龍蝦湯

這裏距離大圍站只有6分鐘，一入店內，裝修優雅，座位舒服，傾計既首選。這裏有多款選擇，鍾意食牛嘅朋友一定不可錯過。高度推介重量級肉眼扒，牛魔王推介，足足14安士，只不過係328。如果晚市再加香煎鵝肝配焦糖蘋果，只不過係$69。兩人套餐都好多野食，有鴨胸、湯、肉眼扒配菠蘿，非常開胃👍🏻仲有波士頓龍蝦意粉，唔使講，一個字正！而店內有酒精的飲品選擇亦眾多。中意飲、中意食既你一定不可錯過的大圍餐廳。😊…查看更多

今日放假就近近地落街到附近午膳，見食評d人都推介風車，最近又人禍又肺炎疫症，周圍都人心惶惶，餐廳、食市、酒樓都好慘，無乜人食飯，要白交貴租，所以都想支持下本地消費。叫左個紅酒牛腩薯菜餐同岩魚配法式香草汁薯菜，是日餐湯係南瓜湯，因為想試特別d既野，所以將二碗湯都加$15轉了龍蝦湯。龍蝦湯味濃郁，雖然一丁點龍蝦肉碎都沒有，加$15都差不多係咁既貨色了。(無跟湯餐包或多士。)主菜友人話佢碟牛腩無乜味，我叫的煎魚就不錯，魚皮煎得脆，汁就單一d，白汁忌廉加香草咁，味道都ok既。薯塊炸得香口，整體不錯，咁我諗應該比牛腩好食。餐飲 (我食到1/3侍應已問我飲乜，可能以為我食1個鐘就返公司卦) 轉左爆谷咖啡(加$10)，爆谷味不算特出(相比澳門的蜂大就爆谷咪味出好多又唔算甜)，但杯咖啡好甜，唔知點解落唔夠爆谷糖水都會甜成咁。朋友點了跟餐的普通凍咖啡，又話無乜味喎總數$188，大圍午餐來說，屬於中價。環境不錯，不趕客，不嘈雜。可以番頭食!…查看更多

為慶祝朋友升職，朋友推介大圍 風車，所以訂左枱好好甘慶祝下。我地都掛住傾計，都唔知食咩好，店員好貼心，推薦2人餐，岩曬我地尼d無所謂。 而且個2人晚餐，齊曬西餐既菜式，價錢又好合理，講下有咩食先：頭盤-「意式田園沙律配煙燻鴨胸」估唔到有好多片煙燻鴨胸，2個人食岩岩好，唔洗爭。沙律菜好多，而且酸度剛好，好開胃。湯-「紅湯」唔好以為係普通紅湯，飲落係有蕃茄蓉。「龍蝦湯」本身怕龍蝦湯會有腥腥地既味，但係飲完無覺得腥，而且發現個湯有龍蝦肉。如果愛濃湯既，建議飲龍蝦湯，因為味道偏濃。主菜-「紐西蘭肉眼扒配焦糖菠蘿」塊菠蘿好大塊，本身唔太鐘意食菠蘿，怕太酸，結果朋友話好好食好甜，粗粗地試左，真係好甜，而且菠蘿表面加埋焦糖燒過，所以食落表面係脆脆既。肉眼扒我地叫左7成熟，熟度剛好，而且大小剛好，配埋個燒汁，成件事好完滿。「波士頓龍蝦意大利粉」嘩嘩！係原隻開邊龍蝦，仲要用芝士焗嫁，好邪惡啊，但好好味，肉質彈牙。意粉係炒意，食落唔覺膩，配埋芝士龍蝦岩岩好。甜品-「朱古力蛋糕」份量剛剛好，本身怕好甜好膩，甜度岩岩好，而且中間有慕斯，中和番，整體唔錯。…查看更多

常常在大圍覓食的我今次和女朋友二人來這家風車試試西餐 風車這名字給人很 Chill 的感覺 加上大圍近美林一帶其實算是鮮為外人知道的區域﹐人流自然不多加上我比較早到 7時正就來到餐廳﹐位置都很寬敞店內裝潢氣氛很好﹐給人很舒服的感覺桌面出較簡單﹐就兩樽調味料 - 原粒黑椒+喜馬拉雅山岩鹽 還有就是餐牌﹐餐牌封面設計增添了時代感﹐不錯不錯而我就點了個 $338 的二人餐﹐另加$15 要了龍蝦湯先來前菜 - 蕃茄多士跟一般有點不一樣﹐這裡的是用法包外皮盛著蕃茄粒法包皮烘得很乾很脆入口仍然沒有被上面醬料和橄欖油沾濕軟化而蕃茄醬部份不會太濃味﹐能和法包味道互相揮映味道也很持久 ﹐ 確是有點驚艷到了再來是兩個凱撒沙律必須要讚揚的是份量很足！外面的都是一口能吃完的 "迷你" 沙律風車的沙律有1-2個飯碗的菜份量生菜很新鮮﹐加上芝士和脆煙肉　 芝士味很香濃 　但不會覺得膩﹐因為生菜很 Juicy﹐避免了芝士膩膩的感覺西班牙菜豈能沒有扁豆湯因個人沒有很偏好扁豆湯一開始入口沒有很濃味但原來是會上癮的豆味在口腔一層疊一層一口一口喝會越來越好味平常不太會欣賞的我也覺得很好喝另外就是要另外 $15 的龍蝦湯這個跟扁豆湯上菜時間是相隔數分鐘我覺得這是刻意安排的因為這個的調味相對扁豆湯咸味一點先上這個就會影響到品嚐扁豆湯的感覺這個龍蝦味很重﹐很濃郁感覺很足料的感覺　龍蝦愛好者必試主菜來了—紐西蘭肉眼排配焦糖菠蘿肉眼排我點了五成熟肉眼排選材肥瘦適中肉汁很多很Juicy調味也很好﹐能做到襯托又不搶味的效果焦糖菠蘿具"中和"作用菠蘿本來就很香﹐一切開就嗅到香香的菠蘿味加上焦糖更好吃﹐厚度適中 另外也要特意一提薯角很好吃﹐是新鮮製作的﹐會辣到嘴的那種 還有伴碟的西蘭花和椰菜花是用蒜炒過﹐也是溫熱的是我對餐廳的一大加分位﹐很太認真了再來是波士頓龍蝦意大利麵擺碟很好﹐一個平底鍋樣子的器具﹐很吸睛龍蝦開一半加上芝士熔至半溶而龍蝦肉很厚﹐屬 "啖啖肉" 那種肉質有彈性﹐也多汁 半溶芝士對芝士迷也沒話說整個龍蝦就是很好吃﹐屬較濃味因為意粉部份沒有濃味醬汁﹐味相對較淡龍蝦和意粉味道一濃一淡﹐我很喜歡這味道搭配而意粉很不是真的很淡﹐因為龍蝦汁流到下面的意粉去令吃到一半時會吃到龍蝦味﹐是另一味道的龍蝦﹐超欣賞 這道第二主菜的味道算是讓味蕾稍微休息一下﹐為了接下來甜品鋪排。朱古力慕絲蛋糕 x2雖然賣相沒有很浮誇很優美﹐但吃下去就知道朱古力沒有偷工減料﹐不是自助餐那些普通又單調朱古力又是真的吃到點層次﹐甜苦可可味都能很到點很是驚喜 餐茶我們叫了熱荔枝茶先來讚讚熱飲杯是木星的花紋﹐捧在手上很是優美就捧著半個木星在喝茶一樣荔枝茶很特別﹐除了滿滿荔枝味外﹐竟然有點 Milky 的感覺有點奇特﹐喝下去感覺很是舒服另外是凍蘋果茶雖然是用糖漿調製﹐但完全不"化學"感覺真的很像新鮮蘋果一樣 而且還很香濃﹐有點像喝蘋果汁對免費餐飲來說性價比很高！埋單 $388這一頓是充滿驚喜的一餐﹐沒有像其他一樣有一種虎頭蛇尾的感覺而是每道菜都吃到製作者的設計心思﹐安排和廚藝整個Set都為我味蕾帶來各方面滿足我認為是性價比很高的一頓飯 …查看更多

鐘意同媽媽四圍去食好野的我，今晚去開大圍，原來沿住大圍道行到尾都很多食市林立的，我地行行下見到有間叫風車的餐廳，望落似餐廳但又似酒吧的地方，見佢既二人套餐睇落都好抵食，所以我地膽粗粗地入去一試，一入到去見到近門口掛著一盏高高的大水晶燈，感覺格調高貴，而對正門口位置有部特大電視機，睇波絕對一流，再行入少少還有張酒吧枱，如果想飲返兩杯都可以。 我地一坐低職員便拎住個大酒樽走過黎，我以為是黎問我們要唔要酒的，但原來倒出來的是清水，哈哈，如果唔喜歡飲酒的人看見感覺也像是飲酒一樣，這種水变酒的方式非常别出心思，我們點了個兩人套餐，跟住職員便呈上蕃茄多士條給我們，滿滿的鮮蕃茄粒製成醬蒲在多士條上，食落仲有少少檻欖油既味道系當中。頭盤: 凱撒沙律，新鮮的沙律菜加埋撕碎的麵包、芝士粉及煙肉碎， 啲菜食落好新鮮，味道唔錯，好開胃。今晚是日西餐湯是粟米忌廉湯，粟米打成蓉狀，飲落啖啖鮮味，我另外(+$15)轉了個龍蝦湯，嘩，估唔到飲落口感豐富，湯面上還有很多膏狀的物體，我估可能是龍蝦的膏，龍蝦肉十足，味道口感一流。到主菜出場了，紐西蘭的肉眼扒，肉眼扒大大塊，咬落肉汁豐富，當中有薯角和西蘭花作配菜，還有一片用焦糖燒過的菠蘿，配埋肉眼扒一齊食唔會太膩，而另一個主菜是波士頓龍蝦配意大利粉，餐廳用鐵板煎pan呈上，賣相特别，龍蝦用芝士焗製，肉質鮮甜彈牙，意粉內配有鮮蘆筍、洋蔥和磨姑炒過，食落還有濃濃的龍蝦汁味道，唔會太咸，龍蝦味十足。主菜吃完當然到甜品上場，是日甜品是檸檬朱古力蛋糕，聽到個名有檸檬兩個字，原本有点擔心會否是很酸的蛋糕，因為系出面食開的檸檬蛋糕也是帶酸甜味的，但這款蛋糕食落只是淡淡的檸檬味，反而musses很幼滑，朱古力味較濃些。食完之後好滿足同好飽，餐廳氣氛靜靜地又帶高貴格調，非常適合情侶、喜歡靜靜地飲兩杯或睇波人仕。…查看更多

本來想去大圍搵食市集試下新嘢但見座位唔多 而且環境比較迫夾於是就四處行下 見到呢間西餐廳門面幾雅致， 自己都鍾意食西餐 於是就試下啦價錢中等 ，環境亦算唔錯麵包比較硬 ，而且乾身， 有啲番茄鋪麵包上面。是日餐湯係蕃茄湯， 都算幾開胃酸酸甜甜味道唔錯加錢轉換龍蝦湯， 味道香濃 仲有少少龍蝦肉 感覺比是日餐湯好好多凱撒沙律簡簡單單作為一個開胃前菜都算唔錯意粉份量太少 ，龍蝦肉亦唔新鮮， 口感較"鞋"， 入口不佳。五成熟西冷牛扒肉質都算唔錯， 牛扒都算幾厚身唔知係紅莓定係紅桑子嘅甜品蛋糕， 酸酸地都算唔錯水果茶 幾清香整體感覺都算不錯， 都叫做可再一試…查看更多

大圍一向多bar鋪，之前聽朋友推介windmill呢間bar嘅食物水準不錯，所以就來一試。餐廳其實只係距離車站5分鐘路程，位置十分方便，而且環境幽靜，係難得唔會好嘈吵嘅bar店，可以同朋友好好暢談。一坐底未點食物店員就即刻送上呢個蕃茄粒法包做餐前小食，口感清新。跟著點了個龍蝦湯，食落有啖啖龍蝦肉！BBQ手撕豬肉釀薯皮，豬肉燒得香口而嫩冧，BBQ醬汁令豬肉更惹味，加上焗得軟棉棉嘅薯仔肉同薯皮味道很夾。主菜要了個parma ham pizza，pizza夠大之餘Parma ham份量十足，pizza餅底選用了薄底，夠晒香脆。最後我地仲叫了個香煎海鱸魚，魚塊大大件而偏實肉，特別鍾意伴碟嘅蕃茄蓉，魚塊點上清新又帶香甜嘅蕃茄醬汁份外好味。…查看更多

入左大圍探朋友，另一半話想食西餐！就搵左呢間bar食西餐😆。裡面環境地方寬敞，播住音樂有情調，可以舒舒服服食個lunch😌。叫左醬燒豬扒士耳其三文治，同風車扒餐😆，2個餐跟湯或沙律同飲品，我加$12轉一個龍蝦湯，同加$20轉左煙三文魚沙律，再加$10轉左特色飲caramel coffee，pop corn coffee。龍蝦湯夠濃味，唔似出面果d又稀又無味，加$12抵比👍🏻！好欣賞佢既沙律菜好新鮮，仲少少醋伴碟，食完肉再食菜，剛剛好，就算食完咁多肉都唔覺得好辛苦，perfect march👍🏻！個扒好豐富，肉眼、德國腸，同羊扒😋！肉眼上面灑左d黑椒鹽，帶出肉既味道。羊扒煮得啱啱好，咬落好香口👍🏻。而豬扒三文治，個包好鬆軟，上面舖有芝麻增加口感，而且豬扒唔「un」，個醬汁唔係太濃，加上有蕃茄同菜，食落唔會太漏👍🏻pop corn 咖啡幾得意，少少甜唔會苦，好香濃既咖啡味👍🏻下次黎探朋友必定再黎😁😁😁…查看更多