Passion (已搬遷) 新店位置

上次黎見人四點等到六點先有位，我冇等，去下一站。今次同友人六點黎到，預左等，點知唔使等，開心開心。先放低野搵位，我中意自助式，方便又冇加一服務費。有沙律吧，輕食三夾包，甜點，包，批撻，多到唔知點揀。揀好就去付款，自己拎餐具入座享用。有姐姐會收回用完餐具。Hot chocolate ： 用上70%朱古力，好濃郁香滑，唔甜帶點苦既朱古力，超讚。mon cheri ： 馬卡龍甜點，外脆內軟無敵口感，配上帶點酒香既車厘子，冇藥水味，讚。salmon quiche ： 估唔到蛋批既蛋滑過蒸水蛋，三文魚肥美，油香滿口。未試過甘正既蛋批。large salad box ： 可揀四款口味沙律，少有既紅菜頭指定要試，另外米形意粉既沙律都好味，還有驚喜印度香料味重既沙律，有點葡萄乾好吸引。最後一款雞肉沙律比較普通，但夠飽肚。全部都好食，而且好多款想試，很自由。但繁忙多人，難有位係出名好味帶黎既不便。不過我都會再黎。

上幾個星期去灣仔食割包時路經此店，看到門口有幾張歐陸風情的檯櫈，入面售賣著象徵高貴的馬卡龍，精緻玲瓏的甜品，近門口有幾條硬到打死人的法包，而且時不時有幾個老外入去買包買餅，如此濃郁異國情懷點可以唔bookmark?終於今日(打食評已是N日後)放工時間約埋男友黎呢到try1try。入面有幾張二人檯，兩張大高檯，七點幾黎到，食客唔多，可以揀位坐。鹹點方面，好快揀左Salmon Quiche，因為本人愛好salmon，無計 哈哈.... Quiche可以凍食或熱食，我地選擇左後者，熱既Quiche上檯時香氣撲鼻，面頭是香草同蛋，下層就係三文魚，外面用撻皮包住，所有餡料份量同撻皮厚薄度拿捏恰到好處，不油不膩不滯，超級好食！至於甜品，每樣都咁精緻叫人難以取捨，選擇困難症既我來來回回行左十幾圈好似巡鋪咁先揀到三件。Passion Chocolat立立令既半圓朱古力面，需要十級勇氣先可以吉第一刀，吉左落去好似做左千古罪人咁破壞左佢既完美，食第一口.....好味極了....朱古力味道同mousse甜度適中，唔會膩，食到中間黃色個d似是檸檬蓉，夾埋一齊食酸酸甜甜好正呀！Framboisie Chocol

2pm 後避開人潮來到 Passion by GD, 可以優閒享受簡單lunch~~三文魚蛋餅 $34 - panstry 唔肥膩, 蛋饀滑, 而三文魚亦不少呢, 要知道taste內熟食檔之同樣食品亦要索價30多元, 這裡的quiche 很超值~~~ Raspberry 拿破倫 $40 - 平時唔多鍾意食拿破倫, 因為食到呢咁hea, 不過試左呢度既之後, 愛上了, 酥皮很香脆, 唔覺得漏, raspberry 很新鮮, 配上唔太甜既custard 很清新~~ 病好後要試下呢度既沙律及其他食品~~~