Smokey Baby Back Ribs (Half)

以下價錢須+1******************************🥢Classic Nachos with Vanilla Milkshake $94🥢Waffle with Mint chocolate Milkshake $94呢個Snacks cup係飲品上面套住1兜小食上次黎見到menu已經覺得好吸引可惜嗰次食dinner食完已經冇時間買黎邊行邊chill下今次食完lunch 唔理三七廿十一即嗌🤣拎住呢兩杯出去散步唔係講笑回頭率真係100%😎而且唔好以為係gimmick嘢就睇得唔食得小食同milkshake都超正🥹Nachos好濃味 啱哂重口味人士窩夫外脆內鬆軟Milkshake質感超驚喜 唔會太杰撻撻香奶味得黎好解渴✨不枉費我地每杯加$36轉飲品做奶昔🥳以後去西貢就算唔dine inside都會encore snacks cup🤤***講返lunch😂👇🏻👇🏻👇🏻🥢Beef Brisket Taco $138餡料好豐富有牛肉 腰豆 燈籠椒 蕃茄仔 各種菜配上青檸汁&蜜糖是拉差醬酸酸甜甜清新開胃🤤餡料滿到拎起就瀉為左唔跌到周圍都係 只好唔顧儀態一啖吞🤭***🥢Smokey Baby Back Ribs (Half) $229呢度嘅半份同出面西餐廳嘅份量差唔多🥳豬仔骨嘅肉好嫩滑一切即分離嘅淋大量薯條好滿足本身想另外點薯條 好彩冇咋😂跟餐嘅薯條已經好夠食了🤭***🥢Le Foie Gras Burger $188呢個係鵝肝牛肉漢堡認真不得了鵝肝大大塊 油脂感滿滿安格斯牛肉好juicy 一咬啲肉汁叭叭聲流出黎🤤配上無花果醬中和油膩感100分配搭！…查看更多

餐廳位於WM Hotel入面，裝修走簡約大自然清新木系風格，有落地大玻璃可以享受到自然光，而且擁高樓底間隔，用餐時望著餐廳外綠色樹木風景，非常悠閑寫意。餐廳內還有玩樂設施，例如室內哥爾夫球模擬空間、任天堂Switch、美式桌球枱、桌上足球機、及電玩遊戲機台等，食客可以盡情玩樂一番；仲有電視播住世界各地的體育賽事😊Salami Picante Pizza $178意大利辣肉腸 | mozzarella芝士意大利辣肉腸同mozzarella芝士鋪滿手工餅底上，撒上奧勒岡香草作點綴，薄批餅皮既香脆又鬆軟，芝士有拉絲感而且味道濃郁亦帶微鹹，加埋辣味突出又帶點油膩的辣肉腸，味道層次分明，一次過享受滿足嘅口感。Smokey Baby Back Ribs (Half) $218煙燻豬仔骨 | 燒烤醬 | 薯條 | 沙律菜豬仔骨嘅準備功夫都唔少，需要醃過夜的👍豬仔骨肉質腍身並帶有微微煙燻感，醬汁好入味，蘸埋燒烤醬同食，微辣微甜。而配菜有薯條、沙律菜同酸瓜，薯條炸至金黃色，口感外脆內軟；沙律菜用左黑醋調味，味道酸酸甜甜，剛好平衡滯膩感。Tiramisu Pancake $135厚班戟 | 提拉米蘇醬 | 燕麥松子仁 | Espresso糖漿富空氣感的梳乎厘pancake即叫即製的，上枱時仍是震騰騰，面層鋪左燕麥松子仁，跟住慢慢倒下Espresso糖漿😍Pancake厚身鬆軟而帶濕潤，質地柔軟綿滑，蛋香味濃郁，配以提拉米蘇醬、燕麥松子仁及Espresso糖漿一齊食，都唔會好甜❤️加埋新鮮生果，味道更豐富。…查看更多

西貢有「香港後花園」之稱，四周盡是海灘、湛藍海水與風景如畫的遊艇碼頭，趁著假期沿著西貢公眾碼頭走到WM酒店暢遊慢活。踏入十二月聖誕節，酒店增添了不少佈置裝飾，感受濃濃節日氛圍。酒店整體採用簡約自然設計風格，海天一色瀰漫著寫意的度假氛圍，成為港人staycation新熱點。M Square位於酒店地下低層，面積廣闊，空間開揚，極高樓底充滿空間感。裝修走清新木系風格，玻璃窗引進午間柔和的陽光，帶來溫暖樸實的氛圍。還有大電視現場直播世界盃賽事，氣氛更熱鬧。餐廳內還有大量玩樂設施，例如桌球枱、足球機、波子機和室內哥爾夫球模擬空間等，有得玩又有得食，集餐廳、酒吧及娛樂於一身。餐牌選擇繁多，有小食、沙律、全日早餐、主菜、薄餅、意粉、意大利飯及甜品等。Salami Picante $178pizza 大大個，份量十足，即點即焗熱烘烘出爐，邊緣烤得很焦脆，餅芯卻帶着柔韌。批邊微微隆起，不像美式般厚實，澎湃的mozzarella芝士可以造出拉絲效果，芝香濃郁。餅底的厚度是簡乎超薄和厚批之間，麵糰吃起來富有淡淡的麵粉香氣，配上意大利辣肉腸微辣惹味。Smokey Baby Back Ribs $218煙燻豬仔骨燒得帶有焦香，沾上酸甜的燒烤醬，令人胃口大開。咬一口肉輕易便離骨，肉質鬆軟不會過韌，脂肪不多，所以吃完也沒有肥膩的感覺。厚切薯條炸得金黃酥脆，肉心軟綿細密。Matcha Custard Pancake $145日式梳乎厘Pancake即叫即製，一上枱時仍是震騰騰，賣相精緻誘人，不論是視覺還是味覺，都是一流享受。抹茶與紅豆向來都是絕配，大粒甘甜的紅豆與茶色翠綠鮮麗的抹茶吉士醬，隱約滲出微微的苦澀回甘，搭配質感QQ軟糯的抹茶蕨餅和色彩繽紛的新鮮水果。班戟一入口滿是空氣感的厚身鬆軟而帶濕潤，入口即化，帶來幸福甜蜜的治癒感。…查看更多