金滿堂甜品

營業中

休息中

今天經過淘大花園，知道這間甜品店在網上評價好高，就刻意來試一試(網上看已經很吸引了)。因為太多太吸引了，和女朋友選了很久，最後叫了$32的宇治金時和$42的黑樹皮！點知晚上7點幾都重有下午茶，宇治金時只收$28，真係好抵！宇治金時先來，刨冰佢都叫做大碗！雪糕夠大，下面的紅豆和冰份量也很多！開餐了了，我第一啖食冰+紅豆！！先講紅豆，夠香夠甜夠大粒！到d冰，更正，未食過刨得咁幼細既冰，就黎到綿綿冰卻又像刨冰的感覺，而且帶有綠茶香，卻不會過甜，個刨冰的級數認真高！雪糕方面也有綠茶味，雖然沒什麼特別，但配合下面的刨冰、紅豆和其他配料一齊食，也會很享受啊！黑樹皮！其實姐係朱古力綿花冰！識食既你，齋睇個色就知好味la！而且配料有粟米片、綿花糖、小丸子、重有塊朱古力脆片，都幾落足料架！味道方面，濃啊！朱古力好濃！絕對唔會因為係冰而減少了朱古力的味道，抵讚！加埋配料一齊食，樣樣都好夾！最重要係唔易溶，食極都重係冰，係3x度的天氣真是大快人心！總結：今天食了兩個份量夠又好味又夾既甜品！而且落足又落靚料的甜品，埋單都只係$70，抵！有機會一定再來！試埋其他甜品，重有好多款式都好吸引啊！！！

午餐吃得太飽.結果又將甜品當晚餐今次黎到淘大的金滿堂甜品到達時門口已塞滿了人. 拿號碼飛時店員會一併叫你下單下了單才可以排隊結果好快可以入坐. 不消5分鐘甜品已經上枱這個對店來說.果然是個可以縮短每枱運轉時間但對客人來說. 未免有點急了吧...跟男友點了2個甜品黑樹皮=朱古力綿花冰朱古力味尚算濃郁. 配料也算是正常.有棉花糖.粟米片.小丸子.最頂端還有一塊朱古力片但唔知點解食落去又硬係唔係太夾咁. 可能是...朱古力綿花冰只可以跟朱古力味配料夾...例如可可脆片.朱古力豆.朱古力脆脆....等等..相信會更夾咖啡媽媽=咖啡果凍伴炭燒雪芭這個果然有點出色果凍很有咖啡味. 跟雪芭也配合得很好而出色的地方就是雪芭充滿合桃碎.每咬一口都因為合桃碎要慢慢細嚼.令雪芭停留在味蕾上的時間廷長.好一個蕩氣迴腸大約20分鐘...就要離座了.如能夠吃得輕鬆點相信會令食客更加享受

九龍灣好似得返呢個糖水舖,去到門口!嘩甘多人既! 原來等外賣!.....同個朋友係門口等左5-10分鐘就入得喇!天氣甘凍,簡左好多都唔知食咩好!先叫呢個 好椰味.......食落去幾香,唔得椰子既人就免了!幾特別!推介的熱食!份量雖然不是好豐富,但勝在點解可以有甘平,又有質數的棉棉冰!黑色的朱古力味都幾濃,岩曬我中意食苦朱古力的人...整體不錯! 食完....真係好凍好凍阿

 好的晚上一定要有甜品作結平時經常都會光顧大型連鎖甜品店因此特別喜歡到這些小品店作支持這次又到了一間有趣港式甜品店之所以喜歡港式甜品 就因為他們的創意只看甜品名字就覺得店方很有諗頭而且甜品配搭都比較少見我們分別點了黑樹皮, 龍珠二世 和金枝玉葉黑樹皮其實是朱古力綿綿冰價錢只需三十多元 比坊間的便宜雖然份量也好像沒太豐富但朱古力味十分濃郁 濃度也較高 不會過甜適合我這類偏愛黑朱古力的食客份量少一點反而感覺不會過膩龍珠二世是一款以芒果汁作底 再加上小丸子 珍珠 和雪糕的甜品簡單的配搭 卻細心的選了普遍香港人喜歡的材料大路卻又惹人喜愛惟一我不太喜歡的地方就是芒果汁太稠了說是芒果漿還更貼切 結果吃起來的口感就有點太假太造作最後還有金枝玉葉其實就是店方自家改良的楊枝金露因為是友人點的甜品 所以我沒有嘗到不過還是看到店方的小聰明把楊枝金露裡的柚子肉改為龍眼肉避免了柚子肉不新鮮而帶來的苦澀味更以龍眼肉為甜品加上自然清甜的味道 別有用心呢