Amber

我唔鍾意同人爭，所以當人人去咗報複式旅行之時，我卻留港消費，復活節假期首晩到 Amber 慢嚐全程體驗菜單 Amber Full Experience ，每位$2788/8道菜，我覺得物有所值！Amber Full Experience  $2788Sayori. Wheatgrass. Horseradish. Extra Virgin Grapeseed Oil. Kyuri. MenegiAka Uni. Cauliflower. Lobster. Daurenki Tsar Imperial CaviarWhite Asparagus. Cage Free Egg Yolk. Jamon Iberico de Bellota. Italian Parsley. Amalfi Lemon. BuckwheatOasis Grouper. Sugar Pea. Plankton. Hijiki. Kelp. Sea Lettuce. Oyster LeafWestern Australian Spiny Lobster. Mikan. Red Wine Vinegar. Kabocha. Bourbon Vanilla. Pumpkin SeedMilk-Fed Lamb Saddle. Green Asparagus. Morel Mushroom. Arugula. Spring Garlic. Koji. Grilled Rapeseed Oil‘La France’ Pear. Maple Syrup. Pine. Gianduja. Jerusalem ArtichokeManjari Bitter Chocolate. Rice Milk. Raspberry主廚 Richard Ekkebus 非常懂得使用食材，處理手法令人大開眼界，盡顯天賜糧源之美！ Sayori. Wheatgrass. Horseradish. Extra Virgin Grapeseed Oil. Kyuri. Menegi前菜「日本針魚」非常鮮嫩，配菜更是特式，全部來自日本，洋蔥、西芹、青蘋果汁、日式芥末的組合，營造清新的口感，突出魚的鮮味。 辣辣地的芥末、 好爽口的西芹、配合針魚等，口中温和變化，非常配合。 Oasis Grouper. Sugar Pea. Plankton. Hijiki. Kelp. Sea Lettuce. Oyster Leaf 全程亮點是被領到廚房品嚐「石班魚」之片刻，正如廚師之桌，面前把食材組合，擺盆即或即吃。以不同的海藻、崑布、紫菜、海帶及海洋微生物 Plankton，做出深綠色的醬汁，充滿深海氣息，並加進本地有機蜜糖豆刻意以其本身的甜提味，平和而味佳。 石班魚以清酒加崑布醃過，剩下的魚頭魚骨魚尾熬出白色泡沫汁。驚喜更在最後的一片陪襯的 “Oyster Leaf” ，正如其名，味道極似生蠔，充滿海洋之味！ 賣相配合，這一道，大師之作！ 參觀廚房當然好玩，先經過掛滿歷年主廚之照片，未進已有臥虎藏龍之勢。  服務4家食肆的廚房，非常寬敞整潔，燈光明亮，完全沒有油煙，見到約十多二十人在忙，其實共有80位廚房工作人員（包括輪更不在場的）。Aka Uni. Cauliflower. Lobster. Daurenki Tsar Imperial Caviar招牌菜式「魚子醬龍蝦海膽啫喱」，層層極品，恍如連環鮮爆破，我再嚐依然有初戀之感！現在坊間已有不少疑似類同之物，但總覺得 Amber 的做得最好，配以紫菜脆片更是完美。 其他菜式各自精彩：Sour BreadAmuse Bouche - 豆腐韃、黑松露豆腐布甸開胃小吃「豆腐」充滿新鮮感，豆腐韃的皮自然是豆腐皮做的，脆脆地口感；面頭一層衣如雙皮奶吃到的、又如腐皮。黑蚊蚊的小碗內，唔食唔知道，是黑松露豆腐布甸，充滿黑松露之香。 White Asparagus. Cage Free Egg Yolk. Jamon Iberico de Bellota. Italian Parsley. Amalfi Lemon. Buckwheat第三道菜「白蘆筍」，美麗如花，非常有心機修飾，意大利香菜、火腿、芒通檸檬、蛋黃及蕎麥切幼粒交替鋪上，令全身白色的蘆筍添色彩，吃法是由蘆筍頭開始吃，爽甜之上、集鹹香脆口之點綴。 Western Australian Spiny Lobster. Mikan. Red Wine Vinegar. Kabocha. Bourbon Vanilla. Pumpkin Seed第五道菜「龍蝦」，特別選了澳洲棘刺龍蝦，肉質比較軟熟，配濃郁的 Kabocha日本南瓜汁、新鮮蜜柑肉，變化起伏，足見心思！ Milk-Fed Lamb Saddle. Green Asparagus. Morel Mushroom. Arugula. Spring Garlic. Koji. Grilled Rapeseed Oil主菜有兩個選擇，「羊胺」或「A5和牛」，後者需要多加$500，唔好意思講句，近日食唔少和牛，而且更喜歡在日式餐廳食日本和牛，所以未戒奶的小羊更合這晚的胃納。兩片圓形肉卷，真是少肉少菜！ 釀在羊胺肉內也許是芝麻菜、麴菌及青蔥的混合，綠色醬汁亦是，另配牛肝菌及青蘆筍，入口嫩肉及濃郁菇菌香味，不過，印象不深刻。 牛肝菌內亦釀有羊肉，處理認真。 ‘La France’ Pear. Maple Syrup. Pine. Gianduja. Jerusalem Artichoke各款材料例如梨子、菜薊及朱古力，平衡得很好，甜味適中。 Manjari Bitter Chocolate. Rice Milk. Raspberry以荷蘭的野莓及60度朱古力製造，味道對比交替。 Petit Four 非常豐富, 新鮮水果、蛋糕、朱古力及梅子甜酒。 女侍應堂前調製及解釋，這款 Hyuganatsu 甜酒是日向夏梅子、柚子及茴香的混合，水清味厚，清甜。 Infinity Cake也許凡客人有慶祝，餐廳皆會送上這款特製的 Infinity Cake，靈感取自 Amber 天花吊燈，狀如車呔或年輪蛋糕般中間空洞，蜜糖及柚子口味，金黃色的啫喱是柚子，蛋糕內有兩層朱古力。沒有奶及澱粉質成份，味道清甜不膩，名物實至明歸，網上訂購價$488。Decaf Coffee & Mint Tea 最後離開餐廳之時再送上朱古力以表希望再次光臨之心意。  不愧為米芝蓮二星及綠星餐廳，食物水準之上，不只新鮮上乘而且特式。餐廳環境輕奢高雅，以金色白色做主調，明亮輕鬆，寬敞舒適，而間格設計提高私穩摩；員工們交替服務，全部態度友善，禮貌地解說食材，有些頗健談，沒有令客人有任何必需添加酒水之壓力，相反地，送贈蛋糕及臨別之朱古力小禮物，小小心意令客人窩心。酒店七樓有四間餐廳，Amber 位於遠處角落，走過酒店庫亦愉快的旅程，放下心情，有尋幽之感。最後值得一提，Amber 的食物不含任何乳製品，Richard Ekkebus 刻意運用大豆、米、穀物及堅果奶等取代法式料理常見的忌廉、牛奶及牛油；同時亦透過發酵過程和海帶等食材中的天然鈉來提升鮮味，減少以鹽調味，非常配合現在盛行健康飲食的原則。…查看更多

🥰 置地文華酒店嘅 Amber 係香港經典嘅米芝蓮餐廳之一, 今日終於有機會嚟探星.📖 今餐揀咗 Extended Amber Experience, $1,128+10%, 四道菜, 頭盤點咗 Caviar, +$498, 配香檳 Dom Perignon 2012 一杯, +$398.🥢 餐廳座位闊落, 單邊落地玻璃, 免強叫城景, 勝在自然採光, 服務貼心到位, 菜式介紹算有誠意, 係我聽唔明英文啫, 執碟相當專業.🤗 論食物, 驚喜位喺唒 “非主菜” 環節, 包括 Amuse Bouche, 同埋 Petit Four, 頭盤 Caviar 是必點的. 主菜雞或魚, 揀咗魚, 一般般, 主菜啞火, 少少失望, 再有機會要食雞. 整體表現Ok嘅.🍄 Amuse Bouche. 蘑菇撻, 皮底薄脆, 蘑菇夠香, 出色.🍮 Amuse Bouche. 松露奶凍, 面層係松露味嘅奶凍, 不俗.🥟 麵包. 普普通通.🥰 頭盤: Aka Uni • Cauliflower • Lobster • Daurenki Schrenki Caviar. 鎮店名菜, 鮮味鹹香味完全融合, 再配脆脆, 今餐最驚喜最滿意嘅菜式.🦞 第二道菜. Western Australian Spiny Lobster • Mikan • Red Wine Vinegar • Kabocha • Bourbon Vanilla • Pumpkin Seed. 配汁非常濃郁, 龍蝦新鮮爽口, 但略欠一體感.🐟 主菜: Medai • Black Pepper • Young Leek • Leek Ash • Wakame • Bouchot Mussel • Junmai Sake • Oyster Leaf. 目鯛, 魚皮煎脆, 配汁又係出色, 可惜魚肉唔夠滑, 唔入味, 同配汁貌合神離, 一般般. 法國餐廳都係叫雞穩陣.🍪 甜品. Conspiracy Dak Lak 90% Bitter Chocolate • Silken Tofu • Cacao • Fermented Cacao Mucilage • Dak Lak Chocolate Nibs • Yuba. 基本上係脆脆撈慕絲嘅口感, 唔錯. 🥧 Petit Four. 用上唔常見嘅生果, 另外兩款蛋糕非常高質.🧋 鴛鴦. 隨餐附送, 茶味優香, 咖啡味作點綴, 加咗蜜糖, 創意之作.☕️ 咖啡. 俾你睇埋個滴漏樽, 十分讚!🥂 講下杯香檳, Dom Perignon. 名牌子, 有年份, 抵玩. 落杯香氣清新, 舌頭上嘅味道算複雜, 有梨呀果呀等, 泡就偏弱, 整體味道散得幾快.🤗 總結: 一餐飯, 唔少 “驚喜位”, 可惜主菜失色, 扣咗分, 整體水準之上. 可以一試, 一次就夠.…查看更多

退休之後，冇得旅行 ，有人教我去摘星。 於是由米芝蓮三星開始食落去。 今日食到Amber午餐。 選擇咗 Amber extended experience， 即係四度菜。未講菜式之前，可以講下服務，當然係5星級酒店嘅服務，無械可擊。但有個小插曲 ，我哋早咗13分鐘到，唔畀入住，但會提示我哋去下洗手間 ，同有地方坐下，而且喺8分鐘之後，都畀我哋入去。正餐之前，當然有麵包，同兩款 amuse bouche前菜。麵包係熱嘅。 唔知amber嘅菜式係唔係法國南部多，所以麵包就只係畀法國南部嘅橄欖油。橄欖油嘅味係濃嘅，但感覺上好似冇三星意大利餐廳嘅香。麵包方面亦感覺比三星意大利餐廳簡單同冇咁香。第一款前菜應該係魚籽，好佩服其他寫食評嘅人，雖然侍應有詳細解釋每一道菜係乜嘢，但係聽完已經唔記得咗一半，食緊嘅時候再唔記得多一半。。。我淨係記得最底係菠菜汁，最頂係炸薯仔。但係呢個前菜係一流，配料同醬汁好味得嚟並無喧賓奪主(魚籽)，完全食到魚籽嘅味道。第二款珍寶珠，其實中間就係鵝肝，外面有 beetroot醬包住。 我唔係對鵝肝瘋狂嘅人，但係呢個無論分量同埋均衡嘅味道，都係一流。侍應有提醒，要 一啖食落去。但係之後記住要慢慢喺口裏面咀嚼，奇味無窮。之後第一道菜我揀咗yellowtail魚生，再加上青番茄塊。 呢個又係一流。 食呢啲餐嘅時候我成日唔知道 ，應該係逐個ingredient 食，定係一齊食。 呢碟因為份量夠 ，所以最初係逐件食，之後又撈埋啲鹹魚露一齊食。發現兩種食法，都各有滋味同驚喜。第二度菜，侍應提醒咗我哋，如果係文華會員，今期可以免費畀我哋升級其中一款菜式，於是我哋就揀咗 blue lobster。呢味又係一流，龍蝦相信應該係八成熟，脆卜卜。再加上一些 應該係醃製嘅日本蘿蔔，同埋魚子醬汁，又係奇味無窮。主菜我揀咗 pigeon 。侍應提醒，正常會係四成熟，提我如果接受唔到，可以轉七成熟。我向來對半生熟嘅都唔係好有興趣，所以都欣然接受咗提議。出嚟嘅時候，份量比想像中多，而且亦煮得非常之好 。有少少外脆內軟。伴菜除咗青豆之外，澱粉質方面亦都有用牛油煮嘅 類似risotto。最後甜品(其實唔係最後) ，我揀咗牛奶朱古力。實際上係parfait 上面有一個菊花，再上面係牛奶朱古力。侍應提醒，呢個要一羹包曬所有嘢食，味道同口感，亦都非常之好。話咗唔係最後，因為之後仲有咖啡。又要值得一讚既係， 呢度嘅 cappuccino 係咁多間餐廳飲過嘅，係拎到嚟加埋糖之後，仲係夠熱嘅。Petition four 方面，絕對係驚喜。因為絕對唔係petit。每一味都好似正餐飲咁大。有poppy seed的madeleine，朱古力，台灣水果同「 鴛鴦。其中鴛鴦基本上喺淡嘅咖啡再加淡嘅 Earl Grey 即時好似雞尾酒咁搖出嚟。而madeleine 就係啱啱焗起嘅。但係好可惜，當擺曬出嚟，再等佢表演搖鴛鴦之後，當我食嘅時候已經唔再熱。但係仍然係外脆內軟，淡淡幽香。總括而言，今次係非常滿意。食過咁多間星級餐廳，Amber絕對係每一味都有性格有驚喜。好可惜呢句說話未必係間間星級餐廳都可以咁講。以往有限嘅經驗之中，其他星級餐廳總會有一味半味有色有香但無味。但係Amber就可以做到，每一味都有自己嘅性格同色香味，廚師絕對有心。真係唔明白點解得兩粒星。。。…查看更多

慶祝嘅日子想揀番間食物、環境、服務一流嘅餐廳享受下，有機會就嚟試吓呢間兩星嘅米芝蓮👏🏻 Menu上唔計素餐單有三個價位，試咗中間Extended Amber Experience❤️ 鮮紅色lolipop係呢度signature嘅appertizer🍭 似硬糖嘅圓滑外形，實際係入口即溶嘅鴨肝mousse😙 就咁睇真係完全估唔到😆 呢個對比好有趣，鴨肝香滑加上紅苺味平衡油膩感😋 麵包係sourdough，外層脆卜卜、內裏好軟熟😍 接住太多個野食唔敢食晒🥲 Milk-Fed Veal ̊ Black Autumn Truffle ̊Italian Parsley ̊ Banana Shallot ̊ Button Mushroom ̊ Fuxiang Pear ̊ Extra Virgin Hazelnut Oil ̊咁精緻嘅菜式係牛肉他他，鮮嫩滑口嘅牛肉加上薄脆嘅餅，配埋松露同番茜醬，口感同味道層次好豐富😙 同埋估唔到以前菜黎講啲肉嘅量咁多👀 Aka Uni ̊ Cauliflower ̊ Lobster ̊Kristal Schrenki Caviar ̊ 魚子醬對我黎講好似濃縮版嘅三文魚子，每粒包含住加倍嘅鮮味❤️ 加埋椰菜花慕絲、海膽、龍蝦啫喱，配埋seaweed crisp味道層次更加豐富！ Blue Lobster ̊ Butternut Squash ̊ Amalfi Lemon ̊ Caper Leaf ̊ Extra Virgin Lemon Olive Oil ̊藍龍蝦鮮甜彈牙，熟度處理岩岩好🦞 如果份量多一倍就正🤤 Duck Foie Gras ̊ Purple Artichoke ̊ Tomato ̊ Carrot ̊ Bacon ̊ Onion ̊ Espelette Chili ̊ Basil ̊味道唔錯、夠香，但俾男朋友講完似午餐肉之後回不去了😂 Suzuki ̊ Southern Calamari ̊ Bell Pepper ̊ Tarragon Oil ̊ Fennel ̊ Saffron ̊ Garlic ̊ Orange ̊魚嘅質感係非常有彈性，新鮮嘅味道伴上菊芋、藏紅花、茴香等配菜、酸酸甜甜嘅醬汁，味道清新👍🏻 Red Deer Loin & Neck ̊ Crapaudine Beetroot ̊ Plum ̊Home-Made Umeboshi ̊ Pepper Berry ̊ Yellow Onion ̊ Amaranth本地比較少見有鹿肉食，只係喺瑞士見過😂 今次autumn menu有，就試咗一小小啖，覺得佢有啲似牛同好似羊咁有獨特嘅肉味，其實配搭同味道都冇乜問題，只係感覺有啲抗拒食鹿鹿🥸🦌 Manjari Bitter Chocolate ̊ Rice Milk ̊Extra Virgin Manni Olive Oil ‘ Per Me ’ ̊ Raspberry ̊ Banyuls Vinegar ̊黎自馬達加斯加嘅朱古力，有獨特嘅可可豆香味，配上紅苺，唔會太甜嘅甜品，幾啱我😬 Black Fig 'Violette de Solliès' ̊ Fig Leaf ̊ Lemon ̊ Arbequina Extra Virgin Olive Oil ̊Honey ̊ Shiraz ̊ Black Currant ̊估唔到無花果可以咁樣做成甜品，配上淡淡檸檬雪芭😋 最後再上petit fours亞麻籽餅中間甜甜地又脆口，生果都好新鮮，提子無核就好😝 Madeleines貝殼蛋糕好香朱古力味，外脆內軟超好食，一個超好又豐富嘅ending🥰 總括每道菜式都好精緻，食材新鮮之外，即使係前菜或者伴隨主食嘅醬同脆片等都有用心製作，令每一口都可以好享受，加上好靚嘅環境同有禮嘅服務，好岩慶祝😬 今次因為係生日，仲送上有生日名牌嘅蛋糕🎂 有機會一定會再黎🥰 Extended Amber Experience $998/pax+10%Caviar +$298Blue Lobster +$188Red Deer +$298…查看更多

文華入有兩間米芝蓮餐廳 除左 Amber之外仲有三星嘅Sushi Shikon兩間都係置地文華嘅7樓 一上到去就會有人同你登記💁🏻‍♀️Amber嘅晚市主要有4款Menu 👉Amber Experience $1898 p.p.👉Full Amber Experience $2530 p.p.👉Vegetarian Amber Experience $1495 p.p.👉Full Vegetarian Amber Experience $2295 p.p.Menu去返Amber嘅網站都可以搵到小編今次就叫左Full Amber Experience🤤成餐飯由坐低到食完歷時大約4小時 真係食到有少少眼瞓.🎈Amuse Bouche 餐前小食有兩款 一個係凍湯 另一款係鴨肝lollipop 👉凍湯會帶點薄荷味幾refreshing😛旁邊仲有少少脆脆同兩隻青口BB 味道不錯👉Lollipop 可以話係呢到嘅常駐菜色 口感軟滑到似雪糕🍦外面裹一層raspberry 醬.🎈Amberjack ̊ Fruit Tomato ̊ Ma Kombu ̊ Sake ̊ Shiso ̊ Watermelon ̊ Ginger ̊ Myoga ̊ Kinome ̊ Flower Petal ̊超級多花嘅油甘魚刺身 底層仲有蕃茄😍個醬汁會比較light少少 唔會蓋過魚生嘅鮮味.🎈Aka Uni ̊ Cauliflower ̊ Lobster ̊ Kristal Schrenki Caviar ̊呢個都係Amber另一道Signature Dish聽到個組合已經feel到呢道前菜有幾矜貴😂齋睇海膽造型嘅碗仔就大概估到材料啦一大球嘅魚子醬上用金箔點綴 再落係龍蝦啫喱 海膽 同椰菜花mousse 用貝殼匙羹一口食哂每種食材嘅鮮味 超滿足小編就覺得擺盤有大中細嘅白色碟有少少似水嘅漣漪好貼合海鮮呢個主題 不過藝術就非常主觀嘅😛除咗就咁食之外佢另外有一個海帶脆片下面嘅石頭已經烘熱可以keep返脆片嘅溫度的確係好細心 不愧係米芝蓮餐廳嘅服務🥰.🎈Sourdough 說實話麵包環節方面有少少失望一般米芝連餐廳都有好幾款麵包俾你選妃咁揀可能係對自己嘅出品有自信 所以呢一度只有一款麵包配一款牛油外面的確好香脆 內裏亦都非常之軟熟 係好食嘅但作為米芝蓮餐廳來講就略嫌普通咗少少🤏.🎈Suzuki ̊ Southern Calamari ̊ Bell Pepper ̊ Tarragon Oil ̊ Fennel ̊ Saffron ̊ Garlic ̊ Orange ̊雖然魚同埋魷魚先係主角 但係果香味反而比較突出味道酸酸甜甜 都係一個好開胃嘅菜式😛.🎈Scallop ̊ Kabu ̊ Watercress ̊ Savora Mustard ̊ Mustard Leaf ̊呢道原本係Duck Foie Gras 可以話係法國菜必備菜式但因為小編唔太鍾意肝所以就轉左呢一款帶子帶子係煎到剛剛好 外面微微焦香裏面半生熟咁樣可以話係不過不失嘅😛😛.🎈Blue Lobster ̊ Butternut Squash ̊ Amalfi Lemon ̊ Caper Leaf ̊ Extra Virgin Lemon Olive Oil ̊呢度開始味道就會比較濃郁少少用藍龍蝦做主角 侍應會仲會即席刨檸檬碎🍋.🎈Red Deer Loin & Neck ̊ Crapaudine Beetroot ̊ Plum ̊ Home-Made Umeboshi ̊ Pepper Berry ̊ Yellow Onion ̊ Amaranth ̊呢道菜嘅醬汁都有採用肝部食材 唔中意肉臟嘅朋友就未必中意啦🧐鹿肉本來嘅味道就係肉味好濃 小編就覺得加埋肝嘅醬有少少腥但係Plum非常清甜 可以中和一下油膩感😎.🎈Black Fig 'Violette de Solliès' ̊ Fig Leaf ̊ Lemon ̊ Arbequina Extra Virgin Olive Oil ̊Honey ̊ Shiraz ̊ Black Currant ̊一開頭係用無花果葉蓋住 隱約多左份神秘感就咁食無花果真係比較少 完全無諗過無花果可以咁好食😍莓果同果香味超級濃郁！ 不過就會越食越甜所以另外會配搭一個睇落勁似蠟燭嘅檸檬sorbet.🎈William Pear ̊ Bourbon Vanilla ̊ Michter's Bourbon ̊ Amatika Vegan ‘ Milk ’ Chocolate ̊ Pear Wood Smoke ̊ Maple Syrup之後呢個甜品就會清淡少少 清一清口腔Sorbet下面有幾粒朱古力 呢幾粒朱古力都絕對唔簡單🤓咬開後入面係水狀嘅糖水 好surprising😍.🎈Manjari Bitter Chocolate ̊ Rice Milk ̊ Extra Virgin Manni Olive Oil ‘Per Me’ ̊ Raspberry ̊ Banyuls Vinegar ̊嚟到最後既甜品 睇外形就知道用左raspberry頂層既係Raspberry sorbet 之後係raspberry既脆片係最底仲有濃郁既chocolate mousse酸酸甜甜配合得唔錯~小編最愛既係中間既脆片 有點果乾既感覺！.🎈Birthday Cake如果有特別日子慶祝可以用餐廳講聲先~ 一般呢d餐廳都會有小驚喜準備嘛今次餐廳準備既生日蛋糕細細個但望落好grand好好食金色生日牌下既係桃味蛋糕 除左果香之外仲有淡淡蜜糖味小編甚至中意呢個蛋糕多過前面既甜品啊hehe.🎈Petit Fours呢到既petit fours 有別於其他fine dining 一口4件既甜品 👉第一款係店員即席溝既梅酒 店員會係席前將梅酒放入裝滿冰既杯内攪拌 確保夠哂凍！雖然酒精濃度都高但就好易入口👉Madeleines可以話係小編食過最好食 外面有少少酥脆焦香 入面又好鬆化甜而不膩 味道不錯~👉亞麻籽夾餅有好多nuts 入面滿滿朱古力醬 去到最後食呢個餅就真係會有點漏~👉冰鎮時令水果 唔算好甜不過不失.🎈總括而言可能係習慣左速食文化 一餐飯食4個鍾真係會開始有點審美疲勞😂不過米芝蓮餐廳既服務的確好好 每道菜之前店員都會介紹下（但係d英文講得好快 真係要做定功課先去食哈哈）完左又會問你覺得點之類 各方面都好甜心~成餐飯既體驗都好好！…查看更多

貴為香港11家米芝蓮2星其中之一，同時又是亞洲50最佳餐廳，更是世界餐廳100强。適逢慶祝的關係，預約了這間餐廳。看過不少食評介紹，但是甚少人介紹這個週末Menu - Amber Unlimited Experience，因此描述一下。這個$1,388的Menu是週末限定提供，基本上與Amber Extended Experience相似，追加上無限餐酒、香檳及餐茶供應。對比起其他米芝蓮餐廳追加一杯餐酒要百多元，這個價錢有無限暢飲很合理，而且酒的質素也是符合這間餐廳的定位。裝修方面以時尚高雅的格調襯托簡單線條的設計。由於有很多食評上載了環境圖片，因此不多注釋。服務方面專業有禮，亦很有耐心介紹及解釋餐點特色、來源地及食法。味道方面由於各人口味不同，故不作詳述。(詳見附圖)…查看更多

近排出咗消費券個個都諗緊點洗好，我就當日常生活補貼，所以多咗啲閒錢去食吓好嘢！🙊 第一站就揀咗呢間食法國餐！揀呢間主要原因係有信用卡買一送一優惠，仲要佢係米芝蓮二星同埋亞洲50最佳餐廳雙重認證，趁有優惠梗係要即刻book啦！💁🏻‍♀️ 餐廳位於酒店7樓，一出𨋢就會有職員幫你登記，登記完再帶你行去餐廳門口。甫進餐廳，職員就安排我哋坐窗邊位。呢度的確係無景觀可言，都係望吓城市景，嚟呢度主要係欣賞吓佢嘅裝修👀 裝潢明亮簡約，巧妙運用線條同曲線嘅裝飾去營造空間感，優雅得嚟又充滿現代感。氣氛都舒適，座位與座位唔會相隔太近👌🏻晚市有唔同價錢揀，佢哋有menu係for vegetarian，仲有神祕菜式揀(每季都會轉，叫神祕menu係唔比打卡㗎🤭 職員上菜嗰陣會沒收電話，食完先俾返你)今次趁有優惠當然要試最貴嗰個啦( Full Amber Experience $2530p.p. + 10%service charge)！有成九道菜，最後都食咗三個鐘😂 飲品我哋揀咗sparkling water，可以無限refill，承惠每位$30再另加一。❤️ 餐包麵包係一整個Sourdough配法國海鹽牛油🧈 Sourdough表面香脆，內裡柔軟，有淡淡嘅酸味，再酸啲會更好！❤️ Amuse Bouche鴨肝lollipop算係佢哋其中一個招牌，造型可愛的骰💕 Raspberry漿包裹住鴨肝mousse，食落唔膩，鴨肝香氣喺口腔內散發😝 加埋側邊兩塊薑餅，口感更豐富！另一個Amuse Bouche係湯嚟，有幾粒青口喺入面，印象唔太深刻，淨係記得有少少腥🤏❤️ Amberjack° Fruit Tomato° Ma Kombu ° Sake ° Shiso° Watermelon° Ginger° Myoga° Kinome° Flower Petal°油甘魚有三片，配上新鮮蕃茄，味道好新鮮清新！仲食到好濃郁嘅花香🌼😳 ❤️ Aka Uni° Cauliflower° Lobster° Daurenki Tsar Imperial Caviar°呢個係Amber嘅Signature dish！呢個平時係要+$298先食到，今次食Full Amber Experience 就包埋，唔洗額外加錢～擺盤都幾有心思，打卡絕對一流👏🏻 面頭有大量魚子醬同金箔，盡顯奢華💕 底下有椰菜花mousse、龍蝦啫喱及海膽，層層交層而成嘅味道令人為之驚艷，妙不可言🤤 佢仲有奉上Seaweed Crisp，鹹香十足，增加香脆口感。❤️ Suzuki° Cuttlefish° Bell Pepper° Tarragon Oil° Fennel° Saffron° Garlic° Orange°呢道菜個汁好有東南亞風味，酸酸甜甜咁😆 海鱸魚幾嫩滑，鮮甜得嚟完全唔腥。Cuttlefish切成方粒狀，口感好新奇，好似食馬蹄咁爽口，索索聲😮❤️ Blue Lobster° Summer Squash° Amalfi Lemon° Caper Leaf° Extra Virgin Lemon Olive Oil°食之前職員會喺我哋面前刨檸檬皮🍋 個檬檬係Amalfi Lemon，超大粒😮 聞落去檸檬香氣四溢，檸檬同龍蝦係幾夾👌🏻藍龍蝦熟度啱啱好，紥實爽囗，好彈牙😙 藍龍蝦鉗位置有少少甘甜，鮮味濃郁！❤️ Duck Foie Gras° Purple Artichoke° Tomato° Carrot° Bacon° Onion° Espelette Chili° Basil°第一次食唔係煎嘅鴨肝，感覺上好似食緊清蒸鴨肝😬 食落的確係無咁油膩嘅🤔 鴨肝有少量血筋，內臟味比較濃，似乎大廚想食客試吓鴨肝嘅原味道。可惜呢個煮法我真係食唔慣🙈❤️ Milk Fed Lamb Loin° Black Winter Truffle° Violin Zucchini° Avocado° Celtus° Almond°擺盤幾精緻🤩 職員建議Medium Rare，羊肉色水好靚，嫩到輕輕就可以切開。配上黑松露忌廉醬味道好濃，但有少少蓋過咗羊肉味🧐 伴碟嘅celtus 味道唔太討好，食咗一嚿仔就無食～❤️ Rhubarb° Strawberry° Sansho° Begonia° Extra Virgin Manni Olive Oil' Per Min Figlio' ° Honey°外型真係靚到好似藝術品咁！好夢幻💕 少女心爆發💥 不過食落有啲落差😅 都幾酸吓…上層圓碌碌係士多啤梨sorbet，最底有幼滑奶凍，中間仲夾住一塊薄脆。側邊圍住好似西芹嘅Rhubarb，加咗反而有啲格格不入🤨 食落似無味嘅西芹😗❤️ Oat° Clementine° White Balsamic° Extra Virgin Sunflower Oil° Sunflower Seed° Marigold°呢個甜品同樣好靚好打卡able😍係柑橘味相當濃嘅甜品。中間層mousse好細滑，底下啲燕麥整到好脆口，口感層次豐富！❤️ Kacinkoa 85% ° Cocao° Extra Virgin Arbequina Olive Oil° Cocao Nib° Taggiasca Olive用咗唔同形式去呈現朱古力，分別有Sorbet、Mousse、Cake、薄片等。當中Sorbet最為突出，夠濃醇夠甘苦！伴碟有幾粒橄欖油分子波波，增加油潤感。❤️ Petit fours呢度嘅Petit fours同出面食嘅Petit fours唔同，分量超多！有冰鎮水果、Madeleines、夾餅同自家釀製梅酒！仲有茶同咖啡揀添！職員會即席沖梅酒，佢將梅酒倒落一壺冰，再攪勻再倒落小杯。飲落酒精濃度都幾高，微甜。冰鎮水果有黃肉西瓜、熱情果、無花果。黃肉西瓜好多水份，但味道較淡；無花果唔錯幾甜；熱情果好酸🙈Madeleines 好大嚿，味道好驚喜！🤩 應該係我暫時食過最好食嘅Madeleine👍🏻 朱古力香氣迷人，外層酥脆，內裡鬆軟。配埋自家製士多啤梨醬，食到有少少果蓉，甜度啱啱好👌🏻 夾餅有榛子夾層，味道中規中矩。❤️ 生日蛋糕事先同餐廳講咗係同朋友慶祝生日，本身以為只係會喺甜品碟寫個happy birthday，點知餐廳竟然送咗蛋糕！🥰 個蛋糕係用日本水蜜桃做，味道唔係話太大驚喜，比較驚喜係職員會主動問洗唔洗合照，好貼心！餐廳推薦度：⭐️⭐️⭐️⭐️✨ (4.5/5)值得一提係離開餐廳嗰陣收到一個朱古力，每人一塊😽 好開心！收完禮物職員仲會幫你禁lift歡送你，服務非常值得讚！環境好安靜舒服食得開心😁 服務真係好好，職員好細心介紹菜式，會同客人傾吓計！另外每上一道菜都會有兩個職員serve我哋張枱，仲定期掃走枱下嘅碎屑，成個用餐體驗無得輸👏🏻 食物方面質素唔錯，甜品就失色少少！不過九個course對我嚟講真係太多，見到個Petit fours咁多都有少少嚇窒咗😂 食完成餐飯真係飽到上喉嚨🤰🏻如果以正價再嚟食應該會食佢哋嘅lunch，性價比高啲👀…查看更多

20200806🌦️Thursday 🌹Amber坐落於五星級香港置地文華東方酒店，Amber 屬於米芝蓮二星餐廳，感覺自己都來自星星的你🌟🌟🌟於2019年改頭換面，比較喜歡現在的改造，採用了金色和米色為主調，淺木色的餐桌， 襯托出桌上的餐具近顯奢華🍽️Ordered EXTENDED AMBER EXPERIENCE $950 = 4 CoursesWaitress 安排近窗位置，我本人雙眼對陽光敏感，所以要求另一位置，最後安排了最後Sofa 位，很舒適😘Waiter 每送上一道菜，都會講解，因為我每事問🤔Waiter 好有耐性解釋什麼菜色配以什麼餐具，感覺很溫馨😍Excellent Service 👍👍👍👍👍…查看更多

First thing first~ 想喺呢度趁機同攝影師友人 R. Lee講聲多謝, 幫呢餐飯影左咁多咁靚既相, 成功地將最完美一刻定格~ 望住啲相在下覺得好慚愧, 同在下平時影果啲真係天與地… 事後佢仲要懶謙虛話今次已經影得唔太好, 嘩! 真係難聽過操口… Any肥, 在下由衷感謝!由於之前一直忙碌, 執筆寫呢篇野既時候餐飯已經過左三個月, 所以記憶不再猶新~ 唉, 由小學到而家都相信同一個大話: I can remember it, I don’t need to write it down~ well~ 咁咪瀨野囉~ 真係鬼記得咩… 點都好… 在下盡最大努力勾起回憶.<餐廳來頭> 先簡介呢間野, 有飲食界奧斯卡之稱既Restaurant Magazine 50 Best Restaurants 喺在下食飯前幾日剛剛出爐, 成個香港就只有Amber上到榜, 仲拎埋全球第二十名, 算得上係全香港排名第一既餐廳, 呢啲咪就係叫傲視同儕囉~ 的確, 在下叫有福氣試過香港大部份高級法國菜: Pierre, Spoon, Caprice, Gaddi’s, Robuchon, 比起佢地, Amber喺食物呢一個環節真係拋離佢地一大段距離 (Robuchon 可能近少少)…<用餐簡介> 利申: 除左食客身份, 在下仲帶著 "Ex - Intern" 既身份黎幫襯, 所以在下唔排除餐飯既Review多左主觀因素同私人感情, 咁係咁架啦, 食野本身就係一樣好主觀既野黎, 係有偏見架啦~未知巧合定有心, 餐廳安排左全餐廳最靚既枱俾在下, 角位枱四人梳化, 坐得舒服又夠私隱, 在此感謝Amber既細心安排. P.S. 其實餐廳每張枱都唔錯 (枱夠大而且枱同枱既距離好充足), 絕對唔會遇上 “屁屁位”, 只係十隻手指唔會一樣長. (屁屁位慘痛經歷請參考灣仔福臨門既Review),<叫野食>逢禮拜六日同公眾假期既Lunch就只有一個menu - Weekend Wine Lunch (6道菜配4杯酒既套餐), 雖然睇住佢由$600幾加到而家既$900幾, 漲價超過5成, 不過諗深一層, 一千蚊唔駛就食到 "全港第一", 都算抵既! (老實說, 如果喺樓上果幾間法國餐廳叫埋酒, 其實價錢都同呢度睇齊, 或者仲貴啲添~)6道菜套餐包一道前菜, 一道Middle Course, 一道主菜, 芝士拼盤, 再加2款指定甜品. 餐前仲有幾款小食Amuse Bouche, 加上源源不絕既自家製面包, 最後仲有petit four 同埋咖啡茶, 其實係好多野食, 一千蚊per  head一啲都唔算貴. 另外要注意用餐時間, 咁樣食法冇2個鍾都走唔到… 其實2個鍾係minimum  (在下足足食左三粒半鍾)<FOOD COMMENT>Menu: Weekend Wine Lunchprice: $928 per personBread Basket面包籃好味指數: 4.5/5大約有三至四款, 試左Baguette 同Sourdough 薄脆, 配埋法國牛油, 味道還不錯~ 可惜既係已經見唔到在下最心愛既olive focaccia, 想當年在下做intern, 都不知偷食左幾多個~ 最後完左intern後肥到啊媽都唔認得…但都係果句… 若論Bread Basket, L’ Atelier de Joel Robuchon 贏晒, 仲要連車尾燈都見唔到果隻…Amuse Bouche 好味指數: 4.5/5送既敬菜一共有四款, 一坐低侍者就奉上一杯烏龍茶fusion tea, 用黎清一清口腔, 定一定神, 至於味道? 咪係烏龍茶囉~ 呵呵~緊接住仲有雞蛋仔, 芝士餅 (呢個好好味, 因為芝士香實在太澎湃了, 喺口中久久不散), 同埋什菜脆塊. 不過在下仲係懷念以前既名物 – 鵝肝珍寶珠, 個個對佢都有讚無彈, 講笑者, 點會無彈, 彈咩? 彈每人一粒唔夠喉囉!!! 但近年已經不見其踪影了, 在下強烈要求俾佢復出!!!AppetizerOyster (推薦!!!)好味指數: 10/10前菜四簡一, 本身想試一試新菜式kohlrabi (取代左以前既另一個名物- sea urchin), 不過舊同事極力推介呢個oyster菜式, 咁人地誠意推介, 在下冇理由唔試架?菜式做法特別, 上到枱見唔到隻蠔, 碗中剩係有一塊綠色薄冰, 上面仲 “吱”左少少醬汁. 原來寶物沉冰底, 食客需要將塊冰整碎然後撈埋隻蠔黎食. Bite Size蠔既質素唔駛多講, 鮮甜清爽, 帶輕微既海水同金屬味, 靚野嚟! 配埋青蘋果薄冰既清香同冰冷感覺, 成件事超級refreshing, 味蕾當堂醒晒!Wine Pairing: White Wine - Sauvignon BlancMiddle CourseCuttlefish - a la carbonara with quail egg yolk, charred pearl onions, smoked alsatian bacon (推薦!!!)墨魚 – 卡邦尼汁配鵪鶉蛋黃, 珍珠洋蔥, 煙肉好味指數: 10/10Middle course 依然係海鮮菜式 - 墨魚. 又係神龍見首不見尾, 望落去又係連一隻墨魚都見唔到, 剩係得啲扁意粉… 而呢個就係重點, 墨魚不見黑魚, 意粉不是意粉, 有點玄吧? 因為佢啲扁意粉係用墨魚做架!第一次接觸呢個概念係細細果睇卡通片既時候, 有套野叫中華一番, 主角劉昴星打大佬其中一關既考題- 麵 非麵, 當時佢用鯰魚去做呢道菜式. 呢種咁特別既做法在下食過3次,  第一次係喺威尼斯兩星餐廳MET, 卡通片情節首現眼前, 驚喜萬分, 亦懷念至今. 第2次係喺東京既TAKAZAWA, 果次啲“麵”就唔係用魚整, 而係用新鮮帶子, 味道鮮甜無比, 唯欠 al dente既口感. 而今次喺Amber則用上墨魚, 補番彈牙感覺, 嘴嚼之時亦滲出淡淡墨魚味. 正正正!卡邦尼汁泡泡偏向淡身, 旨在吊味同豐富層次, 係一塊出色既綠葉, 襯托主角墨魚面而非搶佢戲份. 配菜仲有超甜既烤洋蔥同罪惡煙肉, 認真講句, 真係好味到暈底… 唯一要彈既係份量… 法國菜真係法國菜, 完全唔夠喉…題外話, 當時套卡通片既主角, 係用魚肉包住墨魚芯黎整”麵”, 口感鮮味同時拎滿分, 不過… 現實還現實, 卡通還卡通…正當在下陶醉緊喺呢道麵 非麵既時候, 友人突然爆左一句... 咁咪即係四海吱吱魚肉面啲朋友... 我頂... 美麗幻想瞬間幻滅, 成件事cheap 晒.... 笑左Wine Pairing: White Wine - ChardonnayMain CoursesPigeon "au snag" - breast pan roasted on it carcass, leg & cereal "cromesqiu"; chiogga beetroot cooked and puree; pigeon jus with vadouvan spices  (推薦!!!)法國乳鴿 (煎鴿胸, 鴿腿炸球, 紅菜頭)好味指數: 10/10在下曾經講過, 倘若去一啲高級既法國餐廳, 如果餐牌上有飛禽類 (例如鴨, 鴿, 鵪鶉 – 雞除外…), 佢地通常都會係在下既首選, 因為最易俾到驚喜, 其次會簡羊架.侍者一放碟野落枱, 已經吸晒睛! 真係靚到 “dum” 一聲, wow, it is an Art Piece!!! 呢啲時候要用洋文先表逹到內心既喜悅~鴿胸煎到恰到好處, Medium rare, 而鴿腿肉就切成肉碎, 炸成一個小肉球再加少少穀物, 配菜為一系列既紅菜頭菜式. 先講隻鴿, 食之前點少少鴿肉汁, 香味同味道瞬間提昇, 而亮點係個texture, 嫰到一個點令人難以相信食緊既係胸, 呢啲就係在下所講既驚喜, 遇到好食既野好多時候會問How – 佢點做到架呢? 但去到呢啲級數, 係會轉問Why – 點解會咁幸福? 相比起Petrus 既雞胸, 呢度處理得好幾條街. 切左少少鴿胸俾友人, 佢都讚不住口, 然後就開始失落, 後悔簡左牛而冇簡鴿.由於胸肉光茫太強烈, 已經覆蓋一切, 剩低既鴿腿球同配菜在下已經零印像.Wine Pairing: Red Wine - BaroloVeal Shank - braised on the bone, crispy beef head with green asparagus & black winter truffle potato mousseline 燴牛仔膝肉, 炸牛面珠肉, 露荀, 及黑松露薯蓉Supplement: $138友人既主菜要額外加錢, 但似乎出黎既效果反而冇咁好. 輪賣相, 牛仔輸比隻鴿一條街. 至於味道, 在下今次好乖冇打稅 (反正自己既主菜靚咁多, 呵呵~ 無謂落井下石), 根據友人描述, 味道不過不失, 没有驚喜.CheeseFrench Cheese  (推薦!!!)精選法國芝士好味指數: 10/10一共有五款芝士, 芝士切得慷慨, 先記一功! 侍者好有耐心介紹每一款, 比如黎自法國邊一個地區, 用牛奶定羊奶整, 之類之類, 可惜在下記性愈黎愈差, 當佢介紹到第三款既時候其實在下已經唔記得第一款係咩野, 總之去到最後在下問番侍者應該由邊一隻食先, 確保順序就好了.味道由淡到濃, 由親民到難頂, 而個range都幾闊 (難頂果隻真係有啲哽~), 在下係芝士控, 隻隻都咁欣賞, 每啖都津津有味, 而友人食到第三款就舉白旗, 剩低既當然係收歸在下肚腩~以前呢度serve芝士會推架車仔出黎, 喺你面前慢慢切, 或者咁做真係太費時失事, 而家切好晒放上木碟直接落枱. Anyway, 另外有樣野要讚一讚, 唔知係pat pat撞棍定餐廳如此細心, 用Sharing Plate黎serve呢道芝士. 大家都知道香港食客並非個個都係法國芝士既粉絲 (友人就係好例子), 如果每人自己一碟, 33%會出現一方食唔晒夾俾其他人, 33%會己所不欲, 勿拖於人然後自己哽埋佢, 最後苦了肚皮, 唔嘔當贏, 33%係暴殄天物… 而家擺喺中間大家分享, 淺嚐也可, 鯨吞也可, 悉隨尊便~DessertHeirloom Carrots - confit with & orange blossom honey, carrot cake; segments, zest, sorbet of blood orange復古蘿蔔 (蜜糖烘煮, 蘿蔔蛋糕, 血橙雪皅)好味指數: 8/10又係一系列用同一種食材整出黎既菜式 (似乎而家好興呢種玩法) 今次主角係蘿蔔, 賣相係精美既, 成碟野有暖有凍, 加上唔同煮法有唔同texture, 又蛋糕又雪皅又puree, 成件事俾人感覺好豐富.Opals - white chocolate cream with raw grated, preserved & jel from lime; crispy tuile with line custard & cold infused coffee ice cream白朱古力忌簾配青檸啫哩, 咖啡雪糕好味指數: 8/10法國菜, 埋尾一定要有朱古力, 對在下黎講, 就好似跳水要壓水花, 冇話一定要有, 但冇既話唔完美囉~ 拎唔到十分囉~ 話之你之前喺空中前空後空翻左幾多度.可惜既係在下麻麻地白朱古力, 當在下膚淺吧, 在下認為白朱古力唔算係朱古力, 正如熊貓唔係貓一樣… 仔細味道在下真係唔係太記得, 依希記得算係好食既, 只係少左朱古力應有既可可香味, 水花壓唔夠, 遺憾是也.不過友人唱反調, 十分欣賞呢個甜品, 話白朱古力搭青檸搭咖啡呢個mix and match特別得黎又夾得好好味!Petit Four - Green Apple Sorbet; Chocolate Gananche; Raspberry Cheese Tart; Nougat美點雙輝 – 青蘋果雪皅, 朱古力撻, 紅桑子芝士撻, 鳥結糖好味指數: 5/5埋尾既美點雙輝都唔馬虎, 先上青蘋果雪皅, 為一餐咁full既午宴清下味蕾. 再黎就係朱古力漿配紅桑子 (香濃朱古力味, 唔會過甜), 紅桑子芝士撻 (餅廚細心喺粒紅桑子裏面放左少許糖漿, 食落去唔會過酸), 同埋鳥結糖 (因為有大量既開心果同其他果仁, 好香好好食, 又唔太痴牙, 正!)<DRINK COMMENT>Wine Pairing套餐一共包左四杯酒, 坐低一杯香檳, 前菜生蠔同middle course墨魚面各配一杯白酒, 而主菜就跟左杯紅酒. 每款酒都經過酒師精心挑選過, 質素絕對有保證, 而佢地仲match到落啲餸度. (Well… wine pairing其實係一種好高深既野, 好可惜, 在下連皮毛既知識都冇, 真係識條毛咩… 不過, 起碼你食完舊野, 飲啖酒, 唔會覺得 “嘩~個味道咁怪既???” 咁在下當pair到架啦~ 最最最記得係杯紅酒好好飲, 黎自意大利既Borolo, 單獨飲已經覺好正, 同隻鴿更加襯到一絕.Sparkling Water - Saint. PellegrinoPrice: ~CappuccinoPrice: included由於唔係由好朋友F. Cheung所沖, 所以杯野飲只屬聊勝於無水平~<OVERALL COMMENT>野食野飲COMMENT食物味道, 賣相, 份量, 都無可挑剔, 真係連喺雞蛋裏都剔不出骨頭, 由前菜到甜品都係高水平之作, 而生蠔, 面非面, 同乳鴿都俾到驚喜! 唯一既遺憾係甜品唔太啱在口味, 唔係彈佢味道, 只係純粹跟在下磁場唔夾. 以食物質素黎講, 唯一可以同Amber爭長短既, 在下認為只有 L’ Atelier de Joel Robuchon, 剩低既例如Caprice, Gaddi’s, Spoon, 等等等, 真係可以用 “望塵莫及” 黎形容.環境COMMENT貴為兩星米芝蓮同香港第一, 用餐環境當然冇得輸, 坐得舒服裝修靚不在話下,  天花板果兩千幾枝鋼管更彷如一件大型藝術裝置. 枱同枱之間既距離感十足, 雖則全院滿座, 但一啲都唔覺吵鬧.唯一小小小小缺憾, 適逢夏季7月, 放喺餐廳既鮮花無可避免地有蚊滋, 唔多, 一千零一隻咁大把, 亦都係只係擾攘左大概10幾秒, 不過, 呢啲事情唔應該會喺 “香港第一” 發生.服務COMMENT唔係賣花讚花香, Amber既服務一向屬於高水平, 細心, 禮貌, 又有笑容, 縱使佢係一間高級食府, 同樣能夠令你感到好warm, 一啲都唔拘緊. 值得讚下既係兩位外籍人士 – Restaurant Director 同 Assistant Manager ,前者風趣幽默, 後者笑容滿分, 為呢餐飯添加不少色彩.唯一少少defect係另外幾位侍者可能比較green, 冇咩直接deal with客人既經驗, 所以喺介紹菜式時有少少緊張, 講到甩甩咳咳 (同以前既在下一樣, 第一次出大廳同客人講解菜式, 腳震又口窒, 所以在下表示理解.)戴定碩盔先, 並唔係手指拗出唔拗入, 倘若平心而論, 半島Gaddi’s 同 L’ Atelier de Joel Robuchon 既服務的確比Amber做得更出色, 更加能夠將 “Professional” 呢隻字演繹得出神入化.   值唔值?二千三百大洋喺香港食餐晏可能有大把選擇, 但要食物質素咁高, 杯酒又靚, 又有名氣既餐廳, 真係好難搵到. 所以呢度既lunch係超值!最後, 再次多謝友人R. Lee充當攝影師, 拎左部成皮幾既單反黎赴會, 成餐飯又影相又拍片, 渣機又係佢, 旁白又係佢, 食客又係佢, 真係自編自導自拍自演~ 些些~ …查看更多

Since yesterday was a festival occasion and no prior reservation was been made, I was thoroughly surprised by the availability of seats for two while expecting the result from the capricious call to be negative. And there we went. Mid-Autumn Banquet at AMBER.AMBER offers both set and a la carte menu in either English or Chinese. Me and my mom both chose the 9-Course set from Degustation Menu, consisting some of the signature dishes from the restaurant *Automatic Drooling*, which was about $2068HKD/person and $1518HKD for extra wine/personBefore delivering the order, the waiters will ask for any allergies or personal dislikes/absolute proscriptions on certain food that you have. Very considerate indeed.Before the actual courses, AMBER prepared a series of welcoming appetisers plus bread & butter, which you can take unlimited amount if you feel no shame to ask . Now to the real goodies! ALERT: MAIN COURSE COMINGThere are two choices for main course, fish or beef. I chose fish and my mom chose beef. If not specifically asked, both will be prepared medium, except that my mom asked for medium-well for the beef though. The waiter recommended to start with fish first, I guess me and my mom are supposed to share the two....? We shared them anyway.Finishing up the main course, we are offered the choice of cheese. My mom wasn't a fan of cheese, so she alternated it to a French carrot dish, but it turned out that she isn't a fan of French carrot either AMBER has a wide selection of French cheeses for diners to chose. 4 different kinds at a time. I am no expert at cheese so the waitress did the selection for me. They also provided two slices  of bread - either wheat bread or bread mixed with dried fruits - for tasting. DESSERTPetit FourThe generous AMBER offered additional petit four to satisfy our endless gluttony. Heavenly experience at AMBER ended my Mid-Autumn Night. Big satisfaction, stomach, as well as the Degustation menu to carry home  !…查看更多

9月11日, 今日係我嘅生日, 呀菲帶咗我嚟呢間都想食好耐嘅酒店餐廳, 睇嚟佢地嘅lunch set都好吸引, 但係有一d就好似更吸引, 無論如何都要試一試~ 我地要咗2個3 course set, 中間仲有d小食配搭~::: Assorted Bread :::不得不提嘅當然係呢度嘅牛油, 來自法國的品牌仲有分原味同有鹽牛油, 香軟濃郁~ 有牛油就梗係要配麵包啦！侍應捧著一大盤排列整齊焗得香脆嘅麵包比你揀, 有軟有硬有厚有薄嘅各式選擇~ B豬都食咗好多, 掛住食都唔記得影相！::: Amuse Bouche :::先來一連串嘅餐前小食~ 總共三款分別有鵝肝珍寶珠、炸豬肉丸同茄子蓉盤栽. 最特別嘅當然係鵝肝珍寶珠~ 用beetroot jell-O包住香濃軟滑嘅鵝肝, 十分滋味!::: Aubergine :::先來一個頭盤, 賣相靚到好似一幅畫咁！最底係bell-pepper jell-O, 上面加上蕃茄粒、豆同食用花, 味道都幾清新, 食完之後好開胃~::: Sea Urchin :::呢個海膽要加錢的, 但係上枱就知道係超值,一個好似海膽型嘅兜, 裹面嘅海膽份量好豐富, 加上魚子, 感覺就是高貴~ 味道來說, 十分鮮甜, 海膽可以大啖大啖咁食, 周圍係龍蝦汁啫喱, 都好鮮甜好襯個海膽~ 魚子就反而唔太食得出個味道, 只有淡淡鹹香.::: Tasmanian Ocean Troute :::塔斯曼尼亞鱒魚配上一條好出色嘅千層薯仔酥~ 魚味道似平時食嘅三文魚, 配上少少調味醬, 味道唔算濃但係可以帶出魚嘅味道~ 而薯仔酥好香好脆, 食落好惹味, 不過有少少乾身~::: Wagyu Tongue :::這個主菜也要加錢的~ 和牛舌本身冇煮到全熟, 大概5成吧, 以突顯肉地入口即溶, 香濃嘅牛肉味在口中徘徊~ 汁用上日式燒汁, 配上紫菜碎, 來帶出日式風味, 唔錯~ 除咗牛舌之外, 配菜仲有蕃茄塊, 俾我地喺濃郁嘅牛味之中清新一下~::: White Peach :::呢個桃加面頭嘅一球清酒雪糕, 味道清清地帶有甜味, 幾fresh, 加上有少少炸米粒, 軟中帶脆~::: Bahibe Milk Chocolate :::呢件甜品就係一條朱古力mousse, 加一球鹽味焦糖雪糕同蜂蜜脆脆~ 朱古力mousse唔算太甜, 反而雪糕好似仲比較甜, 加上蜂蜜脆脆口感對比幾有趣~::: Coffee :::餐飲我地要咗普通咖啡同cappuccino~ 咖啡幾香好濃, 呢類餐廳嘅咖啡我喜歡唔加奶唔加糖, 呢度嘅咖啡質素比其他地方好一點~::: Petit Fours :::最後, 當然因為係我生日, 呀菲都額外準備咗一個生日甜品拼盤, 其實平時都會有嘅軟糖、鬆餅、馬加龍同一d曲奇, 整體唔算好特別, 最特別嘅算係面頭寫上嘅生日祝福語!呢個生日餐都幾好食, 海膽和牛水準都好高~ 加上座位係梳化, 坐得好舒服~ 而小朋友嘅用餐設備例如high chair同餐具都安排得好好, 要讚! 試過一次都十分之滿意~…查看更多

Chef Richard Ekkebus is the culinary director behind The Landmark Mandarin Oriental’s signature restaurant, Amber. Under Ekkebus’ leadership (culinary magic tricks) Amber was awarded 2 Michelin stars for four consecutive years AND part of the World’s 50 Best Restaurants for the past 3 years. Not Bad Mr. Ekkebus, Not bad at all.So the other day- the fam bam, friends & yours truly went to try their lunch set menu.Details Below-Offered from 12:00noon with last order by 2:30pm3-course menu HK$5184-course menu including illy coffee or jing tea HK$748with a premium single-origin coffee: mocha add 28 or blue mountain add 58Amuse Bouche- Crab Meat Stuffed Poppers (Left)- These stuffed cheesy mini bite sized poppers were a crunchy and crabby (get it?) delight!Foie Gras Lollipops (Right) These were surprisingly DELICIOUS. A) I do not like foie gras. B) I do NOT like foie gras. However, this… I liked. A Raspberry candy coating wrapped the juicy, smooth and rich foie gras. MORE PLEASE!My- Globe artichoke & cep mushrooms ‘à la grecque’, fresh hazelnuts with sapporo barnabes bacon & summer leaves- The globe artichoke was definitely light & refreshing. The artichoke was light and had this subtle sour tang to it- Interestingly likeable! A healthy refreshing starter.(We were a big group, and I didn’t taste test the other choices…so the ones with no descriptions! You know why )Cauliflower Soup- THICK, CREAMY, & absolutely delicious looking!!!!Tasmanian Salmon belly, confit & served cold served with periwinkles, grey shrimp & dill as a ‘vichyssoise’- Also looked looked mmmm mmmm delectable.Duck foie gras ravioli, enhanced with espelette chili light purée & velouté of hokkaido corn- So pretty.Iberian Pork ‘Pluma’ dusted with ‘quatre épices’ then char grilled, kabocha pumpkin, fresh hazel nuts & vintage sherry vinaigrette- I WANTED to get this… Oh my God. Look how beautifully cooked that is.Line Caught Atlantic Cod -pre-salted then roasted with espelette & serrano ham ratatouille & coulis of bell pepper & olive oil - I ordered this Looked nothing like the above. The presentation in Amber is amazing. Those colorful pieces are all a blend of vegetable ratatouille blend. My cod was over cooked and not as juicy or saucy as I was hoping for. A little bland an under seasoned…but I’ll give it to them with the presentation…Mini Milk Chocolate dipped Vanilla Ice Cream Pops- These were amazing. Refreshing, sugary, creamy, milky & cold! Whats not to like??Manjari 64% chocolate -chocolate ‘délice’ with bitter chocolate glaze & passion fruit sorb- MMMMMM…Look at that rich, smooth chocolate…….. Chestnut- ice-cream, brown rum marinated raisins & pastry ‘diplomat’ cream served as a deconstructed ‘mille-feuille’- Your killing me here!!! (( Why does everything look sooooo good.French Farmer Cheeses matured by Bernard Anthony….Cheese Heaven…..Victoria Pineapple-with sea salt, espelette chilli & extra virgin olive oil ‘caviar’- So this was…. mine. I’m dieting a tad sad compared to everyone else….. But…I make the best of what I can! Delicious, sweet, and spicy (chilli flakes). Until I popped that olive oil bubble. It was just …..olive oil????? I don’t know how I feel about this dessert….Petit Fours…an assortment of candies, chocolates, bite sized sweet confections!! I can understand why Amber is a Michelin 2 starred restaurant. The ambiance, fine dining experience & staff is terrific. The presentation and preparation of the food is exquisite. What else can you ask for?? Only thing- perhaps taking out the olive oil in desserts …查看更多

一年後的夏天又跟同一位友人相約到Amber食Lunch。自己早了點到就先點了一瓶still water，waitress 還問我對於still water有沒有甚麼preference，我說沒有，他們就隨便給我拿了一瓶。這是我的，onion and olive bread 是整個包都佈滿olive茸，也有大塊一點的olive肉，很香，喜歡吃olive的人不可以錯過。Unsalted Butter，一致認為真的不怎麼樣，沒有finish掉。amuse-bouche:沒有驚喜卻令人期待的 Duck Foie Gras Lollipop，一口咬下去，會同時吃到脆脆的餅乾和raddish，duck foie gras 味道濃郁而且非常幼滑，包著duck foie gras 的是一層有點厚度的 raspberry jelly，酸酸甜甜的，剛好中和了foie gras的膩，太好味了。另一樣我卻沒什麼印象，Crab Meat with Mayonnaise on Pastry，pastry 很鬆化，好吃但造型沒有那麼特別，很可能明年再來的話我又會以為自己是第一次吃這個。這是他們推介的Duck Foie Gras Ravioli, 倒進去的湯是北海道玉米湯，玉米湯是甜甜的，卻又帶有一點點不協調的鹹味。Ravioli的餡很鹹，跟湯一起吃就還不錯。比起去年來吃的Foie Gras Terrine，略有不及。這是主菜，也是他們的推薦，Line Caught Atlantic Cod，先用鹽腌好，再以Serrano Ham一起roast，魚下面的是Ratatouille。如果讓我再選一次，我會選羊肩。不知道是因為我們吃得慢，他們要下場，還是3-courses的lunch set是沒有pre-dessert 的？我們直接就跳到dessert去。這次友人跟我都沒有接受他們的推介，Raspberry Mille-feuille。我冒險的選了這個Victoria Pineapple，撒有一點sea salt，上面放上幾片撕開的mint，還有最吸引我點這道dessert的Olive ‘Caviar’。菠蘿下面的是一抹yoghurt，旁邊有Espelette chilli。為什麼說是冒險？因為我對新鮮菠蘿有點敏感，吃完一塊之後嘴角便開始甩皮。至於味道吧，還不至於值得我這樣冒險，所以第二塊菠蘿就被原封不動的拿回去了。友人點的甜品，Mirabelle，vanilla creme brûlée baked in a tart, 配上almond ice-cream，友人說非常好吃。 我選的filtered coffee，喝下去除了有點過於苦澀已經覺得很不錯了，在香港有時候甚至你專門去coffee shop喝也比這個差，不過嚐了一口友人的cafe latte，好奇怪，怎麼會好喝那麼多。Petit Fours，印象中好像沒什麼改動，除了最下層的puff不記得以外。puff 咬下去是凍的chocolate cream，雖然chocolate味道不濃但很好吃，chocolate cake 上有一片薄薄的chocolate，不過味道不突出。中間那層的糖是我最喜歡的，macaron 感覺上比以前好吃了，但只有脆沒有chewy，不過不會很甜，比較適合香港人的口味。上層的一個是椰絲dip了chocolate，另外一個是有icing的軟糖。在Amber 的一期一會，再見。…查看更多

一周一次的Girls’ Night啦 这次选择了我们都喜爱的文华东方 一直听闻Amber的餐厅设计很前卫 天花板是以3500条铜管做成的雕像 因而尽管这里平地面积不大 但高吊顶的大胆设计 依旧让眼界觉得开阔 配合晚上低调的灯光 非常的华丽优雅 近期是以黑松露为主题 不过今日我们选择吃鱼为主 配合餐厅的名字 因而得此名：琥珀鱼美人一系列的开胃小食 最喜爱的是这份鹅肝珍宝珠 通透的模样很讨巧 外裹红莓红菜头啫喱 淡淡的酸甜唤醒味蕾 再以鹅肝的腴厚让人回味 色美味鲜 前菜：塔斯曼尼亞烟熏三文魚 点餐时服务生说 这款三文魚需要35min制作时间 优质的食材需要耐心的等候啦 外表铺着层层的墨鱼面包碎屑 鱼肉有微醺的香气 肉身软韧 鲜美的鱼油丝丝溢于齿间 齿颊留香 配菜佐以牛油果和青苹果薄片 绵滑清甜 主菜一：蒸比目魚配龍蝦 女生们偏爱肉身轻的鱼肉 这道蒸比目鱼配龙虾 混合了两种肉 铺成卷摆于两侧 手执刀刃切下 鱼卷丝毫不会松散 似乎因为龙虾肉的紧实 有胶质回弹力 入口嘟嘟的 弹牙又鲜嫩 中间一条是扁豆沙拉 配合主菜 扁豆带着微微余温 细节的处理让人觉得好窝心 沙拉的上面铺着细叶香芹和洋梨片 酱汁都细心地调和了龙虾肉的味道 恰到好处的烘托了主角 主菜二：烤野生鹿肉 一直在吃鱼 想换了个特别的肉 结果一上桌 发现分量好大的一盘 野生鹿肉比较紧实 切下的时候 偷偷想入口会有些干吧 不过巧妙的是 相配的胡椒红酒酱汁 精彩地逗留了鹿肉在口腔的余味 旁边的杂菜堆 有甜菜根 洋葱黑橄榄和樱桃 一口肉一口菜 一下子就饱足啦最後Petit four 用三层的铁盒盛放 由上至下 分別是 椰丝朱古力挞和白朱古力糖 杏仁Macaron和太妃糖黑朱古力蛋糕和咖啡泡芙 其中较喜欢的还是朱古力蛋糕 朱古力味香醇 相对于其他几款 也不会过于甜 是晚的Girls' talk很愉快 大家都大赞这里的服务贴心而得体 创意的菜式也让人意犹未尽 择日会再去试试文化的另一家法国餐厅Pierre 好期待25的顶楼景观 …查看更多

老公生日, 又有藉口去尋找美食慶祝一番餐廳地方不算很大, 設計高貴簡單 , 座位舒適.我哋叫咗3道菜午市套餐, 每位518蚊 +10%麵包 : 我選擇了意大利橄欖包和全麥包, 有嚼勁兩款Amuse bouche : 都是Signature dish, 味道有層次，有心思，睇相不如食落肚 Starter　他選了Royal Cabonan Oyster No. 1 蠔很新鮮, 和一片片的椰菜花和紅菜頭, 加埋酸酸地的汁, 清淡怡人.　我選了Duck Foie Gras　鵝肝味道濃郁，但印象最深刻的卻是陪襯的開心果醫，很美味！Main Course 他選了John Dory : 魚肉是估不到的嫩滑, 意大利米飯很有嚼勁，味道恰到好處． 我選了Wagyu Beef Macaroni 和牛肉質軟稔，肉汁香濃;通心粉裡面釀咗磨菇蓉，是估不到的細緻手工．甜品前仲有Pre-dessert : 朱古力椰汁雪條：好食．　Dessert我選了Comice pear：焗得頗香, 配上梨，提子和肉桂雪糕，愛吃甜點的我，轉眼間便吃光了．他選了Granny smith apple ：我只試咗一口這反烤萍菓塔, ，因為我清楚明白會再來吃Petit four :估不到平日我不愛吃的泡芙, 佢弄得很好吃．Coffee or Tea我選了macchiato cuppacinno : 我好欣賞佢用玻璃杯，顏色好靚; 咖啡味道也很香濃.食物味道不俗，服務員對菜式和問題一一細心解釋，服務妥貼, 令我哋食完充滿正能量, 米芝蓮星級實至名歸．一邊寫這個食評，一邊回想生活的苦與樂，其實只要學會小小的都感激, 便是樂趣 (明日恩典 填詞 : 黃偉文 主唱: 容祖兒)。♫來 為何還等待 趁大家也在 時間在流動 橫過目前 往下秒開就趁這分鐘 來一個合照 捱完還識怎麼笑 辛苦極 過活還是精采 ...學會小小的 都感激 亦算得樂趣 願以後盛和衰 亦容許 我陪著你面對 難道看別人先看見 風光我們已獨佔 如我們還怨 明日好運會轉 Amazing Grace! How Sweet The Sound That Saved a Wretch Like Me 前面會有 甚麼樂園 靠人沿途發現 祇需要 相信它不遠幸福 並不很遠 你還在我身邊 心足了 一切都不欠♪♪…查看更多