PAN-ROASTED SEABASS FILLET & STEWED PRIME SEAFOOD

每次行過將軍澳澳南的The pizza pig，都會聞到陣陣香噴噴的新鮮出爐pizza，這裡每一個pizza的形狀都是長方形，打破了我們對pizza是圓形的傳统概念。pizza分為2個size，分別是15吋和30吋，視覺都非常震撼，如果多人一起分享，叫30吋pizza絕對是又大件又抵食。餐廳的環境裝修很舒適，外面是半開放的環境，裡面就是一個個卡位的位置，這餐廳還是寵愛友善餐廳，歡迎主人帶狗狗齊來用餐。1️⃣BAKED CAMEMBERT ($138)，金文拔芝士還是第一次食，原個芝士塗上了蒜香蜜糖，令到芝士的表面呈現一層薄薄的金黃色，還有一些甜又帶有焦香的味道。而且加入了很多堅果，例如夏威夷果仁、合桃粒，芝士的味道香醇濃厚，放上酸麵包一齊食，又不會覺得只食芝士太過寡，同時又食到酸種麵包的麥香味，味道很豐富。🧀😋2️⃣SIGNATURE PIGGIE ($198)，pizza我們揀了15吋，但原來份量的非常大份。pizza的材料以全豬為主，是店舖的招牌鎮店菜式，材料包括有炸得香脆可口的手撕豬手、一條條長身的火腿、帶有辣味的辣肉腸，也有唔辣的香草肉腸，pizza的餅底拉到好薄身，芝士好多，輕輕一拉，pizza已經做到拉絲效果，因為pizza好多配料，真是皮薄餡多，而且新鮮出爐，焗得很熱，非常出色。🍕🐷3️⃣PAN-ROASTED SEABASS FILLET & STEWED PRIME SEAFOOD （$198），這個是海鮮大集合，鱸魚很鮮甜嫩滑，外皮煎得好脆，而且無骨，方便易食。還有大隻爽口彈牙的蝦仁和海水味濃的蜆肉，整碟海鮮都很多。4️⃣Chocolate ice cream（$25），雖然整餐都食得好飽，見到雪糕個價錢都比較平，所以忍唔住叫咗一球，朱古力雪糕是混合了朱古力醬，所以整球都很濃味豐富。🍨🍫…查看更多

今日夜晚嚟咗將軍澳海旁，見到呢間半開放式嘅The Pizza Big，餐廳非常有格調，好有氣氛，於是入咗去食dinner☺️Omni Pork Salad ($138)- 餐廳最近新推咗新豬肉嘅菜牌，於是叫咗個新豬肉沙律，非常之好食，新豬肉口感同真嘅一樣，己有咬口，配搭埋酸甜嘅沙律醬同埋新鮮爽脆嘅沙律菜，格外開胃，作為頭盤一流🥙Pan-Roasted Seabass Fillet & Stewed Prime Seafood (Half - $178)- 海鱸魚煎得十分，完美鎖住魚嘅鮮味，同埋火侯控制得非常好，魚肉鮮嫩；另外海鮮都非常之豐富，有彈牙嘅鮮蝦、新鮮厚身嘅蜆，鮮味喺口腔入邊爆發，非常滿足☺️Signature Piggie (M - $198)- 呢個招牌鬼馬”豬”意pizza果然冇得彈，配料配搭得非常有層次，個人非常鍾意手撕豬手，煙韌有嚼勁，而且鹹香味夠晒突出，重點係餅底脆身又唔厚👍🏻Pink Piggy ($62)- 呢個粉紅佳人係甜味為主調嘅mock tail，係由蕃石榴蘋果汁、士多啤梨製作而成，所以酸甜味特別突出，解膩一流😍Tango ($62)- 呢杯甜蜜探戈柚子茶都非常之唔錯，甜甜地帶點有汽嘅感覺，係西柚紅妹菠蘿汁嘅加持底下，清新順口🤗Oreo Madness ($72)- 呢杯Oreo曲奇朱古力忌廉奶昔果然係非常之邪惡，質感濃郁，每啖都食到滿滿嘅朱古力，甜蜜滿瀉🥰Dark Chocolate Pannacotta Guanajuato 70% ($72)- 呢個奶凍勁有驚喜，朱古力濃度高，所以朱古力味極之濃郁，鍾意朱古力嘅人一定要嗌，奶而且奶凍質地綿密，啖啖都好滿足👍🏻整體食物質素都係高水準，冇一個dish係失望嘅，餐廳氛圍好chill，坐得又舒服，一定會再encore🤩…查看更多

話說最近將軍澳海濱附近開咗好多餐廳，一直都好想去嘆下。今次就去咗呢間餐廳，去到已經聞到好香pizza既味道，而且環境又幾chill🤤所以諗都冇諗就決定去呢間餐廳試吓pizza🍕！(Signature) Mexican Shrimp Pizza ($198/15”)呢到既Signature Pizza係必食之選！賣相靚之餘，仲好好味(｡･ω･｡)Pizza上面好足料，有鮮蝦、芝士、牛油果醬、蕃茄沙沙、仲有芫茜辣蕃茄醬。因為呢個pizza係有啲辣既，所以order個陣，staff都好細心好親切咁提我哋，仲問我哋怕唔怕辣。我哋就無辣不歡既，所以就話我哋唔驚✌🏻Pizza嚟到時候，已經聞到好香嘅味道！試完第一啖之後，就覺得真係有啲辣😹但係佢辣既程度又唔會太過分，仲啱啱好，辣辣哋夠晒開胃👍🏻啲牛油果醬仲係用新鮮嘅牛油果去整，唔似其他餐廳用mix過其他配料，所以食落清清地，感覺幾好！加上pizza上面仲有其他蕃茄醬，食落唔會太乾，而且仲有淡淡既蕃茄、芫茜味，真係唔錯🤤Assorted Italian Cheeses  ($158)鐘意食芝士嘅朋友真係要試下呢個意大利芝士拼盤！因為佢有4款芝士，而且份量都幾多🤤拼盤有水牛芝士、艾斯阿格芝士、巴馬臣同藍芝士。見到都吸引，而且一次過試晒咁多款芝士，真係好滿足。我哋就覺得水牛芝士最正，因為佢原個上，好大粒！而且旁邊仲有啲車厘茄，最特別係佢有加埋青醬，呢種味道係出面真係冇乜點食過，所以推介大家試吓😻拼盤仲有酸麵包俾我哋撈埋芝士一齊食，呢個配搭真係唔錯👍🏻Pan-Roasted Seabass Fillet & Stewed Prime Seafood  ($298 Full)因為想試下其他菜式，所以就叫咗煎海鱸魚柳海鮮燴🐟呢個煎海鱸魚柳煎得好香，仲好大舊。最正既係鱸魚冇骨架，可以大大啖咁食好開心。而且佢仲有其他海鮮配襯，有鮮蝦、蜆、辣肉腸同麵包粒。每款海鮮都好新鮮，啲蝦仲好彈牙👍🏻另外，睇得出佢有精心設計，因為呢個海鮮燴顏色豐富之餘，每樣海鮮同配料都擺得好靚添😻而且呢個份量都好大碟，都幾抵食🤤Tiramisu ($88)Tiramisu好似好普通，好多間餐廳都有。但係呢間既Tiramisu好好味，而且係必食添架😻 雖然我哋已經食到好飽，但最後仲食晒成個Tiramisu，可想而知呢個Tiramisu有幾正啦。佢除咗好大件之外，仲有好濃味既Espresso 味, 而且切開佢仲可以清楚見到佢每一層係點樣，望落好靚，食落仲好creamy!Oreo Madness($72) & Mango Smoothie ($72)呢兩杯飲品各有特色，就等我介紹一下！首先講下Oreo Madness先，佢個外觀好靚，上面仲有塊Oreo同cream陪襯，真係好好味🤤而且佢有好濃郁既朱古力味，最正係每一啖都有啲oreo粒粒！只不過係飲朱古力會有啲飽🙈 而另外Mango Smoothie都唔錯，酸酸地幾開胃，而且佢係用新鮮既芒果，所以呢杯飲品都幾好飲，又唔會好甜🤤Overall, 我哋覺得pizza 🍕係最正既，因為佢上面有牛油果醬，而且仲有啲辣，夠哂刺激, 仲有Mango Smoothie都好正，因為食到好飽個陣飲番啖，又可以再戰! 餐廳既職員態度都好nice,仲好親切，值得推薦👍🏻…查看更多