和菓子、自家製布甸、日本蛋卷 特色法國甜品、時令水果、日本雪糕
*所有菜式會按每日時令食材改變 |
熱氣球層架 多款刺身
熱氣球下層就有海膽刺身、冷番茄佐梅酒啫喱。海膽好大件又綿滑。之後再食冷番茄中和膩感，加咗啲梅酒啫喱酸酸甜甜好開胃。
好少食下午茶有咁多刺身，所以「花楽」呢個打卡下午茶CP值幾高㗎。除咗下層海膽刺身，上層仲有拖羅、油甘魚、甜蝦刺身，下午茶時段都可以一解刺身癮。
3款香口小物+3款冷盤 定期更新
「花楽熱氣球下午茶」係包埋花茶，而3款小食都係香口開胃，好啱邊飲邊食、飲茶暢談。今次小食就有三文魚刺身、鱈魚乾、炸北海道甜蝦。
冷盤就有海葡萄醋物、煙燻三文魚芝士卷、迷你吞拿魚蟹肉手卷。特別鍾意海葡萄醋物，入口會卜卜爆開又有豐富營養；而吞拿魚蟹肉手卷就用鱈魚乾代替紫菜，更加煙韌有口感。
甜品玻璃屋放滿夢幻日式和菓子、特色法國甜品，仲有自家製布甸、時令水果、日本雪糕等，甜品控一定好鍾意。
【花楽Fusion料理套餐$880/位 (2人起)】連唎酒師精選清酒一合(180ml)
「花楽」主理師傅過去15年均周遊列國製作日本料理，為佢帶嚟創作各款日法fusion菜靈感。今次「花楽Fusion料理套餐」就集齊一系列刺身、壽司、和牛、天婦羅等，全面品嚐師傅手藝。
「花楽Fusion料理套餐」菜單
「花楽」刺身魚材由高質供應商每日飛機直送，供應商有穩定魚材及獨門養殖方法，不時提供坊間罕見魚類。所以呢度嘅刺身、壽司好值得一試㗎。
蒸物方面就有法國鵝肝赤蝦蒸蛋，有別傳統日本用木魚湯蒸蛋，改以濃雞湯、鰹魚湯蒸煮，味道更濃郁。最估唔到蒸蛋真係內藏好大件法國鵝肝，滑嫩蒸蛋恰好中和油香，平衡感做得好好。
主菜九條蔥和牛薄燒係近年日本高人氣料理之一。油花豐富嘅和牛包住日本九條蔥，外軟內爽又滲出油香。
今次套餐咁豐富真係要慢慢食，而呢道海蝦季節素菜天婦羅好驚喜地放咗一段時間都好脆。師傅就話係多年經驗做出嘅炸漿同控制油溫，先做到呢個效果㗎。
黑松露刨片雜菌釜飯絕對係主角！因為師傅會席前將新鮮黑松露刨片，刨嘅時候已經聞到黑松露好香，完全係視覺、嗅覺、味覺三重享受。
之後師傅會倒入日本蛋漿特調醬汁，再將釜飯撈勻及刮出飯焦。飯粒飽滿Q彈，加埋蛋漿、飯焦好香口惹味。
最後甜品都好精緻IGable，今次就有女生一定鍾意嘅最中餅雪糕，冰涼香脆好滿足。
【人氣單點料理】9:30後宵夜時段入座即享85折再送一杯cocktail
只要晚上9:30後入座，全部單點都有85折。即刻睇吓單點料理有咩食啦～
魚子醬海膽赤身壽司完全係集合3款受歡迎魚材，海水味濃郁，仲可以享受3種截然不同嘅口感層次。
「花楽」魚材供應商每日都有高質靚魚，所以呢度嘅日本即送原條魚刺身好值得一試。原條魚刺身勁鮮甜，每日魚材都唔同，今次就食到有獨特甜香嘅八角刺身啦。
呢道低溫燒金槍魚鮫係師傅拿手料理，以外國煮法融入日本食材，先風乾金槍魚鮫再以獨特手藝做到魚鮫邊香脆，入口再爆出魚油，唔係度度食到㗎。
蕪青昆布蒸金目鯛
日本高級料理食材—蕪青，附以昆布、日本青柚子煮出獨特香味，有種熟悉嘅溫泉旅館料理感覺。日本魚中之王—金目鯛，平時多以刺身上場，今次蒸煮更帶出魚脂甘香、肉厚特點。
駐場唎酒師 唔熟清酒都能享受sake pairing
呢度可能係全港最多唎酒師嘅居酒屋，5位唎酒師會依你嘅喜好/料理推薦各種清酒。最重要全日酒品均接近零售價。
唔熟清酒都使擔心，唎酒師會每日嚴選10幾支清酒，以抵價畀大家試酒，最平約$39/杯就有喇；名牌清酒十四代只係$99/60ml就飲到。
日本料理 x 咖啡Me Time
其實日本當地好多餐廳都有咖啡飲，「花楽」想大家嚟到可以enjoy成個環境，特邀咖啡師駐場沖調100%阿拉比卡咖啡豆，入口有榛子、漿果味平衡濃郁嘅可可香氣。同時亦會不定期推出各種果味咖啡、牛油果咖啡㗎。
花楽 (北京道1號)
地址: 尖沙咀北京道1號8樓801室
電話: 26222386
