【台灣過江龍】年售900萬鍋 香港限定5款湯底+任食自助吧
台灣知名火鍋品牌「築間幸福鍋物」登陸香港喇!火鍋店出名嚴選高質海鮮,仲創造獨有嘅石頭火鍋湯底,高峰期間一年賣出超過900萬鍋,喺台灣更加坐擁130家分店,認真巴閉㗎。

香港店由台灣主廚親自監製,務求完美還原台灣風味。除咗帶嚟鎮店特色湯底,仲特意研發香港限定嘅5款湯底,為了客人能享受原汁原味的湯底,這裡加湯都是加原湯,而不是熱水或骨湯,另有多達33款「正港」台灣食材嘅任食自助吧,而且半自助吧100分鐘任食,保證食到飽!
台灣知名火鍋品牌「築間幸福鍋物」登陸香港喇!喺台灣更加坐擁130家分店,認真巴閉㗎。

半自助吧100分鐘任食

【火鍋套餐超豐富】
霸氣「龍王鍋」海鮮火鍋套餐 ($580/120g; $620/200g)
推介海鮮愛好者必試呢款「龍王鍋」海鮮火鍋Set,套餐會先上豪華海鮮拼盤,有齊Q彈鮮魷魚、蛤蜊、巨無霸草蝦、特選鮭魚片等等,每款食材新鮮之餘仲好肥美,絕對高質~此外,仲可以喺霜降牛、松阪豬、嫩羊肩當中3選1,夠晒豐富啊!火鍋套餐亦會跟附主食,想食豪少少可以升級雪蟹膏鮭魚卵拌飯𠻹。最後仲有飲品甜品,食完一定大~滿~足~套餐最低$155起,平日午市主餐$88起! 抵呀!


雪蟹膏鮭魚卵拌飯 (+$35升級)
本身套餐附送白飯,不過私心推薦大家升級!! 因為+$35就可以享受啖啖雪蟹膏撈飯嘅奢華滋味。配埋醬油鹹香嘅粒粒魚籽,呢個組合無得彈。

消暑解膩特飲 (火鍋附餐)
打邊爐點少得解膩飲品消消濟呢?套餐有多款台式飲品—冬瓜檸檬、阿里山烏龍冷泡茶、蜂蜜檸檬水等;亦可+$4升級奶茶、鳳梨冰茶㗎。

焦糖布蕾  (火鍋附餐)
火鍋套餐仲有甜品4選1,鍾意焦糖嘅話記住揀焦糖布蕾。焦糖脆面好脆卜卜,入面就有滑溜燉蛋,絕對係perfect match,為肚皮帶嚟滿滿嘅幸福感!! 

芒果奶酪 (火鍋附餐)
呢款芒果奶酪就清新啲,口感輕盈綿密,加埋甜而不膩嘅芒果好吸引。

【人氣單點】
日本A5和牛(單點價$400/120g; $470/200g)
食肉獸一定要試每日限量嘅日本A5和牛~和牛精心選自山形、宮崎以及北海道產地,肉質油潤細緻,口感柔軟而且肉味濃郁,啱晒牛魔王!

松阪豬肉 (單點價$170/120g; $210/200g)
相信鍾意食豬嘅朋友都知松阪豬肉幾咁稀有,每隻豬只有2片㗎咋!「築間幸福鍋物」更選用豐腴油花嘅豬頸肉位,肉色比起其他肉位白嫩,仲食得出嫩中帶脆同嚼勁,唔係一般嘅豬肉呢~

【多達12款湯底任君選擇】
「築間幸福鍋物」主打一人火鍋,揀湯底唔使再遷就朋友口味喇(笑)。呢度有多達13款新鮮靚湯選擇,經典、台式、韓式、滋補等統統都有,絕對揀到自己鍾意嘅湯底。

鎮店招牌石頭湯
必試品牌獨創嘅石頭火鍋湯底!! 創辦人專程去名店取經再不斷試煉,終於熬成呢款集合香、甜、辛、鮮風味嘅湯底。以麻油、洋蔥、蒜碎、魷魚乾、白芝麻爆炒,加上築間獨家原湯同埋昆布高湯,每一啖都係精華啊,唔怪之得係鎮店之寶啦。

鮮菇奶香湯
睇見奶白色湯底就知好濃郁~店家加入唔少鮮菇同牛乳炮製而成,將食材精髓完美濃縮喺湯頭內,奶香突出,配海鮮或者豚肉都好好食㗎。

爆炒龍蝦湯
火鍋湯底咁重本用龍蝦熬製?無錯啊!龍蝦爆炒逼出鮮味後再加入白蝦,海鮮味好濃好鮮甜。

松露燦金雞湯
鍾意松露香嘅朋友,可以試吓呢款用黑松露醬+白松露油熬成嘅雞湯,松露香氣撲鼻好吸引啊~湯料加入拌炒過嘅雞肉,湯頭更豐富。

築間幸福鍋物   
地址: 旺角砵蘭街240-244號文華商場1樓C號舖
電話: 35650737
* 資料由客戶提供