都島屋

營業中

休息中

Cremia雪糕已經係日本食過無數次，旅行時見一次買一次。深圳分店就唔敢試喇，參觀東港城一田竟然偶然發現到分店，一於試下。Cremia雪糕 ($38)店員手勢好好、雪糕機又夠凍，所以造就到呢杯唧得咁靚既雪糕。就算日本買都有機會融融地/歪哂架，首先呢杯外型滿分。急不及待鯨吞一啖，嗯~ 係記憶中既味道呀~ 奶味濃郁香醇、質感順滑；流線型波浪紋既唧法亦有加乘作用，幼滑挺身既雪糕入口就感受到表面既紋理，每一啖都好有層次，如果係普通打圈唧法，一定冇咁深刻既印象。雪糕筒係白之戀人牛油曲奇質地，同充滿乳脂香味既雪糕係絕配！可能回憶總是美好，同印象中既雪糕筒比較略嫌鬆散左少少，但整體可以話係同日本食到既一模一樣。開業初期定價為$48，而家$38就食到，計返同日本定價500yen差唔多，以後唔洗心掛掛喇！

小妹家住寶林，剛巧星期日要到坑口和媽媽來東港城報旅行團，於是也順道逛逛新開幕的的一田超市。當天實在是人山人海，幸好都島屋這間賣cremia雪糕的店人龍不算多，前面大約有五人而已。難得一到，當然要嚐嚐一直在日本旅遊時還沒有機會吃過的cremia雪糕啦。久仰大名的cremia雪糕，味道是好甜的煉奶味，白之戀人般的曲奇脆筒幸沒雪糕那麼甜，整體就是有點大所望。妹和媽媽分享一支$48，覺得已經很足夠了。個人認為味道及價錢上，東X堂/ Via Txxxx較為抵食夾大件！