成日都話意大利人見到pizza上面有菠蘿就會嬲，咁究竟意大利地道pizza係點㗎呢？「M3 Italian」就由23年經驗大廚主理，堅持手製意大利傳統pizza同意粉，嗰種煙韌蛋香真係機製難以媲美㗎，今次意大利人應該唔會嬲喇(笑)。
主打手製意粉同pizza，意大利地道口味煙韌又有蛋香。
「M3 Italian」好有設計風格。
吊燈、油畫、梳化等都好有歐洲氣氛。
【貼地價+優惠】
坊間咁難食到手作意粉同pizza，因為備料、時間、手藝都繁複得多。不過「M3 Italian」一向想食客可以用大眾化價錢，一嚐意大利地道風味。
所以呢度價錢好貼地～而家逢星期一至四，二人餐更只需$498就可由頭盤食到pizza / 意粉；兼食埋扒類、甜品同飲品，由頭食到尾都只係$498！$498！$498！真係激抵呀～
優惠詳情！
- 夏日優惠套餐 逢星期一至四，二人餐只需$498
- 88折優惠 逢星期五至日，致電訂座並20:30後入座，即享88折 |
【意大利地道味】手製意粉
大廚每日新鮮手製意粉，口感彈牙、軟硬適中又掛汁。同時以日本蛋取代一般雞蛋，深黃蛋黃令意粉好有蛋香之餘，望落都比坊間意粉深色得多。
最人氣手製意粉係「龍蝦汁意大利粉」，龍蝦汁係自家用大量龍蝦殼炒香，再慢慢熬煮12小時逼出精華，勁香濃鮮美。
同場亦有素意粉—「番茄羅勒意粉」，配料簡單，反而好突出手製意粉蛋香同口感。
番茄羅勒意粉
傳統手製薄餅 原來咁煙韌！
平時食pizza個批底一係太厚、一係薄脆到好似餅乾咁，但原來意大利地道批底係煙煙韌韌㗎！呢度為咗做到同意大利食到嘅一樣，自家製麵團都係全手搓。
第一啖已經有驚喜，原來pizza配料唔一定要好豐富，煙韌批底加埋拉絲芝士已經好正，難怪好多人話傳統意大利pizza配料唔多。所以呢度最人氣pizza係「意大利傳統四式芝士手製薄餅」；想香啲可以揀「黑松露野菌芝士手製薄餅」；鍾意配料豐富啲嘅亦有「法國鵝肝芝士薄餅」、「帕爾瑪火腿芝士手製薄餅」等。
意大利傳統四式芝士手製薄餅
【法國街頭甜品】蛋白餅
蛋白餅鋪滿水果好精緻，但原來唔係度度都食到㗎，因為要做到外脆內軟真係好花時間工夫。每晚放工前就要將蛋白打至梳乎里般企身，再放入蛋糕模並低溫烤焗起碼12小時。第二朝再吹乾表面先做到外面脆卜卜、內裡軟綿綿㗎。
食嗰陣記住要先淋熱情果汁，再大大啖連埋水果、芒果雪糕、忌廉一齊食，咁先食到最完美嘅甜度。
法國街頭甜品—蛋白餅。
同場仲有多款手工甜品。
M3 Italian
地址: 大圍積富街33號積康樓地下E-G舖
電話: 26222881