Signature Double Cheese Burger

Burger Joys🛡️@burgerjoys講起漢堡包，真係唔少人嘅「快樂源泉」。作為全球50間最佳漢堡入面唯一一間香港代表，呢間舖真係有啲料到🌍CV已經大癲🤡 以100萬買個「美國第一」漢堡食譜，講緊幾份首期大佬！走 smash burger 路線，壓扁煎香果種美式街頭漢堡🇺🇸邊個話漢堡一定用牛肉渣。紅酒牛油煎嘅 SDA 頂級牛肩肉🍷 肉香又保留肉汁。麵包更係用米芝蓮主廚專屬配方嘅法國牛油 Brioche bun，牛油香超重🧈Signature Double Cheese Burger🍔賣相飽滿，一口咬落，啲肉汁同芝士交融🧀 真係食到成手流晒汁咁誇張💦甜薯條🍠Cookies & Cream 奶昔🥤
我話嘅！奶昔一定要有雪糕加夠厚身🍨 奶味濃，雖然唔算好凍，但就係冇點落冰，飲落滑到不得了🧊 仲未夠邪惡，上面仲鋪滿忌廉、Oreo 餅同碎🍪香脆檸檬胡椒雞翼🍗
雞皮香脆嘅乾身雞翼，灑上檸檬胡椒鹽後酸香又開胃🍋 雞翼款式都幾多。Ice Cream Coke Float 黑牛特飲🍦
Vanilla雪糕同可樂分開上，親手倒入可樂瞬間爆泡，交錯嘅甜香🗯️
Burger Joys 難怪會上榜，無論漢堡、雞翼定奶昔都見到誠意，快樂滋味就係咁簡單🙂‍↕️ 淨食漢堡CP 值幾高，套餐同飲品價錢就唔算平…查看更多

情人節又遇著年初三有假放，要諗埋午餐去同女朋友食咩。記得有同事介紹過呢間漢堡包店係香港數一數二好食，於是決定同女朋友嚟食返個情人節午餐。我地叫咗兩個餐，我就梗係叫個招牌菜signature double cheese burger；女朋友就要mushroom cheese burger，兩個包都份量十足。我嗰個包嘅配料洋蔥同番茄都新鮮多汁爽脆，而牛肉都好多肉汁，反而我自己覺得可以唔使好多芝士，但當然鍾意芝士嘅朋友們可以更加enjoy啦！個蘑菇包嘅蘑菇都好似個漢堡扒咁整成一個餅狀，但食落就完全唔膩。跟餐雖然有跟薯條同飲品，但既然情人節慶祝梗要side back多份兩份小食：蒜香雞翼同埋美式炸雞。雞翼嘅辣醬有啲甜甜地，應該係泰式辣醬，個皮都炸得幾香。個炸雞係有啲似嗰啲雞寶/雞粒，有車打芝士醬點，都幾惹味。講返佢跟餐嘅薯條，我地其中一份叫咗黑松露薯條，一份原味。黑松露嘅醬份量好夠，可以話係重口味嘅黑松露。食完飲煎炸嘢，飲返啖汽水真係好正架。但係齋飲汽水係唔能夠滿足貪婪嘅我。加返個雪糕做黑牛就差唔多。呢度嘅黑牛雖然唔係用我鍾意嘅朱古力雪糕而係用雲呢拿，但佢又係份量好多，而且佢係落咗雪糕先畀汽水你加，變咗雪糕嘅奶香同雲呢那香都好佔好重味，即係變咗以前好興嘅雲呢那味可樂。我自己雖然偏愛可樂味重啲，但試下呢個都幾特別。而女朋友嗰杯係曲奇奶昔（其實係oreo），都好香滑，愛甜一族可以試下。…查看更多

依間野真係bookmark佐超耐，今日終於的起心肝去試🙆🏼‍♀️ 估唔到九點度到都依然要等～ 除佐招牌🍔之後仲有小食提供👅平時仲有得睇波🍻.Signature double cheese burger $139超級勁厚好足料！！無咁大個口都咬唔到🙈 包身好鬆軟，個漢堡扒勁juicy仲要有埋芝士真係超邪惡🤤一咬口感勁豐富，配料同漢堡扒爭住衝出黎🤭 蕃茄酸瓜洋蔥令個包更惹味同開胃🥰.+$41 combo 有半杯啤酒🍻/汽水🥤+薯條🍟我地選擇佐啤一啤佢😛爽！！仲加佐$11轉芝士薯條🍟 芝士比得一啲都唔手軟，條條都食到芝士味🤤 但唔知係咪因為咁搞到薯條好似唔夠脆🥺.總結，唔知係咪我充滿期待咁黎，覺得好似唔夠驚喜🥺 不過個包身係幾抵讚既👍🏻而且用料真係一啲都唔馬虎同埋野食真係好足料既🙆🏼‍♀️ 同埋似酒吧咁所以傾計都幾舒服🍻…查看更多

呢間Burger 係我唯一至愛每次來到我必會點魚柳包，朋友就點Signature double cheese burger雙層芝士牛肉漢堡再另外點了扭扭薯條+2杯啤酒魚柳包$89, 新鮮即炸，熱辣辣，大大塊魚柳 配芝士，蔬菜，醬汁，超好味食過呢間魚柳包之後，你唔會再食其他burger 店既魚柳包，可以大膽講無人能及Signature double cheese burger雙層芝士牛肉漢堡 $139肉汁十分Juicy, 用炭火烤出來的牛肉最出色，烤得剛剛好，每有過火，恰到好處，食落爆出肉汁再飲埋兩杯生啤，人生一樂也…查看更多

在灣仔酒吧林立的駱克道，原來有一間食burger的店。店鋪細細，但一應俱全，有一個吧枱，感覺真的有像在外國的餐館。餐牌上以burger為主打，有些小食和飲品。它的專一，令我對其食品出品更有信心。平時最怕什麼都提供的餐廳，感覺很不專業。一來我們就看burger的啦，選擇不多，但勝在精。Vanilla Milk Shake $58大熱天時，先來杯透心涼的 milk shake，好看奶味，又夠細滑，cream多而且口感不錯。咁當然大杯又解渴。同場要多罐coconut water，都好涼快！ Fish Burger $88除左牛肉，我最愛就是魚，所以如果有fish burger 的地方，我都一定是吃魚的。好驚喜，呢個魚堡一定要食，因為魚柳雖然炸過，但魚柳仲係好嫩滑，係滑到你唔信果種，juicy都爆汁。醬料甜甜酸酸的好吸引！Signature Double Cheese Burger $138叫得做Double Cheese，就梗係芝士多到爆漿咁濟！個漢堡厚到一啖都咬唔曬，太令人驚喜，因為不論配料還是牛肉本身都出奇地夾，有一種去左紐約食burger的感覺。如果要比較，其實真係無得比較，因為兩個burger都各有出色的地方。Melt Cheese Fries$48食多個薯條，芝士的誘惑！好香脆的薯條加上萬惡的芝士，令人食唔停口。Crispy Garlic Wings$58蒜香味真係好正！雞翼無得彈，肉嫩多汁，芝麻香口。原來蒜香雞翼可以咁好食。食burger呢間都算是一流！…查看更多

四年一度世界盃又到喇！我呢d正係識食唔識睇波，但又想陪男友睇波扮下滿分女友既人就搵左呢間係灣仔酒吧街，可以一路食burger一路睇世界盃既餐廳食晚飯。店內唔算大，開放式門口，所以離條街好近，牆上有大電視播住世界盃，當晚都有唔少客人睇波，氣氛相當好。餐牌上既野食好清晰，野食全部都有樣睇，可以更加容易揀到心水食物。精明消費者留意到如果叫一個burger加30蚊就可以變套餐！套餐入面可以揀汽水或者啤酒，另外總有薯條。落單既時候，店員同我地講餐牌上其他fries都可以揀，而且仲唔另外收費！呢點即刻令到成件事好抵啊，而且可以試多d唔同既野！最後我地叫左兩個set，分別係cheese burger、signature double cheese burger，fries揀左最傳統既french fries同埋 sweet potato fries，野飲方面，睇波緊係要配啤酒啦！落完單之後都即刻聞到廚房煎漢堡既牛香味漫延成間舖頭。Cheese burger ＄108burger唔算好大個，但用料同餐牌中一樣，用個紙盒仔裝住，唔怕容易整污穢對手。一咬落個麵包，牛油味好香濃、好出！而且麵包烘得乾身，麵包質感鬆軟，仲有小小脆。漢堡扒肉汁鬆軟，牛味夠，好霖。蔬菜既份量岩岩好，而且夠新鮮，加埋沙律醬同芝士，味道好夾。而且食完個burger唔會覺得好膩，食唔落其他野。signature double cheese burger ＄138個burger明顯比cheese burger要厚身，而且雙倍邪惡，因為有double既芝士同漢堡扒，岩曬d食肉獸，味道同cheese burger一樣，麵包依然都係烘得好鬆，好脆，而且牛油味好香。因為有double既肉，所以食落牛味就更加重，而且啖啖肉同芝士，十分滿足！French fries用紙兜裝住，份量好多，堆滿左個紙兜，服務員有比一兜茄汁同沙律醬比你點，如果呢兩個醬都滿足唔好你既話，吧台有其他唔同既調味料，例如黃芥末，胡椒等等可以拎黎慢慢加。薯仔係新鮮炸既所以好脆，可以見到薯仔仲有d薯皮係到，望落就唔似係冰鮮薯條。sweet potato fries一黎到已經哇左聲，份量多到滿瀉啊！而且岩岩新鮮炸起所以好香，我鍾意食蕃薯條多過薯條既原因係因為蕃薯甜甜地，而且厚實d，所以炸完出黎食落脆過薯條，口感外脆內軟，更好食。總括黎講，我覺得呢間burger性價比好高啊！除左食物質素好，選擇多，份量多，套餐價錢仲好抵食！另外食完場波未踢完，d員工都好nice，唔會趕你走，係睇世界盃既好選擇！…查看更多

放工之後行過見到一間門面都幾有美國特色的漢堡店看到菜單上的選擇好像都不錯就走進店內坐下最容易看到的就是店入面的裝潢有一半是漢堡店 一半是酒bar所以都給人頗輕鬆的感覺周圍都有店家特色的裝飾我們點了兩個combo（看起來很多吧！）分別是signature double cheese burger跟chicken burger份量真的不容小看呢（男生也不好一口能吃得到呢）把曲奇拿起來對比立馬可以感受到那厚度喔！牛肉跟芝士都是雙份牛肉的肉質不會太硬 也不會太乾配上芝士有另一般的滋味入面的配料也很充分洋蔥都很新鮮就是雞堡的味道就有點不一樣雞扒很大件所以口感很滿足呢小食點了melted cheese fries跟Southern Fried Chicken Nuggets炸雞很香口脆炸的部分不會太硬配上芝士醬味道還帶一點濃郁芝士薯條之前都有吃過今次這個因為芝士醬都有鹹味當然還有番茄醬所以不會怕太淡飲品點了Cookies and Cream Milkshake跟Chocolate MilkshakeCookies and Cream Milkshake味道會甜一點而且奶味都蠻濃的喜歡奶味濃郁的朋友可以一試Chocolate Milkshake味道比較健康一點如果Cookies and Cream太甜 又比較喜歡朱古力奶味道的這個會是不錯的選擇…查看更多

新年周圍都落閘放狗，成個旺角都無幾間係放工，再唔係就係加二或者加三，終於比我搵到灣仔酒吧街內的burger joy，過年期間價錢不變。除了burger外，還有些薯條雞翼等。Signature double cheese burger Burger份量十分足料，牛肉又厚又大塊，肉質不會過份結實，而且很juicy，麵包烘至微暖，而且非常鬆軟，中間有些紫洋葱、番茄及生菜等，加上特製醬汁，食一個都已經十分飽肚。Fish burger 炸魚柳外層是用麵包糠包著炸至香脆，外脆內軟，魚肉嫩滑且肉厚，加上酸瓜醬酸酸甜甜，十分好味。Caesar salad因為有點喉嚨痛，所以無食薯條，改食了沙律，沙律配料只有麵包粒，羅馬生菜新鮮爽脆，加上千島醬，十分清新開胃。…查看更多

諗住喺灣仔飲杯嘢，行到分域街街口見到有間幾靚嘅食Burger餐廳。入去坐底望望個Menu都覺得非常吸引。Burger Joys有好多唔同選擇嘅小食，雞翼、薯條、沙律、洋蔥圈等等。睇咗Menu一陣我哋決定叫一客芝士薯條、一客Cheese Burger、一客Signature Double Cheese Burger同飲品（Cookies & Cream Milkshakes + 雪碧）。芝士薯條先到，薯條炸得非常好因咬落好脆，有兩種醬可以點，分別有芝士醬同蒜蓉芥末醬。先點一點芝士醬，薯條覆蓋着濃厚的芝士味，下一條試吓蒜蓉芥末醬，有少少辣但竟然跟薯條好配合，兩種醬都好好味。份量方面都唔細份㗎！之後兩個Burger同飲品都到咗，兩個都係Cheese Burger，一個Normal一個Double，嚟到時已經聞到好香好重Grill嘅味道，芝士溶喺塊漢堡扒上。拎起個Burger就發現佢哋諗得好周到，因為有個紙套喺底套住半個包，咁食就唔會整到周圍都係。一咬落Burger度，塊扒非常之Juicy，而且Grill得洽到好處。配料方面啲洋蔥蕃茄生菜亦都好新鮮好甜。食緊之時亦不忘飲啖Cookies & Cream Milkshake, 好重Cookies味同埋面嗰啲Cream都好滑，呢杯Milkshake都俾足料。Burger Joys位置都好方便呀，泊架車喺謝斐道啲錶位行過去都係兩分鐘，而且附近都有好多咪錶。如果搭車我見都好近灣仔地鐵站，應該幾分鐘路程。Burger Joys嘅質素無可置疑，而且價錢亦算好公道，我諗想食Burger時都會諗起Burger Joys~…查看更多

呢日收早，去咗灣仔等老婆放工，見有啲肚餓就喺附近行吓，見到有間酒吧諗住入去飲杯野。發現原來呢度竟然有漢堡包食，反正有啲肚餓就點左一個Signature Double Cheese Burger，漢堡大大個，麵包好鬆軟，中間厚厚的係手打牛肉漢堡，肉質鮮嫩，滿滿的肉汁，再夾埋洋蔥、生菜、蕃茄、半溶的車打芝士，正！之後有啲口痕點左個蒜蓉薯條，薯條新鮮炸非常香囗，不過蒜蓉味就唔算太特別。飲品就點左Iced Cappuccino>，咖啡味香濃口感幼滑，我都係第一次係酒吧飲咖啡。…查看更多

經過過咦間Burger店好幾次！一直都想試，但係一直冇入去。因為女神怕fat fat唔陪我食。今次Happy friday約左個巴打食supper，兩個都唔怕高脂肪高膽固醇，所以一齊去左試佢！入面唔算好大，唔會好迫，但唔算多位，加上Friday night，大家鍾意啤下吹下水，所以可能要等等啦！不過我地都係等左3個字就有位！可以接受。上餐時間都快，唔洗等好耐。不過如果想齋講冇做，想有d野濕下口既可以叫兩杯野飲住先，吹住水等！Happy Friday喎，當然要啤啤佢啦！其實可以叫craft beer既，見到佢櫃到有好多唔同既牌子。但係因為前排飲得太多啦，想飲返啤酒，所以一人叫左一杯draft beer。因為兩個大男人大食，所以一人叫左一個Burger，另外仲叫左個buffalo wings同Southern Fried Chicken Nuggets。Signature Double Cheese Burger $138 ————————————————整體得分：7分 (10分滿分)————————————————食評：口感 7.5/10牛肉非常嫩口，唔會食到痴晒牙！而且每一啖都滲出牛肉嘅油脂同肉汁，真係幾Juicy！加上兩個漢堡扒都幾厚身幾大個，啖啖肉！食之前唔壓一壓真係好難放到入口！芝士亦因為牛肉嘅熱力而溶溶地，雖然唔係拉絲嘅效果，但係食落仍然有個種極邪惡嘅感覺，因為真係幾Heavy。食到兩個麻甩佬好滋味。味道 7.5/10味道黎講，漢堡扒非常Juicy嫩口，而且每一啖都充斥着好香嘅牛肉味。另外醬汁酸得來帶甜，同個肉汁幾配合，加上洋蔥、蕃茄、生菜fresh fresh既感，中和到肉汁極heavy同強烈肉味芝士味嘅fat fat感覺，所以唔會覺得好油膩好溜滯。抵食6/10價錢方面就稍為偏高啦！因為淨係個包到成＄138如果要加薯條汽水要另外加錢轉combo。你都幾好但係＄138嘅話，我可以食到幾個質素低少小嘅burger啦！不過都係食個環境同氣氛既，真係幾岩兩條麻甩佬吹下水飲下野。Buffalo Wings $58 (6pcs/隻)  ————————————————整體得分：6分 (10分滿分)————————————————食評：口感 6.5/10雞皮炸得幾脆，雞肉幾嫩滑，唔會柴口。因為我係多醬派既，所以覺得醬汁唔係好夠，如果可以多d醬，或者比多個extra醬我一路食一路點就更好啦！味道 5.5/10對比起Burger，其他野食(chicken nuggets同buffalo wings)就爭少少啦！我諗大多數人食buffalo wings，都係為個醬嫁啦！雖然佢個醬汁係ok既，微辣加微酸，有埋杯凍冰冰既draft beer黎送，認真冇得彈。不過雞翼略帶雪味，而且醬汁只係好薄咁coat左一層係面，雞肉唔太入味，雞味亦唔算好重，所以有少少失望。抵食6/10香港食Buffalo wings其實真係幾高消費，去好多餐廳食，五六隻都要成$60。所以$58 (6pcs/隻) 仲算可以接受，最起碼我覺得相比起韓式炸雞七八十蚊五件原味炸雞抵食啦！Southern Fried Chicken Nuggets $58 ————————————————整體得分：6分 (10分滿分)————————————————食評：口感 6.5/10外皮炸得得幾脆既，又唔會話食到成口粉，芝士醬係比較結身個種，幾易痴落件nugget到，唔會好似出面有d餐廳咁開到好稀，水汪汪。食落舒服既味道 6/10相比buffalo wings佢唔覺有雪味，不過雞味都唔算好重，點埋醬會比芝士味蓋過埋雞味。芝士醬稍為咸左少少少少....唔係好嚴重，送一送啤酒就ok嫁啦！唔算好特別既sides，不過口痕又唔食得辣可以諗下既。抵食6.5/10份量黎講算多，夠兩個人share。始終芝士醬都幾溜滯下，好易令人食唔落野。所以如果唔係好大食既人，建議食晒個包先再諗叫唔叫，唔好好似我地咁食淨一舊！…查看更多

呢日老公放假，黎左灣仔接我放工，開完會有d肚餓， 於是帶左佢去附近的一間酒吧飲杯野食下小食~ 呢度有大電視播放球賽、有酒飲、仲有漢堡薯條食~ <Signature Double Cheese Burger> HK$138 大大個的漢堡，好細心用隔油紙包住， 見到厚厚的手打牛肉漢堡，肉質鮮嫩， 中間夾左洋蔥、生菜、蕃茄、半溶的車打芝士， 一口咬落去滿滿的肉汁，好juicy， 麵包烤得好鬆軟香脆~ <蒜蓉雞翼> HK$58/6隻有3款唔同的口味，老公鍾意泰式所以點左蒜蓉味，雞翼新鮮炸，皮香脆肉鮮嫩， 再配埋泰國酸辣汁，惹味十足，如果再辣少少更好~ 因為仲係下就，所以點左杯<Peachy> HK$54 用左核汁、青檸汁、雪碧 質感好似沙冰，好幼滑 <Iced Cappuccino> HK$32 第一次係酒吧點咖啡，香濃幼滑 …查看更多

I have been a burger lover for a few years, and I really need to have AT LEAST 1 - 2 burgers per month. Not really addicted but I really like it. However, most of my friends do not like burger but other Chinese/ Japanese food, so sometimes I have no choice but to enjoy the burger by myself.It is easy to find good burgers in HK island,  esp, Central district. Today I went to Wanchai to do some documents in gov building, and randomly met this energetic burger shop.  It is so straight-forward to attract burger lover like me. American style deco, a big word "BURGER" and some pop music. Look quite nice, right? It's a bit small but the environment is energetic and comfortable. The variety of fries, burger and drink is a good mix, no fear of too many options and I can point out my order straight away.While, waiting for the food, I got my dress stained by my umbrella and quickly see if there is any paper towel. Luckily I was just sitting next to a self served tissue box and I feel impressed by this caring shop.5 mins after, my meal was served and it looks fantastic!!!!!The cookie & cream milkshake was incredibly creamy and tasty, a few cookie chips were blended in and not much sweetener I think. It was one of the best shake I have ever tried. I really love the cream topping, it should be made of fresh full milk.Look at the signature double cheese burger served in a lovely little paper box!! How nice it is!! The bun looks freshly roasted and the cheesy sauce is stunning! It is so big that I nearly couldnt bite all the layer at once. My best way of eating this kind of big burger is to squeeze the juice from the meat and get it a little bit flat to bite. So amazing!The bun is crispy and spongy. You can see a lot bubbles inside the bun, looks a bit like souffle. Cant miss the juicy beefs and the fresh vege to come with a perfect match of burger, I feel like it is gonna taste better with mushroom.Finally the Black Truffles Fries, actually when the meal was served, the smell of the Truffles came first. Smell and taste so good and very crispy!! The chip is really outstanding tbh. TBH, generally the serving size of this restaurant is quite big so end up I left some chips and I felt quite guilty to waste such a good food...The waiters are all energetic young guys and they are very polite and welcoming. I will definitely come again!…查看更多

堅。好食漢堡包 到了灣仔食漢堡包 .呢度位於灣仔既酒吧街 成條街都正 。因為我係 漢堡包我係漢堡包怪所以我會周圍尋覓 好味漢堡呢間餐廳座位不算多 但感覺舒服 主要以漢堡 為主題 ，有beef burger, cheese burger, fish burger, chicken burger， signature double cheese burger等多種 不同 同既選擇決定叫兩款漢堡，分別係Cheese burger and Signature Double Cheese burger Cheese burger 麵包好好味 比一般食既burger包有點不同 最值得讚 用上法式Brioche包，又香又軟，好好食牛肉 多汁 濃濃既牛肉味 而且又熱辣辣 完全是即叫即做😋😋😋😋包裏面仲有芝士，蕃茄，菜。。用料十足 好味另外 Signature Double Cheese burger 啱晒我呢種牛魔王 絕對重量級 牛肉多汁。而且肉味好濃 重要 Double 上 好食 配上新鮮 蔬菜 唔覺得 太 滯 漢堡包 既醬汁 原來 係 獨門 秘制 配上 漢包 絕對美味 truffle fries 松露薯條 松露香帶出 脆脆既薯條 令薯條既味道更美味 薯條味道吸引 香脆熱辣辣是日 晚餐 十分滿足 ， 待應服務亦好 一定會再黎食其他漢堡…查看更多

灣仔駱克道酒吧林立, 天一黑就可看到四處霓虹燈, 處處音樂又或是播放球賽的大電視但原來酒吧也不只賣酒, 除了有小食之餘還可點選dinner set, 非常多元化今晚音樂會後跟朋友意猶未盡又覺肚餓所以到駱克道覓食找來找去都未選出心水來, 所以走過一個又一個路口走到某路口前, 我們看到一家吃漢堡的, 就這間吧！Black truffle fries幼條薯條很脆, 黑松露味濃而均勻黏在每條薯條上, 毫不吝嗇, 滋味十足Classic Buffalo Wings 水牛城雞翼醋酸味非常突出, 挺辣的配上blue cheese 醬, 絕對讓人食不停口Crispy Garlic Wings 雞翼外層塗上泰式酸甜醬, 香脆而不失肉汁, 再加上炸蒜, 令味道層次更上一層Battered onion ring 洋蔥圈炸得很香脆, 沒半點油膩感包已經煎香, 所以有點脆, 包內的配料亦很齊全店員主動將漢堡色分成四份, 讓我們食得方便Signature double cheese burger漢堡很香牛肉味, mix up新鮮蕃茄及生菜, 還有半溶芝士, 為漢堡包生色不少Mushroom cheese burger磨菇亦很香菇味, 口感較鬆軟, 素食者或輕食者之選原來該店24小時營業, 三更半夜也不怕捱著餓睡不著啦…查看更多