大滾友火鍋

元朗除咗老婆餅，其實都有好多邊爐打，大熱天時，個人滾到㷫烚烚打個邊爐進補祛濕都得，呢間火鍋店質素都幾好呢煲花膠雞湯，非常抵食，一煲有勁多花膠，食極都食唔完，塊塊都好大塊雞肉煮熟另上，食嘅時候先加熱，咁就唔會煲爛晒，仲好嫩滑。初初煲滾飲返頭一兩碗湯，好入味香濃打邊爐又點可以冇肥牛呢？雪花肥牛非常之靚仔淥滾佢肉質彈牙，牛味濃郁伊比利亞豬肉不遑多讓，鮮味媲美牛肉，雪花均勻具肉香如果想有澱粉質落肚，何解唔食餃子呢？呢間啲餃子幾別出新意，黑松露加蟹肉香味撲鼻，仲有啲蟹膏𠻹墨魚丸同樣係好特別，打得好彈牙裡面包住好大pat鵝肝，齒頰留香雜菜拼盤好大兜，蔬菜種類林林總總，有菜有菇，而且顏色鮮艷翠綠，口感好爽，睇嚟幾新鮮飲埋自家製竹蔗茅根，下火又解渴，頓時覺得冇咁邪惡

好耐有打過高質邊爐，呢排開始凍就想黎滾一滾，入到黎一坐底就聞到好香嘅椰子味，原來係而家新出左個椰子雞蕃薯蜆濃湯鍋，但母親大人琴日先煲完雞湯，所以今次就唔簡雞湯住啦，留返下次有機會先。今次簡冬瓜瑤柱鍋，鍋中間有大大個冬瓜，而冬瓜上面有素翅，雞肉、蝦、蟹柳等。煲到咁上下嘅時候店員就會過黎幫手將冬瓜切開，之後就可以開始打邊爐啦。冬瓜令到湯底鮮味提升， 清甜美味，不油膩， 感覺好健康， 用來做火鍋湯底認真一流手打蟹子鮮蝦丸好彈牙，蝦味夠濃郁。手打蟹子墨魚丸一樣好彈牙，但唔同在中間會有墨魚粒令質感更豐富。日本稻庭烏冬用黎吸收個湯嘅精華一流，煮完之後嘅烏冬勁好食，所以之後再encore 一次烏冬食。山水滑豆腐用左百福嘅滑豆腐，食落真係好滑。黑松露蟹肉餃黒松露味好濃，咬開見到一絲絲嘅蟹肉，正。紫菜腐皮卷炸得好香脆，就算煮完之後都唔會淋晒，keep 得到酥脆。

呢幾日打風好似又涼涼地咁不如去打邊爐啦坐低揀好湯底就有醬料架揀醬料自己最鍾意就係蔥同埋炸蒜🤤•櫻唇半特色卜卜蜆鍋 $198上枱勁震撼配料有超多🤤芹菜同蒜蓉底下嘅蜆又係勁多勁多🤨湯底好鮮甜 ! 我一開始飲左好多 @_@食完蜆都飽咗一半🤤爭d配料都食唔本地手切牛肉（頸脊）平時食開嘅頸脊比較薄身呢度係厚切，牛肉有咬口同重牛肉味•即炸黃金響鈴 熱辣辣超級脆🤤尋一下湯底即刻拎起索晒到鮮甜嘅湯仲keep到脆卜卜•厚切午餐肉午餐肉有炸香過唔會話一淥完說淋晒都幾有心機•黑松露蟹肉餃皮薄爆餡多淡淡嘅黑松露味同啖啖蟹肉•娃娃菜揀娃娃菜係貪佢可以索湯🤤🤤🤤結果呢一餐超飽！

大家係咪無諗過夏天熱辣辣走去打邊爐呢，今日我決定一反傳統，深入虎穴，講笑姐，不過打邊爐就係真既，皆因呢個呈鮮黃色既冬瓜湯真係引死人，飲完真係成個人舒服哂，個人都降哂溫冬瓜盅用左好多材料去調味，有蟹柳、大蝦、仿魚翅、雞肉粒，當然唔少得主角冬瓜啦影完靚相後，職員不忙張原個冬瓜切件，一黎就可以再拎個湯濃味d，二嚟我地可以方便食用係打邊爐前緊係要整返碗靚湯飲下先啦，d湯料真係夠哂多，我忍唔住飲多幾碗，最後要搵職員加湯添呢度既餃類都係原創，等我咬開中間俾大家望下有咩餡料原隻大蝦加左d肉成粒兵pong波咁大既手打丸你又見過未？左邊白色既係墨魚丸$98，而右邊灰色既係蝦丸$98，兩款手打丸真係前所未有咁彈牙，我諗可以當波打都應該冇問題雖然個湯底同鴨血就唔係好夾，但我撈完鴨血之後我再將佢浸落去我自製既麻辣醬就真係絕配最後呢款新鮮熱辣辣整起既咸蛋黃魚皮真係要推介俾大家，平時零食就食得多，即製熱食原來係咁鬆脆，我即頭當小食咁食，冇張佢放湯打邊爐，夠哂源汁源味

中式火鍋一直都係我既至愛，今日就俾呢間好古式古香既火鍋店吸引左打邊爐個煲都唔同d，一埋枱就煙霧瀰漫，仙氣逼人，皆因餐廳係煲內放左乾冰，夠哂架勢，係一個好好既打卡位湯底好鮮甜，混左大蜆同白蜆，仲莞茜同芹菜辟哂d腥味，我都飲左唔少湯響鈴係即炸既，所以唔使放湯都可以即食有咸蛋黃既響鈴就真係第一次試，真係就咁食都好夠味手打滑真係要推介俾大家，全部都真材實料，呢款入面仲有d瑤柱添呢款就有好多蟹籽實卜卜既餃一咬開就有好多蟹絲同濃烈既黑松露味好少地方食到既鴨血我係呢度竟然俾我搵到

淨係睇門面已經冇得輸，勁有中國古代氣式，仿如置身於古代世界咁。入到餐廳都貫徹左中國風既味道，所有既枱、檯、吊燈、屏風、什至碗碟都採用青花瓷既款色都係好古代風，裝修佈置值得一讚👍🏻影相一流坐低之後，就係俾一碟青瓜前菜🥒，仲見到枱面已經有不同既鼓油配料俾大家任君選擇：蔥花、辣椒🌶️、芝麻、莞茜等等。大家會好好奇相片既左上角，見到有一壼好似茶壺既物體，其實呢個係鼓油黎ka🤪真係玩味十足。由於我地唔係好食得辣，我地叫左個滋補養生鍋，就係美顏花膠雞鍋喇🤩個煲勁有氣勢，有🐲兩個龍頭🐲間鋪頭真係好細心，因為湯同花膠分開上，唔會放埋一齊落個湯底，侍應等個湯水滾之後，佢會幫我地將大舊既花膠剪開、放落個湯度，仲會建議我地先飲個湯底。個雞湯真係一流😍，好香又唔油，又鮮甜我都忍唔住飲左兩碗先開始烚下烚下😝真❤️推薦👍🏻雪花牛肉雪花分佈平均，烚既時間唔需要太多，好嫩口，而且牛味十足。雜菜併盤菜類新鮮豐富，有蓮藕，蘆筍，粟米🌽，生菜🥬，木耳，蕃茄🍅等鍾意食唔同種類既蔬菜，又想樣樣都試下，呢個就好適合大家喇黑松露蟹肉餃呢個好足料，有好香既黑松露味、多蟹肉，整熟左之後都冇散開😋😋奶凍最後餐廳仲送甜品🍮俾我地，好滑好好食總

※本文以用餐當日的環境、服務和食物質素為準，口味亦因人而異，文章只作參考之用。-前排發覺友麵子舊址轉左做一間火鍋店，仲同樓上既任食倫哥火鍋打對台，不過呢間火鍋店個名令小妹印象深刻，玩食字叫「大滾友」火鍋！開玩笑一問：係咪唔正經場所黎？！放心絕對正經，仲可以大家齊齊出去滾滾下。前身麵店鋪仔細細，估唔到裝修到咁古色古香和企理。我們被安排坐卡位坐得頗舒服，店員服務態度都很好，去食個時餐廳仲係試業期間，就係上菜速度有大大改善空間，希望正式開業會更加好。前後兩頁紙的點菜紙，排版上又頗盞鬼的。火鍋湯底有「花膠雞湯」、「麻辣卜卜蜆」、「黑胡椒肉蟹混濃湯」、「花雕藥膳雞湯」等；另外仲有款式幾多的火鍋配料，比較特別有咸蛋黃炸響鈴、花雕浸牛肉、鵝肝墨魚丸等，仲有以餃子為主題的「今晚餃唔餃」見到個大標題都忍唔住笑左！（醬料$20/位，另收加一）不得不說既係呢度既鍋超有氣勢，兩邊都有個龍頭造型對住你。半隻花膠雞湯鍋 $288想食花膠雞湯一段時間了，上枱時，花膠同雞係同鍋湯分開既，店員會幫手剪細花膠放落鍋裡，滾多滾可以先飲左雞湯同食花膠先。雞湯入口唔會話好濃味，飲到既係陣陣雞湯既鮮味，覺得係無落味精的，仲有軟綿