Blend & Grind

營業中

休息中

💛Blend & Grind (堅尼地城）地址：堅尼地城吉席街20號地下2號舖星期五happy Friday😌想同男朋友收工拍下拖😛搵間有氣氛嘅餐廳，於是就黎左堅尼地城呢邊～晚上好舒服😬餐廳氣氛好好，好適合傾偈談心。我地分別叫左一個威靈頓牛肉🍽️同埋卡邦尼意粉🍝佢個意粉有好香嘅芝士味🧀同埋egg yolk sauce，淨係香味都比足90分🏅濃郁嘅芝士味同埋creamy既egg yolk sauce令到個意粉有12000分咁正🪇😛🪇味道唔會太鹹，食完都唔會覺得好口乾。威靈頓牛扒更加正🤤酥皮入邊有好多蘑菇嘅香味😋牛肉唔會太生或者太熟，容易咀嚼，口感一流而且好Juicy。啲薯仔都焗得超好食,有少少芝士味👍豆角亦都好新鮮。食物既味道好👍氣氛同埋環境都好舒服👍夜晚收工嚟食晚，再去海邊吹下海風，或者搭電車夜遊港島都好適合～明明冇飲酒都覺得好陶醉🥰

好耐冇去西環搵食啦！最近嚟咗呢間位於堅尼地城 以休閒慢活為主題嘅cafe 除咗有濃厚嘅工業風 店內裝修仲配有大量植物 成個環境都俾人一種好舒服嘅感覺 放咗工後有朋友嚟呢一度邊食邊傾偈都係一個唔錯嘅選擇～•Ribeyes and mushroom burger $198 呢款漢堡包外脆內軟 中間仲夾咗一塊五成熟嘅眼扒、生菜、蕃茄、芝士同埋忌廉蘑菇！口感好豐富 食落嫩滑多汁～•Ultimate carbonara $138Pasta上面有塊煙肉薯餅做配菜 同個carbonara好夾但又唔會太搶fo～意粉唔會太腍身 份量2-3人share都可以•Dragon Back - Pale Ale $60•Mojito $60除咗食嘢 我哋仲嗌咗兩杯嘢飲 手工啤酒同cocktail音樂到清爽！咁啱我哋嗰日趕得切happy hour 價 所以仲平左添～📍 Blend & Grind (西環)西環堅尼地城吉席街20號地下2號舖