鋿晶館

營業中

休息中

平日全日免加一!🤣終於有時間試op見人話啲點心係自家品牌即叫即製師傅又好勁咁 日本香港米之蓮/大型酒店做主管不過最重要都係好唔好食😌 生炒雜菌餃 $30第一次見呢款點心😳好好食喎 中間好多菇、蘿蔔、瓜粒 唔覺油膩 齒頰留香脆蘿蔔腸 $36又係第一次見😂睇名想像唔到係點原來係類似炸兩 不過中間有蘿蔔絲 集合咗蘿蔔糕同炸兩嘅優點🤤 月半彎晶瑩鮮蝦餃(2粒) $22 一粒蝦餃有三粒完整嘅蝦🤑好足料 黑椒醬皇金錢肚 $32 金錢肚好淋好濃黑椒味 底下仲有索曬汁嘅白蘿蔔🤤 咱家秘製叉燒包 $23 叉燒唔會太碎 同埋好多餡 呢個價錢幾抵 香麻蓉煎堆仔 $28 好流心! 所以即係好肥 一人一粒就啱啱好🤣 座位費$8@1 旺角一出站就係 幾方便 嚟食晚餐都唔錯😚

老友隔左三年終於返黎香港探我地 香港最signature既一定係帶佢食點心! 成條彌敦道咁多吉舖又少人行佢都覺得好驚訝 好彩呢間點心無令佢失望, 因為全部都係自家製即叫即整, 唔似連鎖酒樓係廠運雪貨過黎蒸, 點心師傅仲要係米芝蓮酒店過檔, 質素有保證飲茶又點少得蝦餃燒賣🦐 呢度可以兩隻四隻咁嗌, 少人黎都可以試多幾款點心, 唔駛食哂成籠👯 蝦餃皮薄餡靚, 超大隻鮮蝦好爽口🦐 外型真係做到月半彎, 摺又夠多, 係做得好有質素既手工點心燒賣包得工整到成朵花咁, 豬肉彈牙, 加左黑松露醬係面好香我仲好鍾意個腸粉包左白蘿蔔酥係入面, 口感同層次都非常豐富朋友仔就話流沙奶皇包最正, 真心每一個都軟熟又夠流心, 鹹甜拿掐得岩岩好平時我都唔係點食粉果, 但呢度既粉果外型飽滿好吸引, 有沙葛花生等好好咬金錢肚個醬好濃郁所以唔覺牛肚有內臟味, 仲好爽口添. 下面仲有白蘿蔔吸哂d汁好惹味呢香脆鹹水角好好味! 外脆中間煙韌, 餡料既五香味都岩岩好裝修都好新式光猛, 比酒樓感覺更free更岩傾計

大胃擁有一個任性嘅胃，晚餐先心血來潮想飲茶，好多點心店夜晚會轉賣中菜，旺角就有間賣點心賣到10點，嚟個點心Happy hour雖然呢間自家製品牌，都係現場即叫即整，但上菜真係唔慢，而且賣相好靚仔，完全唔似chur出嚟呢籠晶瑩透亮嘅菜苗餃，皮綿餡靚，功力渾厚原來師傅非常猛料，喺日本達官名人成日去嘅東京富麗華做過多年廚，返嚟香港曾多次擔任米芝連餐廳或者連鎖酒樓嘅要職，食呢粒燒賣，唔怪之得質素咁高，裡面唔只包含黑松露同北菇等食材，仲有多年累積嘅經驗炸鮮奶係大胃超愛嘅甜點，但要炸得乾爽，真係可遇不可求，呢度就食到，好脆又唔油腸粉餡料通常都係肉類，蘿蔔真係第一次試，仲要炸到勁脆口，一般嘅炸両根本比唔上日頭食排骨飯，夜晚就想食吓牛肉飯，肉餅好嫩口，配上火候完美嘅金鳳米飯，秒清流沙包又幾香噴噴？未搣開已經聞到一打開滿滿奶黃，麵包軟熟，熱焫焫吹唔切就忍唔住咬落去鐵觀音要啲時間浸，但只係倒少少出嚟，仲係好淺色，但茶香經已溢出，浸耐啲仲深色啲𠻹