am.pm (譽發廣場)

營業中

休息中

Souffle pancake $28好食指數: 6.8/10終於喺香港試咗日式pancake呢間野 雖然冇椅坐老老實實企係到食都幾麻煩不過見價錢都幾平一試無妨 叫咗原味Pancake都幾重空氣感 新鮮熱辣出爐但蛋味欠奉 食落感覺係甜甜地重空氣感既Pancake而且可以同隔離啲忌廉食 增加甜味如果覺得唔夠甜 仲可以加＄12牛奶雪糕＄28黎講 都算收貨既其實我覺得呢鼓熱潮遲早有一日會過所以店家都好聰明 有做雞蛋仔 格仔餅 雪糕不過我覺得可以再做好d 不竟拎住廿八蚊係油麻地掃街 都有好多選擇你叫d男朋友陪女朋友食廿八蚊既空氣實在有點卻步

Souffle pancake成為大熱，賣相好治癒而且軟腍腍，幸福感滿滿的。報導過此小店的裝修是按美國的黃色校巴而做，作為地鋪理應很搶眼，可惜它位於旺角及油麻地交界小巷轉角，如非有意去試，一般路人不易察覺得到。當天也見人流不少，熱鬧地圍著黃巴士。可是他並不是室內店，只提供約20張摺凳供食客。大熱天時只想快快食完就走，而已冇枱/吧檯可以放低食物，有見某些食客拎住一客甜品又要騰出隻手用餐具，已經冇第三隻手去照顧手機/相機食先。甚至貪心少少見到拎住份梳乎厘pancake又點多杯雪糕，冇手拎之餘杯雪糕都溶到落手…點左份雞蛋仔（冇加雪糕，因為怕發生以上情況），雞蛋仔好一般，夠熱，但一Ｄ都唔脆。主角當然係一客兩舊嘅Souffle pancake，好軟好香奶油味，底部有蜜糖，加上勁重牛奶味嘅雪糕，招牌甜品無誤。下次有機會再試試其他甜品款～

平價Souffle pancake宜家簡直係風靡全港呀，之前我就試過I Love You既，今次就試埋黃巴士am.pm既作品，價錢其實一樣，只不過地理位置完全唔同，am.pm出面有個大空地，唔落雨既時候，起度等野食同食野簡直一流。味道方面，其實同I Love You一樣咁好味，連口感什麼的都好似，中間空氣感好利害，半熟既感覺其實好好味。不呢種pancake同日本既厚pancake完全唔同食法，所以唔好作出無謂既比較。另外呢，因為我見要等成半個鐘，所以就去左買野飲喇，返到黎雖然過曬籌，但佢都即時俾個新鮮熱辣辣既我 呢啲服務邊度搵？