NON KITCHEN

朋友帶我來牛頭角站高質的工廈西餐廳，環境闊落空間感大，裝修以工業風有點格調，美食慢慢出場，唔會放到成枱都係。餐包 （free）點餐後店員馬上奉上餐包，餐包鬆軟，餅乾脆卜卜，塗埋黑松露牛油超讚。洋蔥煙肉焗蠔 $5為慶祝餐廳5週年，晚市星期一至三可以$5享用洋蔥煙肉焗蠔五隻，無錯係五隻，有一秒以為自己聽錯，雖然蠔肉細細隻，但味道不錯。亞拉斯加蟹肉牛油果塔 $138頂層係入口即溶牛油果碎，中層係絲絲蟹肉，底層蕃茄碎，食落酸酸地清新開胃。BBQ雞翼 $88單骨雞翼大隻厚肉，雞翼炸起再淋上BBQ汁，咬落雞皮仲脆脆地，BBQ醬甜美。黑松露野菌意大利燴飯 $118黑松露芳香撲鼻，菇菌多到每啖都食到，飯粒夾住拉絲芝士，幾creamy味道豐富。黑松露野菌薄餅 $118餡料是松露醬、芝士、菇菌及火箭菜，再淋上黑醋， 多層味覺享受。薄餅是薄脆批，批邊脆卜卜唔覺唔覺就食多兩件。…查看更多

觀塘同牛頭角交界有間佔地5000呎既扒房，裝修簡約，空間感大，環境寬敞舒適，仲周不時會搞任食牛扒活動，吸引左好多唔係該區住既客人前來可惜因為疫情既關係，6點後不能堂食，所以只可以外賣攞返屋企食，不過依家外賣全單有7折，都幾抵食既🙈－－－－－－1. 巴馬火腿凱撒沙律 $128 7.5/10沙律菜非常新鮮同爽脆，可自行決定加唔加沙律醬，另外麵包粒用左額外既盒放，免得同沙律一齊放會變腍，呢一點都幾貼心🥰2. 黑松露野菌薄餅 $118 8/10薄餅邊位好脆，烤得剛好，加左黑醋做醬汁，酸酸地幾開胃😋同埋火箭菜和野菌都好足料，啖啖都食到餡料，呢個組合又唔會好heavy，食多一舊都唔驚🙈3. BBQ雞翼 8/10一客雞翼既份量都幾多，而且係單邊雞翼，方便食用，味道酸酸甜甜，醬汁香濃，非常入味👍🏻4. 蒜片蝦意粉 $128 8.5/10隻隻蝦都好大隻，至少有5隻或以上，大蝦新鮮爽口，唔會煮過熟，而意粉炒得至乾身，蒜味好香，有少少辣去調味，非常惹味🤤…查看更多

觀塘工廈成日都令我有驚喜，家住九龍灣行去觀塘都好近，今次媽媽有街去，我就同家父去食西餐，慶祝冇皇管。入到黎環境偏暗，但超有情調，仲有好多聖誕裝飾，打卡一流。野食都係主流西餐食品，兩個人我地一pizza一意粉一小食都夠晒（有餐包送）。BBQ雞翼好食，佢係單骨雞翼好易食，醬好濃味，烤得卜卜脆，推薦。個PIZZA薄底脆身，黑醋火箭PALMA HAM當然係絕配，特別要講火箭菜超新鮮 卡邦尼一上碟我見佢咁多CREAM都驚好膩，但食落又唔係喎，蛋味好香，係有啲炒蛋質地，幾特別，CREAM唔膩但滑，夠多汁可以撈晒成個意粉。…查看更多

Non Kitchen是一間佔地約五千呎的西餐廳，逢星期五六晚都是任食牛扒之夜，$298/位可以90分鐘內任食，非常吸引。不過即使平日晚上沒有任食牛扒，但價錢同樣大眾化，晚餐最便宜$198已經包括前菜、主菜、甜品和餐茶，見佢幾抵食，評價都不錯，今次就跟朋友在這裡聚會。店內天花掛上星星燈飾，帶點小浪漫。場內還有桌球。如果套餐不合胃口，任何主菜或麵類加$48都可以轉套餐，靈活性幾大。餐前麵包上枱時仍有暖意，麵包軟熟。份量比想像中多，如果飲埋湯，都已經有半飽。因為套餐餐飲只可選普通咖啡或茶，前菜或甜品款式也較普通，所以我們就決定單點。美人魚($48)由橙汁、芒果汁和七喜調成的特飲，圓形杯子內加了一夥燈泡，有點像水晶球一樣感覺迷幻，味道以芒果甜酸味為主，味道不錯。綠油油($48)由奇異果、青檸和橙汁調成的特飲，味道內甜，非常大杯，足夠二人飲用。BBQ雞翼($88)一客有10隻單骨雞翼，建議二至四人分吃。雞翼烘得香脆，BBQ醬甜而不辣。炸魚薯條($98)這道菜雖然歸類為前菜，但份量和飽肚度其實可當作主菜。面層有五條炸魚，下面再有大量薯條墊底，建議二至四人分吃。炸魚香脆炸皮不過厚，薯條帶點咬口。瑪格麉特薄餅($108)直徑約8吋，分成六件，兩三個人分吃剛剛好。餅底口感像餅乾，脆而不硬，上面鋪上很多芝士、番茄和火箭菜，味道清新。香辣茄汁虎蝦天使麵($158)天使麵內夾雜很多車厘茄和茄蓉，旁邊伴以三大隻虎蝦，賣相對版。天使麵酸酸辣辣幾醒胃，虎蝦就略縑肉質不夠結實，但整體都很惹味。意大利檸檬雪糕球($88)相對起前荐和主菜，這裡的甜品定價則較進取，不過這個檸檬雪糕卻沒有令人失望，酸甜度剛剛好，非常開胃消濟卻不會過酸，下面還有藍莓和士多啤梨。總結，食物不俗，前菜份量偏大，定價亦非常大眾化，適合一大班朋友聚會。…查看更多

觀塘區一向食肆林立，隱藏了不少美食，早已是美食⼤本營。朋友是區內的上班族，對區內⼯廈餐廳瞭如指掌，今天她帶我到她的私藏推介。環境寬敞舒適，空間感十足。柔和燈光再加上星星吊燈，倍添浪漫情趣。破曉 ($48)Coffee, Hazelnut, Baileys榛子咖啡加上一個雲呢拿雪糕球，賣相吸引。Baileys是另外用小杯盛載著，由客人自己隨意添加。榛子咖啡配上baileys，味道相輔相成，另有一番風味。特有的香醇酒味與咖啡交融，口感更滑、倍添香濃，讓人沈醉於其中。BBQ雞翼 ($88)外脆內嫩，加上BBQ醬甜中帶點微辣，醒胃又可口。香辣蒜片海蝦意大利麵 ($128)材料十足，有7隻蝦，隻隻新鮮、爽口彈牙；意粉帶有微微的辣和蒜香味，相當惹味。烤塔斯曼尼亞羊架 ($278)點了5成熟，火候控制得非常好。羊味濃郁，肉質軟腍。Tiramisu ($78)質感濕潤，口感絲滑，滲透著咖啡香氣同時亦擁有點到即止的酒香。…查看更多