Truffle bikini

朋友話想食西班牙菜，就㨂咗同港鐵站近近地的ROJO. 最鐘意呢間餐廳融入亞洲元素的Fusion Tapas, 一定唔怕唔啱口味。朋友又話食Tapas一定要叫野飲先至啱數，咁先係叫食西班牙菜，咁先夠正宗。所以今餐有得飲有得食。Sangria ($70) - 西班牙著名的水果酒，有紅寶石的色澤，水果香甜，容易入口，連我不會喝酒的也能接受。有酒飲同時，我地叫咗三款tapas 一齊食。最後，食埋個西班牙海鮮飯做結尾，好滿足咁離開餐廳。Tomato Anvhovies Toast 蕃茄銀魚柳多士 ($88) - 銀魚柳係醃製過嘅，個鹹鮮味好出，配上好清新的番茄同脆脆多士，竟然會越食越開胃，呢個做前菜好適合。Truffle Bikini 黑松露芝士風乾火腿比堅尼 ($98) - 個菜一上台就聞到好香的黑松露味，個黑松露有一定的分量，果然食落個黑松露味好香濃。個多士烘得好脆，食過先知黑松露同風乾火腿係好夾，仲要加埋芝士，個配搭係完美。Apollo Chorizo 西班牙蛋、薯仔、臘肉腸($78) - 呢個有驚喜，大愛❤️雖然得薯仔蛋同臘肉腸，睇落好似好簡單，但個薯仔真係好出色，除咗個調味會令我一口接一口，好惹味但唔喊，每粒薯仔都係外面脆卜卜入面好軟熟。而個太陽蛋個蛋黃仲係流心，配埋臘肉腸，提升咗口感的層次同味道。Seafood Paella 西班牙海鮮飯、雜海鮮、豬腩肉 ($228) - 呢個海鮮飯好鮮味，烹調的時候相信吸收咗湯汁同海鮮的精華，加上豬腩肉帶上少少鹹香，個配搭好夾。個飯鋪滿不同的海鮮（有蝦、魷魚、蜆同青口），而個飯的質感係啱啱好，粒粒分明又唔會硬，唔會過濕。雖然個餐牌話製作需時30分鐘，但食下小食飲下酒，不知不覺個西班牙海鮮飯就準備好，計返唔會等好耐。另外，好鐘意餐廳的服務，職員會好細心提點西班牙海鮮飯的鑊仔好熱要小心，又會好主動同好快留意到我地的需要❤️…查看更多

尋找新獵物,openrice食評中，此間得到多人氣讚，經網上訂枱有特惠，一杯酒加當日tapa$88,但當日炸芝士，無興趣，所以無享用。打算點吞拿魚火箭菜沙律及 炭燒沙甸魚,餐牌無，看回食評，原來已是多年前。見到JWblack label，好似蟻見到蜜糖，但無貨，多人叫，被介绍ballantine 12year$42, 橡木甜味，較jack dannies好。48個月巴馬火腿$138，不太肥，比太陽由西班牙帶回來的比較，即深红接近豬肝色，油份足那種，就不夠甘香，但可食得過。Truffle bikini$98，多士夾松露醬，巴馬火腿,好香脆，松露醬夠濃，是多士薄些。海鮮西班牙飯$228， 飯薄到到底層，即飯少， 米直乜錢，加多的氹阿婆，飯硬焦，蝦鮮，墨魚鮮，青口咸些，海鮮賣相宿水，但價錢較Ole便宜, 所以貨式如此。西班牙燒乳豬4件$268，不大件，皮脆嫩，未及冰塊脆，始終香、味、嫩不及雲咸街葡國餐廳。蛋餅$82，西班牙火腿粒，因體積少，深度淺，芝士蛋黃汁流出，香，無薯仔感，跟舊相差的。…查看更多

都話假期最容易約啲少見面的朋友聚聚, 今晚不只一個添, 還約多幾個, 的確很耐沒有見面, 相信今晚大家都會 “雞啄唔斷”。去邊好?  有朋友建議去一間岩一班朋友餐聚的西班牙餐廳, 話環境好有feel, 啲菜式仲好岩開心share, 聽落唔錯, 一於齊齊go go go。餐廳以黑色為主調, 配上一大個紅色的光管店名招牌, 離遠也看到它, 非常搶眼, 又夠型格。走進內裏, 現面非常熱鬧, 有邊吃邊傾、有把酒談心, 遍佈歡笑聲, 果然好好氣氛。右邊設有一個大型的酒吧枱, 左邊設有多張二至六人枱, 再走入一點, 還有一排舒適的長沙發座和數張大枱, 地方都幾闊落。每枱都點上小蠟燭, 燈光柔和, 加埋播放着勁歌, 的確很有feel。******************************枱上已放了好餐牌, 食物和飲品各一份, 既然是朋友建議前來, 每晚就由他發辦, 我們都不傷腦筋, 只想想飲什麼吧! 既然放假, 不愁明天要開工, 加上這裏又咁有feel, 當然要點一杯酒類飲品盡興一下, 美酒伴佳餚最適合不過。餐廳有多款酒類供應, 一向較少喝酒的我, 當然揀酒量較輕的cocktail。選了一杯Rojo Rum Punch ($68), 以一個雞尾酒杯盛載, 杯邊插了一支車厘子 和鮮菠蘿串, 既高貴又帶點夏日氣色。呈粉紅色, 成品有Malibu、Orange Juice、Pineapple Juice、Cranberry Juice和Banana Liqueur, 入口甜甜地, 帶有酒的香甜, 酒度較輕, 挺易入口, 岩我!******************************先來一款湯, Seafood Chowder ($68)熱辣辣上枱，散發着陣陣鮮香。湯身呈鮮橙色，稀稠度適中，口感細滑，味道不會太鹹，鹹鮮有致。數數看，由多種海鮮炮製而成，有蜆、青口、魷魚 等，難怪鮮味十足，還配上薯仔、洋蔥、青紅椒 等蔬菜，用料豐富之餘，吃起來亦清新一點，很討我歡喜。 ******************************接着是兩款西班牙小食, 友人真知我口味, 兩款都是我喜愛的Tapas。Truffle Bikini ($78) 名字很有趣特別，但其實是一款三文治。以烤得金黃的麵包夾着肉嫩的薄西班牙火腿、半溶的鹹香芝士 和塗上幽香的黑松露醬。咬一口，微脆的薄多士跟饀料配搭合宜，味道美味，若然多一點黑松露就更理想， 再來一件就好啦！另一款Tortilla ($68）是西班牙一款經典的菜式，必吃！金黃的西班牙奄列插上幾片西班牙火腿，賣相挺特別。把其分件，看到片片的薯肉重疊重，並不鬆散。薯肉 粉綿兼滿載薯香，帶些蛋香，還嚐到一些香辣，再跟鹹香的西班牙火腿 同吃，配起來挺美味。******************************主菜出場, 友人真好, 揀了一道Spanish Grilled Fish ($298), 難道今晚是為我而設? 諗多咗……其實大家口味相同, 一起共享最開心。以一個又重又厚的鐵pan盛載, 保溫力高, 熱度十足, 小心啊! 除了原條大烤魚外, 還有一大碟配菜, 足足夠4-6人共享, 岩晒我們。原條盲鰽魚 體積不少, 半浸在酸咪咪的醬料中, 醬料以洋蔥、青椒、紅椒、蕃茄、橄欖 等多款蔬菜炮製而成, 用料豐富。趁熱馬上嚐魚, 把其分開, 魚香隨熱煙四散, 相當誘人, 不禁垂涎。魚腩 是我最愛, 肉質相當嫩滑肥美, 帶有油潤的魚脂, 而魚皮 亦滑嘟嘟, 正! 而背部的魚肉亦很鮮嫩, 烤弄的時間掌握得剛好, 吃時伴上酸咪咪的醬料, 配搭美味, 越食越開胃, 越食越滋味, 停不了口。配菜亦很豐富, 有炸得金黃的薯角, 外微脆內粉綿; 有清甜的車厘茄 和小甘荀; 有爽口的BB棷菜, 淨食和伴上魚中的醬料同樣令人吃得津津有味, 非常喜歡。------------------------------前晚就跟一位朋友在一間寧靜的小店過了一個舒適夜, 今晚就和一班朋友在一間熱鬧的餐廳過了一個歡聚夜, 你話放期有多好, 晚晚精彩, 不知今晚、後晚和大後晚又會渡過一個什麼夜, 好好享受我的假期吧!…查看更多

Truffle bikini 黑松露醬,芝士,風乾火腿,多士$78Highly recommended by the waitress. And luckily it did not disappoint us, (else I need to use the word "hard-sell" instead). The welcoming truffle scent crossed the table being so appealing!Octopus tartare 八爪魚,牛油果 $88Saw this was recommended by other reviews. The seasoning mediocre with some black pepper. There were also diced tomato on the sides, which would be better if it had refreshing seasoning.Bun fun (Pork Belly) 豬腩肉,火箭菜, 熱包$88A fun dish. You wrap your bun with grilled pork belly and the sauce. It is like eating Peking duck . The pork was tender and tasted dense. Would be even better if they were served in crispy skin.We also had some drinks but I couldnt recall the details because my friend ordered it and I'm not a drinking person : PAnyway, the place was nice, with good food and environment for some drinks and chats.…查看更多

趁著週末，筆者相約了三五知己共渡休閒時光，一同前往位於天后木星街的一間西班牙菜館。走到街口已經被醒目耀眼的紅色招牌吸引。從招牌特別的字體中可以看出此餐館尋求脫俗，與眾不同。就坐後，侍應生向我們推廣特別優惠。只要Follow ROJO的Facebook及Instagram，即可獲送一杯Sparkling Wine。侍應生亦介紹了幾款佐酒的Tapas，態度誠懇親切，實屬難得！我們點了三款Tapas、兩款主菜及一款甜點。第一道Tapas，蒜片蝦 (Garlic Prawns)。由於被其精緻的外表吸引，筆者也暫時忘記禮儀，一口氣把整件蒜片蝦送進口裏。蒜片、多士香而脆，中間夾著的蝦新鮮爽口，兩種口感在口中爆發出煥然一新的感覺，乃屬上品。第二道Tapas，炭燒沙丁魚 (Grilled Sardines)。同樣是採用了三層設計，第一層是新鮮蕃茄碎，剛好中和肥美的沙丁魚。咬一口沙丁魚，呷一小口蕃茄，又會想再咬一口沙丁魚，形成了一個連鎖效應，令人回味無窮！第三道Tapas，松露比基尼 (Truffle Bikini)。菜名的由來貌似是因為形狀像比基尼的下著，這命名實在繪影繪聲。這菜品是由兩片烤得香脆軟熟的多士，夾著芝士及風腿而成的。溶化的芝士散發出淡淡奶香，配合充滿咸香的風腿，簡直是絕配。而且每一口都充滿松露的香味，將味道提升至另一層次。第一道主菜，蒜片雞 (Garlic Chicken)。同樣是蒜片，這道蒜片雞跟方才的蒜片蝦的走向完全不一樣。滿滿地撒在雞肉上的蒜片去除了雞肉的油膩感，並以淡淡的苦味襯托出雞肉獨有的味道。雞肉烤得嫩滑，連雞胸肉也沒有一絲粗糙。如此表現，令人不禁豎起姆指。第二道主食，西班牙墨汁海鮮飯 (Seafood Paella Squid ink)。西班牙海鮮飯在西班牙菜中確是耳熟能詳，但配以墨汁飯還是頭一次聽。就賣相來看就已經有九十分了。蝦及蜆並沒有煮過頭，保留了應有之鮮甜及爽口。墨汁飯香而鮮，與海鮮的配合天衣無縫。筆者沒有吃青口，但有吃到的友人也讚不絕口。最後的甜品，朱古力心太軟 (Chocolate Lava Cake)。外層焗得脆，裏面卻充滿流心朱古力的心太軟蛋糕想必是不少人的最愛。這裏的心太軟的獨特之處是其朱古力的甜度適中，不會吃膩。喜歡的話亦可以草莓沾著流心朱古力吃，體驗另一種風味。總的來說，ROJO這菜館給人一種前衛、追求突破的感覺。不僅店舖氣氛柔和，店員服務態度亦無可挑剔，他們會主動幫忙換碟，令食客在品嚐每一道菜品時味道不會受影響。筆者誠意推薦ROJO給各位！…查看更多

西班牙菜晌香港唔算好大熱，但保持住一定人氣，始終，西班牙菜本身都頗有特色，尤其佢哋嘅西班牙小食（Tapas），可以講喺好多人認識西班牙菜嘅入門。最近晌雜誌睇到西班牙餐廳Rojo新推出個龍蝦西班牙海鮮飯非常吸引，今晚就同幾個月無見嘅朋友嚟到天后會一會佢。曾經嚟過一次都未知店名點讀，所以今次專登問問店員，原來喺西班牙文，有紅色之意，所以門面店名以紅色為記，發音有啲難，但跟「鑊撈」好似音，哈哈。踏入餐廳，右邊喺吧位，左邊喺用餐區，再入啲原來仲有一直排位，但見好多客就免太打擾走入去影相。貫徹門面，入到店內都同樣咁型格，以黑白灰為主色調，裝修簡約，卻帶點粗獷味，尤其吧位下嘅牆身，凹凸石牆，更顯出原始味道。餐牌以小型報告板形式夾住啲菜單，其實分為幾組，第一組喺「歡樂時光」，多款酒精類飲品賣$38/$40，但只限星期一至四，5:30－7:30pm，比一般酒吧嘅歡樂時光稍短。第二組五顏六色嘅喺飲品餐牌，分別包括紅白酒、西班牙生果酒、烈酒、啤酒、雞尾酒……等等。唔飲得酒嘅都無問題喎，有啲無酒精嘅雞尾酒，以及汽水、果汁、啡茶……等等。至於第三組餐牌，就一定喺講食架啦，第一版喺廚師推介，有西班牙小食，有新出嘅大盤；第二牌喺一共有成20款西班牙小食；最後一版就仲有湯、主菜、甜品……等等。整體嚟講，無論飲定食，都不愁選擇。Apple Martini $68本來都無打算飲雞尾酒，但經店長推介，而佢哋嘅雞尾酒為迎合少少華人，晌酒嘅份量有所調查，所以，依一杯佢推介嘅Apple Martini（Vodka、Apple Liquer、Lime Juice）真喺好易入口，有點青蘋果味，帶微微酸，插上幾片青蘋果片，感覺都清爽啲。Cosmopolitan $68朋友喺小紅莓粉絲，佢真喺眼利，一眼就睇Cosmopolitan（Vodka、Triple sec、Lime Juice、Cranberry Juice）依一款雞尾酒，色帶淡紅，小弟就無試，但友人話唔錯，酸咪咪，好有莓香。Strawberry Daiquiri $68最無諗過嘅賣相就喺依一杯Strawberry Daiquiri（White Rum、Lime Juice、Strawberry），因為似沙冰多過一杯雞尾酒，都喺怪自己見識少，加埋粒士多啤梨玫瑰花，真喺賣相搶晒分。友人講到杯雞尾酒，入口較冰涼透心，酒精度唔高，充滿士多啤梨香味，好啱女生飲。既然嚟到西班牙餐廳，西班牙式小食點都喺主打菜，此外，西班牙海鮮飯亦喺唔少得嘅心水選擇，更上佢哋有個龍蝦版，就更加吸引。Truffle Bikini $78之前曾經晌一間西班牙小店遇過依一款菜式，因為個名夠特別，所以印象猶深。何謂「比堅利」？其實喺西班牙一種小巧嘅三文治，借題發揮叫做「比堅利」。以黑松露醬、芝士、風乾火腿配上薄身少少嘅麥多士，輕壓烤烘，要趁熱食，否則多士面就變得唔脆，入口的確有時焦脆感，鹹香惹味，黑松露香氣突出，做得好食。Octopus Tartare $88底層喺薯仔粒，中層厚厚嘅一層牛油果蓉，而面層喺薄切嘅八爪魚，做成塔型，再伴一點蕃茄莎莎，賣相份外搶眼悅目。八爪魚醃得油潤，煙韌爽口，夾埋牛油果蓉同薯仔粒食，令口感富層次。Bun Fun (Pork Belly) $88另一道要快快手食嘅喺依一道「繽紛」，皆因以蒸包嚟配豬腩肉，一攤涼個包身軟熟度就肯定大打折扣啦。豬腩肉醃得入味，煎得焦香，歡迎輕盈少少可以夾啲翡翠苗，否則好似小弟咁，齋夾腩肉，再塗啲墨西哥醬（以為沙嗲醬之類，後尾問番原來喺一種叫墨西哥醬嘅醬料），較濃香惹味，腩肉厚薄啱啱好，入口又唔覺好肥，意外地咁正喎。Garlic Prawns $68蒜片蝦印象中喺西班牙小食經常出現嘅菜式，一客5件，而依度做法更加咗一小片脆口嘅百吉包墊底。蝦隻既大，又爽口，蒜香味不俗。咪以為食完啲蝦就算，其實，啲炸蒜片一樣可以當零食咁食埋唔好嘥。Lobster Paella $438千呼萬喚始出來，今晚嘅主角「龍蝦西班牙海鮮飯」卒之震撼登場，本身個飯已經有唔少海鮮料，八爪魚、藍青口、蜆、紅鯛魚，加埋原隻波士頓龍蝦，所以，點可以唔話佢霸氣吖！飯粒入口軟綿，充滿海鮮味，浮誇啲講真喺啖啖海鮮精華，海鮮料亦鮮甜，龍蝦非常爽口；因為份量頗大，適合3-4人共享。Churros $68去到甜品時段，老套啲都要再試佢哋嘅「西班牙油炸鬼」依款西班牙經典甜點。雖有少少裝飾，但賣相唔算花巧，油條炸得金黃而唔油，外脆內軟，沾上朱古力漿份外美味。Daily Dessert $68本來仲打算叫一客朱古力心太軟試試，但遇着專做甜點個焗爐話壞機，所以，另試試每日甜品，是日喺檸檬芝士餅，一客有兩小件。芝士味唔喺好強，但檸檬味非常清新濃香，餅底亦做得薄薄，算有水準。今晚，老友都好滿意餐飯，覺得無論小食定大盤，都極具水準正所謂少食多滋味，多食亦未必壞肚皮。知道友人遲啲到九州自駕遊，順祝佢一路順風，平平安安，拋開工作煩惱，玩得開心暢快！…查看更多

天后炮台山一帶出名多食肆，而且以小店為主，每週帶細周生到天后上興趣班，都會留意附近有沒有新餐廳開業。ROJO 是最近發現的新餐廳，主要提供一眾西班牙美食。ROJO 是一間酒吧餐廳，紅色發光招牌甚搶眼，整體感覺亦予人時尚感。 餐廳內部裝潢簡約，正前方是一個發光酒架裝飾，右邊是一張長長的吧枱。說起西班牙的菜，大家最易想起一眾特色小碟 (Tapas)，而麵包及薯仔均是常見於西班牙小碟的食材。無獨有偶，以下四小碟皆可見這兩款食材的蹤影。Truffle Bikini 以 Bikini 定名，相信與其三角造型不無關係。菜式除芬芳黑松露外，更有鹹香火腿及濃郁芝士作餡，外脆內軟又帶微微煙韌口感，十分好吃。Tortilla 是傳統西班牙食品，蛋餅以大量薯仔及少量火腿作夾層，口感富層次，薯香充實。吃時記緊要蘸點伴上的蛋黃醬，酸中帶辣相當惹味，更有效減卻蛋餅的膩感。Pulpo Potato 亦是以薯仔作主要食材的菜式，與八爪魚粒分庭抗禮。筆者喜愛搶味的蔥蒜醬汁，但對口感略實的八爪魚粒則不太欣賞。Garlic Prawns 是名乎其實的蝦多士，鮮蝦肉實味出，襯上筆者至愛的金蒜片更令人愛不釋手。加上蒜片及多士雙映成「脆」，是吸引的佐酒小吃。西班牙是沿海國家，海產豐富，Seafood Paella 是盡顯海鮮質量的上佳舞台。這鍋海鮮飯，出品熱辣，香氣四溢，海鮮種類繁多，包括有鮮魚、海蝦、墨魚、青口及海蜆。就海鮮質素而言，用料新鮮，但談不上肥美，云云海鮮中筆者較欣賞墨魚圈。至於飯底，製作比預期濕身了少許，可再稍稍煮久一點收乾多餘水份。作為一間酒吧餐廳，美酒佳餚均不可少。依照店員推介，淺嚐了兩杯特色雞尾酒。Apple Martini 是口味輕盈的選擇，蘋果果香泛甜，容易入口。Whisky Sour 賣相與 Apple Martini 相近，不過酒基以 Scotch Whisky 取代了 Vodka，酒感更濃。因飲品當中引入適量的檸檬汁，在札實的威士忌味道中仍留有少許清新的酸感，對於不太嗜烈酒的朋友來說，是十分重要的呼吸空間。一行二人到訪吃了四小碟一大盤，飽感十足，加上人均消費合理，不失為放工聚餐或純粹品酒閒聊的好地方。…查看更多