最近去咗銅鑼灣廣場二期3樓一間充滿情調，裝修典雅華麗，燈光柔和，座位闊落的高級西餐廳，餐廳名叫The Grill Room，服務環境都是一流的。餐廳最近推出了超抵食$98半自助午餐，可加錢選配主食，最平主菜只係$48，享受到這種環境服務級數，但價錢又便宜得驚人，香港非常少有。半自助餐包餐湯，今次是甘筍忌廉湯，紅蘿蔔打得軟滑，加入忌廉，非常濃郁甜美。半自助餐食物擺放在酒吧區位置，有吞拿魚多士和海鮮醬螺絲粉 ，mixed salad有菠菜紅菜頭沙律、煙三文魚沙律、水牛芝士番茄沙律和羅馬生菜沙律，全部味道都調較得非常出色，酸甜開胃，蔬菜亦新鮮爽口，絕不馬虎。沙律亦有芝士粉、煙肉碎、多脆麵包粒、檸檬和沙律醬，可以自行調教自己喜歡的沙律口味。炸物方面就有炸雞塊和炸薯條，全部新鮮即炸，外脆內軟。甜品就有抹茶慕絲和朱古力慕絲蛋糕，入口細緻滑順。今次主菜揀選了美國頂級牛板腱配磨菇燒汁（加$158）牛扒煎得色澤均勻，香噴噴，牛扒心仍保持嫩紅色，一放入口就吃得出是上乘品質，油脂分佈均勻細緻，肉質鬆軟卻仍帶有嚼勁，肉汁飽滿，突出濃郁而有層次的肉味。牛扒切成條狀上碟，適合咀細女士，含蓄地慢慢咀嚼，以免失儀。另一主菜揀選了Chicken Roulade (加$68）Roulade是法國菜中常見的烹調手法，手工繁複，外層雞皮烤至香脆。中間緊緊捲著肉質緊緻結實的雞肉和芝士餡料，令肉食與餡料增加接觸面積，交互融合，賦予味覺上的多重層次感。半自助餐包一杯餐飲，可選汽水或茶。Nordaq瑞典過濾水$20，可以無限添飲。…查看更多
