Café Sausalito

營業中

休息中

☕️ Cafe for chilling — Cafe Sausalito✨有驚喜嘅Bagel Cafe🤩➖➖➖➖➖近年深水埗同太子交界嘅位置 都開咗唔少新興嘅cafe 店😆 小編見到咁多人去附近嘅”十常八九” 打卡諗住試吓 點知直頭full到walkin都爆埋🤢🤦🏻‍♂️ 唔打唔撞入咗呢間 雖然都排咗唔少時間但係絕對有驚喜‼️🤭美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)✨ Steak Bagel $72 (weekend 價) (推薦👍🏻)絕對令人有意外驚喜🤩 佢嘅牛肉有少少似牛丼飯入邊嘅牛肉 有少少燒汁嘅味道 但係擺落呢一個Bagel 入面 配搭着頂層嘅芝士... 絕對係冇得頂🤤👍🏻👍🏻👍🏻 味道非常有層次感之餘口感都好豐富✨絕對值得推薦😤☕️ Matcha Latte $42奶味比較重 但同時佢嘅綠茶味都好出 而且係越飲越濃郁🤤 中規中矩啦整體就 都唔錯👍🏻☕️ Mocha $42呢個都唔錯 不過佢嘅奶味偏向冇咁重 朱古力味同咖啡味都平衡得幾好😛💰Total: $156✅環境唔錯 不過

想搵間cafe做吓野，就試吓呢間喺我個list入面好耐嘅咖啡店。喺賣皮革及鈕等成衣配料嘅街頭上左兜右兜，終於嚟到。一踏入門口已經有兩把好親切嘅聲音同我講hello，雖然呢個係基本禮貌，但老實講喺香港好多嘅餐廳，啲店員係就係有同你講hello，不過成個樣都好似係被迫講咁樣。相反喺呢度聽到嘅hello係好真心，再加上佢哋嘅笑容，野都未飲，但已經有好感。雖然面積唔大，但四圍嘅裝飾物好特別，營造到一個好溫暖嘅感覺，好感度大幅提升！Mocha ($38)咖啡杯碟好靚，視覺效果已經贏晒。第一口偏苦，之後先甘甘哋，朱古力味唔係好濃，唔甜，不錯！一杯咖啡飲飲吓嘅時候，笑容滿臉嘅店員突然遞上一小杯好似苦茶嘅咖啡，係佢哋啱啱沖嘅瓜地馬拉咖啡，仲請啲客飲添，雖然我對咖啡麻麻，但呢個舉動實在非常窩心！乜都唔落嘅咖啡真係少飲，但呢個真係幾好飲喎，醇厚度豐滿，酸度偏低，值得再飲到差不多走嘅時候，店員再講多句，拜拜。我好少會重覆去一間餐廳，但呢度親切嘅待客態度，實在想令我一去再去

難得既假期，就係要去一啲不一樣既餐廳坐坐，係甚少食肆餐廳既大南街，開左一間cafe，令你忘記自己身處於深水埗街道。門面睇落去感覺休閒，以棕色原木作主色調，另外配襯寶藍色調，唔睇周圍只睇門面，完全唔覺得自己係深水埗～內裡環境有可愛既EMOJI公仔擺設，而環境唔算好大，但坐落都幾鬆動。因今次同CHICKEN黎坐，所以大食既佢就幫我地每人點左個意粉再加份小食，不過估唔到份量都幾多，但好彩佢又食得晒。卡邦尼意粉，依個卡邦尼意粉比較特別，有別於一般既cream感，主要以蛋漿作為伴汁，另外有煙肉、冬菇、香草等等配料，搞拌蛋漿後，成個意粉都充滿蛋香，而且食落去既感覺都非常細滑，蛋漿一啲都唔腥，增加口感之餘，氣味更加芳香！睇起上黎平平無奇，而且有別於其他卡邦尼意粉，但食落去有驚喜！一樣做到卡邦尼果種細滑口感！而且食完都唔會覺得膩~nice～煙三文魚烘包，店員話因為冇晒牛角包所以轉左烘包比我地，不過相對地唔太夾，因為烘包食起上黎餡料容易跌，再加上烘包本身偏脆會比較乾身，而煙三文魚個味道本身偏咸，所以食落過於乾澀，相信用牛角包既話會好好多。Steamer，chicken點既泡沫牛奶，口感creamy，奶味