NINETYs (皇后大道東) (已結業)

之前聽同事介紹知道灣仔囍帖街附近開左間提供澳式食物嘅餐廳, 仲提供非常優質嘅拼配咖啡, 作為咖啡控嘅我當然要去試試啦。😙我同老婆收工去左囍帖街影左一陣燈飾就直接到餐廳, 雖然未到7點, 不過已經好多人。餐廳樓式好高, 以黑, 白, 灰色為主調, 裝修時尚有格調。菜式選擇都幾多, 我地點左一款慢煮Rib, 黑松露意粉, 另外當然唔少得餐廳招牌咖啡啦。😁Super Ginger Citrus Short Rib $228豬肋肉經過12小時慢煮, 肉質超級軟腍, 每一啖都鮮嫩多汁, 而且好入味, 配菜嘅薯蓉好軟滑, 帶有微微薑味同柑味, 味道清新。😋Black Truffle Linguine $168黑松露扁意粉份量好多, 黑松露味道濃郁, 意粉creamy, 加上爽口菇菌, 非常惹味。😍Latte (Choco Blend) $42由3個唔同國家嘅頂級咖啡豆拼配製成嘅呢款Choco Blend Latte口感好香滑, 咖啡味濃郁而且富有層次, 餐廳仲提供左鮮藍莓配咖啡, 吃一題藍莓再喝一口咖啡, 感覺更清新。☕埋單每位都只係$240, 性價比唔錯。👍餐牌

好耐之前嚟食過呢間餐廳既lunch已經一試難忘，今次約咗好耐無見又係灣仔做嘢既朋友，就帶佢食呢間餐廳，一落想介紹佢呢間印象咁好既小店，二內其實我都想試下呢度既晚餐。第一眼我就俾佢個Best Selling - Cheeky Cheeky($268)吸引咗，係一份澳洲式既慢煮和牛，無呃大家，我真係覺得呢個係我食過最好味既牛之一。首先個醬同啲牛非常之夾，個牛做到好軟身，完全唔銀，食落去肉汁好均勻，12個鐘既慢煮令到佢已經鎖好晒啲肉汁。望落都感受到好軟熟～呢個係朋友揀既主菜，Black Truffle Linguine($168)，職員有提醒我哋要撈埋先食，黑松露味好香好重，磨菇連埋意粉食更加好味。雖然知道佢地既咖啡好出名，不過因為怕夜晚會瞓唔著，所以都係唔敢叫，我就叫咗個Grapefruit Buddy($48)，有啲似生果水既感覺，唔會甜而好清香。要值得一提既係佢地用既係環保飲筒而唔係即棄飲筒！朋友就叫杯Milk Chocolate($48)，我無飲到，不過佢就話好好飲，仲叫多杯添！

位於灣仔的NINETYs，喺囍帖街隔離，不少外國人也會在此用膳。餐廳的裝修和佈局都走文青風，簡約又不失時尚！餐廳樓底特高，空間感十足。餐牌用上皮革做封面，上面壓印了餐廳的Logo，很有質感，貫徹整個文青風！餐牌只有英文，店員會過來主動介紹餐牌的菜式，服務夠晒細心體貼。Cheeky Cheeky $268店員推介的菜色，好大舊牛面脥肉，下面墊著薯蓉，旁邊是沙律菜。好厚身嘅牛面脥，係澳洲和牛，經過慢煮處理，再淋上燒汁。牛面脥極為腍身，輕輕用刀一拖就能夠切開。和牛面脥肉略帶膠質，而肉質極為軟熟，油脂香氣亦十分突出，無論味道定係口感都係一流，不愧為Best Selling！墊底的薯蓉很幼滑，旁邊的沙律菜亦十分鮮嫩，羽衣甘藍和秋葵的清甜也很搶鏡。Black Truffle Linguine $168也是店員推介的菜色，菇菌的份量比扁意粉還要多！上面灑滿了芝士碎，令人垂涎！旁邊的是曬乾了的菌類，再磨成粗幼不一的粉末。黑松露忌廉汁本身已經夠香，再加入大量菇菌去伴製，令整碟扁意粉香上加香！不過廚師還要再加一把乾菌的粉末，香味幾何級數地提升，真係不得了。NINETYs的食材質素很高，環境優美，價錢亦十分