Little Vegas

今次係講呢間都係好出名嘅💛店～ Little Vegas 💛💛見到啲裝修啊menu,真心我會不經意聯想起Mamaday🙈兩間都玩味十足～ ⠀⠀🦐香草忌廉海鮮燉飯🍚 $128⠀首先我覺得佢用燉飯呢個名已經好特別，所以朋友同我都叫黎試～⠀✦啲忌廉汁好creamy好香滑,又濃郁，同埋唔會太多，所以成個飯嘅汁係收得幾好，唔會好似湯飯咁🤤⠀✦個飯都唔會煮得太爛，已經係煮嘅過程索晒啲汁，所以display出黎都唔會話汁多過飯⠀✦成個risotto都超足料！🤩有好多海鮮，e.g.魷魚圈、蝦、同帶子等～ 真係超豐富～而且佢係煮到去一個啲配料都入晒味，但又不失自身嘅鮮味的境界😳⠀✦ 而且佢仲加咗啲洋蔥去吊味，令到食完成個飯都唔會太滯/太漏🥰⠀⠀🖤黑松露野菌長通粉🥘 $116⠀講真我係唔鍾意食長通粉嘅人嚟嘅，但係我覺得呢個長通粉係幾唔錯🤣⠀✦個人就覺得個汁其實稀咗少少⠀✦但味道就夠嘅，只係個汁水咗啲，所以長通粉就唔太掛汁⠀✦黑松露就比較集中係中間，其實都好香黑松露味，但食之前真係要攪勻佢，唔係嘅話有啲長通粉就沾唔到黑松露㗎啦⠀✦ 其實長通粉佢個質感都啱啱好嘅，唔會太過硬又唔會太過腍，又唔會有嗰陣「粉」味，整體上都還可以～⠀⠀🎰 命運賭城小食拼盤🍗 $92 （細份）⠀呢個小食拼盤好特別，佢係冇得比你揀㗎，只抽3-4樣比你，好似Russian roulette 咁～今次我地抽到腸仔、原味雞翼、炸薯角同炸魚手指⠀✦叫呢個原因都係因為貪玩，想睇吓佢比咩我哋⠀✦咁味道方面呢都不過不失，雖然有啲油，但炸得都香脆可口⠀✦覺得特別嘅係佢有炸魚手指，因為好少店嘅小食會provide呢樣嘢~ 而佢都炸得唔錯嘅，有啲似吉列版嘅炸魚薯條入面嘅炸魚😂 覺得呢個如果有沙律醬點會更加好🤣⠀⠀呢間啲quality真係唔錯嘅，因為其實我哋仲試咗嘢飲，但都係果句啦，啲相影得有啲核突，所以就費事放上嚟😂不過我可以同大家講，啲嘢飲個樣都幾Fancy,啲沙冰上面有cream🤩，同埋味道都唔會話太甜，都幾好飲又解渴⠀…查看更多

見到呢間餐廳嘅裝修好有特色，所以諗住男朋友生日個日食，但因為冇得book位，但又想試下所以就轉左平日食。個日我地9點左右去到，唔洗等位。裝修的確好有特色，啲窗枱都擺左啲lego同figure👍🏼我地一人嗌左一個粉食，我嗌左黑松露野菌長通粉，男朋友嗌左明太子忌廉天使麵。黑松露野菌長通粉：份量適中，好濃郁嘅黑松露味，長通粉有咬口，唔會太軟身明太子忌廉天使麵: 好多餐廳嘅天使麵都係好lum,但呢間天使麵唔會煮到太軟身，啱啱好👍🏼 而且食落都唔太漏…查看更多

星期日，大多喜歡很有悠閒的過一天，大概是因爲星期一要上班的關係吧。由於這幾天都是下雨天，下午茶便是室內活動的首選，哈。來到銅鑼灣，首先會想要去fashion walk 下午茶。可惜今天是下雨天。。。其實銅鑼灣也有不少樓上餐廳，而今次就選擇了Little Vegas很有風格的一間餐廳，在設計上的確很吸目呢個人認為是以美國街頭文化為設計主題，不知道有沒有想錯呢 😂餐桌上，明顯也花了不小心思去設計。另外每一張枱也有這個糖果小擺設光是店內的氣氛，都已經讓我很喜歡了 😍由於只是下午茶，只點了兩份食物先送上餐桌的，是黑松露野菌長通粉這個真的很不錯，有著濃濃的黑松露味道而且野菌的份量也很足夠，讓每一口長通粉也有不同的層次感另外點了半份豬肋骨。我總是覺得，這個若要分高下，重點在於醬汁。而這裡的豬肋骨，成功減去了那油膩的感覺，真的很喜歡💕吃飽以後，當然少不了一杯咖啡然後跟另一半說說笑笑，不知不覺間已到逝去了一個下午 🙂…查看更多

𨋢門一開就見倒充滿美式拼貼風格嘅外牆喇！係一個打卡嘅好地方！餐廳嘅裝飾好有特色，都坐得幾舒服～適合同朋友上黎傾計～侍應嘅態度都好友善Menu 入面有版係"Must try item", 同朋友叫左三樣野， 首先係黑松露野箘長通粉長通粉軟硬適中，味道正常，黑松露味道唔太突出之後上嘅係招牌燒烤醬焗豬肋骨唔錯肉質夠嫩，配埋個sauce 好好味，忍唔住想食完再食！薯角都好脆夠熱～另外再叫左個水牛城雞翼但唔記得影相都好味！三個人share 左三碟餸，但未夠飽，再叫多個意粉～配料都幾多，有蝦、蟹柳，味道正常整體黎講覺得肉類比較出色，意粉較為普通，食物份量剛好，唔算好貴，所以性價比唔錯有機會可以再黎…查看更多

6PM多早入座，客人未算多，環境尚算寧靜可以傾下計，享受片刻的悠閒。7:30PM後超熱鬧，客人多而且枱與枱的密度高，變相比較吵鬧。每張枱都放有糖果杯，其實沒機會食糖果吧，點餐不到10分鐘，第一道小食就來了，上菜速度超級快！滋味洋蔥圈($52)的份量挺多，亦炸得香脆。不過洋蔥的厚度略為薄身，一口咬下吃到的大多是炸漿，吃不到洋蔥的質感，只看到薄薄的洋蔥纖維。咸咸酸酸的醬汁，偏咸，只沾一點就足夠。賣相豐富的黑松露野菌長通粉($102)，厚身的醬汁相當滑溜，只是松露香不太濃郁，放進口不到數秒香氣就散開，有點失望，野菌數量都比較凌落。迷迭香煎羊架($168)比想像中的好，羊架肉質軟稔而整體實身，很有肉的質感，只是略帶羶味，脂肪不算多，$168的價錢有$300以上的質素，好食又抵食。作為配菜的炸薯角亦香脆惹味。要注意是：入座起計每枱限時90分鐘用膳時間，唯恐時間不足，唯有等齊人才入座。上菜速度快，90分鐘有充裕的時間進餐。…查看更多

聽過呢間好多次，但終於去左試啦！今次4個人七點幾上到去但係已經差唔多要等1個鐘入到去即刻叫野食: 黑松露野菌長通粉、明太子忌廉天使麵、雞翼三重奏，仲有一個pizza！佢上菜速度超級快個黑松露野菌長通粉一拎上黎已經有好濃郁既黑松露味，個醬唔會好淡，每一啖都食到好多黑松露醬而且d野菌亦都唔算少架，都好大塊！所以食落去都好滿足！另外個天使麵黎講，都係非常濃郁！因為佢真係好似有好多粒明太子咁，而且個醬係調校得好好味既！至於個雞翼，我覺得其實個玫瑰味就唔算好特出啦，反而有d似蜜糖味！個水牛城雞翼就有少少辣啦，又係好濃既醬不過都算還可以！但個檸檬味我就冇試過，聽返朋友講都唔算差，都幾香檸檬味㗎！最後就係個Pizza啦！我哋揀咗兩款: 海鮮喇沙Pizza同賭城至尊Pizza估都估唔到喇沙都做到Pizza！不過其實唔會係濃既喇沙味，只係原來喇沙pizza都幾夾！至於個賭城至尊Pizza就冇咩特別，同平時個d Pizza差不多！…查看更多

聞名已久，終於一試，裝修好懷舊，好似身處美國一樣食物款式都算多，價錢合理，份量又唔會太大份，好適合成班朋友一齊食👍🏼法式龍蝦湯味道偏咸，蒜茸包焗得好脆好香口。雞翼三重奏，三款唔同味既雞翼，第一款酸酸甜甜，都幾醒胃，第二款味道帶花香，味道較清，第三款係水牛城雞翼，味道比較辣，鐘意食辣既人實鐘意👍🏼👍🏼Pizza好薄手好脆，芝士同料都好多，食完唔會有濟既感覺黑松露野菌長通粉，好濃黑松露既味道，配料好多👍🏼👍🏼 成碟長通粉差不多一半都係野菌，味道比較淡…查看更多

今天同媽咪跟Mr. L 去銅鑼灣行街，醫肚的時候選擇了Little Vegas。這裡的裝潢帶美國style，老闆似乎好喜歡動畫, 無論在牆上, 枱上及杯上都畫滿不同動畫，而每張枱都有一個畫上公仔的玻璃杯，杯內放滿不同種類的糖果，加上恰當的擺設，非常特別。這裡並沒有 set, 故我們3人叫了3個 main course, 1 個小食及1杯特大的飲品。黑松露野菌長通粉 - 野菌雖然唔算太多， 但黑松露汁好濃郁及香， 滲入軟硬適中的長通粉內，更加入味。 招牌燒烤醬豬助骨 - 每條骨都沾滿濃郁的燒烤醬， 配上香脆少辣薯角， 香口惹味。賭城至尊比薩– 餅底屬於薄脆， 適量的芝士， 而且上面舖滿肉醬， 腸， 菠蘿， 蘑菇， 燈籠椒， 咬落每口都有豐富的材料， Yummy!雞翼三重奏分別是水牛城雞翼、檸檬雞翼和玫瑰雞翼 – 由於Mummy 吃不到辣， 而且叫拼盤太多炸野， 故我們最終選擇了雞翼三重奏， 三款雞翼都外脆內軟， 檸檬雞翼， 味道微酸又帶點甜， 正合Mummy胃口， 玫瑰雞翼個人認為甜多d， 卻不覺花香味， 水牛城雞翼味道是當然係最濃， 而且少辣加酸酸甜甜， 正合Mr. L 的口味。 秘密花園水果茶 – 好大杯， 足足夠我們3個人飲， 而且裡面包括好多生果， 又有得飲又有得食， 好過飲一般的奶茶及檸茶。 …查看更多

之前已經聽聞過Little Vegas既大名😂😂😂 身邊朋友都話好想試！但無奈次次都勁多人，好似要等個半鐘😳所以都去左第二度食！今次我地堅拎要去呢度食飯！😂所以早左勁多上去，大約6點鐘左右，上到去居然無人😱😱😱 因為朋友仲未到，所以同個店員預約左位先，要7點先齊人！好啦！7點鐘齊人到門口等，樓下排隊搭lift已經有好條隊🙄🙄 上到去都已經逼滿晒人！雖然bk左位，但都仲要等多15分鐘😭💦 終於到我地入去啦未入去係出面已經聽到好有新年氣氛既新年廣東歌😂🎤🎤 一步入餐廳門口，就覺得餐廳格局好有格調，燈光微暗，但有很多特色小燈飾！另外都有很多可愛小擺設，每一樣都充滿懷舊賭城風味✨✨ 首先，我地嗌左一個小食拼盤（半份），一個黑松露野菌長通粉，同一個魚手指😋野飲方面嗌左一杯水果茶同士多啤梨梳打！首先到既係呢個賭城小食拼盤！睇到個賣相已經相當吸引，而且有齊所有我最鐘意既炸物😍😍😍簡直係人生一大享受！拼盤食物種類都好豐富：有薯角、洋蔥圈、芝士磨菇、雞翼、香腸；份量相當大份，3個人食剛剛好！所有炸物都好香脆，薯角更加食到停唔到口😭想唔肥都幾難另外兩個朋友order左一杯水果茶，睇其他食評既時候已經見到好似好大杯😳果然名不虛傳！一杯已經足夠兩個人飲！杯入面仲有好多水果！我就order左呢個士多啤梨梳打，一飲就成個口充斥都士多啤梨味，梳打令口感更冰涼！雖然我時不喜歡太甜的飲品，但這杯甜得來沒有那種很膩的感覺！值得推介！接著上菜的就是這碟黑松露野菌長通粉！這個簡直為這頓飯起了一個畫龍點睛的作用！因為其他order既都係炸野，呢個長通粉正正可以中和個種油膩既感覺😆😆👍🏻👍🏻黑松露味道濃郁，配合野菌好好味！長通粉時間控制得岩岩好，好in un😋😋😋😋一試難忘 仲有呢個魚手指，炸到好香口，脆卜卜！配合酸酸甜甜既醬汁好開胃！ 最後因為朋友想食甜品，我地都叫左呢個時令鮮果窩夫🍹🍹可惜的是，這個窩夫是個不太成功的甜品！先說味道，味道不錯，但略厭粉漿太厚，食落好似唔熟咁，好似好難消化，而且水果都不是太新鮮🙈下次我是不會再order甜品😂但是主菜是一流90分的！ …查看更多

是日與校園時期的好友知己相聚於Little Vegas，一行三人過了個愉快的下午。其實迪迪已不是首次來Little Vegas的了，不過以往總是被它墟陷的場面嚇怕，又要等近乎一小時才能進去，未吃已先扣掉不少分數。幸好相隔一段日子，裝潢改了少許，帶來新觧感，連Walk-in等候的制度也改善了不少。客人須預先到達食店，留下名字、人數及聯絡電話，然後可到附近逛逛，待差不多有位子時，店員就會致電通知，而且現在亦沒有了人群堆積在門外，感覺良好▼ 入座後，身邊圍著很多特色裝飾，這個糖果杯最受人歡迎，糖果是任取任吃的，最喜歡有蜜蜂檸檬糖，現在很難買得到呢 ▼還有小擺設等等，一片童話的景象。▼ 大裝修後，Little Vegas的內在間隔沒有改變，只是壁畫那些轉了些圖案而已，也算是一片新觧的景象，不錯！▼ 整齊的餐具擺放，碟子上也是印著Little Vegas的。▼ 往周圍拍了一輪照，不久後就有食物端上來了，最先來的是小食【檸檬雞翼】（HK$68）。檸檬雞翼是Little Vegas多種味道之中，迪迪最喜愛的，因為它的味道最清新，每啖都帶有淡淡的柚子和檸檬清香，味道是甜甜的，而雞翼外層亦炸得香脆而不油膩，內裡的雞肉又很嫩滑，故每次來都是迪迪必點之一 ╔══════════ 夫人評分 ═══════════╗║菜　式： 【檸檬雞翼】（HK$68）　 　         ║║味　道： ★★★★★★★★★☆ (9/10)　       ║║美　觀： ★★★★★★★★☆☆ (8/10)           ║║抵　食： ★★★★★★★☆☆☆ (7/10)           ║║創　意： ★★★★★★☆☆☆☆ (6/10)           ║╚═════════════❤═════════════╝▼ 然後是一道【黑松露野菌長通粉】（HK$98），黑松露醬汁非常觧味，配搭了少許的野菌食材，味道不俗！長通粉是大大粒的，所以看起來份量很多，3人吃起來也剛剛好足夠的。整體是滿意的，不過就略嫌少了點特別之處。╔══════════ 夫人評分 ═══════════╗║菜　式： 【黑松露野菌長通粉】（HK$98）   ║║味　道： ★★★★★★★☆☆☆ (7/10)　 　   ║║美　觀： ★★★★★★★★☆☆ (8/10)　　    ║║抵　食： ★★★★★★☆☆☆☆ (6/10)　　    ║║創　意： ★★★★★★☆☆☆☆ (6/10)　　    ║╚═════════════❤═════════════╝▼ 接著端來了一道招牌菜【招牌燒烤醬焗豬肋骨（半份）】（HK$98）。雖說只是半份，但已經有整整6塊，我們每人還可以吃得到兩塊，份量Pass✔ 味道方面招牌燒烤醬是甜甜的，不是難吃，但沒有太多驚喜，肉身不過不失，但因為是肋骨部分，始終是比較難進食和少肉另外還附送少量沙律和薯角，薯角稔身的，如果是脆的會更好！╔══════════ 夫人 評分 ═══════════╗║菜　式：【招牌燒烤醬焗豬肋骨（半份）】 　║║味　道： ★★★★★★★☆☆☆ (7/10)　　    ║║美　觀： ★★★★★★★★☆☆ (8/10)　　    ║║抵　食： ★★★★★★☆☆☆☆ (6/10)　　    ║║創　意： ★★★★★★☆☆☆☆ (6/10)　　    ║╚═════════════❤═════════════╝▼ 接著是【賭城至尊辣Pizza】（HK$112）。賭城至尊辣Pizza，顧名思義是辣的，但絕不是死辣的那種，少許的辣味混和了香濃的焗芝士，配上多種配料：菠蘿、辣肉腸、肉碎、燈籠椒等，非常惹味。份量算是中中挺挺，估計3-6人也夠吃，視乎個人食量而已啦～╔══════════ 夫人 評分 ═══════════╗║菜　式：【賭城至尊辣Pizza】（HK$112） 　║║味　道：★★★★★★★☆☆☆ (7/10)　  　   ║║美　觀：★★★★★★★☆☆☆ (7/10)　　     ║║抵　食：★★★★★★☆☆☆☆ (6/10)　　     ║║創　意：★★★★★★☆☆☆☆ (6/10)　　     ║╚═════════════❤═════════════╝▼ 飲品方面，朋友點了個熱的【熱帶水果茶】（HK$58），迪迪也叨叨光喝了幾杯，茶的果味很濃，我想主要是因為加了許多不同的水果粒，連火龍果也有呢因為一直有小燭助暖，所以保溫很好，雖然正值夏天，但不減果茶的吸引╔══════════ 夫人 評分 ═══════════╗║菜　式：【熱帶水果茶】（HK$58）           　 ║║味　道： ★★★★★★★★★☆ (9/10)　　    ║║美　觀： ★★★★★★★☆☆☆ (7/10)　　    ║║抵　食： ★★★★★★★★☆☆ (8/10)　　    ║║創　意： ★★★★★★★☆☆☆ (7/10)　  　  ║╚═════════════❤═════════════╝▼另外也有點到一杯【玫瑰草莓冰沙】（HK$42）。這杯味道其實以士多啤梨為主調，帶有輕淡的玫瑰香味，不錯！最上層有厚厚的Cream，迪迪沒有特意的混和到沙冰中，所以不影響整體味道，又能為美觀加分！而這杯冰沙雖名為冰沙，但其實已經打得非常細緻，喝下去時不會卡卡的、又或者冰凍得打冷震，所以質感這方面我覺得是值滿分的╔══════════ 夫人 評分 ═══════════╗║菜　式：【玫瑰草莓冰沙】（HK$42）　        ║║味　道： ★★★★★★★★★☆ (9/10)　　    ║║美　觀： ★★★★★★★★★☆ (9/10)　　    ║║抵　食： ★★★★★★★★☆☆ (8/10)　　    ║║創　意： ★★★★★★★☆☆☆ (7/10)　　    ║╚═════════════❤═════════════╝▼ 最後來個甜品【香蕉朱古力比利時窩夫】（HK$68），完結今天一頓豐盛的聚餐。比利時窩夫跟平常窩夫最大的分別，是它是焗爐焗製的，而不是平常吃港式格仔餅的那些機器所製的，由於我們仨都沒有吃過這種Waffles@@，好奇之下就選了這個。吃後感覺得它真的還不錯，頗有新觧感，不過因為慣常吃平常的挺身Waffles，相比起這種比利時窩夫是軟身的、而且粉味亦較重（可能是配方問題？建議加多些奶/糖能夠改善一下麵粉味）。▼ 另外我們選配了香蕉朱古力，還附送了一球呍呢嗱雪糕，香蕉淋上朱古力醬，本來是絕配的，但溫度不冷不熱的，這點不太好，如果是熱/暖暖的話會更好味╔══════════ 夫人 評分 ═══════════╗║菜　式：【香蕉朱古力比利時窩夫】（$68）  ║║味　道： ★★★★★★★★☆☆ (8/10)　  　  ║║美　觀： ★★★★★★★★★☆ (9/10)　　    ║║抵　食： ★★★★★★★☆☆☆ (7/10)　　    ║║創　意： ★★★★★★☆☆☆☆ (6/10)　　    ║╚═════════════❤═════════════╝▼ 最後結帳HK$605，每人$200左右，綜觀今頓吃的食物水準算是值得的，希望將來會加入更多不同的菜式，好讓我們再帶不同的朋友來試試啊◉◉◉總括來說，今天在Little Vegas來一趟與友人的相聚，算是不錯的體驗，食物雖不算非常獨特，但水準是有的。雖然裝修過後，Menu上未見有太大變動，但Little Vegas不變的好客之道始終是令人想再重來的契機！加油！支持香港年青人的力量…查看更多

多月前曾到訪 Little Vegas 享用午膳，餐廳裝潢擺設富特色，食品亦富一定水準。今回吃過番尋味，期望重享拉斯維加斯風味及各式美食。重返店內，餐廳環境依舊，但餐牌由雜誌款轉為較平實的款式。另外，亦多了 Set Lunch 作選擇，價錢由$88至$138不等，包餐湯及餐飲。雖然 Set Lunch 普遍實惠一點，最後還是依據自家所好從主餐牌點選美食。首先來到的是黑松露野菌長通粉，賣相含蓄平實，松露芳香撲鼻。輕嚐一口，味道對辦，除松露野菌食味濃郁外，長通粉亦相當富嚼勁。醬汁味道調較亦佳，份量剛好能掛滿長通粉上又不至會水汪汪，值得推介。接着來的是墨西哥辣雞肉薄餅，以辣雞肉作主要餡料，再配上青紅椒等配菜，中等辣度，固然惹味，但相對上雞肉及芝士食味較難突出。薄餅餅底以厚批製作，不論底層或邊皮位置也不夠脆口。飲品焦糖咖啡沙冰，咖啡味道OK喇，半溶狀態下的沙冰更見滑口。焦糖置於忌廉表面，和沙冰融合度不高，裝飾作用大一點。整體來說，食品水準仍能保持，餐廳可納入再訪列。…查看更多

很多時候我們都對身處於最美好的時光不以為然，在過去很多後，才發現自己錯過了許多，這就是我們所說的青春。我們一行四個大學同學，大家畢業後都各自在不同的領域工作，幾個月才能見一次面，吃一個飯，你說這一餐能不用心好好去選一間餐廳嗎?所以我選了這一間我曾去過又覺得好吃的餐廳，彷彿讓我每一次來都想起一些和朋友間的快樂時光。不單單是環境熱鬧，也是食物的質素也很高。上次吃了水牛城雞翼後，這次點了玫瑰雞翼 Rose Wings $68，真的一點也沒有令我們失望，店方毫不吝嗇灑上玫瑰花瓣和玫瑰糖漿，除了撲鼻而來的玫瑰香味，其炸得香脆又有蜜糖焦脆口感的雞皮，讓人欲罷不能。而且，雞翼溫度非常夠熱，雞肉亦夠軟滑。這裡另一推介的pasta ---- 明太子忌廉天使麵 Mentaiko Angel Hair $92，溫馨提示大家要趁熱吃，我只是傾了一個電話一、兩分鐘而已，忌廉立時變成乾身，忌廉汁瞬間即逝，即便如此，這客pasta是不能錯過，其忌廉汁不會太濃也不太稀，而且每一條angel hair 也佈滿明太子，雖然我很怕天使麵那種太幼身的質感，但這裡卻煮得令我不抗拒。反而這裡的炸海鮮比薩No Rules Pizza $118 就麻麻，餅底太脆，脆到似餅乾，而且炸蝦和炸魷魚圈也覺太漏，芝士滿溢，不過蕃茄味不夠香，還有改進的空間。來這裡不能不點的招牌燒烤醬焗豬肋骨House Faviorite Baby Back Ribs (half) $98 ，比Ruby Tuesday 還要好，燒烤醬濃味不會太over，肉質嫩滑，而且還選用較多薯肉的薯條，也沒有炸過頭，每一條都不會燶掉，keep住水準很好! 當點了這客黑松露野菌長通粉 $98 ，我就開始質疑我那班朋友是不是太晚下班，大家都變得餓極了，所以吃了一個pizza , pasta和1/2 ribs 後，還要再order多一個pasta。本以為自己也開始飽了，卻因黑松露的香味打開了我第二個胃的胃口。 這客黑松露野菌長通粉，不單通粉的質地掌握得好，不太硬也不太軟，而且不會像一些食肆令黑松露的味道dominate整個pasta，反而還能吃到冬菇和白磨菇的香味，吃下還是齒頰留香，不能錯過。最後我點了玫瑰士多啤梨沙冰Strawberry Rose Smoothie $48，又是不吝嗇灑上玫瑰花瓣，而忌廉竟然喝了大半杯也能保持原型，士多啤梨味道和玫瑰香味balance，不過天氣未夠熱，否則我能很快就喝完。總結：晚膳完結後，朋友對這間餐館很高評價，一再感謝我帶他們來這店，所以我自己也忍不住再打多一次食評，記下我們四人笑了90分鐘的這餐晚飯! ^0^ 一間餐廳除了食物質素好，還要有好的飯腳才能成事，感謝你們讓我過了一個很好的晚上。…查看更多

因為Little Vegas曾經上過10大排行榜，都有留意過依間樓上店，不過，就一直未有衝動去試。最近睇過一位相熟食友嘅食評，讚佢唔錯，部份菜式有驚喜，所以，扚起心肝走過嚟試試。百樂中心內有好多餐廳，真喺好多人，地下大堂等電梯已大排長龍，而一出電梯，又見Little Vegas門外企咗唔少人等位，好彩小弟有訂枱，如果唔喺，侍應話最快要等成粒鐘。餐廳雖話佔咗全層，呈L形，其實唔喺好大，大概50-60個座位左右，裝修簡約，地下、牆身、枱面有唔少美國街頭式噴畫，而枱上、窗台旁又放有唔少賭城拉斯維加斯嘅相關紀念品，都喺展現出美式風情。餐牌，亦都模仿成美國報紙咁，打開頭兩版就喺嘢飲，手調咖啡、朱古力、茶類、特飲及沙冰，但卻無賣美式經典飲品嘅奶昔。之後，仲有餐湯、沙律、小食、比薩、招牌嘅全日早餐、意式雲吞、意粉、主菜及甜品，但又會搵唔到漢堡、熱狗等美式嘢。而且，食材又加入咗各國元素，例如：熱帶水果、泰式香料、意國黑醋、喇沙湯底……，再者，份量又唔似一向美式餐廳般大大份，所以，只可以形容佢環境大賣濃厚美國風，食物就集各家之大成。熱帶水果茶 $48壺之前睇過人介紹依度嘅水果茶，就番表姨甥嘅口味，我哋都點一壺，足夠兩個人享用。壺內有火龍果、藍莓、青檸、士多啤梨、橙及檸檬，茶味清幽，幾香甜，飲落幾舒暢，果然幾好飲。一路熱住，飲到尾都有一定嘅熱度，而最別緻仲有個茶壺托，喺由5個心形組成。烤意式黑醋茄子 $68小食類都較多喺燥熱嘢，但一眼就睇上依個茄子。所謂「意式」，喺加有芝士嚟焗啲茄子，此外，仲放咗少少蕃茄粒，焗好再淋上黑醋。味道上，絕對深得我心，一來，芝士跟蕃茄粒嘅配搭，濃香中帶點清新，二來，啲黑醋睇個樣已望到夠杰身，又陳又醇香。不過，啲茄子有部份比較切得大嚿，所以，有啲未焗透嘅情況出配，口感有點點硬硬實實咁。泰式冬蔭蝦幼意粉 $98店家有6款必食推介，依個泰式冬蔭蝦幼意粉喺其中之一。個意粉好有泰式風味，忌廉汁底夾雜一朕朕冬蔭功香味，有啲椰汁香，又有點辣勁，複雜有層次，味道認真唔錯。意粉煮得有咬口，蝦仔又鮮爽又有蝦味，配菜有點紅椒、露筍仔、翡翠苗，真喺估唔到好夾冬蔭功跟意粉又幾夾跍，不愧為店家推介。黑松露野菌長通粉 $98個長通粉同樣煮得啱啱好，夠咬口，而野菌好似只食到啲冬菇，而個味道主要靠啲黑松露醬提味，雖然，幾馥郁芳香，略嫌只得冬菇顯得有點單調，但整體味道依然唔錯。期間發生段小插曲，就喺個長通粉嚟錯咗個香腸拿破崙長通粉，但二話不說，好快換過一客，無話有咩不快事發生。所以，俾人感覺服務好好，此外，我哋兩個人被安排坐晌餐廳尾嘅長枱，後來有客到，同樣安排到我哋依邊張長枱，但中間隔開咗一張枱，少咗份騷擾，算安排得幾好！講開Las Vegas，就即時想起「賭」，但只賣食物嘅Little Vegas，無論食物嘅質素，抑或服務嘅水平，都稱心滿意，怪唔之得雖然喺樓上小店，門口都仍然有咁多人等位，佢哋嘅表現，可算喺有目共睹！…查看更多

歡迎來到小拉斯維加斯!!週末當然想周圍去搵好野食早前起Openrice見到不少人讚, 決定搵日來試試是日下午時段, 來到門口已有好幾個人在等位中幸好我們大約只等十分鐘便可入座門口那幅Welcome大圖畫, 已經有點進入拉斯維加斯了!入座後, 第一時間竟然不是看Menu而是被檯上的東東吸引著眼球看這個....Welcome to Fabulous Las Vegas鹽樽非常有心思然後當然是這杯每檯客人都有的JACKPOT杯就是因為看完Openrice網友推介才到來 (女生就是這樣XD)然JACKPOT內裝著的糖果零食, 全都是免費給客人食用的在我耍玩的同時, 男友已在看Menu揀選食物Menu是一份彩色的報紙有部份圖文並茂, 中英對照, 價錢都算合理由於是Bunch的關係, 雖然很多都想吃但被男友忠告, 不要眼闊肚窄, 而且服務生也說暫點兩份菜應該已足夠 (很好的不會因為想賺錢而氹我們多點)在等待的途中, 又留意周圍環境這裡有窗邊座, 邊食邊看風景很寫意第一道菜來到: 黑松露野菌長通粉 $98素食者也可食用!賣相整潔清楚!香噴噴的黑松露上檯時已聞得到, 而且份量也不吝嗇長通粉煮得恰好! 有咬口那種, 很有水準至少見到有兩種野菌, 配上香濃的野菌白汁很好味呢~Pizza製作需時, 我們吃完長通粉後也要等上好幾分鐘才上檯這個避風塘魚夫比薩, 是被Menu上的圖片吸引因為我鐘意吃香口煎炸食物Pizza以炸墨魚圈及炸蝦為材料 (第一次試呢) 很特別內裡還有蟹柳, 洋蔥, 辣蕃茄醬, 芝士配千島醬汁很新鮮, 炸物全都很脆口, 但不會吃到一口油!餅底是傳統有厚度的, 餅邊也焗到脆脆的也喜歡Little Vegas每道菜上也加上很多沙律菜平衡那些油炸熱氣感平時有點怕吃墨魚圈, 是怕太韌像橡筋般但這個意外的用刀就可以切開最後的"眼淚咖啡" $34詢問過才點, 這是海鹽咖啡來的同男友都未試過, 所以點來試試香濃的咖啡, 細味下真的帶一點點的咸味, 但不會很搶!其實在Menu上看到的甜品也很想吃可是....兩份菜已吃到我倆捧著肚子了所以決定下次會再來, 再拎JACKPOT!…查看更多

很喜歡帶媽媽去覓食，尤其是到在openrice排行首三位的Little Vegas，在相差不到一個月，又再到訪，為的就是只會出現在晚上的招牌燒烤醬焗豬肋骨。 不想阿媽同阿囡等太久，所以趕六點來排隊，幸好剛開始人龍，不用等位便可入座，開始90分鐘的用膳時間。這裡的裝潢真的很斑斕，今次坐到轉角的座位，看到另一番色彩。 菜單上實在有太多選擇，每款都想點，慶幸招牌燒烤醬焗豬肋骨可點半份，可給我胃子更多空間嚐試不同菜式。招牌燒烤醬焗豬肋骨(半份)，份量亦不少，豬肋骨塗上惹味燒烤醬，帶丁點微辣，骨肉易分離，燒烤得宜，不會吃到肥膏的油膩口感，容易咀嚼，旁邊的厚切薯條不會太乾身，帶有少許幼鹽味，這道菜相當抵食。 另一抵食的，就是小食拼盤(半份)，亦是encore菜式，司華力腸帶點微辣，芝士大磨菇，今次放的芝士比上次多，感覺更好味，磨菇沒有被烘過火，仍是嫩嫩的保持著水份，不錯。茄子上舖著芝士與蕃茄亦同樣好吃。 黑松露野菌長通粉，濃香撲鼻，醬汁份量剛好黏在每條長通粉上，你以為沒有其他配料嗎？其實有大量的野菌菇，不會好寡；長通粉是剛好由硬變軟的狀態，咀嚼得起勁。時令鮮果窩夫，這裡的窩夫是薄身的，雖然不像厚厚的那種窩夫有蛋漿香味，但我倒喜歡這種，起碼吃完多款主菜後，我還可吃下這個窩夫，鮮果伴有熱情果汁，酸酸甜甜的，與雲呢拿雪糕放在窩夫上來吃，很滿足! Rose Latte， 咖啡與玫瑰花碎比例完美，不會令咖啡變酸，滲出陣陣芬芳，入口順滑，玫瑰花碎下隱約看到拉花，好美的一杯latte。 …查看更多