SOYmart by 豆乳狂人

營業中

休息中

相信香港很多人都喜歡黃豆類食品飲品，大豆含有豐富營養和優質蛋白質。荃灣有一間《SOYmart by 豆乳狂人》，是一間香港本土連鎖豆品店，彩用非基因改造加拿大一級黃豆，而且磨漿過程都冇加消泡劑，店鋪除了有豆漿、豆腐花，豆卜等飲品食物，仲有豆乳飲品，還有粢飯、小食和糖水等。荃灣店鋪裝修走粉色青春可愛風格，周圍都見到有黃豆卡通，而且仲可以望到入面工場黃豆製作過程，令人大開眼界。牛油果吉列蝦青瓜絲粢飯$52華人飲豆漿很多時都會配上粢飯，牛油果吉列蝦青瓜絲粢飯材料非常豐富，最外層係粘軟既糯米飯粒，內層餡料有肉鬆、軟滑牛油果、脆脆吉列炸蝦、爽口青瓜絲、香甜玉子和油條，還有味道甜甜地的特調沙律醬，口感層次好豐富，味道不單調。黑白芝麻豆乳$32用了嚴選研磨的黑白芝麻，加入咗招牌非基因改造7.6特濃豆乳，口感濃厚，芝麻味濃郁，有啲似飲緊芝麻糊，非常香滑，味道不算甜，啱晒我口味。多芒楊枝甘露$48若論我最愛的港式糖水，楊枝甘露必屬第一。混合了鮮芒果、金柚子果肉、芒果汁、特調椰奶和滑溜西米，層次感豐富，毫不酸澀，充滿酸甜清新果香。名副其實的多芒，超級足料，整杯都是啖啖芒果肉，真材實料，應該是我食過最多芒果

一直都想試「SOYmart by 豆乳狂人」！晚飯過後，好友提議想吃甜品，於是今晚終於有機會過來了。「SOYmart by 豆乳狂人」的荃灣店都幾大，堂食位置相當闊落，坐得舒服。甜品以小桶盛載着，裡面分別有Oreo餅乾、芝士奶蓋、珍珠、豆乳布丁，以及可可豆乳。進食前先按個人口味倒上Oreo碎，Oreo和鹹香的芝士奶蓋非常搭。豆乳布丁滑溜，入口有香濃的豆味。珍珠煙韌帶黑糖味，豆乳底又有可可甜香。幾款材料加起來都好夾，每一口都有多層次的口感味道。這支飲品同樣豐富，由豆乳、仙草、豆乳布丁、芝士奶蓋和黃豆粉組合出來。豆乳幼滑，和芝士奶蓋的鹹香味幾match。仙草清爽，豆乳布丁則軟嫩，兩種截然不同的口感，加在一起又幾特別。飲完都幾飽肚！豆乳質感濃稠順滑，入口充滿豆香味。店舖強調每日新鮮製造，並且採用非基因改造黃豆。黑白芝麻味非常濃郁，有芝麻粒粒的口感，尤如在吃芝麻糊般，可以說是相當足料的一支飲品。

個人認為非樽裝豆乳產品比較好食，例如芋圓、仙草、豆花等等。因為樽裝豆乳個口感比較杰撻撻，唔似市面上嘅豆乳咁順滑，不過似芝麻糊或杏仁糊係好食好多，同埋飲熱飲，會好飲好多👍🏻另外oreo系列，經常被售罄，因為賣相同味道都非常吸引同好食😋 夏天食芒果系列都非常之符合季節🥭鍾意食榴槤嘅朋友都可以試吓榴槤系列 因為聽好多人講榴槤豆乳產品都好好食👍🏻荃灣嘅呢一間豆乳狂人比較間，有一個大嘅空間堂食，不過大家記得要垃圾分類啊！

豆乳狂人由沙田河畔花園一間街坊小店起家，憑着各式各樣揉合創意與傳統的豆品打響名堂，現時更於荃灣及樂富另設分店。荃灣分店位於海之戀商場，採用開放式設計而食客亦需要先到櫃檯付款下單，再自行尋找座位、取餐及收拾。與傳統豆品廠迥然不同，店內裝潢走年輕路線，簡約清新之餘並充斥可愛插畫。單是招牌7.6特濃豆乳系列已經有逾十款口味之多，更有豆乳奶蓋系列、豆乳茶系列等，再加上狂人豆花、狂人雪糕、狂人粢飯等可謂千變萬化。除此之外，不時還會推出期間限定系列，譬如早前好評如潮的榴槤系列以及最近全新登場的紫麻薯系列。紫紫之選 ($63)紫麻薯口感滑嫩煙韌而紫薯蓉香甜自然，再加上紫米、芋圓、豆乳布丁、豆乳及奶蓋層次豐富。超煙韌榴槤奶蓋 ($80)榴槤系列選用D24蘇丹王榴槤，加入一整球榴槤果肉真材實料，甘香細滑配以奶蓋更加醇厚，底層芋圓、珍珠及小丸子亦名副其實煙韌彈牙。狂人粢飯 ($32)糯米軟硬適中且濕潤煙韌，亦可免費轉為十六穀米更加健康；傳統配搭加入肉鬆、榨菜及油炸鬼，樸實無華但油炸鬼保持鬆脆令人喜出望外。吉列豬扒粢蛋飯 ($45)除了肉鬆、榨菜及油炸鬼外，更加入吉列豬扒、玉子等材料豐富，豬扒肉質結實並配上

行完海之戀Donki同Aeon，順便搵個地方食個糖水休息下，揀左呢間豆乳好出名嘅甜品店🤪打個卡📍舖頭走休閒風，每隔幾個月就會換一次主題，今期主題有遊樂園感覺😆有個摩天輪打卡位，加上紫黃色配搭，同紫薯系列襯晒色，牆上插畫公仔仲好可愛添💟紫麻糬豆乳$53 見佢最新推出係紫薯系列，所以已經有啲期待紫薯同豆乳嘅配搭，建議攪一攪勻再飲，味道會更平均。入面加左唔少麻糬，口感比平時食嘅更軟，就咁用飲管都可以吸到上黎💟和風白玉 $45三色芋圓同白玉丸子佔咗一半嘅份量，另外加左紅豆同豆腐花。豆腐花口感嫩滑，個人覺得豆腐花好好味🤤有啲後悔冇揀以豆腐花為主嘅甜品！！💟多芒小丸子 $48必食🌟自從一間糖水舖執左之後都好掛住呢個甜品，原來呢到有出！唔好以為佢啲料係得表面果層，估唔到佢啲份量都幾多，成盒滿載芒果、小丸子同西米🤩甜得黎唔漏💟黑白芝麻豆乳 $32豆乳味非常濃郁☺️芝麻味唔會搶左豆乳味，有少少似食緊芝麻糊，口感濃稠💟海苔肉鬆脆皮木棉豆腐$38 一直冇留意呢到有小食，所以順便試埋。諗住佢豆乳咁出名應該豆腐都唔會差。外皮炸得脆脆，內裡豆腐豆味濃郁，表面放左海苔肉鬆，感覺有啲台灣風味🫶🏻💟和風七味炸脆雞 $32