一向好有日本氣氛嘅黑木亭又出新嘢喇~今次有好夏日feel嘅芒果龍蝦系列~仲有IGable嘅海產六杯、女士無料飲品等,最重要係有好多優惠,最平低至半價㗎!
勁鮮甜馬糞海膽刺身盤 全板/半板可選
超人氣北海道馬糞海膽加三文魚,油甘魚,蝦和帆立貝,宜家仲有7折優惠價(頁底有詳細價錢),CP值真係好高!全部刺身都係日本直送,勁鮮甜。
妳一杯我一杯 拍拖首選海產細味六杯子 (尖沙咀限定)
名為「六杯子」緊係有6個杯啦~每款2杯好啱情侶無菌share。
超SWEET!
吞拿魚蓉杯子都幾足料,食之前手動擠入沙律汁,味道酸酸甜甜幾開胃。日本生蠔上有酸汁同魚子醬,生蠔爽彈爆汁都幾肥美。海膽帶子飯望落細細杯,好似食咗件足料版海膽壽司咁。
喜之次/龍蝦木桶丼配-鯛魚湯 豪華版茶漬飯
被日本人喻為魚王嘅喜之次,入口油香彈牙真係好正。而家5折優惠就食到啦!師傅將喜之次開邊分半,即叫即燒逼晒啲酒香出嚟。
食完燒魚後,就可以自行倒入鯛魚湯拌飯食,再將吞拿魚蓉、蛋絲、芥末等撈勻,食落口感豐富又有魚香,好似日本茶漬飯咁,暖胃解膩好舒暢。
特選A5宮崎和牛稀有部位(後腿肉)壽司
平時多數都係食西冷位,但用作壽司嘅話就會太腍同太油膩。所以師傅轉用A5後腿肉,平時好少食到呢個位㗎。
因為後腿活動量多,牛味重又不失油香,成件壽司入口真係滿口肉香好正。
熱到無哂謂口 夏の芒提升味蕾感
(左)夏の芒龍蝦多士
好鍾意呢款多士呀!!多士同金黃龍蝦肉都好酥脆,加埋微酸輕甜嘅芝士芒果沙律醬,香口又唔熱氣。
(右)夏の芒蟹子沙律
真係未見過沙律咁大件芒果呀,超厚切芒果爆甜~蟹籽沙律堆到山咁高,幾個人share都好滿足。
豚角慢煮4小時 濃煮鮑魚豚角(尖沙咀限定)
如果你鍾意濃味嘅話,一定要點呢道豚角煮。因為豚肉、鮑魚都用豚肉汁慢煮4小時,豬油香入晒味,用嚟撈飯/佐酒都好夾。
皇牌串燒 (自家創武士辣醬、蜜糖黃芥醬)
即叫即燒嘅串燒都好驚喜~有好多款創作款式,忌廉豚肉蝦、忌廉免治雞肉棒,加咗忌廉薯蓉軟綿綿;牛肉金菇卷特別用壽喜燒汁燒㗎。
豚肉年糕加咗韓式辣醬,拉絲勁Q彈;豚肉包雞髀菇嘅雞髀菇吸晒肉汁好彈牙;牛肉三色椒有蜜糖黃芥末醬,好惹味。
(左)豚肉年糕、豚肉包雞髀菇,(右)牛肉三色椒。
晚市女士無料飲品 Lady's Night Free Drink
逢星期一至三係都係「Lady's Night」,晚市所有女士憑消費即享免費棉花糖飲品1杯,每日都有唔同味,未食先打卡~
(左)士多啤梨特飲配藍莓棉花糖、(右)蜜桃特飲配青蘋果棉花糖。
低食午市推介 包小食2點&麵豉湯(週六日可選)
(左)流心熔岩三文魚飯 $69
簡直係鍾意三文魚人士嘅福音呀~滿滿火炙三文魚包住珍珠米,食前先戳開溫泉蛋,將蛋漿、沙律醬撈勻,口感好綿滑。
(右)豚角煮撈麵 配武士辣醬 $69
多款配料用豚角汁煮到入晒味,自家武士辣醬係赤麵豉、白麵豉、櫻花蝦、秘製辣醬調製而成。鹹香微辣好有層次,記住撈勻拉麵呀。
熊冰出沒請注意 生日打卡新甜品
可愛熊仔冰一向好有人氣,今次熊仔冰係紅茶味,配埋Tiramisu、曲奇雪糕,一個價錢食晒3款甜品。
黑木亭優惠一覽!
1)「原板海膽刺身盤」 - 全板海膽 7折$588 (原價$840) - 半板海膽7折$389 (原價$556) 2)「海產細味六杯子」 7折$239 (原價$341) 3)「喜之次魚王木桶飯配 鯛魚湯」 5折$448 (原價$896) 「龍蝦八鮮木桶丼配 鯛魚湯」 7折$448 (原價$640) 4) 「夏の芒龍蝦多士」 6折$329(原價$548) 5) 逢星期一至三「Lady's Night」,晚市所有女士憑消費即享免費棉花糖飲品1杯,數量有限,先到先得。 6) 生日5大優惠 1.免切餅費 2. 晚市優惠滿$1,000,可免費贈送蛋糕甜品1份 3.免費棉花糖飲品1杯 4. 指定限定版清酒買一送一 5. 8人以上預訂,免費Upgrade VIP Private K房 (必須電話及訂金確定)(尖沙咀限定) 7) 晚市88折 星期日至四晚市88折優惠(飲品及本月精選除外) 8) 指定清酒買一送一(星期五除外) |
午市單點限定優惠
凡惠顧單點餐牌,每$180即減$30 - 尖沙咀分店午市優惠(12:00至17:00) - 天后分店午市優惠(12:00至2:30) *午餐定食、飲品及本月推介除外 |
黑木亭居酒屋 (尖沙咀店)
地址: 尖沙咀金馬倫道58-60號國鈀大廈地下-1樓
電話: 23296669
黑木亭居酒屋(天后店)
地址: 天后清風街10號清風大廈地舖
電話: 26606373