順流精品咖啡

難得約左個好忙嘅朋友，陪佢黎試呢間新開嘅咖啡店，一望到門口已經知道係一間勁多打卡位嘅coffee shop，保留住舊有香港情懷嘅感覺，都幾靚。舖頭有兩層，而去到咁岩樓下有枱，我地就冇上到樓上，空間雖然唔係好大，不過整體好舒服，好岩chill下。因為我地已經食左正餐，所以淨係嗌左件cake同咖啡share。當日嘅蛋糕係自家製雲石豆腐芝士凍餅，原本驚一人嗌一件cake會食唔哂，點知食食下又好快食哂😂食落好有豆腐香，唔會好膩，唔錯唔錯。而杯Latte好香，拉花都好靚，睇得出老闆係咖啡愛好者，鐘意咖啡嘅人一定要試下👍🏻…查看更多

最近一年都無得飛，周圍去搵特色cafe嘆下已經係放假嘅日常。之前經過呢度都好多人排隊無得試，今次早啲嚟果然有驚喜！開頭以為latte 個花散左，睇真啲原來係海馬，好pure好true海蝦意大利麵配自家製蕃茄醬意粉煮得剛好，食落好有口感。蝦仔都有6、7隻幾扺食。但睇個菜名個賣點似乎係個「自家製蕃茄醬」，雖然未至於畫龍點睛，但食得出幾新鮮，唔錯。Ovaltine chocolate roll cake細個最鍾意攞啲柯華田粉就咁食，但又好少有人攞嚟做食才。朱古力蛋糕配華田粉，又比佢諗到，cream好滑但唔算太膩。Blackccino一杯espresso 加上longblack ，感覺好似飲啤酒咁，同一啖裡面有齊酸、甜同澀，百般滋味。…查看更多

呢間咖啡店，竟然喺深水埗被政府劃入指定區域之後嘅星期一開店試業，真係要俾一個「勇」字佢👍🏻門口保留咗港式雕花鐵閘，鐵閘上刻上咖啡店的中文店名。店內有2層：地下和閣樓。地下用上黑白色細瓷磚，座位就是木製長板凳伴一張木製四方枱。行上閣樓，可以慢慢欣賞牆上掛着的舊香港相片。閣樓就係石屎地面有4張木枱和兩邊的長木板凳，可以慢慢品嚐咖啡與美食。呢度除咗裝修花咗心思讓我無限打卡外，飲品和食物方面都做得好好，所以我週日會早少少起身嚟食早餐～Hotcakes (HK$138)．這個週末才新推出的熱香餅，差唔多每枱都點，因為這樣，要等20-30分鐘才有得食！．熱烘烘的熱香餅，影相都會out-focus，厚厚一層，鬆軟口感．咬一口，有滿滿蛋香和藍莓味道．配上雪糕和草莓一齊食，另一番風味Raw Honey Latte (HK$50/Hot)．首先，拉花好靚，是一支有多葉嘅玫瑰花🌹．味道方面，有微甜嘅蜜糖味道，但不太印象深刻Latte (HK$42/Hot)．咖啡師問我想要什麼拉花圖案，我揀咗海馬，拉得好靚呀！．咖啡是偏nutty，但nutty味不太重，咖啡師話佢哋揀咗中性豆做house blend．呢杯牛奶咖啡比蜜糖牛奶咖啡好飲…查看更多

來訪近期IG人氣高企的新咖啡店，位於咖啡店林立的深水埗區，但店子比較近太子站多一點。門面雖有點平凡，不過眼睛一定會被懷舊港風的鏤花鐵閘所吸引，還刻上中文店名，未走進店子已是必打卡的位置！店內充滿濃厚的懷舊味道，也帶點新舊交錯的工業風，最注目是樓梯那個空間，店主特意保留舊布行的磚牆，看像6、70年代的瓷磚花紋，牆上亦掛了幾幅香港味濃的攝影作品，難怪不少客人把咖啡放在樓梯上拍照！層架放了支持香港製造的原蜜和tonic water，是用來製作香港原味道的咖啡特飲。看到drinks menu上有琳琅滿目的咖啡款式，整頁滿滿的，不過還是想先試試咖啡的原味道，所以點了普通的latte。但這裡的latte一點也不普通！除了可愛的拉花，咖啡質素才是重點。Latte用上House blend的埃塞俄比亞和危地馬拉的咖啡豆，做到fruity與nutty之間的平衡，加上奶泡打得很綿滑，是一杯飲落很舒服、很滿足，令人心情舒暢一整天的咖啡！食物方面有all day、bagel、沙律、意粉、hotcake等等，還有自家製的蛋糕。這是下午茶時間，喝咖啡當然是配cheesecake吧！Cheesecakes口味多多，有原味、檸檬、藍莓、焦糖、抹茶併焙茶，職員說週末會比較多口味選擇，有時候還會有巴斯克版本，或是生酮芝士餅，今次選了檸檬口味和抹茶併焙茶。檸檬口味的cheesecake坊間不常見，一吃之下，清新酸香的檸檬味在咀裡爆發，而且沒有過酸或過甜，芝士餅芝味適中，質感軟滑不膩，尖角的部分更有半熟軟心的效果，餅底亦頗脆身，實是近年來吃過最出色的芝士餅！另外還試了抹茶併焙茶口味，其實是三併，還有一點原味芝士在頂部，賣相很特別。主角還是抹茶，可能因為焙茶比較搶味，份量少一點做配角好了。芝士餅的一角又是軟心的，口感幼滑之餘，抹茶與芝士味非常香濃，吃到尾段焙茶的味道出來，每一口都有味道變化，令我深深愛上！十分十分滿足的一個下午咖啡時光，再訪的機會非常高呢，下次再嚐嚐其他飲品與食物吧！…查看更多