呢度有多款阿根廷牛扒揀。
阿根廷牛扒咁經典，但香港嘅阿根廷扒房真係唔多，“La Parrilla Steakhouse”就係其中一間喇。呢度以深色木、磚牆營造出外國氣氛，特別係天花木條好似歐洲小屋。想靜靜地傾計可以book窗邊位，木框大窗眺望大館好舒服。
環境好似歐洲小屋。
窗邊位開揚有情調，好啱傾計。
猛火還原阿根廷牛扒！焦脆爆肉汁
大廚係用阿根廷傳統做法，利用扒爐猛火鎖住肉汁。牛扒外層焦脆有種BBQ炭燒感覺，切開肉質仲好粉嫩juicy。而且少見扒房配上6種醬汁，個人覺得一定要食啖原始肉味先慢慢試唔同醬，眨吓眼就清晒成件扒喇。
阿根廷傳統做法用猛火鎖住肉汁。
Flank Steak
平時好多人會揀肉眼扒，最近大廚就引入Flank Steak腹脅扒，無多餘脂肪、肉感強勁，牛味愈咬愈濃㗎。
Flank Steak肉味強勁，無多餘脂肪。
香烤牛骨髓 驚喜重牛味
好多牛控都鍾意重肉味，除咗頭先提到嘅Flank Steak，呢道香烤牛骨髓一定好有驚喜！大廚灑上蒜、香蔥焗至金黃色，一開頭以為食佢嘅惹味同滑溜溜口感，估唔到一入口就爆出牛味，一次過衝撃嗅覺、味蕾、口感。
牛骨髓唔只口感滑溜溜，仲會爆發牛味。
最近“La Parrilla Steakhouse”設計新menu，除咗繼續有阿根廷牛扒，仲引入多款海鮮～猛火扒爐燒海鮮固然吸引，同時仲有刺身級海膽㗎。
燒烤海鮮拼盤
估唔到海鮮份量咁多！2至3人share都好滿足。大廚會即日引入時令海鮮，所以每日款式都唔同㗎。今次我哋就食到超大隻Q彈嘅八爪魚腳，仲有帶子、大蝦、原條燒魚。海鮮有種淡淡炭香，沾上阿根廷青醬輕辛辣好惹味，飲酒一流。
燒海鮮拼盤好大份量，幾個人share都好滿足。
海膽意大利麵
作為海膽fans梗係試埋呢道意粉。加拿大海膽同魚子醬都係好足料，今次配上彈牙嘅墨汁意粉，無Ceviche咁重酸味，反而令海膽成為主角，海水味更突出。
意粉鋪滿海膽。
吞拿魚Ceviche
拉丁美洲有種獨特煮法—Ceviche。嚴格嚟講唔係煮，而係利用檸檬汁酸度「醃熟」魚肉，好keep到魚肉原始鮮嫩味道。傳統做法會加入洋蔥、辣椒比較惹味。
Ceviche係拉丁美洲有種獨特煮法。
慢煮雞胸芝士忌廉汁濶條麵Chicken Alfredo
慢煮雞胸肉，非常嫩滑，完全唔鞋口，白汁充滿巴馬臣芝士及橄欖油香氣，配上濶條麵，而每條麵條好彈牙, 當中既乳酪亦減低膩感。佢唔會落好多忌廉同芝士，令醬汁完全唔膩口
Burrata
將新鮮原種蕃茄加埋布拉塔芝士再混合羅勒醬, 開胃又健康, 望落去都想食, 蕃茄控不二之選.
Tasting of Empanadas
嚟到阿根廷扒房自然想食啲地道嘢啦，呢度前菜有當地常見嘅餡餅Empanadas。外形好似餃子咁，但外層就比較硬脆好有咬口，內裡則有滿滿餡料—阿根廷牛肉、烤雞，同埋最新推出菠菜菲達芝士。
Empanadas係阿根廷地道料理，有滿滿餡料。
烤蘑菇
阿根廷料理比較濃郁，想清爽吓可揀烤蘑菇，簡單煮法反而更突出菌香。
烤蘑菇簡單健康。
Churros
最後就有當地經典甜品Churros。即叫即炸，外層灑滿肉桂糖，又甜又香脆。
地道經典甜品Churros。
La Parrilla Steakhouse
地址: 中環雲咸街77號嘉兆商業大廈1樓
電話: 26378555