聰嫂星級甜品

夜晚同同事打完邊爐，直落銅記食糖水，聰嫂一直都係我心水，呢次我地又黎幫襯～同事叫左龍眼椰果冰，佢話呢個好多椰果，好足料，食落有龍眼香，好正！而我就叫左合桃露燉蛋，主要係燉蛋上面淋上一層合桃露，咁樣既食法真係第一次試～不過原來真心幾夾，合桃露磨得香濃幼滑，配埋燉蛋，口感更豐富，非常推介！另一位同事叫左芒果豆腐花，佢話芒果係切片形式，都幾大塊，配埋豆腐花一齊食，味道完全昇華！食完果時侍應仲無啦啦送左個贈品比我地，真係無諗過食甜品都有禮物收！…查看更多

同舊同事喺銅鑼灣食完聖誕大餐，時間尚早，咁就一齊過黎邊排隊邊吹水打發時間！！！🤣🤣排左半個鐘到啦，五位都唔算好難湊枱，就有位坐了。我當然係叫番呢度嘅名物龍眼椰果冰啦！味道依然很好，冰有冰味（我知唔好笑🤦🏻‍♂️🤦🏻‍♂️）刨冰照舊龍眼甜味十足，仲食到龍眼肉絲，唔會覺得係死甜，食完唔會涸喉。椰果正路彈牙，撈埋甜冰一齊食會好啲。抵我排隊黎食😋😋雖然呢晚都幾涼，食完出黎都有些少寒意，不過好食嘅話，唔緊要啦！…查看更多

跟大學同學聚舊，總會傾到不知天昏地暗，幾個女仔傾傾下就去找甜品食。.平日晚上也要等位，九點多排了20分鐘.叫了龍眼椰果冰 $39十分新鮮，味道清新，份量又適中，每次食都不嫌多！.芒果豆腐花 $35芒星沙冰放在豆腐花，不會太奇怪的組合，都是不錯的選擇食完都很滿足，唯獨是位置較逼，食完亦不能久留，食物質素都keep到！…查看更多

其實平時我好懶，我出post講得都可能已經食左一段時間，難得今日同兩個靚女foodie 出去食野就勤力啲即日出喇！咁難得出黎食，梗係要拎啲私藏菜單出黎食喇，聰嫂由佢之前得一間分店食起，一直無令我失望過！_____________________________🔹龍眼椰果冰 $39首先唔好覺得少人用佢做主角就睇低佢，佢同榴櫣冰都係我十級推薦既野！佢既冰係十分之棉，真係做到入口即溶既感覺，無一粒粒既顆冰，但又有透心涼的冰感！.冰溶之後既龍眼汁好清甜，一啲都唔假唔藥水，冰裡面仲會食到龍眼肉加埋啲有少少咬口既椰果，好多層次好享受！.🔹榴櫣水晶珠 $39一定係我食過其中一款最好味既榴櫣甜品，佢既冰又係混入左絲絲榴櫣肉入去打碎，每一啖都食到濃濃既榴櫣甜香，打得好棉就好基本喇，佢上面仲有一大舊榴櫣蓉係面，oh my god, 係幸福既感覺！.要講下佢呢幾款冰品都配有水晶珠，咬落去卜卜脆，但又有少少似西米，我超愛食！.🔹芒果椰果冰 $38🔹草莓椰果冰 $33一樣都係好棉既冰，不過覺得呢兩個冰係加濃縮果汁打，係好濃味同個味好真既，不過唔會好似上面個兩款咁加埋果肉去打。都係好食既不過如果第一次試十級建議試左上面兩款先。.草莓味有少少草莓獨有既酸甜味，但佢裡面好似加左奶咁，有少少似雪糕。.芒果味就好甜，但唔係死甜，幾香甜既，但覺得有少少許留山既影子，冰感比草莓重。______________________________後記: 💡聰嫂上菜速度好快，我地排第三張枱，等左5分鐘左右就入得，落完單又係勁快上菜！抵讚！不過提提您，果度既座位位置係有啲逼，不過快快食都無乜野既。…查看更多

有外國朋友上次黎香港食完聰嫂之後一直念念不忘,今次再次訪港,指名一定要再食聰嫂!!去完海洋公園哈囉喂之後即刻趕係聰嫂收舖前入去定下驚至得。好好彩,等左一陣就有位啦,趕到食最後一水。龍眼椰果冰 $39我就唔洗諗,一定係食最好食既龍眼椰果冰,啲龍眼味真係出哂黎,好夾!!每個朋友都爭住偷我啲龍眼冰黎食。西瓜西米露 $25要消暑,西瓜一定唔少得啦,啲果都幾夠紅,唔會白白地既,所以甜味都好夠。朋友仲另外叫多左2兜西瓜添芒果椰果冰 $38芒果一向都係甜品既主角之一,加埋椰果冰,難怪外地朋友一玫讚好蜜瓜椰果冰 $31 蜜瓜既甜品唔係間間舖頭都有,可能唔係咁易carry到,不過聰嫂的確整得幾好食。可惜我既最愛始終都係龍眼椰果冰大合照楊枝甘露 $38同場加插張楊枝业露。呢個係隔左幾日之後,自己係銅鑼灣行行下,突然好想食而走入去食既。正呀…查看更多

是日由灣仔接寶放學行落老銅打風前夕焗到熱屎辣辣我地兩個都大汗疊細汗，於是乎就去到永遠長龍既聰嫂食個冰，降下體溫今日聰嫂依舊有龍，一心諗住唔使排隊既我地大叫唔係掛四五點都咁多人走去食甜品，聰嫂果然魅力沒法擋！好彩等左五分鐘都入到去，坐低之後就開始嘗試禁制剛剛皮膚過敏既寶去食榴槤呢啲刺激性既濕熱食物，但由於佢太想食既關係咁就由我叫左榴槤比佢過幾啖口癮，而佢就揀左清熱解暑既龍眼冰。坐低環顧四周，夾雜左遊客同香港人，其實都坐得幾迫。無計，真係太多人鐘意食聰嫂喇！寶就開始講佢係第一批食聰嫂甜品既客人（佢以前成日去食港台聰哥canteen）而我真係第一次聽聰嫂既發跡史😂名不虛傳係聰嫂既鎮店之寶每一啖冰都夾雜左榴槤肉，好 鬼 正！！今日好似係我幫襯聰嫂咁多次以黎第一次食榴槤冰！絕對一洗我以往對於食生果冰既印象！從來都覺得生果冰啲冰都係會無味，係冰還冰，生果還生果分開哂。而呢個係將榴槤肉雪到變冰再攪碎，冰同肉不再分離，無得頂龍眼椰果冰第一啖食都驚為天人點解會無食過咁好食既冰架，入口層次極豐富！又有椰果又有龍眼肉又有冰，係口腔入面爆炸咁後黎再食啲冰都有龍眼既果汁味但肉就偏少，所以扣一粒星埋單78，係滿足既下午茶甜品餐…查看更多

如果同朋友黎到銅鑼灣食晚飯，下場想食糖水既話，我地大多會揀聰嫂呢！係銅鑼灣黎講，聰嫂算好抵食，而且又好味。雖然每次去食都要排一陣隊，而且坐得好逼，一挨後仲有機會掂到後面既人，不過，久唔久都想食呢度既龍眼冰。 今次介紹4款我會常叫既糖水款式呢~龍眼椰果冰($38) 我覺得係no.1 必叫既糖水呀!!!!!!!沙冰用新鮮既龍眼肉打成，口感綿綿，味道就好重龍眼肉既清香，面頭有椰果同爽口既水晶珠，好有咬口呢！龍眼做主角既甜品好少呢，所以覺得呢款好特別，而家天氣開始熱，用黎消暑好一流呀～～～～芒果椰果冰($35) 係第2款我最常叫既款式，口感上同椰果冰差唔多，芒果味好濃呢，仲有粒粒芒果!～芒果奶昔雙皮奶($38) 有陣時唔想食冰但又想食凍野，我就會揀雙皮奶呢。芒果底下既類似雪實左小小既奶昔冰，質地綿密，下層就係充滿奶味香又軟滑既雙皮奶～糖不甩($19) 呢個就係人多少少時就會叫，一人share一粒兩粒，沾下椰絲砂糖，煙煙韌韌，過下口癮呢～唔知你地又中意食邊款甜品呢～(〃∀〃)~♡…查看更多

買咗戲飛未夠鐘入場，於是行過後面街，探下聰嫂。話明大牌甜品，客人幾乎全營業時間段都係客滿，好彩今日唔洗點等位。不！過！侍應為咗拼張四人檯，攞咗order都要我哋轉檯，仲要轉去廁所門口，有職員或者食客出出入入，d異味難免會飄出來。眞係影響曬食慾！例牌必點1: 芒果香甜；雙皮奶ok滑，配搭埋口感似沙冰嘅芒果奶昔，甜而不膩，正！例牌必點2: 街知巷聞嘅龍眼冰 😋 清、香、冰爽。唔洗擔心椰果會有藥水味。龍眼冰夾有龍眼肉。環境擠迫、被安排坐廁所門口，服務差，如果唔係人在港島又想食lee兩款甜品，我眞係唔會入來幫襯。…查看更多

今日終於都試到聰嫂喇，因為次次行過佢門口都大排長龍，跟本多人到唔想等，因為本人最怕排隊，要排隊有龍肉都唔會食囉今次行經過竟然無咩人，仲唔係行運了，當日放工自己一條友都要入去試下，在餐廳睇佢餐牌都睇到眼花撩亂之間，最終還是點了我最愛的龍眼味嘅龍眼椰果冰，因為我比較偏向清新唔太甜嘅甜品而個龍眼冰食落每一口都係都係非常濃郁嘅龍眼清新味道，碗入面仲加入爆珠同椰果令口感更加豐富，爆珠都有少少甜味，而個椰果都幾煙煙韌韌，整體不錯…查看更多

聰嫂而家越開越多本身偶爾會去銅鑼灣買個外賣不過自從灣仔開左之後好耐無去過銅鑼灣分店今次去完係勁勁勁失望唔知係咪因為初三仲係無乜人返工...去到門口無員工係到你想入去都無人想理你但係入面係有位的入到去店員是旦指左個位叫我地坐張枱咁我地就坐左廁所門口張枱之前個客人岩岩走啲碟都未執咁就見到之前個剩返兩大舊芒果無食(估計佢帶芒果班戟)我就勁奇怪因為多數芒果唔會食淨不過我食完之後完全明白點解咁我地就睇下食咩點知因為新年得大約15,16款甜品同埋佢又加左價！咁我地嗌返平時食開既龍眼冰同芒果冰係野食未到既時候我已經唔多開胃因為有好大陣廁所味係一有人開門就會有勁大陣味奈何不停有人出入所以喺未食野之前同埋食緊野嘅時候都有勁大陣廁所味呢個位以前都有坐過以前係無味的野食好快就到左咁我就食芒果冰男朋友就食龍眼冰首先野食一放低已經有好大陣漂白水味龍眼冰比之前稀左無左個龍眼既鮮甜香味芒果冰個冰本身其實無咩事不過點都估唔到出事既係啲芒果啲芒果熟到就嚟爛咁唔怪之得之前個客人食剩兩大舊係廁所味同漂白水味之間食甜品我食到差啲嘔其實食物質素問題不太大最大問題係個環境我哋食緊嘢嘅時候佢有員工會喺廚房拎一大堆垃圾去廁所條路本身已經好窄加上佢倒垃圾都好大袋佢仲要將個垃圾拎起其實我覺得好大可能會有啲垃圾袋嘅污糟水滴左落去枱面甚至係甜品上面我覺得如果真係廚房唔夠位放垃圾嘅可以用拖或拎離地少少嘅方式而唔好將個垃圾拎到想去半空囉然後好應該諗過辦法去令到廁所嗰陣咪味唔會令到人哋想反胃同埋我完全明白點解個甜品會有漂白水味囉我會有好一段時間都唔會去銅鑼灣分店堂食佢加左價而食物質素又跌咗少少加上個環境實在係太差啦所以我唔會建議大家要排好耐隊去食囉如果大家想試吓嘅話咁如果無排隊都可以一試嘅不過唔好坐廁所位囉…查看更多

Dec 2016聰嫂星級甜品☆ 龍眼椰果冰＄36（又加價）龍眼冰上有椰果同埋一啲珠珠我覺得銅鑼灣的龍眼冰比灣仔的榴槤冰好食 但之前聽人哋講話榴槤冰係最好食🤔究竟是銅鑼灣水準較高？灣仔的較淡味？🤔定還是其實是龍眼冰比榴槤冰好味、較濃？？冰的問題還是分店的問題？🤔😂😅總結好食：唔錯😋龍眼味濃抵食：又加價，由＄32加到＄36🙄唔算貴，但加得太密，加幅太高等候時間：15～30分鐘到達時間：9～9：30p.m.…查看更多

一向都係聰嫂既忠實fans,即使將軍澳愈開愈多糖水店，我都係會揀番聰嫂！始終覺得是比較有特色的一間。聰嫂寶琳、坑口都有分店，個人比較喜歡到坑口分店，因為店內環境較寬敞，亦較多座位，就算要等位，都不用等太久。芒果雙皮奶、榴蓮水晶珠、龍眼椰果冰、蜜瓜西米露是我至愛！每次都好難決擇！龍眼是夏天時令水果，今次就揀佢啦！綿綿的椰果冰，夾雜着絲絲龍眼肉，龍眼肉沒有渣，極為鮮甜。西米脆卜卜的，增添口感。椰汁的甜味隨著冰粒溶化慢慢滲出，使人感到份外清甜，非常解暑…查看更多

琴晚食完一餐幾熱氣既晚餐 係時候要行過幾條街黎聰嫂食返碗龍眼冰 由街尾行過黎 已經見到一條人龍🏃🏃排係門口等入去食🏡🏡個時大概9點半⏰左右 我地幾個人等咗大概15分鐘就入得去食 算係幾快 唔好彩既係坐係門口位 有少少熱💦💦🔥🔥不過冇計同埋預咗好快食完😉😬入到去我地連餐牌都冇睇就嗌哂龍眼冰😯 因為我地始終覺得好好味 同埋佢地話龍眼夠正氣 可以消暑得黎又解膩🌞🌞🔥🔥唔洗3分鐘就即刻有得食 我覺得龍眼椰果冰🙌既口感認真唔錯 又有椰果粒仲有一堆珠珠狀既粒粒 食落好滿足 最勁既係好似無論幾時黎聰嫂食龍眼冰都係 龍眼好當造既時期 次次都好甜 食到好令人回味😋😋😋不過因為夜晚多人食 所以侍應就好快收碗🍴 基本上比較難坐得耐同傾下計😅😅…查看更多

晚飯食得不夠滿足，就選擇去聰嫂食到滿足!龍眼椰果冰雪白的龍眼椰果冰，冰冰凍凍，每啖入口都有龍眼肉，還有清甜的龍眼冰，加上面層的脆脆水晶珠及荔枝味椰果，增加口感，係聰嫂必食之選!…查看更多

之前就有看見排隊人潮，心想找天來試試。於是昨晚吃完了晚飯後約8點半抵達門口後，拿了號碼牌大約等了20分左右即入座了，因為生意非常好，位子非常小，走道也很擁擠(畢竟排隊人不少所以能理解..)入座後很興奮的點了推薦的甜品「龍眼椰果冰」。另一項則是「紅豆豆腐花」。但也許是期望過於高....所以有些許失望，龍眼冰的感覺有點像罐頭龍眼的味道，而不是新鮮龍眼的味道。然後紅豆豆腐花也一般般，沒有特別美味。當然有機會會再去試看看其他款甜品，但應該不會特地而去~…查看更多