The Socialhouse (已改名) 查看

今晚同幾個朋友黎食飯，因為可能閒日夜晚餐廳唔full坐得好舒服。 我地開左支酒, 佢啲野食既portion偏細，但都好好食。有幾樣野食想講下, 我覺得佢個麵包好好食，佢中間好軟熟但係咬落去又唔係真係好腍又有啲口感~個蜆都好好食，佢係用馬刀貝，好有蜆味，連帶個湯都好有蜆味，我食左粒蕃茄，粒蕃茄吸哂啲湯汁好甜好好食~至於個seabass, 個味真係好好，個魚肉勁滑，但個魚皮煎到好脆~但係最正都係個乳豬! 個乳豬皮脆卜卜，而且一啲都唔肥，佢整到個肉好嫰好入味, 一路食個肉汁一路流出黎，佢有跟埋個source，但係就算唔點個source本身個乳豬已經好夠味，而且唔似平時啲乳豬食2件已經唔想食, 呢個係食完會想再食

難得細佬今晚7:30收工，一齊去佢公司附近的地方吃個晚飯，大坑有很多西餐廳，見這間很熱鬧就進去了。約有30座位，中間有一大班人聚會，非常熱鬧。點了杯Shiraz配海鮮，香料味道較強勁，酒體厚重，因為燈光昏暗，睇唔清酒色。雖然沙律菜是我每天的lunch，但今晚個沙律除了有無花果和芝士，最重要是果醋很清甜，這個味道立刻令人增加食慾！用了白酒煮的新西蘭都貝蜆，意想不到的新鮮，咬落彈牙，而且清甜，蒜香味道濃郁，不過不會蓋過鮮味，想一吃再吃！點了羊架，不太重羊肉的羶味，肉質特別嫰滑，調味不多，旁邊灑了海鹽，而且醬汁亦不會太鹹，微微煙燻過，更加突出羊肉主體。大坑的西餐廳都比較高檔，環境舒適，發掘了一個新的social corner。

西班牙菜是其中一款我喜歡的菜式，當中以西班牙乳豬是我最愛。今晚去了位於大坑的The Social House，餐廳位置離天后站10分鐘距離，在中央圖書館後面，附近比較寧靜，裏面橫街有很多餐廳小店。餐廳燈光比較暗，地方不算大，但座位舒適，而且非常貼心地在每枱旁邊放一刍椅子用來放袋。食物款式不多，前菜、主菜及甜品都是有幾款選擇。另外還有每日推介，視乎當天有甚麼新鮮食材而定。Lychee martini荔枝味濃郁清新，甜度較高，酒味不會太濃，而且還有點柚子酸味，感覺似mocktail，比較適合女士飲用。Fresh fig salad 無花果沙律份量十足，無花果清新爽甜，沙律菜新鮮爽脆，配上黑醋，帶點酸甜味及黑醋香味，非常開胃。Roasted Spanish suckling pig西班牙乳豬是即叫即燒，所以等待時間比較長，大既要45分鐘。乳豬是早一天醃製及風干至入味，有1/4隻，份量十足，有六舊而且是豬肶位置，肉多骨少，乳豬皮脆肉嫩，而且有豐富的肉汁，豬肉完全唔騷，有豬肉的味道，脂肪不多，所以不會太油膩。總括而言，食物高質，份量十足，誠意推介烤乳豬，大大份都是$278，絕對是抵食又高質之選。