Espresso Alchemy (美麗華廣場1期)

這間位於尖沙咀美麗華地庫的本地連鎖咖啡店，主打精緻西餐，食物及飲品均即叫即製非常新鮮。店內環境寬敞優美，擺放不同盆栽和小擺設，讓人有舒適休閒的感覺。菜式方面，全日免加一收費，設有早餐及午餐時段，其餘則需單點，有意大利麵、三文治、多士、沙律及甜品等。另外，餐廳有自設炒豆工房，咖啡飲品特別出色。香煎虎蝦配蘆筍辣蕃茄汁意粉 - $126三隻去殼鮮虎蝦有著飽滿鮮味的蝦肉爽滑彈牙，煙韌彈牙的意粉掛滿濃稠的蕃茄醬，香甜的蕃茄帶微辣非常醒胃，更有一條條爽脆的蘆筍。檸檬汁烤雞煙肉芝士意大利三文治 - $75外脆內軟的意大利白麵包煙煙韌韌，一塊塊嫩滑多汁的烤雞，有著清新的檸檬汁解膩，半溶化的芝士富奶香。自家製青檸雪葩 - $61 綿密幼滑的雪葩完全無冰塊感，有著清新酸甜的青檸果香，更有一粒粒香甜的菠蘿冰。巧克力咖啡馬天尼意式奶凍 - $73柔滑細膩的意式奶凍，帶有Mocha份咖啡及朱古力香，正好中和Martini那份烈酒香，散發陣陣酒香。Iced Mint Chocolate - $63一層厚厚的奶泡好綿密幼滑，香濃朱古力富堅果香，加上新鮮薄荷，入口富有清涼感。伯爵茶鮮奶巧克力(LGE) - $46濃郁的朱古力帶有伯爵茶獨有的佛手柑香氣，鮮奶增添幼滑感，甜而不膩。…查看更多

話說Espresso Alchemy 有自家開設的烘焙咖啡豆工房，位於葵芳，地點不算是每一個咖啡迷都會特地前往的。直到近年，Espresso Alchemy開了新分店在TST的美麗華商場底層，真的方便了很多，於是今晚去了試一下食物水準如何。 門面有一個很大的餐牌清楚介紹食物!室內的設計很有時代感，放滿了各種和咖啡有關的裝飾品。點了最喜歡的Flat White, Coffee Art 畫的非常漂亮， 咖啡味道芳香，屬於偏易入口，比較適合初飲咖啡的朋友，想要進階一點的話，可考慮點黑咖啡，也是十分的推薦!另外試了Iced Mint Chocolate, 味道偏甜，如果怕甜的話記得要求"少甜"，朱古力味道香濃!Crab and Miso Fettuccine, 蟹肉絲配味僧的寛條麵比想像中美味，很喜歡秀珍菇吸收了味僧的味道，寛條麵很有咬感，軟硬度恰好。一般來說，寛條麵都是較西式的烹調法。沒想到日式的烹調法也可以這麼夾! The Alchemy All Day Breakfast, 吃的出是美味的日本雞蛋，配上牛角包、牛油果醬，香腸、煎香的薯仔、煙三文魚和朱古力醬多士，這種日式All Day Breakfast 吃完後不會覺得很heavy, 但英式All Day Breakfast 就會吃完後覺得有點太"漏"。總的來說，性價比很高，會再回來試吃其他菜式!…查看更多

加入咖啡元素嘅雞burger幾特別🍔 燒烤醬夠濃得黎帶啲咖啡嘅香味☕️ 值得推介嘅係青草醬通粉，creamy嘅醬汁好吸引，加上雞扒份量好多唔會吝嗇，超級滿足😋 飲品同甜品都唔錯🌸 環境分店內同店外，都幾岩情侶同朋友食嘢傾計，行開尖沙咀會再嚟💕#雞柳漢堡配自家製咖啡燒烤醬 $108#香蒜青醬雞扒長通粉 $123#IcedMintChocolate $45 #Cappuccino $45#Tiramisu $49…查看更多

最近我都幾勤力等我老公放工，而最好等人嘅地方，梗係美麗華 ! 因為嗰度有幾間cafe ，而今日我就發現咗一間啲野幾好飲嘅cafe !!!! 呢度要自己買咗野先再搵位，我就買咗杯凍朱古力氹下好鍾意飲朱古力嘅老公，我想話呢杯野真係好好飲，我好怕啲朱古力好濃，呢杯入口係啱啱好，而且淡淡嘅薄荷味入口，完全分唔出係薄荷嘅凍定係真係杯野凍，後來侍應生同我地講，朱古力粉係自己較，連薄荷葉都係自己種，嘩，會唔會太有heart啊?  結果..... 外子要再買多杯俾自己 ! whakakkakaka而我手上嘅flat white 相當香濃奶泡味道，而且比起STARBUCKS好飲在，你無得叫Skim milk ，一定係whole milk ，咁係會香濃好多~ 而且呢杯嘅奶泡真係好滑。及後等外子來到，我就叫咗啲小食，呢碟煙豬面肉薯仔炒蛋，有啲令我諗起我地兩個去西班牙一個小鎮食嗰啲tapas，而呢碟更有頗香嘅臘肉味，就是煙豬面肉，風味十足呢~  呢碟慢煮自家咖啡豬排骨  $88真係好似RB 啲Ribs ，好軟入口即溶的肉，係未食到係咖啡之前，我覺得有啲似係印度香料，後來入口啲咖啡味慢慢出嚟，都真係幾特別。呢碟all day breakfast比坊間的不同，特別係中間個乳酪，真係好好食 !!! 好似係pret a manger 嗰啲咁，但比佢嗰啲更幼滑，toast係用咗咖啡醬，真係完全諗唔到啊!!! 呢度放咗啲我好鍾意嘅紅菜頭，好清新 !  所以真係唔多似all day breakfast ga! …查看更多

嚟到尖沙咀搵食, 你未必會搵到嚟美麗華地庫, 但原來呢度有間好有格調嘅咖啡店 - Espresso Alchemy☕.餐廳內設有開放式廚房, 卡位寬敞舒適, 外圍仲有多張小圓枱, 座位都唔少㗎。本想試試呢度嘅咖啡, 但為免瞓唔著, 今晚就先試下薄荷朱古力凍飲。Iced Mint Chocolate $43入口先感受濃密順滑嘅朱古力, 再淡出清新薄荷味。一問之下, 原來杯中薄荷味係自家由薄荷葉提煉, 難怪味道自然不造作。雖然一杯份量不多, 但卻係精品之作。Smoked Salmon & Beetroot Tartare Toast 韃靼煙三文魚紅菜頭三文治 $78爽口紅菜頭, 伴柔軟煙三文魚, 鹹中帶甜, 口感同味道豐富, 配上我最愛嘅火箭菜, 係美味健康之選。The Alchemy All Day Alchemy 精選全日早餐 $128對我嚟講, All Day Breakfast之中最重要嘅就係炒蛋, 呢個炒得夠嫩, 滑蛋間保留蛋液, 很有水準。多士焦香得嚟唔會太乾, 塗上薄薄嘅coffee ganache, 滿足我嘅咖啡癮。…查看更多

晚上8點來到美麗華一期, 食店林立, 朋友介紹來到這餐廳, Espresso Alchemy。位置雖然不當眼, 但食晚飯的客人都唔少。頭盤選了韃靼煙三文魚紅菜頭三文治; 紅菜頭和三文魚組合開胃! 慢煮自家咖啡豬排骨, 餐廳用自家烘焙的咖啡醬汁煮成, 肉質軟腍惹味!! 精選全日早餐, 用上低澱粉薯仔, 炒蛋香滑, 自家調配的咖啡醬多士, 咖啡味越食越香濃! 三重海鮮寬麵, 用義大利蕃茄燴成的醬汁煮成, 配料配合時令海鮮。點了其中兩款獨家特飲, Sparkling Black 咖啡豆果酸味加上soda, 好型好清新, 帶出一點帶酸的吸引!Iced Mint Chocolate, 適合好甜的客人!整體環境舒適, 環境幽靜, 適合傾計和想食一餐用咖啡融入料理的你!:)…查看更多