籽樂廚房

係屋企煮得多，有時都想偷下懶。原來係屋企都可以食到餐廳級水準 俾我發現到呢個斧頭扒套餐實在太吸引！出面餐廳食一舊已經要呢個價錢，而呢個套餐仲包埋其他mains、前菜同甜品最正既係tomahawk 套餐竟然可以揀近近年大熱既ketodiet 🥰 用椰菜花做飯🍚 zucchini 做麵🍝 連甜品都係最潮既Basque burnt cheesecake 🧀 真係好夠誠意💛好適合對diet 講究既你😛美國安格斯斧頭扒生酮外賣四人餐 ($1098)：低碳杏仁麵包🍞配牛油🧈x8杏仁麵包第一次食，係gluten free，口感又幾得意。忌廉番茄湯🍅/忌廉蘑菇湯🍄x4兩款都係濃湯，好香好足料 忌廉比例剛剛好，唔會太膩。燒巨型美國安格斯斧頭扒🥩(32oz)斧頭扒送到黎都仲係好多汁🥩 生熟程度拿捏得好好, 外層燒得好香好有肉味😘生酮溫泉蛋卡邦尼意粉🥒(翠玉瓜)翠玉瓜麵好爽口，原來掛汁都一流，食唔停口黑松露野菌🍄意大利飯(椰菜花)黑松露落得好重手，唔駛肉都已經好香。椰菜花切得夠碎且煮得夠腍，真係幾似risotto既感覺。巴斯克焦香芝士蛋糕🧀自己整過就知要落好多cream cheese同cream，係香港買呢d材料一d都唔平，而餐廳竟然係set dessert放呢個蛋糕，CP值爆燈因為我地六個人，所以嗌多左一個set dinner。一人份set dinner係$128，有十款八款揀，我地揀左豬手，個皮燒得好脆，肉又多，仲有薯仔同酸椰菜，仲有蒜蓉包同湯送，一個人都要好大食先食得哂。…查看更多

同朋友喺星期六晚上6點入座，坐到9點先走。三個女仔叫左兩個set dinner食到好飽好飽，大家一致認同呢間餐廳有良知又有質素，可以encore！Set dinner包左餐湯、包、主菜、飲品、甜品。蕃茄湯有濃濃蕃茄味，蒜蓉包有好香蒜蓉味！Pizza加咸蛋黃點綴左個味道，估唔到同芝士又幾夾，唔會兩者互相蓋過個味道。野菌黑松露飯好香好creamy！餐廳員工好nice，又會教我地手語。坐得耐又舒服又好味又有良知，一定會再去…查看更多

黃店 💛 #籽樂廚房 #尖沙咀 #佐敦🟡 獲好鄰舍認證，參與手足食飯計劃🟡 數次罷市🟡 出post表態🟡 雙11罷工、開放餐廳及提供免費食物比有需要嘅人🟡 曾捐款到星火、立場🟡 售賣「荃里扣」🟡 店內有文宣及連儂牆⚪ 聘請聾啞人士今日同幾個中學同學黎到籽樂廚房聚吓舊，呢間餐廳唔止黃，仲提供工作機會比殘疾人士，睇得出老細好有愛心。而且呢度枱與枱之間有塊勁高嘅膠板相隔，唔洗擔心武漢肺炎。呢度嘅嘢食偏大份，我哋6個人叫咗4個餐，再加兩杯嘢飲已經好夠飽。餐有跟餐包、番茄忌廉湯、自選沙律、自選甜品。🍄 B. 黑松露野菌意大利飯 餐 （$238）意大利飯聞落好香黑松露味，但食落反而覺得似蒜香，我自己覺得有啲out of expectation嘅，但朋友們反而好鍾意，佢哋話黑松露唔係個個食到咁濃咁重口味，聞落香已經好正～飯嘅濕度軟諗度我都覺得啱啱好，抵讚！🍕 C. 12吋鮮蝦鹹蛋黃醬焗芝士薄餅 餐 （$288）Pizza外型好靚，係個薄皮嘅脆批黎。上面有芝士、蝦同沙律菜，仲切開咗八等份，係每份一隻大蝦！食落好香鹹蛋黃味，見到上面甚至係有啲鹹蛋粉喺度，好夠香同夠味，正！🍝 E. 去骨雞髀肉配芝士忌廉汁螺絲粉 餐 （$288）去骨雞髀肉十級正！勁大舊又好嫩滑，去曬骨啖啖肉，好香好入味，超級推薦。而且平時好少食到螺絲粉所以就叫咗，加埋芝士忌廉汁好creamy～🍖 F. BBQ汁燒原條西班牙黑毛豬豬肋骨 餐 （$388）ＯＭＧ！豬肋骨勁勁勁大條！覺得呢個絕對絕對唔係一人餐嘅份量，可以兩至三個人食都冇問題（加埋餐湯、餐包、沙律、甜品）。佢食起上黎比起外面其他餐廳嘅豬肋骨冇咁重口味，但肉質嫩滑易切，而且採用黑毛豬，十分有誠意。🐣 黑松露蜜糖雞翼（6隻）（$88）另外我哋仲加咗$88要多六隻雞翼，雞翼每隻都好肥美，感覺啲肉超級膨脹，正啊～聞落有我最愛嘅黑松露，食落又有甜蜜嘅蜜糖，可能係最好食嘅雞翼！焦糖咖啡都好好飲 <3<3<3…查看更多

📍籽樂廚房 #happytreats_tst ✨✨✨✨✨✨✨✨✨✨✨✨✨✨✨✨✨🍳鮮蝦鹹蛋黃焗芝士薄餅 $288鹹蛋黃醬同芝士都好足料🥳每一啖都好罪惡😹pizza底薄脆，邊邊都唔會太乾☺️鮮蝦就係雪藏貨，味道正常~-🍚黑松露野菌意大利飯 $238做到意大利飯軟中帶硬嘅口感！菇菌味亦都好出，黑松露味可以加強返少少😬稍嫌食多左味道有啲單調，如果同friend share唔同嘢食就冇乜所謂啦😜-呢間餐廳會特登聘請聾啞人士，去到餐廳可以見到啲手語小教學，方便大家點餐🙆🏻‍♀️但可能因為咁，所以上菜速度真係比較慢少少，我哋都等左半個鐘先有餐湯😳整體味道都有中上水準，但係定價的確比同類型餐廳貴少少~但我覺得呢啲咁有企業良心嘅餐廳，可以去支持下!!💛💛晚市openrice有八折優惠㗎😛😛…查看更多

其實一直都有bookmark想試吓 #籽樂廚房 呢間社企餐廳，再到呢度受疫情影響，生意大受打擊，所以終於的起心肝嚟幫襯下！🤪網上見到set lunch menu價錢合理，冇留意到原來set dinner比起其他同類型嘅餐廳貴，不過佢份量比較大，我哋四個女仔share左三個餐都超飽～而且openrice有discount，折咗之後平均每人$200左右。不過呢度嘅上菜速度真係超！級！慢！我哋大概等左30分鐘先有幾塊蒜蓉包食住等，再過多15分鐘先有沙律食，唔知真係以為自己去咗fine dine！🤣可能係因為星期五嘅夜晚特別忙，但真係有少少接受唔到嘅慢。整體來講，食物質素okay唔錯嘅，但又未好食到我超級推薦大家嚟～覺得可以用平啲嘅價錢食同類型嘅食物😛.Always wanted to try this social restaurant 😋 checked out their lunch sets and the prices seemed decent 😆 but didnt realize dinner was this exp 😮 the portion sizes were big, we shared 3 meals between 4 people and we were super full 🥘 but one down side was that we waited a long time for the food to come out 😂 it felt like we were eating a fine dine 😔 overall, its alright but i wont highly recommend it ~ i think for a similar price u can get better quality food.《12吋鮮蝦鹹蛋黃醬焗芝士薄餅》$288 😋😋pizza係屬於薄批嗰一種，食落幾香脆。略嫌鹹蛋黃醬令到成個Pizza有啲乾，不過芝士份量都足夠，拉到絲架🤪不過上到枱嘅時候Pizza只係暖暖地，唔夠熱。.《黑松露野菌意大利飯》$238 😋😋食得出意大利飯裏便撈埋左好多種唔同嘅菇類，特別欣賞有雞髀菇！！不過黑松露味就唔夠重，再多啲會更加香～意大利飯嘅口感都算有咬口，唔會過汁，再配埋creamy嘅醬汁，都幾開胃！🥰.《去骨雞脾肉配芝士忌廉汁螺絲粉》$288其實雞肉同埋螺絲粉都煮得好好食嘅，但就係兩樣野加埋一齊嘅感覺唔係好夾。雞肉有少少係茶餐廳食飯咁放上去意粉上面。芝士忌廉汁有好濃郁嘅芝士味，睇得出放咗大量芝士！！.《甜品》甜品真心麻麻地，無論係賣相定係味道都有啲似平時k lunch任食嗰啲😅.#籽樂廚房📍#BELLYwongs_jordan.#BELLYwongs_western #BELLYwongs_pizzas…查看更多

山林道有好多美食好多人未必知道，最近聽到原來呢到都有社企餐廳，而且係聾啞人士有份幫手既西餐廳，所以就同朋友一齊來試下，也支持一下本地的社企。因為在香港呢個地方，要持久營運一盤社會企業生意，真係唔簡單，真係要靠多D本地人支持先得~!餐廳地點交通方便，地鐵出左行入山林道就到，沿途有好多餐廳，真的目不暇給，在一幢好高既銀座大廈3樓，就是今日我地既目的地了。上到去餐廳既空間感好強，設計是簡約舒適風格。一入去就有同事招待，也見到有年青的學員在實習。晚餐套餐都是四道菜的MENU，價錢由$238-$308再加一，包一普通飲料。是日餐湯是非常濃郁的蕃茄濃湯, 好多蕃茄肉，口感好RICH, 大愛~!!呢個餐包蒜泥多士真係一絕，好香蒜味，兩片多蒜另兩片就少蒜，適合不同的人士。煙三文魚沙律，玫瑰花形的三文魚好靚，而且好別緻，廚房的朋友真的很用心製作呢哈蜜瓜巴哈馬火腿沙律，配既沙律醋汁醬甜酸開胃。黑松露野菌意大利飯$238 好CREAMY，而且飯粒煮得煙革刃有口感，質素唔錯。安格斯牛肉芝士漢堡配薯條$268，好大份又好厚的牛扒，蕃茄也是厚厚的，美味的芝士夾埋都非常可口。咖啡香濃不用加錢，好飲。甜點有3款可供選擇，我們點了BROWNIE同CHEESE CAKE, 店員好細心咁為我地CUT了一半，我地都可兩款都試到。BROWNIE比較好食，濃味一D，CHEESE CAKE就淡一D, 不過都好就係冇咁膩。晚上眼見都有好多人訂左位來食的，似乎都好受歡迎。價錢呢D唔係平，不過質素都好高，令人眼前一亮。…查看更多

朋友介紹呢邊有間社企餐廳好適合我而家需要調整嘅心情，山林道行冇幾分鐘，就嚟到餐廳樓下～社企餐廳，有部分員工聽覺或者說話能力有不足，但完全冇影響服務質素，甚至可以講比部分餐廳更好。細心位係有個簡單手語介紹，有興趣嘅可以學吓，嘗試用手語同侍應溝通。餐湯配蒜蓉包 - 有薑味嘅南瓜湯，啱晒鍾意薑味嘅我，好特別。蒜蓉包熱辣辣，鬆軟得來淡淡香蒜，口感味道一流。巴馬火腿伴蜜瓜田園沙律配無花果黑醋汁 - Parma Ham 油脂不多，味道濃郁，沙律用料新鮮，無花果黑醋酸中帶甜，整個配搭唔錯。芝士煙肉焗蠔 - 芝士厚厚蓋住，咸咸地嘅芝士同鮮蠔好夾。黑松露野菌意大利飯 - 濃濃黑松露同野菌汁好均勻，淡淡野菌同黑松露味，而且我覺得餐廳配合左香港人口味，無真正意大利飯咁硬。即磨咖啡 - 有淡淡果香味，證明咖啡豆選材不俗。Brownies - 濃濃朱古力味，每一口都有果仁。坐坐下，有對情侶入座，冇幾耐，又有一班知己朋友聚會，呢度真係一個美味同深層意義嘅地方。…查看更多

有朋友介紹我一間有少少親子成分的餐廳，唔使同人迫，野食又v good 的餐廳，會聘請弱勢社群，仲要係TST，一聽好吸引，今日同老公接埋囡囡放學，一齊去食。一上到去，空間感好大，餐桌擺放不密集，樓底高，中間仲有半開放式廚房。我哋order左兩個lunch set,加兩個小食，一個甜品，非常夠飽，餐飲轉cappuccino加10蚊，但杯咖啡好好飲，值得加錢。我們order左黑松露野菌意大利飯，德國黑椒豬手配意粉。套餐跟蒜蓉包，餐湯。蒜蓉包塗抹均勻，而且保留中間的柔軟，好好味。是日餐湯係甘荀忌廉湯，雖然係跟餐，但一d都唔hea, 有晒拉花，忌廉味同甘荀味道好夾，好好飲，但囡囡掛住去個corner玩，冇試到。小食加了芝士煙肉焗蠔，黑松露蜜糖雞翼， 每款兩隻，15蚊一款，賣相味道兼容，焗蠔仲有鮮味，冇縮到水。黑松露蜜糖雞翼又甜又肉嫩黑松露野菌意大利飯拌入了多種菌類，有磨菇，牛肝菌，雞肶菇， 洋蔥粒等， 餡料豐富 。飯粒外軟內韌，很Creamy，加上黑松露的獨特香氣，令人食指大動。德國黑椒豬手配意粉， 豬手外皮好脆，肉入味，一D 啲都唔鞋/乾，而且已經去骨。意粉另加8蚊配，係有質素的蕃茄意粉，唔係就咁俾d冇味意粉。加十蚊的熱caapuina香濃咖啡味，唔落糖一樣好飲，仲健康d.甜品加$12,有4粒士多啤梨泡芙,囡囡最有心機就係食呢個。喺度食飯，環境好，食物優，有悠閒寧靜的感覺，價錢合理，美好的一餐…查看更多