Fineprint

大坑一向係一個好多隱世café嘅地方，今日就黎到Fineprint，同朋友chill一個下午。呢度嘅樓底好高，主要以黑白灰色做裝潢嘅色調，再配上木製混金屬等陳設，充滿輕工業風嘅時尚感好正！Avocado Toast ＄85佢地自家製嘅sourdough真係好好食，完全係做到外皮脆而包內香熟嘅程度，麥香係滲透出黎而唔會搶走其他食材嘅味道。加上，牛油果新鮮多汁，濃郁嘅果香配埋羅勒(basil)又再提升到另一個層次，口感豐富而且每種味道加埋一齊好夾！仲有少少嘅海鹽、橄欖油同埋檸檬汁，就好好咁發揮左佢地提鮮嘅作用LANude Bowl ＄90食完牛油果多士就再黎個牛油果沙律，我同朋友都係牛油果控。除左牛油果仲有煙三文魚、嫩葉菠菜、車厘茄同埋一只熟蛋，當然唔少得檸檬，加埋檸檬汁成個沙律好fresh，酸酸嘅味道係令人精神一振嘅來源～所有食材都好新鮮，淨係講牛油果真係無等輸，揀得好貨源好，好明顯係又大個又多汁果味濃，喜歡！a glass of Hot Latte ＄25a cup of Hot Flat White ＄25朋友叫左一杯Latte，我叫左一杯Flat White。佢地自設一個炒豆工場出產咖啡豆，招牌嘅係Peel Street Espresso Blend。講講Flat White，一杯嘅份量剛剛好，入口香濃而唔苦澀，香滑而淳厚，咖啡味道偏向nutty。趁熱飲，千祈唔好攤凍左佢，而浪費左咖啡師悉心調泡嘅一手好咖啡喔！總結，Fineprint果然係香港一間不得不去嘅café，想飲靚咖啡就要黎試下LA。加上，環境摩登時尚，坐係窗邊嘅位置，下午嘅陽光照入黎嘅和暖感，好chill好relaxed…查看更多

今次要介紹嘅係啱啱喺大坑開咗第二間分店嘅Fineprint，店內嘅裝潢微帶工業風，設有對外嘅bar檯都特別寫意，於設計上有花一番心思。Ricotta Toast $80外觀上已經好有衝擊力，多士上面加了一層厚嘅Cream Cheese，再撒上藍莓同蜜糖。味道上，類似芝士蛋糕但係個餅底變咗做多士，但係食曬兩塊都完全唔會覺得膩，因為芝士好鬆軟而且唔會太重味，藍莓同蜜糖亦都襯托出芝士嘅味道。整體而言，係令人意料唔到咁令人回味嘅一道菜式。Avocado Toast $85多士上佈滿咗切片嘅牛油果，係一個好熱門同時好強大嘅組合，因為牛油果嘅油份充分咁令到多士口感更柔潤，同時表明上亦稍作調味，另可加入少量檸檬汁，令到整體上更開胃同提味。Hot Chocolate $35可可味好濃郁，表面撒上朱古力碎片，可以品嚐到兩種朱古力嘅表現方式，係冬天嘅首選飲品。…查看更多