Burger Joys (君悅居)

難得趁假日喺港島區呢邊行完山，落完山喺灣仔附近見到呢間burger店，望落幾吸引，就忍唔住喺度食lunch放縱一下😝😝整間店舖裝修都富有外國酒吧特色，疫情期間冇得去旅行，灣仔呢一帶都有外國氣氛😝😝餐牌上嘅選擇都幾多，最驚喜嘅係估唔到burger都有vegetarian choice，食burger不再是食肉獸嘅專利😚仲播緊前一晚嘅球賽添，睇睇下食物已經好快到咗😋Cheese burger~Burger一望落去Size幾大，burger盒嘅設計亦都幾user friendly，可以就咁拎上手就食burger，唔使擔心會整污糟手，亦都唔使用額外嘅手套😝 burger麵包嘅外皮剛剛經過烘烤，仍然保持香脆的感覺，一啖咬落去就上到厚切手工牛肉漢堡的厚實質感，肉質Juicy，而且不易散，一層半溶芝士鋪在面上，為整體帶來少許鹹香，配合新鮮的蕃茄蔬菜和洋蔥等等，令整體更添清新感覺☺️Mushroom cheese burger~素食之選，一眼望落去以為中間係牛肉漢堡，原來係啡菇扒，整體賣相都同普通牛肉漢堡十分相似，最驚喜的是菇扒質感十分juicy，有外脆內軟的感覺，而且有豐富的菇汁，配合洋蔥番茄等等的蔬菜毫無違和感😍Black truffle fries~薯條啱啱經過酥炸，仍然保持脆身的感覺，熱辣辣而且富油香，加入大量的黑松露，令整體味道更香更吸引😝Caesar salad with chicken patty~凱撒沙律係比較健康嘅選擇，最欣賞佢哋將醬料另上，客人可以按自己需要控制醬汁的份量😍沙律菜亦十分清新，不帶苦味，當中摻和了少量芝士碎，帶有鹹香，配合剛剛炸起的雞扒十分夾☺️雞扒外皮炸得酥脆，內裏的雞肉仍然保持嫩滑juicy，味道不錯😋…查看更多

餐廳舖面很小，一眼望盡只有5,6個座位。三五知己坐埋一齊都很親密個Burger 好大，就算壓扁個包都無可能一啖咬得晒，塊漢堡大約8成熟，咬落去 一D都唔dry ，入口啖啖肉，非常juicy，D汁一路食一路滴，夾埋芝士食真係一流。先黎黑松露薯條，份量好大，2個人有d食唔哂。薯條係新鮮炸起，鬆脆，加上重味嘅黑松露醬，好好食。（不過就有少少膩，好快飽）魚柳好大塊好香脆，食得出係岩岩新鮮炸起嘅。朱古力奶昔見到結身嘅朱古力已經知道味道一定非常突出，果然有很香朱古力味，朱古力嘅濃度岩岩好而且飲落十分滑口。呢間店朱古力奶昔嘅同坊間快餐店麥XX絕對唔同，麥XX的只有甜味，味道肯定無得比。洋蔥圈熱辣辣， 咬下去脆卜卜陣陣洋蔥味，脆到一咬就斷，非常正。…查看更多

今天有食神，話說食晏時巧遇之前公司同事，前同事高興得相請不如偶遇，一齊食吧！近近地去了一間漢堡飽專門店，其實又可作為一間酒吧。傳統少少點了最熱門的芝士牛肉漢堡，份量比一般連鎻店的較大較厚。麵包好軟熟。漢堡牛肉勁多肉汁，沒有乾巴巴感覺。配合芝士，生菜，紫洋蔥和蕃茄，口感層次極為豐富。我好鐘意個醬汁，惹味開胃。另㚈加了一客黑松露炸薯條，薯條表面上一層黑松露碎，氣味濃郁，薯條軟糯滋味無窮。凍檸茶估不到咁大杯，清涼無比。…查看更多

星期六都要返工，真係好痛苦，決定要食番餐好嘅慰勞自己。咁係灣仔呢頭返工，平時食黎食去都係個啲，想試下新野，就lunch time日光日白黎左間bar食burger!淨係睇到張相就知個cheese burger有幾咁多cheese啦麵包軟林林，加埋爽口嘅蔬菜，仲有當然唔少得嘅牛肉啦！好厚好juicy！好好味黑松露薯條未黎到已經聞到香噴噴嘅黑松露味，流哂口水好野梗係要留返到最後啦個水牛雞翼真係不得了！咸咸地辣辣地，味道好特別！再點埋個芝士醬，好多唔同味道互相交融，超正，呢種味道令我沒齒難忘…查看更多

朋友剛從日本旅行回來，說有手信送給我。因為我們都在港島工作，想起喜歡吃漢堡，之前經過這間bar感覺很熱鬧，便試一下它吧！在洛克道，7仔旁邊，霓虹燈十分sharp。吧台上有menu，好吸引等了一會，終於入座，想不到星期三晚都頗滿座。叫了cranberry juice，忘了叫少冰，幸好都不算太多冰，而且不算太甜，在這炎炎夏日飲好舒服啊！想不到磨菇漢堡有驚喜！磨菇打碎了，吃下去有點像薯餅，配合芝士和菜吃是絕配呢！一大驚喜位是它的包烤得剛好，充滿牛油香，十分鬆軟，好好味朋友點的牛肉，試吃了一口，牛味香濃，鎖住肉汗，和半溶的芝士一起吃十分回味！可惜他只讓我吃一口哈哈。這是十分出色！醬汗酸酸的帶微辣，連我吃不到辣都吃得下，好惹味，每人三隻都不夠喉呢。黑松露薯條十分香口，薯條比較碎，數條一起吃會比較爽。埋單每人兩百不到，價錢不錯。環境很chill很放鬆，收到朋友的手信，渡過了開心的一夜呢。…查看更多

灣仔放工之後唔知食咩好，經過駱克道見到五光十色既酒吧街中有呢間食burger既餐廳就入左去試啦門面非常顯眼，好有美式快餐店feel地方唔算大，但氣氛ok,有電視睇桌球比賽另外有吧台首先點左杯milk shake,超級大杯，面個浸cream同milk shake味道好夾，曲奇味出又唔會太濃/甜落order時侍應好醒咁問左我地洗唔洗cut in half, 所以我地兩個人就可以share兩份burgerFish burger味道不錯，魚柳好脆同好香，份量剛剛好個人覺得麵包是亮點，焗完少少脆又夠蛋香Cheese burger不愧是signature dish, cheese好香而且牛肉唔會太乾咬落口仲有少少juicy，值得推介身為松露控既我見到點會唔點呢隻著條，一上台邪惡既松露味已飄入鼻，點ketchup/mayonnaise食味道都咁好水牛雞翼酸酸辣辣幾開胃，點左6隻岩岩好埋單2人合共$370，價錢合理…查看更多

今晚特登返灣仔搵舊同事食飯。之前返lee邊一直都未試過，今次一於齊齊去酒吧街尋「堡」啦喂～雖然門面唔算好大，但唔難搵。鋪面都唔算好大，但好骨子，而且都係高腳凳同吧檯，感覺好relax～ 附近好多鬼收工都會過來飲返杯。點餐可以選擇自助形式，行出cashier又或者舉舉手，侍應就會行埋來為你落單。今晚唔飲得酒，揀咗lee杯mocktail，好fruity。舊同事都揀咗無酒精飲品，朱古力味香濃，d cream多到滿瀉😂侍應奉上嘅時候，迎面撲來誘人嘅黑松露味，眞係口水都流😋。沾上黑松露嘅熱辣辣脆薯條，越食越開胃。麵包厚身但非常鬆軟！食得出雞肉煎香過，我好鍾意食雞皮，d雞皮好香脆。配上醬汁，生菜青瓜，每一啖都係享受。話明來尋堡，又點可以唔試signature嘅double cheese! 眞係不負眾望，double嘅唔單止係cheese，仲有juicy嘅牛肉。要輕輕平壓一下，大大啖先可以一次過食到全部食材。要開，見到微紅嘅肉，就知道烹煮時間啱啱好。酸瓜好醒胃！食完burger，雙手都沾有醬汁，侍應見到我咁論盡，主動送上濕紙巾。眞係好貼心吖～一人一個大大隻burger之後我哋再追加咗一份buffalo wings(6pcs) 😂😂 雖然已經飽到上心口，但唔試眞係後悔。酸辣嘅醬汁，惹味，入味！伴碟仲有西芹同胡蘿蔔俾你清新一下口腔。Lee度24小時營業，宵夜都唔洗愁。記得嗌餐吖，抵食好多咖～ 埋單嘅時候，精通兩文三語嘅外籍侍應仲會俾張儲印花嘅卡仔你，儲夠一定數量就有指定食品贈送。…查看更多

朋友前排同佢老公食完，推介我可以放工去試下，因為間餐廳係開24小時，又係我返工地方附近，所以有時放工太晏都可以去😎仲諗住放工已經係食飯時間去到要等位，但去到又無咩人喎，反而沿路附近酒吧都好多外國人，應該係香港人晚飯時間太夜，人地外國人都去曬happy hour🍻😂坐低時已經好肚餓，再望下個餐牌，都有唔少選擇，價錢都ok，又到左選擇困難症既時候喇😅最後都係等我男友出手😎 當揀好後，只要到櫃臺點餐就可以，雖然全部都係外國人，但佢地都聽得明中文，所以如果怕用英文點餐既朋友唔洗驚😊我地最後點左兩個漢堡包，一份薯條，半份雞翼同兩杯飲品漢堡包唔太多款式揀，我男友係崇日既，所以一見到和牛漢堡就點左🐮到上枱時係有嘩😮左一聲既（自問張相影得唔太好😅）因為份量都唔細，而且塊牛肉好厚好大塊由於太大個無從入手，又想兩個人share食，就問店員可唔可以幫我地切，佢解釋因爲係手打牛肉，如果切開就會好容易散，所以最後我係不顧儀態甘大啖大啖甘咬😀一咬落去，係咬唔曬所有野既，又熱喎，淨係咬到半個😂麵包非常鬆軟，帶有微甜，係我鐘意既類型🙂而厚厚既牛肉一d都唔乾，牛肉味濃，且有豐富肉汁，加上與半溶芝士混合，配有椰菜絲、酸瓜、沙律醬，係幾好味喎😋另外再點左個cheese burger ，今次個店員有幫我地切開一半喇😄單從外表同和牛漢堡比，完全感受到一分錢 一分貨既意思😂但係並唔係唔好食嫁，只係有比較🤓Cheese burger 塊牛排就薄d，但我反而鐘意呢個配有番茄，如果唔係食左和牛漢堡先既話，我覺得cheese burger 都唔差嫁🤔薯條有幾款選擇，而我地就揀左黑松露薯條🍟食食下個包個黑松露薯條到喇，又係好大大既一份😁剛剛新鮮整起，勁香！未食完個包已經忍唔住狂食左一半薯條，先重新拎起個包再食😂本身個薯條仲跟左個沙律醬，因為熱辣辣食個時點左既話就會蓋過黑松露味，所以我係食到尾d薯條開始淋同唔熱我先點😌之後雞翼都黎埋喇！一咬落去，嘩！好辣呀😵不過食多幾啖就慢慢接受到，我仲食曬tim，不過個人覺得偏酸左少少🤓我呢d唔飲酒既人梗係飲返d小朋友野😂我最愛既曲奇味，仲好重奶味，加上勁多cream😍係肥既，但唔理得咁多喇😆…查看更多

上次與友人一嘗Mushroom burger的滋味我一直都記得這個深刻的味道今次選擇於下班後到這享受晚餐放鬆一下 暫時忘記苦悶的工作想不到星期三晚上人流依然強勁大約6:30到達店內已經坐滿人證明這間店人氣強勁大約等左5分鐘就有位我與友人急不及待看看menu 我們點了Signature double cheese burger 同Mushroom burger因為上次試了非常驚喜一開始先來了啤酒要減壓少不了～餐廳上菜速度很快相信這樣才可應付人流滿滿一杯 好抵飲黑松露薯條上面滿黑松露粒香香撲鼻薯條炸得剛剛好 脆卜卜食的時候 滿口黑松露濃郁味道～但略嫌黑松露灑得未夠均勻食到底的時候只好點茄汁了登登登登就係佢！我最愛的Mushroom burger 有蕃茄 生菜 酸瓜 芝士 加上用蘑菇製成的蘑菇餅夾在一起味道很配合 炸得脆脆的 溶化了的芝士 混合在一起味覺多重享受今次點了另一款漢堡 Signature double cheese burger未有試上最新和牛漢堡這款與mushroom burger 用料差不多只是蘑菇換上牛肉食的時候發覺有好多肉汁流出來以牛肉的厚度來說 咬的時候感覺肉質新鮮口感豐富 配上醬汁 可以中和一下去去肥膩感漢堡雖然外表看起來份量不多不過因為真材實料用料紥實 食過後非常滿足用餐完畢門外有不少人在輪候看來有不少食得之人都想一嘗這裡的漢堡希望下次可以試到和牛漢堡,炸洋蔥圈同雞翼不過餐廳地方細 容納不到較多客人到這用餐不能坐長一點時間 比較可惜～…查看更多