酒吧都有180度光影效果。
「基地貳」酒吧可以飲嘢兼食埋泰國燒烤～係前酒店泰國人大廚主理，有泰國爆紅火山排骨，仲有打卡好靚嘅仙氣泰式生蝦、飛天炒麵。鍾意fusion就有龍蝦炒飯、冬陰功卡邦尼，加埋一系列泰國燒烤，完全可以食飯、飲嘢直落呀。
嚟食泰國嘢都好有氣氛。
經過「基地貳」門口會畀一系列天空動畫吸引，配埋藍白色環境好chill。2樓180度無邊際螢幕更夢幻，星球、天空動畫沿天花鏡面無限延伸，有種超現實浪漫。
男仕們都有打卡位!
光影效果原來嚟自一班90後老闆諗法：「我哋兄弟幫咁一齊搞呢間餐廳酒吧，梗係想自己都覺得個地方好玩啦。其實一早已經好想玩呢種螢幕效果，香港好少呢個主題嘅酒吧，好玩之餘又fancy啲、藝術啲。」
「基地貳」地下掛滿天空動畫。
訂座優惠！
只要經OpenRice訂座，即享全單88折 |
【泰國爆紅料理】火山排骨
火山排骨係近年爆紅料理，泰國當地一出即成為打卡菜！排骨用咗多種泰國香料慢煮至入味，啖啖肉又keep到好鬆軟。
【打卡必食】飛天炒麵
反地心吸力嘅飛天炒麵，一上枱已經好靚！食之前可以親自淋上醬汁，入口嗰陣啲麵仲係脆卜卜㗎，加埋魷魚一齊食又脆又彈牙。
【人氣泰Fusion】
冬陰功卡邦尼意粉
點諗到冬蔭功+卡邦尼意粉都得？多種泰國香料打碎後加入芝士、忌廉煮製，意粉creamy之餘後勁又湧出冬陰功香辣。
原隻龍蝦基地炒飯！
招牌基地炒飯有原隻波士頓龍蝦～泰籍大廚每日都會親揀海鮮，所以啲龍蝦都好大隻鮮甜㗎。炒飯乾身又粒粒分明，掛滿甜甜哋嘅醬幾開胃。
【泰式燒烤】泰式燒蠔
香港好少酒吧有正宗泰式燒烤，泰籍大廚特別引入燒烤爐做地道燒海鮮，生蠔、原隻魷魚、龍蝦等都係即叫即燒。燒生蠔都幾厚肉，咬開仲會爆出啲蠔汁。上面嘅青醬係生蝦醬嚟，微酸清爽同生蠔幾夾。
【人氣雞尾酒】
呢度嘅Cocktail好多選擇，想酸甜開胃啲可以試Sweet Baby，懸空酒杯好夢幻，係用桃、玫瑰Gin、蘋果汁、檸檬汁等調配，酸酸甜甜。Earl Grey Martini則茶味濃郁，有伯爵茶Gin、橙、檸檬等，後勁會湧出酒味幾有層次。
(左)Sweet Baby、(右)Earl Grey Martini。
唔飲酒都有Mocktail選擇，以芒果、薑汁汽水調嘅Base Cooler，香甜味道好啱初春氣氛；Summer Beach則有藍莓、羅勒、湯力水，淡淡莓果香草味幾清爽。
(左)Base Cooler、(右)Summer Beach
基地貳
地址: 尖沙咀赫德道17號海信大廈地下及1樓
電話: 37952445