Bingo & Cook (港匯廣場)

營業中

休息中

尖沙咀 Bingo & Cook 以其獨特魅力成為區內不可錯過的韓食聖地。餐廳設計巧妙融合韓式美學與工業風元素，彩色幾何圖案磁磚點綴牆面，為空間注入活力；而木質桌椅與水泥牆面的搭配則創造出溫暖與現代感的絕妙平衡。充沛的自然光線與精心挑選的復古燈飾相互輝映，用餐氛圍既時尚又舒適，讓人一踏入便感受到濃厚的韓國情調。餐廳的招牌菜—五十公分長的韓式海鮮鍋($380)，不僅視覺震撼，更是味蕾的盛宴。顧客可根據喜好選擇小辣或多湯湯底，鍋中豪華匯聚蟹、蝦、青口、蜆、鮑魚及八爪魚等海鮮。尤其是那鮮甜多汁的大蝦，我最為喜愛。橙紅色的湯底香氣四溢，配以青蔥點綴，色香味俱全，令人難以抗拒。除了海鮮盛宴，$168的藥膳人蔘雞湯同樣不容錯過。這道養生佳品湯色清澈，雞肉嫩滑。飲品方面，我們點了葡萄特飲和西柚特飲($68/杯)酸甜可口，完美中和了料理的油膩感。韓食精髓在於配菜，Bingo & Cook的泡菜、涼拌黃瓜等小菜做工地道，為用餐體驗增添豐富層次，展現出對韓國飲食文化的尊重與理解。無論是與摯友小聚，還是家庭歡聚，這家位於尖沙咀麼地道港匯廣場的韓國餐廳，都能帶給你正宗而難忘的韓式美食體驗。

醬油蟹 / 270 (1pc)醬油蟹鮮甜多膏 兩個人食一隻份量啱啱好 撈埋加入咗紫菜碎同芝麻調味嘅飯 非常邪惡但十級滿足海鮮香蔥煎餅 / 148 煎餅煎至金黃香脆 配料份量非常多 有多隻大大粒嘅蝦仁同魷魚 性價比極高 適合多人嘅時候分享50cm韓式海鮮鍋 / 410成隻手臂咁長要用兩個煤氣爐先放到嘅海鮮鍋海鮮種類多至10款以上 包括有鮑魚|扇貝|膏蟹|鮮蝦|青口|魷魚等韓式泡菜湯加上海鮮嘅精華令到整體味道昇華當中嘅不同配料以及蔬菜都變得更加惹味小編另外仲加咗$30叫咗個韓式粉絲煙煙韌韌嘅粉絲同呢個海鮮湯真係絕配! ——————————————————推介度: 8/10——————————————————📍Bingo & Cook（尖沙咀）尖沙咀麼地道37-41號港匯廣場地下17-20 & 31-34號舖📍Bingo & Cook（銅鑼灣）銅鑼灣駱克道491-499號京都廣場2樓📍Bingo & Cook（旺角）旺角亞皆老街8號朗豪坊10樓21-26號舖——————————————————

留意到呢間餐廳，係因為有次喺隔離飲嘢經過見到，竟然有間咁隱蔽，但個vibe又咁正嘅餐廳嘅？當時即刻bookmark咗，呢日去咗試喇！😍餐廳有分室內同室外座位，今日坐咗室外，紅色帳幕+紅色膠凳+紅色摺檯，勁有韓國大排檔feel！！Menu都幾多選擇，都有好多想試，先嚟咗前菜，有蓮藕、翠肉瓜、薯仔絲、泡菜，幾好食，之後仲叫店員refill咗次泡菜～一到冬天就想飲啲暖笠笠嘅嘢！叫咗個 #牛骨湯 $145 
奶白色湯，香濃😍啲牛肉好腍，仲有啲麵喺底～跟咗碗白飯，可以撈嚟食

#50cm韓式海鮮鍋 $380 
呢個齋睇賣相已經好吸引，勁大盆，又足料，有八爪魚、魷魚、蜆、青口、鮑魚、蝦、蟹、扇貝⋯都幾多款！我哋揀咗少辣，個湯好鮮甜！又唔係好辣！啱晒我呢啲食辣新丁😌勁多香菇索晒啲湯👍正#蒜香醬油炸雞 +香腸年糕串(半份) $140 個雞炸到金黃色 ，脆得嚟啲肉唔鞋，個面有蜜糖同大量蒜片！好食！另外，炸年糕同炸腸都好食，呢個配搭幾好🥰而且跟咗個椰菜沙律，可以解油膩～嘢飲叫咗 Tangerine Smoothie $78橙+乳酸味，好fresh～
食大排檔緊係要飲吓酒，仲叫咗支經典真露 $80 😌😌😌

星期日和老公到尖沙咀Bingo & Cook吃韓國菜。前菜吃完可以再添。50cm韓式海鮮鍋鍋太大以致要用兩個爐來熱鍋，湯底選了少辣，海鮮有扇貝、蜆、大蝦、蝦仁、魷魚、青口、鮑魚、磅蟹、鮑魚，底下有大量豆芽、菇片，海鮮吃得出頗新鮮。牛骨湯牛腱很軟腍，湯裡還有韓國麵，另附一碗白飯，清清地很好。Bingo特製紫菜包飯餡料很多，特製在於有芝士和牛肉，好吃。海鮮炒飯海鮮有蝦仁、蜆、魷魚，切成小粒和飯一起炒，炒飯味道帶甜，旁邊有沙律菜。

朋友推介左好耐呢一間韓國餐廳，咁啱見到有foodie介紹海鮮火鍋，所以決定同男朋友嚟試吓！.我地係星期五夜晚7:30去食，早一日打電話去卜位，訂位過程順利👌🏻位置有啲隱蔽，所以搵左一陣先搵到，因為入口冇大厦名比較難搵。.去到嘅時候已經係全場爆滿，好彩有卜定位，所以想去嘅朋友記得卜定位呀！😗海鮮火鍋！就係為左佢而嚟！我地叫左少辣，另外加左個麵大約$25。.我食譚仔係食十少辣嘅廢J，所以佢嘅少辣我都係覺得幾辣😂😂 不過慢慢食係完全冇問題！.火鍋裡面有扇貝、鮑魚、青口、蝦、蟹、魷魚，另外仲有芽菜同菇等等。.海鮮大部分都新鮮，份量嚟講，兩個人係完全足夠，但如果一大班人食，就未必每人每樣都食到，不過呢個價錢同份量再加上視覺效果係完全值回票價🤑.同埋如果鐘意食麵嘅朋友記得加，個麵應該係人手造嘅。火鍋食到一半嘅時間放埋個麵入去煮，食完海鮮先食個麵，都仲好煙韌、彈牙，而且好入味👍🏻炸蝦紫菜包飯都唔錯，蝦係即炸嘅熱辣辣，飯卷好足料，而且包得好靚、好結實，唔會一夾就散哂👍🏻甜辣炸雞配年糕香腸串，有驚喜！年糕香腸串係炸嘅，年糕外面鬆軟內裡煙靭，好似係韓國食都冇咁好味😭 .個炸雞真係暫時我食過最好食嘅甜辣炸雞

📍 Bingo & Cook📍 尖沙咀 𝗧𝘀𝗶𝗺 𝗦𝗵𝗮 𝗧𝘀𝘂𝗶 • 麼地道37-41號港匯廣場地下17-20 & 31-34號舖〔 Follow me on instagram @sikbaobaola ! ^^ 〕-Really nice Korean food joint! Nice food, nice service, nice ambience.Nearly every table ordered a pot of food, e.g. army stew (budae jjigae), seafood stew, fishcake soup, pork ribs with cheese, etc. and paired it with alcoholic drinks, which we followed! The [ 50cm seafood stew ] was really good. There are mussels, clams, shrimps, abalone, crab, octopus, etc. in it, giving an intense s

幾年前已經有食過Bingo & Cook~ 今次想食韓國嘢之際 見到佢有新分店就去食 諗住新舖應該唔洗排隊🤣佢有兩個門口 咁我就係經一個好似隧道咁嘅位 轉左再行過啲就見到 或者可以跟我下面啲相🤪不過無諗過夏天咁熱都有人坐出面😂 （入面仲有啲位） 但聽到好多坐出面嘅都係韓國人我地兩條友食唔到好多 所以淨係嗌咗個50 cm韓式海鮮鍋同埋泡菜炒飯泡菜炒飯就正常啦～ 估唔到入面有豬肉碎 同屋企自己炒個啲唔同 多啲泡菜更好😚50 cm韓式海鮮鍋本身想嗌燒肉但係又驚食唔晒 就揀咗呢個海鮮鍋 但出到嚟原來都好正入面有鮑魚、成隻蟹、蝦、青口、蜆、魷魚全部都唔只兩隻 海鮮唔腥 無食到沙 蝦嘅肉質係正常唔梅個湯愈煮愈濃海鮮味不過小心啲魷魚煮得耐就韌啦我加咗個麵男朋友就加咗幾次飯🥹想特別讚一讚個麵 佢係類似沾麵嘅粗度 可以煮佢十分鐘都咁煙靭 仲要越煮越入味 真係好正🥹另外再嗌咗少少嘢飲整體環境坐得舒服 唔會因為你得兩個人而俾細枱 我地係坐四個人位 特別一提！ 啲侍應好多都係韓國人 仲要超helpful🥹 見到我較緊個爐大細就已經自動會過嚟幫手 又會幫人燒肉（隔離枱） 成個食飯體驗幾好～

食過好幾次銅鑼灣嘅Bingo & Cook, 都覺得質素唔錯，近日上網見到尖沙咀都開左新分店，就同朋友去幫襯下~✨50cm韓式海鮮鍋 - 見到好多人都叫呢款，又真係幾吸睛，個鍋長方形咁霸晒一邊枱😂裡面好足料，有大大隻蟹🦀、3隻爽口大蝦🦐、兩隻彈牙鮑魚、一大隻魷魚🦑、仲有頗多隻蜆同青口，食到咁上下再落埋個韓式烏冬，吸收湯嘅精華，認真鮮味十足😋✨冷麵 - 好耐冇食過韓國嘅冷麵lu, 好啱呢排咁熱嘅天氣食，麵質好煙韌，份量都幾足！✨蒜香醬油炸雞 - 我地叫左半份，兩人share唔錯，仲配左3條炸芝士條, 好芝味🤩✨米酒 - 叫左樽原味米酒，兩個酒碗仔好別緻，好有韓國居酒屋嘅感覺😆