文華扒房及酒吧

朋友離港在即，需很久才回，臨行一聚，相約於酒店扒房。餐包外皮香甜包肉軟熟，上面灑了些鹽粒，增添少許鹹意。可選配牛油或橄欖油，能夠一次過盡享兩種風味。一大粒類似炸肉丸的頭盤，真身原來是牛肉他他跟酸種麵包多士的混合物。本體肉質鬆軟，炸完之後增添香口感。碗裡先放有數粒龍蝦肉，侍應再倒龍蝦湯進去。湯的蝦味濃重，烯杰適中，不漿口，配襯的龍蝦肉爽而鮮美。香煎鵝肝油脂豐盈，少少調味已經足夠，吃下是滿口的幸福！襯上的炸麵包粒增加脆度；而蘋果粒能抒解膩氣。魚卷包有帶子、虎蝦、松露、煙肉等，肉感豐盛，爽口的蝦肉、松露的香氣以及鹹香的煙肉影襯出魚肉的鮮美。我們只是叫了英式西茶，詎料店方驚喜地奉上迷你甜品！紅莓啫喱糖、馬德蓮蛋糕與朱古力布朗尼，小人最愛蛋糕，跟西茶最合拍。高水平之作，締造了一次美好的回憶！…查看更多

「香港文華東方酒店」嘅「文華扒房及酒吧」已連續十五年取得米芝蓮星星，最享受食西餐嘅迷人Uncle得知XO仔從未到訪，適逢壽辰就請肥肥家族全員一嚐。接待處一邊為西式嘅聖誕樹，另一邊及正門身後嘅卻係中式嘅兵馬俑藝術品，莫非餐廳走中西合璧路線？！面積寬廣嘅用餐大堂開揚通爽，光線柔和。厚墊椅櫈原來係有轆轆嘅，坐得舒適之外，推櫈都唔洗出好多力，只係相片難以捕捉。天花用上酒店嘅扇形標誌設計，立體到題得黎高雅有氣派。窗邊擺放著少許聖誕飾物，滲出大方低調嘅節日氣氛。長輩早已自備其愛好嘅Winston Churchill香檳；標準裝開瓶費為$500/樽，但都遠比酒牌上嘅標價合理。食物餐牌只有英文版，頭尾兩頁道出廚師採用之國際食材包括節令嘅環保海鮮及源自美國或澳洲嘅牛牛，盡量都會揀選本地農場種植嘅蔬果、香料等。頭盤、主菜及甜品項目共有六頁之多。點好菜，服務生先呈上免費贈送嘅開胃小食。應建議由圓碟嘅上方起順時針方向食，第一件鱒魚籽蝦他他撻皮薄餡鮮爽，右下方嘅煙三文魚紫菜卷就有少少腥，左下方嘅雞肝菠菜蛋糕仔軟彈香濃，都幾得意。麵包每人各兩款，分別為薯仔麵包及brioche，包身都好鬆軟。新鮮生蠔即叫即開。Classic Steak Tartare：牛肉他他鮮嫩柔潤，塗上暖手嘅多士，食落香濃惹味嘅同時入口極其鬆化，口感好有層次，而且唔會好溜。Blue Lobster Bisque（$458）：一如潮興嘅西餐廳做法，湯品先上湯料。展出碗內粒粒龍蝦肉後，再由專人於餐桌上灌入熱辣辣嘅湯湯。龍蝦湯鮮濃香醇，龍蝦肉爽脆甜美，成隻拉麵碗咁大嘅龍蝦湯絕對足量！Slow-roasted USDA Prime Rib of Beef（$888）：靚靚媽咪大讚慢烤美國牛肋扒肉厚軟腍、汁多夠潤。U.S. ‘WBI’ Prime Striploin, 10oz（$988）：碟上左方甜甜嘅洋蔥及脆脆嘅羽衣甘藍十分輕巧；厚厚嘅美國特級牛扒外表黑黑實實，但係一刀好易就切到落去，三成熟嘅靚牛肉質鬆軟，肉味濃郁，而且肉汁豐沛，堅！1963 Mandarin Cheesecake：文華酒店嘅招牌芝士蛋糕喺餐廳食嘅版本好似同餅店嗰個有少少唔同，除咗多咗層朱古力脆脆綑邊之外，糕面仲加咗層忌廉。70% Chocolate Soufflé（$388）：應推介點咗個特濃朱古力梳乎厘，真係冇諗到深啡色嘅梳乎厘竟然可以咁立立令！梳乎厘本身蓬鬆輕盈，黏上頂面濃厚嘅朱古力醬即增添香醇嘅朱古力味，加埋球朱古力雪糕涼浸浸，食落甜而不溜滯，甜品絕不邪惡，朱古力迷一定要試！名酒店西餐廳「文華扒房及酒吧」環境優雅有格調，帶哂手套嘅服務生專業有禮，不同款式嘅牛牛菜式各有特色且高質美味，特濃朱古力梳乎厘甜品更加係一試難忘，唯一酒店星級價未必人人會覺得抵。…查看更多

又係想嚟試好耐嘅一間steak house～就係Mandarin Grill + Bar我哋提早48小時前預訂好Beef Wellington然後再a la carte咁加啲小食嚟之前嗰晚都十分期待呀(⁎⁍̴̛ᴗ⁍̴̛⁎)‼✧ Amuse Bouche好精美嘅餐前小食✨有紫薯🍠、海膽、king crab🦀、魷魚🦑、wasabi而朋友唔食shellfish所以餐廳就好細心換咗材料用beetroot去代替squid✧ Complimentary Bread除咗前菜仲有兩款麵包俾我地第一款係Brioche🥐，好香牛油味而且自帶鹽味（所以牛油係unsalted haha🧈)值得留意嘅係佢真係好鬆軟好容易Mit得開，甚至有少少似丹麥碟另一款係Sweet bun🍞，包嘅質地普通，上面掃咗一層糖漿另外侍應哥哥介紹咗4款olive oil俾我哋有sweet, spicy, smoky, mild本豬揀咗smoky覺得都幾特別🔥朋友揀咗spicy覺得一啲都唔辣🌶️✧ Hokkaido Scallops ($488)雖然配嘅sauce係石榴汁酸酸地幾開胃仲有啲芝麻增加口感但係本豬都係偏好滑溜香甜嘅scallop至於份量方面有3大嚿就算多幾個朋友嚟食都夠分～✧ Beef Wellington ($2,288)堪稱全港第一嘅Beef Wellington☝🏻曾經睇過製作過程知道整到一份靚嘅威靈頓牛柳有幾難包括金黃色酥皮上嘅網紋、冇得切開個牛嘅情況下控制熟度等等所以真係好期待港一嘅表現！上菜嘅時候侍應哥哥喺我哋面前切半🔪一切開見到粉紅色嘅medium rare牛肉真係好驚艷💓酥皮下仲有parma ham🥓同蘑菇蓉🍄絕對落足心機🥹至於上碟隻碟係暖嘅🍽️上面用caramelised onion paste🧅同紫菜伴碟🍙汁係black truffle另外仲有幾種mustard提供戲肉嚟喇～自己嘗試slice開佢真係好難第一塊已經分離咗層酥皮再切已經散晒變分開食都幾有挫敗感(˶‾᷄ ⁻̫ ‾᷅˵)如果侍應哥哥幫我哋切埋會好少少？食落酥皮都幾厚幾滯而個牛食落偏熟應該熟過medium rare🥩汁就唔肯定係black truffle定牛肉本身嘅肉汁又偏酸整體嚟講係好睇得但普通食得另外問過無論跟餐定a la carte都會係呢個size俾兩個人share✧ Sautéd Portobello Mushroom ($108)隨beef wellington附送嘅有兩個sides: mashed potato🥔同埋french peas🫛另外我哋仲order咗個菇都幾好味🍄✧ Dark Chocolate Soufflé ($308)賣相同全港第一Somm嗰個有幾分相似但稍遜而份量都比想像中大味道唔會話死甜/砂糖味🍬Dark chocolate味令你會想繼續食而唔覺得好滯🍫題外話焗soufflé個師傅搽油搽得好足完全唔黐邊haha✧ Mango and Coconut ($308)喺幾款甜品入面再揀多個就揀咗芒果味嘅嘢～🥭侍應姐姐介紹話呢個好似芒果糯米飯🍚嚟到嘅時候完全唔同但係係surprise to the upside🥹首先賣相已經好靚而且口感多重，芒果味又開胃個甜品用白朱古力外殼包住sponge cake🍰同埋椰子味嘅mousse🥥面層仲要有mango sorbet🍧好難得地soufflé唔係我當晚嘅rank 1🎖️✧ Peppermint Tea雖然coffee or tea 係separate咁叫但食完上面呢堆又仲想坐下談下心所以急需呢個茶消下滯🌿🫖✧ Petit four呢個petit six嚟得非常唔合時given我哋已經超級超級飽haha所以直接打包走呢啲糖、朱古力同almond cake～✧ Complimentary Granola好驚喜地食完有禮物拎走🎁仲要唔係是但搵膠袋紙袋入住嘅granola係好有class嘅玻璃樽🤩果然除咗想留住客人個胃仲想留住個心keke除咗食物之外，我哋食嘅過程一直有睇下環境例如張枱係有磁力固定住幾棵植物deco/petit four個鐵盒個廁所又靚到好似間屋咁搵唔到點入另外服務幾好，朋友拎咗啲嘢食嚟借佢地雪櫃擺都肯幫手(о´∀`о)…查看更多

📍地址: 中環干諾道中5號香港文華東方酒店1樓✿😋味道😋：5/5✿🏙️環境🏙️：5/5✿🤵🏻服務🤵🏻‍♂️：5/5✿👀賣相👀：5/5✿💰價位💰：4/5↠⏰時段： Dinner 19:00 ↞ ❀❀ 環境 ：⭐️餐廳連續十年榮獲米芝蓮星級殊榮🎖，佢喺文華東方酒店一樓，全港數一數二嘅高級扒房。文華扒房經 Terence Conran 爵士重新設計，餐廳俯瞰皇后像廣場同遮打花園，其靈感取自於扇貝的天花板、Gerard D’A Henderson 的畫作，環境非常優美。🕌🍽<< 3-Course Sunset tasting Menu >> $1288 per person 🍞🥖🧈❝ Bread ❞☞ 一開頭有餐前麵包，好重牛油味嘅brioche，好鬆軟🍞🍞🍞🍞🥧🥧🥧❝ Amuse Bouche ❞☞ 呢個餐前小食，食落都幾好味，好香口。********STARTERS********🐟❝ House-Made Smoked Salmon ❞❀ Rye Toast, Lemon☞ 呢個煙三文魚，Waiter 會喺你面前切片，同埋擺埋調味料伴碟，例如蛋黃碎、蛋白碎、酸豆、細香蔥同埋紅洋蔥碎，識落魚油香味同埋煙熏味都幾平衡。🦞❝ Lobster Bisque ❞ ❀Tarragon Cream, Cognac☞ 呢個文華龍蝦湯勁出名，龍蝦肉同湯會分開上，首先上咗龍蝦肉同香草忌廉先，之後waiter會喺你面前倒啲湯，龍蝦湯好濃，加埋龍蝦嘅鮮味，配埋爽口彈牙嘅龍蝦，令口感更加豐富。********MAINS*********🐠❝ Dover Sole ❞ ❀ Grilled or Meunière☞ 呢個龍脷魚係配埋一份檸檬沙律，一個檸檬同埋香草牛油汁，Dover Sole有兩種煮法，香烤或者法式奶油炸，waiter會原條喺你面前幫你起骨，魚質嫩滑。🥩❝ Australian ‘Cape Grim’ Ladies Cut Beef Tenderloin, 6oz ❞ ❀ Béarnaise Sauce, Hand Cut Straw Potatoes☞ 呢個係澳洲牛里脊伴法式芥末薯泥配胡椒醬汁，肉質食落細緻軟嫩。********DESSERTS*********🍨❝ Soufflé ❞ ❀ Classic Vanilla Soufflé with Tahitian Vanilla Ice Cream☞ 梳乎厘一上枱喺熱焫焫，側邊個雲呢拿雪糕，喺比你放上梳乎厘上面食，等佢溶落去，做到冰火交溶嘅感覺，所以一定要趁熱食，食落去有空氣感，加埋雪糕嘅質感，升華咗成個層次。🍫🍯🍌❝Banoffee❞ ❀ Caramel Banana , Chocolate, Vanilla Ice Cream☞ 呢個係英式香蕉太妃拖肥批，由香蕉+拖肥組成，雖然好甜，但係都係好味嘅英式傳統甜品。🧀🍰❝ 1963 Mandarin Cheesecake ❞ ☞ 呢個1963文華芝士蛋糕，被譽最好食嘅芝士蛋糕，所以呢個dinner set係唔包嘅，我自己另外叫；芝士蛋糕係用酸奶油、奶油芝士、杏仁粉，而冇曲奇餅底嘅經典芝士蛋糕，口感好細膩香滑。🍫🧁❝ Petit Four ❞☞ 呢個係金橘cream cheese加埋下面一個綠茶sponge cake喺底；另外一個係泡芙。…查看更多

𝑴𝒂𝒏𝒅𝒂𝒓𝒊𝒏 𝑮𝒓𝒊𝒍𝒍 + 𝑩𝒂𝒓-🍽 Amuse Bouche🍽 House-made Applewood Smoked Salmon🍽 Steak Tartare 🍽 Lobster Bisque🍽 Beef Wellington🍽 Grand Marnier Soufflé究竟幾時幾多點訂先有位？🔊米芝蓮一星既文華扒房一向都係我地既 Bucket List ٩(˃̶͈̀௰˂̶͈́)و 而HSBC推出既一個買一送一既優惠！(due to 31 Dec) 幸運的我係3日前成功訂到枱！(⁎⁍̴̛ᴗ⁍̴̛⁎)仲要係5-course tasting menu(˶‾᷄ ⁻̫ ‾᷅˵)首先送上兩款好鬆軟既麵包)^o^(冇錯好鬆軟，好似新鮮出爐一樣，外脆內軟，亦都好重牛油味！另一種有nuts, 令到個麵包更加昇華一另外嘅口感，同時亦都好鬆軟！然後到Amuse Bouche (即是餐前小食）佢係松露多士，低面有煎香左嘅麵包，上面有海量嘅松露令到佢好香松露味，而裏面係焦糖洋蔥~_^幾樣唔關事嘅嘢拼埋一齊竟然好香甜, 幾fresh!然後到smoked salmon, 係餐廳用蘋果目自家製去煙燻！別樹一格，同出面食嘅煙熏三文魚好唔同，多左一份蘋果木味，而且充滿油香！另外配上五款配料同半個檸檬調味，可以自己選擇！再到最愛既steak tartare! 肉質好細緻，有咬口，食到肥同肉既部分！醬汁酸酸的^_^配上sourdough 係一絕！然後到lobster bisque! 係招牌菜之一，好濃既龍蝦味，味道唔會苦澀好新鮮！濃淍度適中！(實不相冇食到呢味餸已經好飽！)重頭戲beef wellington！服務員推出嚟見到個份量真係嚇一跳！喺客人面前即場切開，簡直係想炫耀佢哋喺事前所做嘅功夫同埋佢哋控制嘅火候有幾咁出色٩(˃̶͈̀௰˂̶͈́)و 切出嚟，中間呈粉紅色，岩岩好！佢嘅酥皮就算又想菜去到尾都係咁脆！中間嘅蘑菇盒好香濃，但係唔會蓋過牛柳本身嘅肉味！牛柳好嫩，再加上特別條配嘅黑松露汁，簡直出色！(但係個份量真係太多(●°u°●)​ 」到最後當然係甜品做一個round up!! 佢地既 soufflé 不時都會有seasonal 既口味！今次試既係grand marnier! 帶有好濃烈既酒味！٩(˃̶͈̀௰˂̶͈́)و soufflé 好鬆軟焗到脹卜卜，再加上一啖vanilla ice cream, 有冰火交纏既感覺！總結係一個好滿足好豐富既5 courses ╰(*´︶`*)╯♡ 服務好好，係一個體驗！再加上買一送一既promotion簡直係不得之了！但… book枱難，係測試你幸運既挑戰(⁎⁍̴̛ᴗ⁍̴̛⁎)📍 1/F, Mandarin Oriental Hong Kong, 5 Connaught Rd Central…查看更多

今年已經第一時間book HSBC一送一優惠，但呢間都要等成個幾月先有位🤪 一送一嘅menu係佢哋平時5-course tasting menu嚟，所以係真正用半價嘅價錢去食正價餐！😎我哋6點鐘嚟到，基本上係第一枱客，佢哋安排我地坐窗口位！餐廳環境闊落，而景觀係望住中環城市景，採光度唔錯，一入夜燈光會變得柔和，都幾有情調💕 情侶節日慶祝嚟呢度就啱哂喇。職員遞上menu，溫馨提示我哋main course 要3選一，但其實我哋book 位時一早揀好哂，亦都有之前同佢哋講有食物敏感，其中有一款前菜要換，但好似serve 我哋個職員無我哋record咁😬 呢啲作為五星級酒店加米芝蓮餐廳真係扣哂分🧐❤️ 餐包麵包有兩款，味道普普通通，有nuts嗰款好食啲；另一款食落似茶餐廳嘅餐包，但奶香味濃啲🤣 ❤️ Amuse bouche餐前小食同樣有兩款，底下有熱石暖住個食物好貼心！兩款都好唔錯，其中一款個撻皮好脆好薄，配埋面頭嘅mousse一啖食落去好鮮甜😚 另一款就鹹香十足，餅底酥化香脆！❤️ Home-smoked salmon 侍應會推架餐車喺你面前切成條煙三文魚🙊 啱哂打卡人士😛 佢一邊切會一邊講解條煙三文魚，但我顧住拍片完全無認真聽😂 一碟煙三文魚有五片，搭配五款配料同半個檸檬，配料切到好碎分量少，加咗都唔覺有加嘅感覺😂 煙三文魚帶點鹹鮮味，口感有彈性，要講佢同其他餐廳煙三文魚嘅差別就係煙燻味較重💁🏻‍♀️❤️ Steak Tartare呢間牛肉他他牛味重，可惜調味唔足夠，有少少血腥味😬 唔太啱我口味😅朋友叫咗Caesar Salad，味道正正常常，無乜特別。❤️ Lobster Bisque上菜時碗內只有龍蝦肉，侍應會喺我哋面前倒龍蝦湯😛 龍蝦湯好濃郁好smooth，唔會過鹹🤤 質感都幾濃稠但有少少澀味。龍蝦肉都算大粒，口感爽彈，鮮味喺口腔內爆發🌊❤️ Beef Wellington +$398呢度嘅Beef Wellington 好出名，加錢都要叫嚟試吓🤤今次侍應又推架餐車去你面前切😂 又一打卡位！佢將個Beef Wellington一開二，切完兩份都係超厚🤩 我哋揀咗medium，酥皮無同啲肉分離，合格👌🏻 牛肉都幾鮮嫩多汁，牛肉味唔算太重，反而蘑菇味相當濃郁，酥皮鬆化香口富牛油香。side dish有兩款，薯蓉好香滑，都幾出色。到最後因為太飽食淨少少牛😬⚠️ 呢個要預早一日訂**❤️ Soufflé文華嘅招牌甜品💕 雖然真係好飽，但食甜品係有另一個胃😼 個梳乎厘外型完美升高，不過塌得好快要趁熱食！新鮮出爐好熱辣辣，空氣感十足，好輕盈！☁️ 比起朱古力味更鐘意呍呢拿味，朱古力味略甜。餐廳質素：⭐️⭐️⭐️✨ (3.5/5)食物質素係唔錯，但感覺又好似未去到拎星水準🧐 服務方面可以話係一般，去到中後段已經開始無人幫我哋斟水，希望呢度服務可以再改善吓！😬…查看更多

Mandarin今次是真真正正純粹為【吃】而來的，自從看了偶像食家 Yan 的【拍案叫絕】精彩食評之後，一直心思思想來試試，於是照辦煮碗，相約了一班喜歡試吃新東西的各方好友，一行六人，當中包括了醫生、護士、公關經理、秘書 OL 等各行各業先生、太太、小姐們，浩浩蕩蕩的來到文華酒店。由於我們大部份都不喜歡或完全不吃牛，所以這次決定主攻賣相精美的頭盆與甜品，事前做足了功課，在酒店網頁 Download 了 À la carte Menu，研究選擇了值得一試的特別菜色，多人 Share 的好處是可以有多款不同的嚐試，特別是不嗜甜但又很有興趣淺嚐各款賞心悅目、巧奪天工的 Signature 甜品。一個月前預先訂座，店員要求以信用卡落 Deposit，才能確認 Booking，手續非常認真，我們由那一刻開始便滿心期待這餐豪情夜宴！Grill身為亦舒小說迷，自小便對【文華扒房】這個名字非常熟識，舊文華的那個年代，這裡絕對是非富則貴、達官名人的飯堂，很欣賞酒店重建後的改變，這裡既保留了 Mandarin Oriental 原有的貴氣典雅，但亦不至予人舊而悶的土氣，餐廳加入了新派份子料理的創意元素，不只能留住原來的老熟客繼續惠顧，更能吸引新一代食客前來觀摩，扒房與酒店一樣，跟隨時代進步，也很能代表這個大都會在劃時代的改變！Bread and Wine看似平平無奇的麵包籃，大家一吃便停不了，皆因每款細細個的麵包各有乾坤，熱烘烘的，有香草、橄欖、煙肉等不同配料，淨吃可以仔細品嚐麵包的質感，點了 Olive Oil 後又增添香滑味道，第一輪的兩藍麵包很快便吃清光，服務員立刻細心再端上第二輪的兩藍，讓大家吃個滿足。為了配合稍後要來的美食，怎少得美酒相伴！友人喜歡香檳，於是品酒師替我們選了支法國的 R de Ruinart，以 Chardonnay 與 Pinot Noir 釀製成的 Champagne Ruinart，入口清甜，充滿果香，很合女士們的口味，也能帶出整晚以蔬果與海鮮為主的佳餚。Amuse Bouche萬眾期待的開胃前菜出場了！觸目的盆栽，帶出那口用份子料理技術製成的 Olive，在口中 Pop 的一下，像一粒很大的魚子在口裡爆開，橄欖香氣滿溢，很 Fresh 的感覺。跟着是三文魚芝士雪球，要趁快吃，因為雪球會溶的，基本上吃不出有肉的質感，軟綿綿的 Cream Cheese 帶有三文魚的香味，與之前的 Olive 有截然不同的口感，但同樣有驚喜。第三款是 Cookie，分別是 Basil 與 Olive 兩款口味，躲在【文華東方】精緻的餅罐內，以放在上面的小葉子分辨味道，香香脆脆的，細細口，給食客們一個餐前的熱身！COLD其實我們一共點了六款頭盆，都是貪戀那精美特別的賣相，先來的是兩款冷盆：Garden HK$168 – organic, leaves, vegetable, cress, soil, minus 8簡直像花園中的一棵植物，有葉有果，更有泥土，上枱後，侍應還以小花灑灌溉，灑上 Salad Dressing，真是做戲做全套，很有心思！原來 Minus 8 是加拿大出產的一種 Ice Wine Vinegar，Minus 8 意思就是他們在攝氏 -8 度的雪地裡 Hand Picked 的葡萄釀成的酒醋，連沙律醬也這麼講究，而其餘材料都是有機健康的新鮮蔬果，真是賞心悅目的享受。Prawn HK$268 – California, botan, cocktail, cucumber, consommé, iceberg. snow鮮蝦刺身配以 Sake Jelly，喜歡那日本清酒味的透明啫喱，創新和食的演化。黑色一粒粒的是焗香了的 Muffin，沒有特別味道，主要用來裝飾。這味菜色原意是 Prawn Cocktail 蝦沙律，特別的是侍應在沙律上枱後，才灑上粉狀的沙律醬，沙律粉遇水後慢慢溶化，又另一份子料理的特色，將原有食物的狀態轉變，帶給食客新鮮的體驗。HOT熱盆總共有四款，也是各有特色：Summer HK$178 – Tomato, fresh, smoked, gnocchi, mozzarella, basil, balsamic夏天清新的口味，煙薰過的番茄是主角，白色細細粒的是芝士波波，也是在口裡 Pop 的那種份子料理，侍應在碟子上枱後灑上 Balsamic Vinegar，酸酸、甜甜、香香的，很開胃的前菜。Foie Gras HK$308 – French, pistachio, wild strawberry, balsamic這個【花瓜】是全場最沒花巧的，因為賣點在於它的味道，非常香滑美味！趁熱吃，簡直是人間極味，齊齊向健康說不！Langoustine HK$328 – Scottish, seaweed, gnocchi, crustacean相比之下，這個小龍蝦比較平凡普通，味道與質數都是上等的，只是沒有其他食品出色，欠缺驚喜。Scallop HK$328 – U.S., diver caught, beetroot, lemon, salad, manni oil大大粒的帶子，煮得剛剛熟，外脆內軟，鮮甜香滑，我們六個人分兩粒，吃得非常回味！MEAT之前提過，由於我們不吃牛，所以主菜方面，只精選點了一款：Pork HK$478 – Welsh, rhug estate, organic, suckling, potato, mustard侍應在我們面前把三件燒乳豬由鐵爐放上碟，然後，最驚訝的是，侍應竟然打開了鐵爐，把底部的【黑炭】一磚一磚放上碟，啊！原來【黑炭】都是可吃的，是用黑芝麻染色的薯泥做成，很有趣！三件分別是乳豬的三個部份，當中以 Tenderloin 的質感最美味，軟綿綿的，肉的纖維很細，很嫩滑，有點像吃肝的感覺。DESSERT甜品因為看到 Yan 的食評與相片，實在介紹得太精彩太吸引了，所以我們一於大舉全掃整個 Menu，慕求款款都能試一試！Fruit HK$158 – texture, seasonal, sorbet, mint色彩繽紛的時令水果放在大玻璃盆上，令人垂涎三尺又捨不得吃，這個生果盆的生果以假亂真，當中有雪芭或啫喱假扮的，要吃的一刻才能確定真偽，但都鮮美可口，充滿果香的清甜。Bread and Butter HK$158 – brioche, raisin, apricot, vanilla非一般的 Bread and Butter，法式奶油蛋包浸滿香甜的果醬，伴以假扮牛油的 Mousse，很獨特、很有創意、很出色的一個甜品。Oreo HK$158 – crumble, vanilla, espumaCrumble 一向是我的至愛，廚師以 Oreo 碎粒配以雪糕，然後侍應即場加上熱烘烘的朱古力醬，最後再灑上餅碎，冰火感覺，急不待要吃第一口，原來餅碎已磨成非常幼細的粉粒，與滑滑的朱古力醬與雪糕慢慢在口中溶化，感到非常滿足，文華的朱古力一向是最出色的，估不到與 Oreo 結合有這麼好的效果，研究出這款配搭的甜品師傅一定是 Oreo 與朱古力的 Lover，天作之合，忍不住要說一句：【I Love Oreo！】Soufflé HK$188 – grand marier 梳夫里有 Grand Marnier 利口酒的果味芳香，熱騰騰的端出來，即時放進雪糕，又是冰火感覺，不過要趁熱吃，因為當雪糕溶掉時會與 Soufflé 結合變成一堆醬，失去原有的質感。Strawberry HK$158 – fresh, ice-cream, cake, soil, field, mint士多啤梨也是【真的假不了，假的真不了】當中假的三粒是真的士多啤梨做的雪芭與乾果，與真的一粒混合當中，咖色的泥土也不要錯過，充滿田園風味。Champagne HK$158 – peach, sorbet, cork, sparkling這個 Rosé 香檳甜品可謂造型最有心思最特別啦！酒身、木塞、冰碎、氣泡與底部的木碎，通通都可以吃，酒身破開中間是粉紅色的 Mousse，大家似是尋寶一般，續樣嚐試，每口都有驚喜！Petit Fours晚餐的尾聲，Petit Fours 出場了，帶有草園氣息，一粒粒 Truffle 軟心朱古力，假扮松露野菌，而木鏟則是用硬朱古力製成的，也是文華 Signature 的朱古力，驚喜的賣相與味道，從 Amuse Bouche 開始到 Petit Fours，由頭帶到落尾，果然無令人失望！食物連酒水加一服務費，六個人最後埋單 HK$4,818，很滿足的離開。走時經過樓下 Cake Shop，朝聖望望新的主題，見到一個巨型的玫瑰花瓣果醬，Rose Petal Jam 一向是文華禮品店馳名的手信禮物，師傅很有心思，以假亂真的技巧，已達到爐火純青、出神入化的境界！…查看更多