今期推介一個高CP值+價錢合理+超班環境美食嘅好去處！
位於尖沙咀鬧市中心頂樓嘅“KABOOM”儼如尖沙咀空中花園。餐廳酒吧佔地兩層，室內天花鋪滿長竹枝，配上石磚牆身、戶外藤椅同木枱，再以懸掛藤燈點綴，好似置身海邊酒吧嘅純樸氣氛。
落地玻璃可以飽覽維港靚景～坐喺藤椅攬住厚咕𠱸好chill。無論係食Lunch、Happy Hour定晚飯同朋友飲酒食飯都一流嘅all-in-one casual dining好地方呀！
頂樓室外空間則放滿陽草傘、寬敞藤椅，配上芬蘭木材、藤料塑造滿滿外國氣氛，遠離繁囂。開揚環境更可欣賞維港海景，好啱閨蜜約會又或三五知己飲酒慢活。
估唔到戶外都咁涼爽好風，就算怕熱都唔使擔心。而落雨既話會KABOOM會裝上臨時露營帳篷，所以落雨都唔洗擔心! 同埋都好好vibe嫁!
嚟到望住維港靚景帶住輕快既音樂，梗係輕酌兩杯先啱氣氛啦。專業調酒師特意設計咗12款東南亞主提既cocktail；並由外籍主廚為2023年menu加入左多款全新小食及主菜。
【外籍主廚設計】東南亞風酒吧料理
呢度氣氛好啱飲酒傾計，所以有好多sharing佐酒小食，好似去咗cocktail party咁。
Tuna Cups | 吞拿魚杯
新鮮吞拿魚加上芝麻醬再用酥皮撻加強口感，每件撻都好爆餡料，一啖一件令人好想encore多兩三碟!
Kaboom Sharing Platter | 小食拼盤
呢度嘅小食拼盤好抵食岩哂送酒! 份量豐富足夠2-3人分享。有雞翼、雞尾酒蝦、串燒、毛豆，薯條同埋越南網紋春捲。
Crab Bao Bao | 軟殼蟹刈包
刈包夠厚身具口感，入面包滿一整隻酥炸軟殼蟹、醃黃瓜、菜絲等新鮮配料清新平衡口感，配埋辣椒蛋黃醬和墨西哥胡椒好開胃，閨蜜聚會必食。
Deep Sea Tacos | 深海墨西哥粟米捲餅
大家最愛既墨西哥粟米捲餅再配上雞尾酒蝦，而且餐廳比既份量十足，一口滿滿既大蝦放入口中, 令人超級滿足!
唔好以為“KABOOM” 只得小食出色，佢地既主食都好吸引㗎！
Go Big Go KABOOM! | KABOOM特式烤雞 (而且每日限量嫁!)
烤雞最重要keep到肉汁，而同時要表皮要做到香脆。而KABOOM佢地就做到依一點，真係好考廚師團隊既心機同時間。而且蔬菜都係輕烤再吸埋烤雞既肉汁，真心好味!
Spanish Octopus Leg & Squid Ink Spaghetti | 炭烤西班牙章魚腿配墨魚意粉
一般出面都唔多地方做炭烤西班牙章魚腿因為要做到入味同埋軟嫩一啲都唔易，需要好多時間同埋心機。今次大廚運用佢地既專業手法大花時間處理章魚腿再配上Aglio e Olio既墨魚意粉，出黎既效果相當好，具炭香味之餘又軟嫩再配埋香口既Aglio e Olio墨魚意粉真係一流!
Typhoon Shelter Style Crab Pasta | 避風塘軟殼蟹意粉
外籍大廚創作咗唔少fusion菜，軟殼蟹意粉就係其中之一喇。大廚將避風塘辣椒，撞上東南亞風味香茅、青檸等，惹味香口又幾清爽，飲酒一流呀。
Tom Yum Gong Risotto with Seafood Galore | 冬蔭功燴飯配海鮮
呢度嘅峇里度假風，就令人想食啲酸酸辣辣料理。呢道冬蔭功燴飯酸辣濃郁，加埋滿滿海鮮—大蝦、扇貝、軟殼蟹好鮮甜。飲啖熱湯，再食件清爽蓮藕片解吓辣幾正。
【Lunch Menu】依到既Lunch set 都好抵食, 岩哂係附近既上班族係午飯時間黎relax吓
Lunch Menu都幾豐富而且大約每一個月左右就會update一次嫁啦。Lunch set包括前菜或餐湯、主菜，另外可以追加甜品小食都得。而weekend有時下晝想約friend食嘢飲吓酒亦都為一個好選擇。
Slow-cooked Chicken Thigh | 慢燉雞腿
慢燉煮法將雞髀煮到好入味，就算咁厚肉都完全唔韌。配上微酸特製番茄汁勁佐飯，好快就食到清碟啦。
Pan Seared Sole Fillet | 香煎龍脷柳
下晝唔想做食肉獸，食吓魚都唔錯㗎。龍脷柳煎得金黃，魚肉都幾嫩滑，配埋峇里風嘅辣椒椰子醬拌飯好正。
【專業調酒師 | 即場調製你嘅專屬雞尾酒】
招牌Cocktail “KABOOM”
試想像喺空中花園星空下，微醺閒聊真係好浪漫。調酒師以獨特手法調製招牌雞尾酒“KABOOM”，係一杯以奶茶做主調嘅雞尾酒嚟㗎。
12款獨家Cocktail 以酒表達心情
同場特調12款主要以東南亞食材為主提既獨家雞尾酒都好IGable，全部亦都以心情為主題，想有野講又唔講唔出口？喺度以酒寄意啦～
"If Not Now, When?" 以班蘭為主調，入口好refreshing。
"Damn Pissed Off!" 罕有份子料理雞尾酒，再配熱情果同菠蘿汁。浴缸外型都好特別，「沖完涼」一定好心情啦！
"I Need To Keep Fit!" 依杯個味道獨特，以佛手柑、抹茶、牛油果奶油等混合而成既cocktail 真係要試一試！
"Tonight Is Gonna Be A Good Night!" 最後介紹就係希望大家都會有一個美好的夜晚，cocktail主要以Prosecco、接骨木花酒、 檸檬汁等清新口味，非常好入口, 相信所有女士都會鍾意!
KABOOM
地址: 尖沙咀北京道12A號太子集團中心20樓
電話: 37088114