哈日族福音呀~終於搵到間日本和室料理店啦!! 將軍澳「賀天」有3間榻榻米和室。一拉開木趟門,就見到一整排坐墊配大長枱,木系簡約風真係去咗日本咁。
3間超美和室!
【打通3間榻榻米和室】超有氣氛日式Party!
木趟門一關上,就係私人用餐空間啦。3間和室可以完全打通,超大空間好啱年尾開日式派對。
打通3間和室開party勁有氣氛。
多款套餐優惠!
- 秋の味覺1人前(香箱蟹) 優惠日期: 2023年1月1日(全日供應) 優惠價錢: 「香箱蟹·燕」85折$788(原價$928) & 「香箱蟹·隼」85折$1,265(原價$1,488)
- 最強の爐端燒定食(伊勢海老)* 優惠日期: 2023年1月31日 優惠時間: 星期一至五限定(假日除外) 優惠價錢: 午市$228(原價$458) & 晚市8折$368(原價$458)
*追蹤「賀天」IG送雪糕1杯 *午市及晚市每日各限量20份
- 賀天壽司名物1人前 優惠價$258(原價$498) |
「香箱蟹·燕」85折$788(原價$928)
日本直送!坊間少有矜貴魚
全部魚材都係日本直送~日本秋冬限定嘅香箱蟹真係必食,仲有珍貴時令魚—熟成黑睦、鰤魚、小肌魚等。
【秋の味覺1人前(香箱蟹)】日本規定冬天先有!
香箱蟹其實係雌性松葉蟹,超豐富蟹膏、蟹籽吸引一眾fans。日本為咗保護生態規定每年11月至1月先可捕獲,想食就記住預早4日訂喇~因為師傅直接由日本訂購,再親手拆肉起膏,極花工夫㗎。
秋の味覺有2款套餐,主要想食香箱蟹可揀「香箱蟹·燕」85折$788(原價$928),CP值好高;想食埋拖羅、鮑魚、熟成黑睦等靚魚可揀「香箱蟹·隼」85折$1,265(原價$1,488)。
「香箱蟹·燕」包刺身3款: 季節日本生蠔、香箱蟹、赤蝦拌黑魚子醬。刺身份量好多,特別係香箱蟹超多原隻蟹腳!唔使自己剥殼啖啖肉,簡直懶人福音。
食事: 元貝蟹黃煲仔飯。冬天食啖熱飯真係滿滿幸福感~套餐有熱辣辣蟹黃煲仔飯,撈勻蟹黃鹹鹹香香好正。
「香箱蟹·燕」菜單
- 前菜3點: 土佐醋水雲、湯葉三文魚子、粟米花 - 刺身3款: 季節日本生蠔、香箱蟹、赤蝦拌黑魚子醬 - 煮物: 白酒新洋蔥煮日本地蛤 - 壽司3本: 黃金松葉蟹肉、白蝦、日本海膽 - 食事: 元貝蟹黃煲仔飯 - 茹清湯 - 甜品: 日本生果
(最少4日前預訂) |
「香箱蟹·隼」85折$1,265(原價$1,488)
「香箱蟹·隼」菜單
- 前菜: 土佐醋水雲、炸蓮藕、燒銀杏、芝麻豆腐、湯葉、粟米花 - 刺身6款: 日本季節生蠔、赤蝦佐黑魚子、熟成黑睦、季節白身魚薄切、勢子蟹、中拖羅 - 煮物: 白酒煮新洋蔥煮地蛤 - 壽司6本: 鰺池、黃金松葉蟹肉、右口魚裙邊、白蝦、鮑魚、拖羅 - 食事: 元貝蟹黃蟹肉煲仔飯 - 湯: 海鮮湯 - 甜品: 日本水果
(最少4日前預訂) |
「香箱蟹·隼」有香箱蟹外,多款矜貴刺身都值回票價~有人氣中拖羅、生蠔;仲有本身好重魚油香嘅黑睦,經熟成後更濃郁!
刺身6款: 日本季節生蠔、赤蝦佐黑魚子、熟成黑睦、季節白身魚薄切、勢子蟹、中拖羅
壽司都有6款,右口魚裙邊好有驚喜,比一般左口魚更多油花;鮑魚更自家用鮑魚肝煮醬,雙重濃郁!員工會細心講解壽司次序,方便你由淡至濃味食。
壽司6本: 鰺池、黃金松葉蟹肉、右口魚裙邊、白蝦、鮑魚、拖羅
【最強の爐端燒定食(伊勢海老)】
年尾想獎勵吓自己,呢度午市同晚市都有燒龍蝦食,而家仲有優惠好划算—午市$228(原價$458)、晚市8折$368(原價$458)。
最強の爐端燒定食菜單
- 伊勢海老牛油燒 - 網燒美國牛西冷(可轉紐西蘭頂級羊架) - 茶碗蒸蛋(晚市不包括) - 和風野菜沙律 - 御飯 - 蛤蜊味噌汁
*星期一至五限定(假日除外) *午市及晚市每日各限量20份 |
(左)最強の爐端燒定食 配網燒美國牛西冷
(右)最強の爐端燒定食 配紐西蘭頂級羊架
【賀天壽司名物1人前】
丼飯有12種魚材勁豐富!最吸睛係矜貴冬季魚—鰤魚、小肌魚、鮟鱇魚肝等;最特別係有日本蘭王蛋黃+蟹肉,絲絲蟹肉好濃郁;江戶前玉子有驚喜,第一啖好似蛋糕咁,但愈食愈有蛋香。
(食材會因季節調整,歡迎查詢)
賀天壽司名物 優惠價$258(原價$498)
有時令魚、虎蝦、貝類、海膽、拖羅等12種魚材。
【冬季召集】 賀天壽喜燒涮涮鍋
凍凍地,當然係食暖笠笠嘅鍋物喇,今期必推冬季涮涮鍋!呢度的壽喜燒,用料十足有驚喜,有A4和牛、鹿兒島赤鳥鍋及鹿兒島黑豚鍋等選擇。壽喜湯底可自由配搭安格斯極黑牛小排或鹿兒島黑毛A5和牛,唔食牛嘅客人亦可選擇鹿兒島黑豚豬腩,滿足唔同需要的你。湯底除咗自家製壽喜燒湯底亦推出自家製鰹魚湯底,俾客人多個選擇。唔食豬?唔食牛?無問題!師傅特別炮製九州雞白濃湯搭配日本九州雞脾肉,濃郁湯底加上日本雞肉的嫩滑,絕對令你齒頰留香!
A4和牛壽喜燒
鹿兒島赤鳥鍋
賀天
地址: 將軍澳唐俊街28號海天晉滙1樓104-105號舖
電話: 67020868