The Grill Room (銅鑼灣廣場二期)

The Grill Room 搬咗去銅鑼灣廣場二期之後，整個氛圍都高級咗！空間大咗，仲有私隱度高嘅半圓形梳化同 Private Room，好似入咗高級扒房咁。呢度裝修同環境都舒適，主打親民 Fine Dining 🍽 🍹🍖 新餐牌包括前菜、湯、意粉、意大利飯，肉類有炭烤牛扒、香脆三黃雞同煙燻乳豬配焦糖菠蘿等！特色雞尾酒、無酒精 Cocktail 同甜品都有得揀。上星期四同朋友去嘅時候，即使係平日都幾多人，幾乎全場爆滿！🥖 開餐前，店員送上一籃外脆內軟、仲有核桃粒嘅麵包，配埋幼滑牛油。牛肉他他配法式千層薯 $158 擺盤幾靚，仲有食用花點綴。牛肉鮮嫩，千層薯層次分明，加埋秘製醬汁，呢種做法比較少見！黑松露慢煮牛小排配薯蓉 $358 黑松露味道唔會過重，牛小排肉味濃郁，煎得啱啱好。香滑嘅薯蓉配黑松露醬汁，味道可以。🐷🍍 煙燻香脆乳豬拌焦糖菠蘿 $398 店員話呢個菜式需時 20-25 分鐘，乳豬封喺木盒，一打開飄出嘅煙熏效果最驚喜！乳豬皮脆卜卜，肉質入味，配埋焦糖菠蘿，#好食！🍸 特色 Cocktails 都值得一試 Smokey Passion ($108) 用咗兩款威士忌加龍舌蘭蜜同新鮮熱情果，清甜又帶酒香。店員仲會喺上面噴威士忌，增加香氣，幾特別！Berry Well ($118) 有薰衣草同莓果味，女仔多數鍾意飲！ …查看更多

朋友與我來到銅鑼灣扒房慶祝我考試合格。餐廳的樓底高，空間寬敞，弧形卡位設計展現華麗而型格的氛圍，給人一種舒適感。侍應先奉上鬆軟合桃餐包塗上自家製的牛油，每人一個餐包太少了。HK$168Beetroot Salmon Crudo～這道前菜色彩鮮艷，使用紅菜頭和牛油果的汁液搭配新鮮的三文魚，酸酸甜甜的味道非常開胃。HK$358Beef Short Rib～慢煮的牛小排外層稍微乾燥，但肉汁豐富。配菜有爽口的西蘭花苗、清甜的甘筍和綿密般柔軟的薯蓉。HK$108 Smoky Passion~當待應奉上這款雞尾酒時，他們會使用一個香水瓶，在雞尾酒上噴灑上煙薰的味道。這樣的做法為整個飲品帶來了獨特的香氣。熱情果的酸甜與煙薰風味相結合，增添了層次感。HK$98Berry Well~它以淡淡清香的薰衣草作為主要調味，搭配輕盈的泡沫，形成一種令人放鬆的飲品。總括來說，這扒房優雅的環境，除了適合朋友談天說地外更適合情侶一起享受浪漫時刻。…查看更多

Semi Buffet Lunch $98Lunch set包一份是日餐湯同埋飲品首先講自助區今日有五款沙律 炸物 同埋蛋糕甜品 記憶最深刻嘅一定係個通心粉沙律 質感煙韌味道有沙律醬嘅酸甜味混合番茄仔同埋牛油果🍴Chicken Roulade +$68一條厚厚嘅雞卷切成四件薄薄一層雞皮包著嫩滑juicy嘅雞肉咬落表面焦脆肉質肥厚中間包著蘑菇同肉打成嘅餡料口感飽滿豐富配菜有薯蓉同埋西蘭花苗 前者奶滑有濃濃牛油味 後者好新鮮呈翠綠色底部墊著大量忌廉汁同少少薄荷汁點綴🪻Berry Well $118用白酒同香博甜酒做基底加入檸檬 雜莓同蛋白上面有大量薰衣草碎 味道酸酸甜甜 吞之前有陣花香味 口感豐富🍋Salted Calamansi Lemonade $78主角絕對係佢哋自家製嘅鹹柑橘糖漿鹹香味好突出而且加入青檸汁同梳打水好清新雖然凍冰冰但感覺都幾滋潤 完全係一啖接一啖咁飲😋…查看更多

上次喺銅鑼灣食到塊靚扒之後念念不忘😏，今次去另一間平少少，新開嘅西餐廳，try try 啲扒又有咩分別先！💂🏻呢間餐廳走英倫風，裝修好有格調，暗綠色配木色設計，高雅時尚，好 Chill 嘅感覺！🪵食物以扒為主，不過都有其他意大利飯、意粉同甜品可以揀，幾啱生日慶祝呢！🥩香煎慢煮牛柳伴日本南瓜杏鮑菇 配 牛肝菌牛肉原汁 $308食扒之前，服務生會畀 5款刀我哋揀，仲好有耐性咁講解。每把重量唔同，但都一樣鋒利，就係睇下邊把就手，儀式感滿滿！而牛柳熟度控制得好好，牛味唔算好濃，但都好腍，好嫩滑。而日本南瓜同杏鮑菇都煎得香口唔油膩！🍝龍蝦尾扁意大利麵 $288龍蝦尾已經拆好肉，好方便，厚肉彈牙，而扁意大利嘅龍蝦汁濃厚，唔好太膩，幾好味！🍰三層朱古力榛子蛋糕 $98蛋糕幾濃朱古力味，三層唔同口感，唔會太甜，而旁邊嘅馬令糖同忌廉，一甜一酸，好衝擊味蕾呢！🍹Berry Well呢杯 Berry Well 好靚，上面有薰衣草同玫瑰，散發淡淡花香，而雜莓混合酒後，花果味重，加埋面層嘅蛋白泡沫，入口順滑，好啱女仔飲！🥃Bird’s Eye呢杯 Bird’s Eye 入面有四川龍舌蘭同墨西哥辣椒，味道比較濃烈，飲落有種成熟格調，似一本深沉嘅書…查看更多

.‼️❤️ 記得CLICK我PROFILE關注我呀 ❤️‼️.🍖 𝐆𝐫𝐢𝐥𝐥𝐞𝐝 𝐭𝐨 𝐏𝐞𝐫𝐟𝐞𝐜𝐭𝐢𝐨𝐧 @ 🌟 The Grill Room《👽食神大媽食西餐》.💁‍♀️ 圖片展示美食：Roast Full Lamb Rack HKD 688Smashed Potatoes HKD 68Baby Gem Lettuce HKD 78Berry Well HKD 118Smokey Passion HKD 108.👀 大媽去開佢尖沙咀店，今次都係第一次嚟佢呢間地理位置超級方便喺銅鑼灣嘅分店。呢度嘅裝修路線同尖沙咀唔一樣，尖沙咀就相對簡約溫馨啲，呢度就相對型格啲，各有千秋。.🍻 Happy Hour時段嚟到想食個早晚飯，未食得落嘅時候先嗌兩杯嘢飲傾吓計先。酒吧設計得非常型格，果然出品都有一定質素。.🍹 先來一杯非常適合女仔打卡嘅「Berry Well」，就咁睇好似Cosmopolitan，但係味道更加多層次。因為佢裏面加入左蛋白同薰衣草，以白葡萄酒同Chambord混合，再加什果同檸檬，所以味道酸甜得來好清新！.🥃 另一杯真係非常之適合各位鍾意飲Whiskey嘅朋友仔，就係要威士忌作為主調嘅「Smokey Passion」。店員仲會即場噴入霧化嘅煙燻威士忌香氣，配上新鮮百香果同龍舌蘭糖漿，味道濃郁而且煙燻風味重。.🍖 主角就係呢個「香草燒原條羊架」，淨係望到個樣都已經覺得超滿足！原條上枱，功夫一流，烤得超出色，外皮香脆，肉質保持嫩滑JUICY，每一件都鮮嫩多汁。加埋香草同薄荷羊肉汁，帶出咗羊肉嘅鮮美！.🥔 配菜呢就揀咗「脆新薯」，簡單得來做得出色。薯仔煮得剛剛軟身，敲一敲就爛。加埋香草檸檬忌廉汁，仲有一陣陣香草香氣！.🥗 另一款就係「羅文生菜苗沙律」，精挑細選嘅生菜苗大小一致，新鮮爽脆，配上白香醋，味道清爽消膩，作為配菜絕對高質。.🌟 呢度位置方便，坐得舒服，嘢食有質素，而嘢飲嘅選擇亦都非常之多而獨特，絕對係傾偈聚會嘅好地方。.📍 銅鑼灣駱克道463-483號銅鑼灣廣場二期3樓3B號舖☎️ +(852)2897-6838.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

今日步行日，行路多過坐，晚餐就想喺chill d 嘅地方食，坐吓、唞吓、傾吓計。㩒完錢就發覺呢度有間新餐廳，睇相好似幾唔錯，就決定喺度食，唔洗再行啦！行入餐廳一刻已經覺得無揀錯地方，燈光柔和、環境寬敞舒適、有不同間隔，大班朋友聚餐，或二人世界都適合。可能行得太多，至在飲嘢傾計，多過食嘢，問左侍應可以坐吧枱，太開心，可以背向其他客人，只顧盼眼前七彩繽紛嘅美酒，感覺更加Chill。喺琳琅滿目嘅美酒前，同Bartender 傾左兩句，佢介紹左兩杯靚靚美酒俾我地。Berry well($118)主要係白酒，mixed berries 等。甜甜地，十分易入口，味道fruity，入口少少creamy，加埋少少花香，呢杯真係好啱女仔飲。Smokey Passion ($108) 儀式感極重，啱晒打卡。呢杯唔只係味覺嘅享受，上枱時，Bartender 會在旁灑上香氣，所以會有一刻有一陣陣嘅香氣煙霧。入口同樣感覺fruity，不過可能因為有passionfruit，所以多一份  fresh嘅感覺。 食物我地揀左椰菜花煙燻芝士意大利飯($178)，勁鍾意呢個飯，有意大利飯軟糯黏稠嘅口感，但又唔會覺得好滯，反而椰菜花唔單只加強左口感嘅層次，更令到每啖飯都多一重蔬菜嘅清爽，而且味道幾清淡，啱我。另外，仲要左一份香煎慢煮牛柳伴日本南瓜杏包菇 配 牛肝菌牛肉原汁($308)。上枱已經被慢煮而成嘅粉嫩紫紅色所吸引，慢煮牛柳油脂唔多，但牛味豐盛，配搭牛肝菌牛肉原汁，味道就更原始，每一啖咀嚼都係牛嘅原汁原味。仲有一個用心位，當點了慢煮牛柳後，會奉上不同嘅刀俾我地選擇，以為只係揀一把啦，但知道我地會share，就我地各自揀一把。第一次食牛扒可以自己揀刀，每把刀嘅刀身、刀柄都有唔同設計，非常特別嘅經驗。有時誤打誤撞之下，反而會得到極大嘅驚喜，呢個晚餐真係超Chill，無論環境、食物、氣氛、感受……等等，一切都非常輕鬆愜意。…查看更多

銅鑼灣一向食肆眾多，偶爾也會選擇困難症發作😜。是日經過銅鑼廣場二期，發現法式扒房The Grill Room，餐廳從L Square搬遷到銅鑼灣廣場二期😮，心血來潮，決定上去試試😙。4 Courses $288 per person前菜~~西班牙蟹肉薯球鴨肝醬伴黑梅醬配法式牛油麵包南瓜籽楓糖紅菜頭沙律湯~~黑松露牛肝菌蘑菇忌廉湯主菜~~美國安格斯牛肉煎蛋漢堡配薯條香煎帶子香草忌廉汁扁意大利麵甜品~~TiramisuCocktails~~Berry Well $118Smokey Passion $108餐廳環境寬敞，設計裝修摩登新穎，枱與枱之間空間十足，食物賣相美觀精緻，味道ok，燈光優和，氛圍舒適。…查看更多

銅鑼灣的 The Grill Room，餐廳的裝修時尚有格調，而且有好靚的酒吧位置和專業的bartender 駐場，令我都想飲返2杯。☺️🥂🍸1️⃣ Salted Calamansi Highball （$88），這杯COCKTAIL帶有夏天氣息，以鹹柑桔Soda混合伏特加，咸味十足、冰爽又有透心涼的感覺，入口時又唔覺得有濃烈的酒味，反而吞時才會開始感受到酒精的濃度。同時配上熱情果乾，比我地清清口腔的味道。🥃🧊🏖️☀️2️⃣ Berry Well（$118），一睇這杯COCKTAIL就知道是專為女士而設，酒以粉紅色為主色調，新鮮雜莓再混合白酒和Chambord 2款酒品，還有檸檬汁，因果味濃郁，感覺容易入口。COCKTAIL以薰衣草、玫瑰作為裝飾，外形吸引，影相非常靚。🍓🍒🍋🍸🪻🌹3️⃣ 燴和牛蕃茄闊意大利麵 （$208），意大利麵的麵條厚身，每條麵條沾滿了濃濃的蕃茄醬，而且使用了新鮮蕃茄味道特別鮮甜多汁，令麵條很彈牙又有咬口。每粒和牛質感軟身，入口即溶。🐮🍝4️⃣ 煙燻香脆乳豬佯焦糖菠蘿 配 古斯米沙律 （$368），乳豬經煙燻完送上枱上，乳豬的色澤黃金，整份豬身帶有油光，打開木盒時，整個木盒都是冒煙，比我地打開寶箱後，師傅就會安排切件。食乳豬前可以先食沙律，古斯米是一粒粒很幼細的米，粒粒分明、很乾身，配合提子乾、青瓜米、蕃茄粒和合桃一起食，味道較為清，但很易食。作為吃乳豬的前菜，很適合不過。乳豬非常嫩滑脆身，外皮真的是卜卜脆，骨少又啖啖肉。食完乳豬，再食片菠蘿幫忙消化。而且可去除乳豬的油膩感。這道菜整體都很出色。🥗🐷🍍…查看更多