Little Prince

營業中

休息中

星期六難得老公收早，可以一齊 lunch，今次搵到呢間位於 Life@KCC 嘅 Little Prince 意粉小店覓食。餐廳地方唔算大，裝修以簡約木系為主。但意粉選擇極多，餐牌上有14款可供選擇，而且係即叫即整。煙三文魚、煙肉、忌廉白汁意粉    $65煙三文魚份量都幾多，意粉內有煙三文魚、煙肉，意粉面仲將煙三文魚砌成一朵花，擺盤靚望落都開胃啲。意粉彈牙，忌廉白汁做得出色，好creamy。黑松露雜菌忌廉汁意粉    $65黑松露好香，味道唔太濃，所以無遮蓋雜菌味道。雜菌炒得幾香，唔同菇有唔同口感。忌廉做到好掛汁，令每條意粉都掛到忌廉汁。焦糖鮮奶咖啡  +$14榛子鮮奶咖啡  +$14咖啡跟餐落單好抵，就咁嗌杯凍飲要 $35/杯，套餐只需 +$14。 咖啡同奶比例剛好，焦糖咖啡亦唔會太甜。

去開葵興整嘢，上openrice睇下附近商場有咩食，小朋友話想食西餐，佢自己揀左Little Prince。入到去有張六人大枱，一邊剛好仲有兩個位，就快趣坐低。無侍應落單，自行到收銀處order完，就可以拎有號數嘅牌放自己座位，好快就有侍應端上食物。無華麗裝修，但有文青風嘅簡約。呢個銀杏葉裝飾，為餐廳帶來幾分日式風情。叻沙意粉個汁比出面好多自稱叻沙嘅湯底好好多，啲蝦係新鮮兼彈牙，配搭埋吸左叻沙汁嘅車厘茄和豆腐卜，加上口感al dente嘅意粉，令人驚艷。此意粉絕對值得encore。呢個黑松露雜菌忌廉汁意粉有好足料嘅雜菌，都係水準之作，但因為常見，相比之下上面嘅叻沙意粉更得我歡心。

今日隨機找間餐廳吃個午餐, 眼看這𥚃的午餐平均都是五十幾六十元實在不貴, 坐下來才看到餐廳劣評都不少, 不過都已經是2022年年頭或之前的, 抱著它會有進步的心態繼續下單 😅 要提一提這𥚃是先在櫃檯前下單及付款。餐廳雖然不大, 但空間感夠, 中間有一條很寬的走廊, 門旁有兩個高枱位置, 坐在這邊享受私人空間又是另一種感受。黑松露雜菌意大利粉 $62一上碟已聞到濃濃的黑松露味, 醬汁都濃稠, 分別有兩款菇類, 菇量都很多, 加了少許洋蔥和甘筍條點綴, 很美味 😊 以這個價錢絕對沒有什麼好批評。香芋鮮奶 加配$9香芋與奶都均勻, 奶味不會太搶, 而且不是很甜, 很不錯。餐廳並沒有劣評的惡劣食物或服務態度, 所以絕對是可再回頭的餐廳之一。