Potluck Eatery

好耐之前已經bookmark左呢間餐廳，果然冇令人失望！餐廳以木系裝修為主，加上暖黃既燈光，而且寬敞既空間感，比人感覺好舒服。而且一入門口就有壁畫既打卡位，啱哂大家影相！✨Potluck Fever呢個main dish超豐富，有18oz既A5牛扒、BBQ ribs、大蝦同粟米，啱哂我呢啲選擇困難既人，兩個人食勁飽！牛扒揀左五成熟，煎得啱啱好，油脂豐富，肉質嫩滑多汁，但係一定要趁熱食～Ribs超大份，上面既BBQ sauce非常惹味，啲肉同骨輕輕用刀一切就可以分開到，肉質都唔會鞋口！大蝦真係勁大隻，有兩隻手指咁粗，加左蒜蓉牛油寺烤，非常香口。粟米就冇咩特別，但都好鮮甜架！✨Coco Berry係士多啤梨加椰子水既組合，聽落覺得怪怪地咁，但估唔到咁夾。上面既foam係士多啤梨味，酸酸甜甜咁。而下面既汁就係溝埋左椰子水，平衡左士多啤梨aggressive既酸味，令味道變得甜潤，同啲foam好唔同。一杯飲品做到兩種味道，仲好好飲添！✨LeGin Shake呢杯飲品飲落超有泰國既感覺，因為佢加左薑、香茅配earl grey，飲落唔會辣，但飲得出薑同香茅既香氣，但earl grey味就唔算突出。

前排同朋友搵到呢間餐廳嚟食~本身冇食過呢間都係諗住試下新野咁見網上介紹都唔錯~估唔到真係非常有驚喜同有水準！！呢份扒叫Potluck Fever真係超級抵食，內有18oz頂級牛扒﹑醬烤豬仔骨﹑烤大蝦和燒粟米牛扒有足足成18oz，而且熟成度剛剛好，咬落好軟嫩多汁，牛味重但係最正都係佢份醬烤豬仔骨，霸咗成大半個木盤🤣🤣食落豬肉同樣非常新嫩好juicy，醬汁味十分濃郁兩隻大蝦蒜味重，炭燒味出連配菜燒粟米都係大大份，成４大舊咁多！而且食落唔乾好甜，食完咁多肉之後食返個粟米清一清都好解膩另外再叫咗份薯條都係非常之大份，一大籃加兩個醬，脆卜卜熱辣辣

昨晚在新開張的Potluck Eatery和老友記們聚餐，渡過了一個輕鬆、美味和難忘的晚上。在這煩囂的都巿裡，寸金尺土，竟有老闆費盡心思在餐廳設置寬敞的打卡位，牆上的壁畫讓人有種既輕鬆又溫暖的感覺，讓我們在這留下一個美好的回憶，十分難得！隔離枱既老友們竟欲搶我既，豈有那麼容易😂，經本人一試，大大隻的蜆很有質感，蜆肉入口散發陣陣的酒味，十分creamy👍🏻食西餐又點少得本人致愛既鵝肝和牛朳，香煎法式鵝肝多士，多士帶少少脆感和牛油的味道，親托濃味和十分juicy的鵝肝，呢個味道正到呢😋牛朳幾乎每間西餐廳都會食到，但Potluck既牛朳絕對係一絕，五成熟既牛朳牛味濃郁，充滿新鮮既感覺，炭燒後仍可保留豐富肉汁，邊邊的脂肪位香口到完全不覺肥膩，外脆內軟，實在令本人一試難忘🤤Special drink 裡的［椰子莓莓］，椰子和莓味完美結合，四個字表達晒，超級好飲😍溫馨提示：新張期內有88折優惠