上海老家 (已結業)

當晚，好朋友帶我到大角咀中匯街食上海菜 <上海老家>！ 並慶祝他新居入伙！我由上環搭巴士 905，中匯街站落車向右走便見到，非常方便！位於舊樓區，附近有車房。店內樓面只有一位女店員，她勤快之餘，亦不失有禮！這裡以假蔗渣木牆身，木餐桌椅；桌上備有餐具及骨碟！餐牌以 QR code 落單，當我們食完兩款菜式之後，打算點第三款，電子點菜單卻是失效，問店員是否過了半小時便無效？！她說十多分鐘便無效！食客如有需要，亦可按牆上的電子按鈴脆皮素鵝 $68金黃色的賣相相當吸引！ 未至於香脆至脆卜卜，內裡的腐皮還食出本身的柔軟帶韌勁，美中不足是餡料不夠豐足，包括：冬菇絲、木耳絲、甘筍絲...等而已！雪菜肉絲炒粉皮 $88他認為晶瑩剔透的粉皮質素高！完全符合薄、滑、爽口！通常食粉皮，以涼拌為主，就算熱食也不影響其質感，不會黏住又不會變成糊狀；我覺得雪菜肉絲是惹味兼無得輸之選，一濃一淡，兩者好夾，擦出不俗的火花！黑醋小排骨 $138值得一讚的是小排骨屬於容易入口的 size，方便進食！選用新鮮貨色，略嫌肉質偏瘦，醬汁甜中帶酸，掛汁入味！茶 $10/位水溫熱燙，清香解膩！設加一服務費

今日午餐去左試試新餐廳，地點係位於大角咀既上海老家，好耐無食上海野啦。友人話呢間係一間平民價上海菜館。喺奥運港鐵站出黎行幾條街就到，都唔難揾。落單用QR code。實體餐牌有冷盤，特色菜，海鮮，肉類，年糕，鍋巴，蔬豆，炒粉麵飯，湯麵，湯羹，甜品。另外仲有特色套餐。今日第一次黎，叫左一個小食同3個小菜分享。陳醋木耳 $50陳醋木耳大大碟，木耳好爽脆，夠陳醋味，食落少少辣。黑醋小排骨 $55黑醋小排骨一共有15粒，上面灑上白芝麻粒。食落甜甜酸酸，質感較乾身，粒粒都有骨咁滯，啲骨都幾硬身。上海回鍋肉 $55上海回鍋肉係炒梛菜，豬腩肉片，豆麩，同蔥，個汁微辣，味道都唔錯，送飯好配，唔太油。乾煸四季豆 $55乾煸四季豆係炒四季豆上面加左肉碎，唔辣或者過鹹。絲苗白飯大大碗，偏乾身。

同朋友約係旺角一帶食飯，想食上海嘢就搵咗呢間鋪。晚上食飯嘅人都唔多，一到就可以安排入座。太白醉雞 (例牌) $68例牌分量都唔少，大概有十幾件雞。雞肉都幾滑，仲會有濃濃嘅酒味。雲吞擔擔麵 $65擔擔麵味道同平時食到嘅一樣，湯底有花生醬味，雲吞有三粒，而麵底分量都多。油豆腐粉絲湯 $88成個湯味道都偏清淡，裡面就有粉絲、豆卜同小棠菜。黑醋小排骨 $128小排骨炸得太耐，肉質變到好硬，黑醋味道酸酸甜甜都幾惹味。上海回鍋肉 $88成個菜味道好濃郁，係食得出好夠鑊氣。回鍋肉份量唔多，椰菜就有大量，但我比較中意食菜就可以接受。順帶一提，到埋單先知道原來餐廳係需要收茶位費，每位要$10同加一。總括嚟講，食物質數普通而且唔算好抵食，之後應該都會直接考慮食第間。