Café Crêpe (威靈頓街)

營業中

休息中

之前食過依間可麗餅專門店，一直對佢哋多款特色鹹甜可麗餅念念不忘😚 今次行經中環當然再黎懷緬一番😋 今次㨂咗鹹與甜味可麗餅各一份🤭 鹹味㨂咗超級香嘅黑松露香煎帶子可麗餅🥰 軟熟可口嘅可麗餅內，夾滿香濃稠密嘅忌廉和蘑菇片，加上表面潵落嘅黑松露子和鮮甜帶子，超級鮮美又惹味👍 甜味可麗餅㨂咗蘋果金寶配奶油醬及香草雪糕口味🫶 酸酸甜甜嘅蘋果金寶好開胃，清新又爽口，加上香滑細膩嘅香草雪糕一齊食，甜美無比嘅滋味令人欲罷不能🤤 飲品㨂咗榛子鮮奶咖啡😋 入口醇香又嫩滑，甜而不膩，甘香可口，一點也不苦澀😙 餐廳除了首推嘅可麗餅外，仲有晚市套餐提供，多款經典西餐都非常高質，宜家仲做緊買一送一優惠😍 切勿錯過喲🤭

中環lunchtime難搵食是常識，經openrice訂了12:30，即時可入座。我們由12:30坐到2:00，餐廳一直都有空枱。蕃茄餐湯味道較酸。1/3小匙的黑松露醬放在兩片煎帶子上，再放在可麗餅上。可麗餅內有一粒粒帶子仔、蘑菇片及白汁。帶子仔及蘑菇片似乎沒有煎或炒過，只有小小鹹味，味道太普通，有點像我在家玩煮飯仔。可麗餅午餐份量較小，如果當天較肚餓，建議選其他午餐。不過這裡人不多、唔會嘈、員工招呼也唔錯，午間約朋友食個lunch也不錯。

對上一次食Cafe Crepe已經係兩年前，Cafe Crepe而家推咗左好多新口味，例如香港口味既燒鵝法式可麗餅、提拉米蘇可麗餅等等。餐廳無論鹹味同甜味既Crepe全部即叫即整，全部都好有水準👍🏻，今次我都分別叫左一款甜味同鹹味。- 黑松露香煎帶子可麗餅一開始以為帶子只係可麗餅上面嗰一粒，原來可麗餅入面舖滿帶子粒，而且煎得好香口。除左帶子之外入面仲有白汁同菇菌，材料非常豐富。薄餅煙韌而且充滿蛋香。- 朱古力味法式薄餅配抹茶忌廉芝士開心果脆脆及紅莓醬賣相色彩繽紛，甜味薄餅比較香脆，味道以紅莓醬最突出，抹茶味比較淡，大量既開心果脆脆令口感更豐富😍

之前一直都聽過呢間餐廳嘅可麗餅好食，今日特登約埋朋友放工過嚟幫襯，餐廳裝修佈置得好舒服，座位寬敞舒適，睇餐牌原來都有好多選擇，我哋兩個人share食，揀咗一個香煎三文魚set dinner同黑松露香煎帶子可麗餅，Set dinner包飲品，我揀咗泡沫咖啡，泡沫咖啡拉花好靚，味道香濃，口感滑溜，朋友就飲榛子朱古力，朋友話榛子味濃郁，不會過甜，味道有啲似某品牌的朱古力條。Set dinner附有湯，餐廳介紹是椰菜花湯，有驚喜，香濃可口，順滑濃郁。主角出場了，是黑松露香煎帶子可麗餅，餅皮鹹甜適中有蛋香，帶子厚身大粒，味道鮮甜，黑松露的香味提升了整個可麗餅的層次，可麗餅餡料份量很多，調味得宜，即使鹹食，也很有水準，令人回味。Set dinner的主菜是香煎三文魚，餐廳擺盤精美，三文魚煮得非常嫰滑，外皮香脆，整份香煎三文魚，皮脆肉嫰，附上的沙律菜亦新鮮爽脆。總結： 餐廳裝修別緻，座位寬敞舒適，餐桌和餐具均乾淨衛生，店員招呼主動殷勤，食物質素絕對在水準之上，很適合朋友聚會聊天，或情侶拍拖食飯。

黑松露香煎帶子可麗餅 • HKD$155切開入面係滿滿嘅小元貝，煮得啱啱好唔會韌😍個蘑菇醬加咗松露油同白酒，食落好香又唔膩👍🏽想再濃啲松露味嘅話，可以夾埋鋪喺表面嘅黑松露醬食～唔好睇佢細細塊，但食完成塊都好飽㗎😆香煎三文魚 (晚巿套餐) • HKD$278三文魚煎得啱啱好，個皮仲要係脆卜卜嘅😊伴有法國四季豆、烤焗薯仔、沙律同蕃茄仔，全部都調味恰當～蕃茄餐湯 • 跟餐送推薦！勁香濃～除咗超濃嘅蕃茄味，仲食到好香嘅芝士味☺️啤酒 • 跟餐送好少見餐廳嘅餐飲係免費送啤酒，所以都幾抵～

[ #caloriefoodie_中環]• 𝙲𝚊𝚏𝚎́ 𝙲𝚛𝚎̂𝚙𝚎 •🐿位於中環威靈頓街有間格調高貴既法式可麗餅店故名思義 餐廳主打鹹味同甜味法式可麗餅選擇多達20幾款 仲有唔少主食、特色飲料可以揀-🌮黑松露香煎帶子可麗餅 𝙻𝚄𝙽𝙲𝙷 𝚂𝙴𝚃 💰$165午餐包咗是日餐湯、主菜同飲品一杯上枱時已經聞到香噴噴既黑松露味 可麗餅表面有兩大粒帶子 加上黑松露醬同少量沙律菜從外形黎睇 已經見到份可麗餅好厚身 好足料一切開 就見到滿滿既細粒帶子同蘑菇肉 醬汁creamy帶子肉一絲一絲 每一啖都食到淡淡黑松露味既帶子肉-🍰伯爵茶芝士蛋糕味 💰$89呢個甜味可麗餅好神奇 醬汁真係好似芝士蛋糕既味道另外配上淡淡既伯爵茶香 如果茶味可以更濃就好可麗餅既皮好薄 咬落有一定煙韌度 口感幾好-🍿𝚂𝚊𝚕𝚝𝚎𝚍 𝙲𝚊𝚛𝚊𝚖𝚎𝚕 𝙼𝚒𝚕𝚔𝚜𝚑𝚊𝚔𝚎 𝙶𝚊𝚛𝚛𝚎𝚝𝚝 💰$68雖然店員話係朱古力奶昔 但飲落更似焦糖味好邪惡既飲品 上層仲有大量爆谷 視覺上好澎湃-☕️𝙽𝚞𝚝𝚎𝚕𝚕𝚊 𝙻𝚊𝚝𝚝𝚎 💰$46榛子味好重 呢度既咖啡都幾好飲-@cafecrepehk 📍 中環威靈頓街15B號地舖-#caloriefoodie