糧友パン工房

營業中

休息中

不經不覺，幫襯糧友麵包已有好幾年，老實講，價錢真係唔平，不過勝在質素不俗，麵包口感軟熟兼咬落富有質感，比起其他連鎖麵包店算是無咁縮水，所以一直幾乎無間斷光顧。而以往每到週末，除了買麵包外，若果 3.6青森蘋果牛乳卷尚有供應，我多數都會買一個回家，今日見凍櫃內仲有最後一個，當然唔執輸買埋。3.6青森蘋果牛乳卷 $ 60每次一打開餅盒便有陣陣的蘋果清香味散發出來，雪凍了的牛乳卷用刀切開時會有少少結實的感覺，不過當入口時戚風蛋糕口感郤軟綿綿，用3.6度牛奶製成的白色忌廉滑溜不黏口，中心部份由蘋果忌廉加青森蘋果粒組成，十分清甜，不單有咬口，而且味道清新。芝麻蜜豆抹茶卷 $ 26可能我平時無為意睇漏眼或平日一早售罄吧，這款麵包好似第一次見，還標註增量級，所以今次就買一個試下。麵包頂層佈滿芝麻，有幾粒蜜豆外露，麵包內分兩層，一層抹茶色，一層白色，不過我覺得抹茶味不太突出，蜜豆又大粒大甜，麵包質感依舊鬆軟，吃時最好有碟利用其他東西墊一墊， 以免芝麻散落一地。雖然話麵包、西餅質素、味道依然，不過牛乳卷內的蘋果粒明顯較初初出的時侯少了一點，而袋裝麵包的size 也略見縮水，未來希望麵包縮水的速度不要過份

糧友パン工房可以話係我近年唯一喜愛的連鎖麵包店，價錢需然唔平，仲要跟隨一田搬到5樓要我比以前爬多幾層才可以見到佢，不過論質素，我又覺得佢既麵包確係鬆軟好食D。紫薯黑豆包 $25大大個，非常鬆軟有彈性 ，充滿紫薯味, 當中混入原粒黑豆，黑豆富含高蛋白低熱量，又可增加麵包口感層次 3.6青森蘋果牛乳卷 (推廣價 $60 )其實另外仲有四款蛋卷，不過我多數會買青森蘋果味，因為食到蛋卷中心真係會咬到一粒粒蘋果肉，很爽甜，Cream 亦相當滑兼重牛奶味，蛋卷軟熟，甜度適中，簡直係家中下午茶之選。 近來發覺到部份麵包的size 似乎比以前有點縮細了的感覺，希望係我錯覺啦 !