The Grill Room (銅鑼灣廣場二期)

上次喺銅鑼灣食到塊靚扒之後念念不忘😏，今次去另一間平少少，新開嘅西餐廳，try try 啲扒又有咩分別先！💂🏻呢間餐廳走英倫風，裝修好有格調，暗綠色配木色設計，高雅時尚，好 Chill 嘅感覺！🪵食物以扒為主，不過都有其他意大利飯、意粉同甜品可以揀，幾啱生日慶祝呢！🥩香煎慢煮牛柳伴日本南瓜杏鮑菇 配 牛肝菌牛肉原汁 $308食扒之前，服務生會畀 5款刀我哋揀，仲好有耐性咁講解。每把重量唔同，但都一樣鋒利，就係睇下邊把就手，儀式感滿滿！而牛柳熟度控制得好好，牛味唔算好濃，但都好腍，好嫩滑。而日本南瓜同杏鮑菇都煎得香口唔油膩！🍝龍蝦尾扁意大利麵 $288龍蝦尾已經拆好肉，好方便，厚肉彈牙，而扁意大利嘅龍蝦汁濃厚，唔好太膩，幾好味！🍰三層朱古力榛子蛋糕 $98蛋糕幾濃朱古力味，三層唔同口感，唔會太甜，而旁邊嘅馬令糖同忌廉，一甜一酸，好衝擊味蕾呢！🍹Berry Well呢杯 Berry Well 好靚，上面有薰衣草同玫瑰，散發淡淡花香，而雜莓混合酒後，花果味重，加埋面層嘅蛋白泡沫，入口順滑，好啱女仔飲！🥃Bird’s Eye呢杯 Bird’s Eye 入面有四川龍舌蘭同墨西哥辣椒，味道比較濃烈，飲落有種成熟格調，似一本深沉嘅書…查看更多

一入去已經好有格調🍴法國高級餐廳feel有得揀Course dinner set或A la carte我哋每人叫咗個4 course dinner set包entree、餐湯、主食、甜品，好豐富▶️ 餐包 bread最鍾意餐廳有餐包～似ciabatta bread，個樣OK，旁邊有牛油可惜嚟得太早，食嘅時候凍咗唔係外脆內軟，好粗糙硬身🙁有啲失望▶️ 空運新鮮生蠔 配乾蔥紅酒汁及珍珠青檸 6pc ($258)唔跟餐，散叫係人生中第二次食生蠔🦪味道鮮甜多汁，有啲苦苦地咁乾蔥紅酒汁淡味，鍾意加咗青檸酸酸地，更fresh▶️ 南瓜籽楓糖紅菜頭沙律 beetroot salad平日少食紅菜頭，屬superfood雙色紅菜頭切到一粒粒，以楓糖作coating，再灑上芝麻粒、鹽、香草底部有紅菜頭汁同橄欖油，plating令簡單嘅材料變得不平凡❤️紅菜頭甜甜地，偶爾有鹽嘅鹹味中和返微爽口但唔生硬，仲有一粒粒南瓜籽同葵花籽咬吓，增添nutty風味估唔到份量幾多，食曬好飽肚▶️ 牛肉他他 配法式千層薯 Steak tartare (+$28)牛肉他他冇想像中咁生，口感似生吞拿魚，用wasabi蛋黃醬調味，唔錯法式千層薯好食🥔薯仔味香，每層夠薄身所以特別脆口▶️ 香煎帶子配粟米濃湯 Scallop sweet corn soup (+$28)碟上放上一粒巨型帶子，旁邊有燒過嘅粟米粒、香蔥等侍應即場倒入粟米湯，超有儀式感！湯好濃厚杰身，粟米味勁鮮甜🌽唔講以為加咗糖😂原來係加入咗椰奶 (隱藏食材)配上粟米粒更有口感，其他調味料令湯味道上豐富啲巨型帶子煎得啱啱好，肉質鮮嫩彈牙，甜中帶鹹▶️ 黑松露牛肝菌蘑菇忌廉湯 Porcini truffle mushroom soup有真材實料嘅牛肝菌片蘑菇味香，帶出淡淡黑松露味另外仲有香草同洋蔥不過飲完粟米湯之後覺得呢個比較淡味同埋冇咁creamy🙈▶️ 炭烤原條鱸魚配羅文生菜苗沙律 Charcoal grilled whole sea bass真係原條鱸魚連皮切一半攞去烤🐟底部係青醬同香草配法式酸奶油(creme fraiche)，同鱸魚超夾味本身鱸魚已經用鹽醃過，食落又鹹又酸，我自己覺得濃味咗少少添🤏🏻然而鱸魚肉質滑嫩多汁，冇骨啖啖肉，外皮薄脆香口，睇得出功夫唔少羅文生菜苗沙律就平平無奇🥬▶️ 香煎慢煮牛柳伴日本南瓜杏鮑菇 配牛肝菌牛肉原汁 Beef tenderloin慢煮牛柳粉嫩，肉質軟腍唔韌，不過未算好juicy醬汁偏淡味🐂唔會蓋過牛肉本身味道伴菜係燒過嘅日本南瓜同杏鮑菇，望落幾熟幾甜咁▶️ 龍蝦尾扁意大利麵 Lobster tail tagliatelle (+$98)醬汁呈金黃色，令意粉散發光芒💛龍蝦尾好大條🦞上面仲有三文魚籽龍蝦尾果然美味😋肉質爽彈味道鮮甜意大利麵就比較一般，始終唔係手工麵，唔夠煙韌，不過醬汁ok▶️ 美國16安士USDA安格斯肉眼牛扒 (+$158)個牛扒接近兩隻手板咁大😯旁邊有蘆筍作伴菜，連蘆筍都特別粗，咬落嚓嚓聲好爽口▶️ 提拉米蘇 Tiramisu用透明杯裝住，賣相不及味道Mascarpone cheese夠黏滑，酒味香濃而唔苦中間係沾滿咖啡嘅海棉蛋糕🍰真係好似一嚿朔水海綿😂啲咖啡會滲返出嚟鍾意佢咖啡同酒味都食到，層次分明▶️ 朱古力撻 Chocolate tart半個朱古力撻配上雲呢拿雪糕，旁邊有Oreo曲奇碎，賣相精緻👍🏻朱古力撻撻底香脆，似牛油曲奇用上黑朱古力🍫香濃得來唔太甜雲呢拿雪糕配Oreo曲奇碎=Oreo雪糕，係兒時至愛整體兩款甜品都好食！-食物超高質，由前菜道到甜品都冇得彈最出色係香煎帶子粟米湯，之後係兩款甜品同龍蝦尾💗感覺海鮮比扒類出色內在環境舒服，燈光暗得來有格調，影相出嚟特別靚📸有自動舞台燈光效果想讚係呢度服務💯知道我想影倒粟米湯嗰下會等我預備好先😂上菜有次序而等候時間唔長，會適當時候收餐具同換碟慶祝生日仲有即影即有影相服務，侍應亦好醒目咁自動點蠟燭上蛋糕🎂睇得出經驗豐富偶爾想食餐好嘅絕對可以試呢間！尖沙咀都有分店，Menu少許唔同但相信一樣咁有質素(經OpenRice訂座，叫course set仲有75折！)…查看更多

龍蝦尾扁意大利麵賣相：🐧🐧🐧🐧🐧味道：🐧🐧🐧🐧🐧原條龍蝦尾完整剝殼送上，份量十足非常飽滿，咬落口感爽滑彈牙，肉感滿滿，龍蝦的鮮香四溢，鮮甜又多汁，十分高質。扁意大利麵軟硬合適，口感煙韌富彈性，掛滿濃厚的龍蝦醬汁，加搭卜卜脆、充滿魚脂香氣的三文魚籽一齊食，整體味道層次感豐富，惹味又香口。燴和牛蕃茄闊意大利麵賣相：🐧🐧🐧🐧🐧味道：🐧🐧🐧🐧🐧燴和牛採用一口骰子牛粒製成，口感軟嫩細緻，肉汁滿滿，牛香味醇厚，滋味一流。闊意麵與蕃茄醬汁均勻地撈好，入口能感受到濃厚的茄香，加上新鮮紅潤的車厘茄粒，酸酸甜甜的非常開胃。garden eve賣相：🐧🐧🐧🐧🐧味道：🐧🐧🐧🐧🐧mocktail 以多款新鮮水果調製而成，包括橙、蘋果、紅莓和熱情果，入口果香四溢，酸香中帶一抺鮮甜，非常清新解膩，另加薑汁汽水作點綴，碳酸的口感令人上癮。🐧❣️餐前奉送酸種小餐包，外脆內軟，帶有淡淡的麥香，十分味美😋環境：🐧🐧🐧🐧🐧餐廳走型格歐陸風格，採用簡約的黑作主色調，搭配柔和的黃色燈光和牆身，整體高雅又富情調，約會聚餐良選。🐧❤️結語：龍蝦意麵足料又惹味，誠意推薦。…查看更多

我有喺未裝修既時候既時候黎過，估唔到裝修完之後令人有驚喜，風格似酒店裡面啲餐廳🍴，感覺高雅奢華，行復古歐陸風格，黑色方形地磚⬛️配淺黃色既牆、墨綠色既凳🪑、黑色雲石枱同埋黃色波波燈💡，幾有格調🤩 野食方面比以前更加好食😋 將法式🇫🇷既煮法融合左fusion元素，擺盆亦都更加精緻，如果有野想慶祝食飯都可以黎呢到😌(5 😍 係滿分，🤩係半分） 酸種麵包🍞 (好味指數：😍😍😍😍)個酸種麵包🍞煙煙韌韌咁，邊位香脆唔會硬，酸酸地咁，有幾清新既麥香🌾 配埋軟滑有鹹香既牛油🧈，幾好食😋龍蝦尾扁意大利麵 🦞🍝 - $288 (好味指數：😍😍😍😍😍)一上枱就見到原條剝左殼既龍蝦尾🦞🤤 拆肉拆得好完整，飽滿厚肉，口感嫩滑彈牙，龍蝦🦞香味濃郁，仲好鮮甜tim，啖啖肉咁好正🤩 加埋一咬落去就鮮香四溢、充滿魚脂香既三文魚籽🟠，真係好有層次感😍 另外不得不讚既係個扁意大利麵🍝，口感煙韌帶有少少麵粉香，仲充分咁索晒個汁既精華，整體惹味香口，感覺好正🤤蟹鉗肉蟹黃南瓜意大利飯 🦀️🎃🟡🥘 - $248 (好味指數：😍😍😍😍🤩)首先係顏色好靚，係鮮豔既橙黃色，因為有齊南瓜🎃同蟹黃🟡，南瓜🎃既香味突出，芳香甘甜，質感夠晒creamy～ 而加左蟹黃🟡之後多左少少沙沙地既口感，有啲似鹹蛋黃🟡既感覺，味道比較鮮美～ 仲有既係蟹肉🦀️既份量夠晒多，有面頭嗰啲比較比較完整既，同埋撈左喺飯🥘入面一梳梳既肉，綿密鮮甜有蟹味🦀️ 意大利飯🥘都煮得啱啱好，帶有少少煙韌，唔會爛晒，索晒個汁既精華😜好味指數：😍😍😍😍🤩推介指數：😍😍😍😍😍…查看更多