Flames (黃埔天地)

營業中

休息中

約咗兩個朋友食晚飯傾下計，隨便揀咗呢間西餐試下，睇相環境都坐得舒服，OpenRice訂位又有折(正價餐牌7折)，所以就揀咗佢。但估唔到我一早訂咗位都要坐近門口，當晚仲要成間餐廳冇乜冷氣。入到去都full house，所以又熱又嘈，未食野先大打折扣。Menu選擇唔算多，我地小食、扒、意粉、pizza各叫一款share，再一人一杯mocktail 。黑松露薯條即炸嘅，但黑松露醬得好少，就係得面頭有味，所以食咗面頭果啲，後面就同普通薯條點茄汁冇分別。我個人偏向鍾意薯條還薯條，另外配黑松露醬黎點。蟹肉巴馬臣芝士脆脆蕃茄忌廉汁通粉通粉質地煙韌，蟹肉都幾多，蕃茄忌廉汁好啱配長通粉，另外面頭脆脆唔單止加咗口感，仲有微微咸香。意式辣肉腸薄餅薄餅質地似手工pizza，偏煙韌。即叫即焗，食落芝士可以拉絲，薄餅邊都脆。唯一佢每件pizza塊辣肉腸上面都加咗粒辣辣嘅蕃茄，唔食辣嘅要留意下。10安士肉眼扒配忌廉薯蓉先試薯蓉好滑好creamy。肉眼扒叫咗5成熟，小小肥，食落牛味算重，亦唔鞋口，熟到啱啱好。但都係普普通通嘅質素。整體環境都冇我想像中咁舒適，偏嘈，冷氣唔夠。食物質素就普普通通。如果冇折食，好貴，唔太值

農曆新年紅假最後一天，第二日就開始番工，加上情人節迫近，所以同屋企人提早食情人節飯☺️。雖然餐廳二人餐做緊六折，但我留意到用訂座平台 Book枱嘅話，主餐牌有五折😍，啱哂我地可以揀自己想食嘅野。晚上5點半到達，當時客人唔多，被安排望街景嘅座位，我地四個人坐圓枱有少少逼夾。我地叫左三個主食加一個小食，半價後連原價加一$500都唔駛，非常抵!!😏16oz肉眼(五成熟) $448牛扒大概1吋厚，肉質非常軟淋，牛味唔重但濃肉味同炭燒香。簡單用鹽調左味，所以唔沾個醬已經好夠鹹。忌廉薯蓉質地細滑，好有奶油香。廚師推介嘅意式辣肉腸薄餅 $158呢個PIZZA外貎令我諗起之前喺中環食果間Fiata Pizza🤗，個批邊同樣焗到焦黑、脹卜卜、夠乾身。食落當然完全唔一樣啦!! 😅不過呢個批用料充足，批邊微焦脆、焦香，食落唔油膩。炸魚薯條配他他醬 $158炸魚大件又厚身，食落無腥味；不過醃料較中式，花雕酒味幾濃😂最中意餐廳用有皮嘅粗薯條，灑左少少紅色粉，我估係另一款名叫澳式雞鹽薯條味，可惜唔熱又唔脆，估計係等埋炸魚所以放耐左。由於我地係薯怪，所以最後加多個黑松露薯條 $58呢個薯條新鮮炸出嚟，熱辣辣!! 外脆

與好姊妹飯聚當然要找個坐得舒服環境又好的地方剛好同行朋友是這家餐廳的會員，單點餐牌會有8折優惠所以就決定吃這家吧～由於同行朋友不能吃太生，所以牛扒這次要了7分熟，熟度控制的不錯牛扒是肉眼的位置，所以肉質軟嫩不會有筋位，肉香味濃，個人覺得不用點醬也好吃三文魚籽好新鮮～每粒都漲卜卜，咬開好濃既三文魚香味而且一點腥味都沒有～龍蝦汁口感creamy，全部連同意粉一口吃下去口感味道豐富分量很足的沙律，沙律醬和生菜是先拌好再上的，不怕會有自己拌不勻的情況醬汁分量剛剛好，雞胸肉因為是慢煮，所以不會乾柴，肉質濕潤薯條是現炸的，黑松露拌勻了在薯條身上，油炸的餘溫讓黑松露的香氣完全的揮發了出來，不但吃起來香，聞起來更香黃色的是餐牌推薦的雞尾酒，用了伏特加作為基酒，酒味很濃紅色的是無酒精雞尾酒，有很多草莓果肉在裡面，加了梳打水，酸酸甜甜的味道和草莓通紅的顏色很適合女生的口味

同老公去咗黃埔食Lunch ,我想食Pizza, 搵到間好近黃埔站的西餐廳，中午12 點左右入去已經好多人，店員安排左我哋坐落地玻璃旁邊嘅圓枱坐得幾舒服。🧡巴馬火腿火箭菜Pizza 🍕🧡新鮮熱辣出爐，上枱時會放上一個架盛起，pizza的材料好足，Parma ham 大大塊，仲有好多火箭菜、車厘茄、芝士等，個餅底質地好食，pizza餅個邊邊位外脆內鬆款，厚度啱啱好。🧡黑松露蘑菇扁意粉🧡個汁好creamy ，每條麵都均勻沾滿汁，黑松露味好香，意粉質地煮得剛剛好。🧡黑松露薯條🧡佢D黑松露唔係好似平時D沙律醬咁，係真係一舊舊咁加落去好足料，薯條炸到好香脆，就算唔點茄汁都已經好好食。份量好多，3 様嘢我哋兩個已經食到好飽☺️本來仲想試吓佢地嘅甜品，但係太飽食唔落冇叫了😂

又出去lunch time🤤估唔到幾抵食又足料又好味🤩最平嘅lunch set $68都有 （餐牌係最後）同事叫左卡邦尼意粉 好大碟 我試左啖都好好食😍🍕 (LUNCH SET) 新鮮黑松露蘑菇薄餅 （配茶/汽水）$88lunch嚟講係相對少少貴 但一出菜個陣 嘩左一下🤣 真係好多菇 好多真係一塊塊嘅黑松露 睇到聞落已經🤤pizza新鮮整起 餅底係薄底 食落脆脆地帶少少煙韌口感 好食😋🍟 黑松露薯條 $58勁誇張嘅黑松露🤩！平時好多都係用黑松露沙律醬 但呢個真係一舊舊嘅黑松露係薯條上面 加上薯條新鮮炸起 熱辣辣痴住啲黑松露 勁濃勁好食😍呢個價錢完全係抵食🫶餐廳好近黃埔站 環境都好舒服 座位好坐 坐耐啲傾下計都唔錯👍

餐廳開放式廚房格局，座位寬敞舒適，讓人感到舒適放鬆，係同朋友放工後食飯好地方。香辣炸雞雞肉炸得外酥內嫩，沾少許特製香辣醬非常惹味。黑松露薯條薯條炸得剛剛好，上面撒上大量黑松露，黑松露既香味讓人回味無窮。香燒粟米巴馬火腿蔬菜沙律配搭獨特，燒粟米香甜，巴馬火腿既鹹香味，再加上新鮮既沙津菜，非常清新。卡邦尼薄餅即叫即整，上面鋪滿左意式煙肉．鵪鶉蛋，意大利奶酪芝士，忌廉，巴馬臣芝士，馬蘇里拉芝士，非常豐富，薄餅烤得微微焦黃，咬落去口感鬆脆，意式煙肉既鹹香同鵪鶉蛋既滑嫩完美地融合，加上各種芝士既濃郁口感，每一口都好享受。

今日約咗一個朋友喺黃埔附近聚下，行過見餐廳環境幾適合傾偈，可以坐得好闊落同埋舒服，所以我哋揀咗依間餐廳食晚餐。主菜: 新鮮黑松露蘑菇薄餅素食之選薄餅。Pizza啱啱嚟到，我哋就可以聞到好濃郁嘅黑松露味同埋芝士味🤤🤤薄餅芝士拉絲好吸引，食落口芝士味好濃郁，薄餅底偏厚身，所以食落口夠飽肚。主菜: 蟹肉巴馬臣芝士脆脆番茄忌廉汁通粉通粉好creamy, 食落唔會好漏，每一啖通粉都有滿滿嘅蟹肉味，加上啲脆脆，口感立即有提升。Mocktail: Flames Lemonada & Tropical Punch同朋友傾偈，點可以冇嘢飲。呢兩杯mocktail, 都各具特色。我鍾意偏甜，所以Tropical Punch 係一個唔錯嘅選擇。而朋友嘅Flames Lemonada 就偏向清新。小食: 香辣炸雞傾偈除咗嘢飲之外，小食都不可以缺。首先我哋叫咗依一個香辣炸雞。炸雞炸得好香脆，但裏面嘅雞肉仲好嫩，而且仲有好多肉汁。小食: 黑松露薯條另外我哋仲嗌左一個黑松露薯條。薯條炸得啱啱好，食落口唔會太硬，幾乾身，加上有好濃郁嘅黑松露，非常香口！👍🏻

公司要清假, 終於可以休息, 可以約好朋友食飯聚舊。朋友係紅磡返工, 大家都想坐低慢慢食慢慢傾計。地點我揀左係黃埔花園2期錦桃苑地下的 Flames。最好可以係Openrice訂位及儲Asia Miles。餐廳係錦桃苑地下位置, 一半位置面向街外, 我預約了6:30, 職員安排了面向街外的靚靚半圓坐位, 自成一角。餐廳裝修華麗整潔, 裝潢時尚。天黑的時候, 街外的繁華景色同餐廳內的寧靜變得相映成趣。職員遞上餐牌, 餐牌有分套餐(2人餐及4人餐), 單點食物, 甚至兒童餐都有。飲品方面選擇多 (有Cocktails及Mocktail等等) 我地最後點選了 :12安士紐西蘭安格斯肉眼扒配忌廉薯蓉 $298巴馬火腿火箭菜薄餅 $158黑松露薯條 $48飲品 : Flames Lemonada $68是日蛋糕 : Blueberry Cheese Cake $68職員態度親切, 係我地選擇飲品時會殷勤介紹, 面有笑容又主動為我們添水 (外面天氣太熱了, 一定要補充水份), 送食物時亦會說出食物的名字, 細心又貼心黑松露薯條 $48薯條炸得金黃, 亦是我中意的粗身薯條, 配上黑松露粉及醬在上面,