Coti the Bistro (企業廣場)

好少會過嚟九龍灣工業區呢邊，朋友介紹呢間西餐唔錯，就專登揸車過嚟試吓，附近都幾多停車場，對揸車人士來講非常方便。餐廳坐落於商廈之中，都算易搵，我哋六點左右去到，唔係好多人，當我哋走嘅時候已經坐滿左八成人。呢度嘅咖啡種類非常多，比較少見嘅例如遊戲檸檬咖啡、Tiramasiu咖啡、焦糖布甸咖啡都有，對於鍾意fusion咖啡嘅人嚟講，好值得探索一下。老公叫咗杯flat white，賣相就普通，不過味道唔錯，咖啡味都幾濃。我飲個杯就好特別，咖啡果皮茶配蜜糖係侍應推介。個味道真係好特別，有少少似涼茶，配左蜜糖就減低左苦澀味。晚市我哋叫咗兩個主菜，包左餐湯同埋沙律，餐湯係羅宋湯，味道都唔錯，幾足料。沙律細細兜，但係有啲藜麥及橙肉，幾健康。黃金蟹肉闊條麵（ $92 ）蟹肉分量唔算好多，不過就配上牆腳蟹柳，而且加入左鹹蛋黃，原來鹹蛋黃同忌廉白汁個味道都幾夾。忌廉白汁唔會太膩，有濃郁牛油味，意粉份量都唔少。牛油果軟殼蟹漢堡配蜜糖薯條 （$108）軟殼蟹己有驚喜，都幾大隻，而且外面脆卜卜裏面都幾Juicy。…查看更多

又同同事過黎食飯啦,今之兩個人,我同事唔想食咁多肉,所以叫左烤菇青醬意粉呢個青醬真係不得了,味道超級濃,D甜羅勒味好足料,食落去仲有淡淡油香如果可以加一小塊的香煎雞排,有菜有肉就更正另一個我地叫左黃金蟹肉意粉,拆肉蟹 配上白汁 ,配上蘿蔔 ,仲有一塊大大黃金醬,呢個醬味道有點膩 味道是好 哈哈 我食了一半就放棄了如果你係邪惡鹹蛋既粉絲 你應該很愛吧今日餐湯係南瓜湯,南瓜味道濃,混合忌廉,如果可以REFILL就好了 ,…查看更多

二月有次響九龍灣行去mega box，途經呢個廣場，響openrice見到想試吓，點知上到去無開，摸門釘。今次星期六下午又係去mega box，唔想成日食大商場連鎖嘢，今次打去問，有開了，不過話得假日餐牌。嗌咗個牛油果軟殼蟹漢堡，上網見好多人食個黃金蟹肉意粉，但餐牌又無，一場黎到好想試，問店員佢話可以加錢做俾我地。先來一碗餐湯，係羅宋湯，夠濃郁。之後就到友人期待的黃金蟹肉意粉，同想像中有啲出入，蟹肉得少少，咸蛋黃味好重，忌廉汁濃郁，不過不失。牛油果同軟殼蟹我都好鐘意食，牛油果軟身夠熟，但個軟殼蟹有陣腥味，有啲啲失望。薯條香脆，漢堡個醬都好味。唔記得咗幾錢，大概每人100，無叫飲品，見佢啲咖啡都幾吸引。食完落電梯見到地鐵慳$2機，嘟埋。…查看更多

估唔到九龍灣工廠區依頭都有咁高質既cafe😍😍 All day menu仲要又平又高質!! Set平均$60-$80，包餐湯/沙律同飲品，可以補差價嗌classic coffee/ signature coffee😋 法式燉煮羊膝 $128無諗過依個價錢可以食到咁大隻既法式燉煮羊膝‼️係西餐廳食依道菜要幾貴，你懂的🤓 $128依個仲要係set既價錢...平野唔一定無好野😌 我本身好少食羊，因為怕陣羶味! 但依個羊膝完全唔羶，燉煮既烹調方式令到肉質好鮮嫩，廚師落左唔少功夫👍慢煮烤雞•西班牙甜椒蕃茄 $115 依個烤雞真心好高質，我都知一定係冰鮮雞，但估唔到冰鮮雞既肉質都可以咁嫩滑咁juicy🤤 烤雞既外皮脆卜卜，炸薯條都好正😈 好喜歡個汁好有質感，食到好多甜椒、蕃茄蓉，酸酸甜甜好惹味😋黃金蟹肉意粉 $86本身以為鋪係意粉上面既係南瓜，原來係咸蛋黃，食落勁香 😍 加上我最愛既cream sauce同海量蟹肉，真係勁滿足🤤 原來咸蛋黃同意粉係咁夾👏Tiramisu Coffee 最鐘意就係Tiramisu，原來同咖啡係咁夾‼️一拎上枱真係覺得依杯似甜品多過咖啡，真係勁靚😍 急不及待要食tiramisu層，用🥄一啖啖咁食堅似食緊真。提拉米蘇!! 口感幼滑，加埋香濃既可可粉，不算太甜!! Tiramisu層下面既咖啡都好香🤩 本身店員話Tiramisu Coffee會比較甜，但我又覺得唔算甜，因為咖啡既微苦中和左甜度，剛剛好👍Cappuccino 睇見靚靚拉花已經加曬分😍 少飲咖啡既我都完全唔覺得苦澀，反而飲到好香濃既咖啡豆香☕️ 依杯Cappuccino真心高質!! …查看更多

今日係牛頭角收工，之後就慢慢行左去megabox個邊散下步傾下計，之後去左企業廣場其中一間餐廳食飯。餐廳鋪頭位置唔係好大，不過坐位同燈光都好舒服。餐湯都好足料，好多雜菜。雙重芝士薯條其中一個餐包埋嘅薯條，淋上左double cheese好邪惡但係幾好食。份量唔算好多，不過太多就好肥嫁啦，所以做小食岩岩好。西班牙慢煮烤雞 $115烤雞肉質唔會好柴，而且好大份，仲好貼心咁配埋蒜頭，男朋友好中意食肉都配少少蒜味，會令到成個香味昇華左，不過唔中意蒜頭嘅話單食烤雞都好入味好正。黃金蟹肉意粉 $86超驚喜同埋超級邪惡嘅蟹粉蟹肉意粉，極多蟹粉撈埋意粉，令到每一啖都食到蟹粉同埋蟹肉，雖然意粉份量唔算好多，不過撈埋蟹粉蟹肉會好快感覺到好膩，所以食落都好夠飽。最後一次過食埋淨返低嘅蟹粉蟹肉，真係食完要行返屋企。法式燉煮羊膝 $128同樣好有驚喜，輕力叉落去已經feel到好淋身，而且唔會羊味好重，男朋友同我都好中意食羊肉，真係好好食。再配埋意粉，好飽好大份。咖啡果皮茶配蜜糖(凍) $52淡淡嘅果皮味加埋蜜糖個味道好特別，咖啡味唔算好重，幾好飲。伯爵茶鮮奶咖啡 (熱) $42好得意嘅味道，茶味latte好好飲。Overall黎講CP值雖然唔算高，但係都成餐都好有驚喜。…查看更多

是日自家餐湯南瓜湯熱辣辣，南瓜味濃郁，口感綿密滑口。黃金蟹肉意粉 ($86)成個蟹蓋做裝飾，賣相搶眼！鹹蛋黃同蟹肉份量多，好足料！蟹肉入口鮮味，意粉creamy入口有香濃忌廉味加埋香濃嘅鹹蛋，香口惹味！焦糖布甸咖啡 (+$24)咖啡上面有一層金黃香脆嘅焦糖層，入口散發香濃焦糖味，咖啡甘香，無苦澀味。原條鰻魚漢堡 ($82)用原條鰻魚放喺麵包中間，份量十足，賣相超吸引！麵包香脆鬆軟，鰻魚肉厚，入口有彈性無骨，配合埋香甜醬汁同嫩滑炒蛋，好出色！提拉米蘇咖啡(凍) (+$24)咖啡上面有一層厚厚嘅cream，入口軟滑香濃，飲落真係有tiramisu嘅感覺。…查看更多

今日嚟咗九龍灣接朋友仔放工，諗住一齊食埋晚餐，行經企業廣場，見到有間西餐廳，望落都幾唔錯，所以我哋決定入去食☺️黃金蟹肉意粉 ($86)- 意粉一上枱就香氣撲鼻，擺盤都好靚，勁誘人- 鹹蛋黃醬好濃郁，質感好rich，醬汁沾滿每條意粉，口感好豐富- 蟹肉、意粉份量都好足，啖啖都食到- 味道鹹淡適中，食落都唔會膩原條鰻魚漢堡 ($82)- 一上枱就好吸晴，一大條鰻魚由個延伸出嚟，望住都落晒口水- 漢堡包微微脆身，入面好鬆軟，食落都煙煙韌韌，幾好咬口鮮奶咖啡(跟餐)- 心心拉花好靚，一上枱就聞到陣陣咖啡嘅香氣- 咖啡入口順滑，微苦回甘，同鮮奶都好夾朱古力咖啡 (凍) (跟餐)- 咖啡味道突出，但唔會好苦，甜甜哋都ok易入口- 咖啡香滑，同主食都幾matchAll day menu 各跟一杯餐飲，同餐湯/沙律，餐湯係羅宋湯，酸酸甜甜，好開胃；沙律都幾多，除咗平時常見嘅沙律菜之外，仲有青瓜片同一塊橙，配搭一流👍🏻餐廳內部設計都幾有氣氛，踏入十二月，仲有好多應節嘅裝飾同歌曲，加上食物質素好高質，整體用餐經驗非常唔錯👍🏻…查看更多

「香港篇 - 九龍灣」“Coti the Bistro🍝” 🌟🌟🌟🌟.5/5又一間隱世高質性價比既餐廳✨💫佢地d 咖啡好有特色 好值得一試🤩🔻黃金蟹肉意粉 🦀 ($86 set dinner)一上枱就吸住眼球👀首先有好靚既蟹蓋🦀之後就係爆多既咸蛋黃🤩個意粉好香咸蛋黃味😍啖啖都有🤩多到食完意粉仲有剩🤪忌廉汁又多 好掛汁🤤忍唔住食完都清埋d咸蛋黃🤣🔻鵝肝安格斯漢堡配無花果醬 🍔 ($128 set dinner)有兩塊正常size既鵝肝🤩好抵食🤩鵝肝略賺煎唔夠香脆 但勝在軟滑🤤安格斯漢堡扒好juicy🤤又濃肉味又厚身🤩配埋🍅同🥬仲有酸甜無花果醬 好解膩🥳🍟炸得好香脆🤤最愛粗身薯條🥰🔻Tiramisu coffee (iced) 🍮 ($48)🌟🌟🌟🌟差d因為冇哂可可粉點唔到🥺果真係必點🤩🌟造型💯果層厚厚既mascarpone cheese好creamy☁️😍下層係加左少少糖漿唔會太苦澀既espresso☕️再配埋條lady finger🥨真係好似食緊甜品咁🥰🔻是日餐湯 🎃好creamy☁️又唔漏😍係我最愛既餐湯🥰🔻蟹肉藜麥沙律 🥗賣相好靚🌹又多蟹肉🦀但藜麥就冇咩😂配上油醋汁同🍊幾清新🌿💁🏻‍♀️係openrice訂位 2000前指定套餐8折2000後係5折🤑🤑🍔餐就有8折啦🤑🤑…查看更多

門面好靚，好適合文青休憩嘅地方。法式燉煮羊膝，$128。呢一味係性價比超高嘅菜式，首先份量十足，成隻羊膝視覺上非常震撼。但係由於燉煮令到羊肉口感非常鬆軟，另外醬汁亦都非常好味，所以不知不覺就成隻食曬。😅黃金蟹肉意粉，$86。黃金顧名思義就係鹹蛋黃，個人認為鹹蛋黃同埋蟹肉根本就係絕配，今次呢味菜式配搭意粉，完全係色香味俱全既作品。👅焦糖布甸咖啡，&42。當然唔少得要飲下呢度嘅特色咖啡，呢杯係焦糖面嘅cappuccino，奶嘅比例啱啱好，加上焦糖嘅甜味，非常容易入口。…查看更多

工業區有不少有心人進駐，為區內上班一族提供美食，區外的人想食就要在放假或下班後才能吃到。然而，很多時候，這類餐廳都只在平日營業或只營業到傍晚時份。幸好，前2星期六到九龍灣吃晚餐，在工業區內還能找到這角落用餐。餐廳隱身於企業廣場內，要不是看著 OPENRICE 的地址，真的想不到廣場內會有此類餐廳。店裡燈光柔和，裝潢以深綠色搭木材為主調，座位寬敞，入座後即看到桌上擺設了優雅的乾花，令人感到放鬆愜意，十分悠閒。剛做完運動，肚子超餓，事不宜遲，要快點醫肚！大腦的饑餓訊號不停響起，所以不消2分鐘，我們已秒速看完餐牌，完成下單。餐廳在我們進店前已要求量體溫，用搓手液清潔雙手，更給予我們口罩夾。我們等待食物期間，看到鄰桌剛到的薯條，金黃且香氣四溢，對薯條完全缺乏抵抗力的我只好加單，多點一客蜂蜜薯條！你看，我們的食量是不是很誇張？餐湯和沙律是指定的，那天的是羅宋湯，酸酸的，開胃，令人增加食欲。沙律不太大，有沙律菜和西柚，兩者都很新鮮，而且沒有加醬，而是用醋調味，感覺清新！白酒煮紐西蘭青口半份　$195因為有白酒，所以上桌時已經覺得很香，令人口水直流。雖然這裡只是半份，但是我們覺得都多，旁邊更配有2片蒜蓉多士！青口帶有陣陣酒香，再用忌廉煮，吸盡精華的青口肉真令人鞋以抗拒。將蒜蓉多士蘸上白酒忌廉汁同吃，正！蜂蜜香草薯條 $25薯條屬於粗薯條類，炸的金黃，份量相對M記都算多。吃起來特別香而惹味，因為它加了香草和蜜糖，增加了味道層次。粗薯條口感都相對好，我覺得絕對值得一試。後來發現，如果點薯菜的餐，薯條是可以無限任添的！難怪我看到鄰桌總是在吃薯條，哈哈，原來如此！黃金蟹肉意粉 $86本身我們想吃卡邦尼意粉的，但那天剛好賣完，店員就介紹我們吃這個蟹肉意粉。雖然我平時不太愛吃蟹，不過對蟹肉意粉都感興趣。因為我不用自己去殼拆肉，就可以嘗到啖啖蟹肉。當看到意粉來到時，我們雙眼發光，因為它超吸引的！賣相可愛，有個空蟹殼伴隨上碟作裝飾。意粉在底，上面舖有超多的蟹肉絲，而且有澎湃而香濃的咸蛋黃蓉。它說的「黃金」真的很對辦！因為蟹肉絲跟咸蛋黃與意粉捲起吃時，無論是蟹絲或是意粉，都會沾到咸蛋黃！而蛋黃味超濃郁，口感亦很creamy，有像在吃卡邦尼意粉的感覺，但不會太膩。一啖滋味，十分滿足！ 法式燉煮羊膝  $128在牛扒跟羊膝之間，我們選了後者。因為感覺很多地方都可能吃到牛扒，而且牛扒如選料不好的話，就令人失望。在多個考慮之下，我們選了羊膝。可能因為燉煮需時，它比其他食物遲上桌。遲來不要緊，最重要好吃。來到時，我們都被它的大小嚇一跳，真的很大呢！我們看到時，還在憂心會否難切，要費盡力氣才能吃完。原來，羊膝已燉煮得十分軟稔，口感剛好，而且香濃多汁，香而不羶，不錯！餐廳的招牌飲品都是咖啡為主，不過我們不想2杯都是咖啡，所以點了一杯咖啡，一杯朱古力，而2杯都是特色飲品。棉花糖朱古力 (凍)　$22這個我只嘗了一口, 不過感覺都不錯。喝朱古力就是享受甜蜜的感覺，這個朱古力本身不太甜，較香濃的可可味道。當加入了棉花糖，朱古力的甜度隨棉花糖溶化的速度而慢慢增加，就像甜蜜感情也會隨時間而慢慢昇華。Tiramisu咖啡 $48見到 menu上有這個 item，已感到好奇，到底 Tiramisu 咖啡是怎樣？有酒味的咖啡？咖啡蛋糕味的咖啡？浸了冧酒手指餅味的咖啡？當它在我眼前出現時，所有疑問都被掃去！這咖啡最底是咖啡，而上面就是 Tiramisu 的樣子，它將蛋糕層換成咖啡，層次分明，造型一百分。咖啡表面是一層可可粉，下面藏著的是 mascarpone cheese 及cream，口感輕盈細膩，感覺很像在喝有芝士奶蓋的咖啡。要是未想喝咖啡，以手指餅浸入咖啡，然後再蘸上咖啡層之上的忌廉和 mascarpone cheese，感覺就跟在吃甜品 Tiramisu 無異。手指餅的咖啡味慢慢滲出，令人甚有驚喜！不過，飲的時候要小心，因為表面的咖啡粉很易弄髒，除此之外，這絕對是一杯同時具備飲品和甜品特點的咖啡，值得試！MENU參考…查看更多

呢間鋪頭需要於Megabox搭穿梭巴士再行大概五分鐘左右 搵到企業廣場一期再上電梯一轉右就見到裝修嚟講 佢嘅雲石枱 佈置同燈光靚 氣氛一流影相啱晒～坐得舒服 唯獨係樓面店員幾乎要包攬所有職務 長期都奔波勞碌 但值得一讚嘅係上菜速度快 之後都會等候時間耐啲叫咗個牛油果他他 入面有沙律 窩夫煙韌同蟹肉洋蔥牛油果 好健康開胃嘅前菜 口感似牛角包 蘋果批 帶微甜嘅感覺 牛油果剛剛好唔會太生太熟入面係蟹肉 再配埋辣辣哋嘅洋蔥 另外嘅 黃金蟹肉意粉 聽個名都覺得吸引一望落有個大蟹蓋做拌碟好得意～食嘅時候發現 原來黃金係指鹹蛋黃 份量超多 味道偏濃 完全唔駛提醒侍應要多汁 驚成個意粉太淡仲有叫咗個明太子鰻魚意粉🍝鰻魚汁甜甜哋好開胃 最正係無骨！超方便可以唔駛擔心大大啖食～仲有驚喜添！原來佢仲有魚子架～另外仲成碟都超多明太子啖啖都充滿住明太子好滿足～份量絕對夠飽都好大一份 相當抵～叫咗牛油果他他就建議配湯 大家都食唔晒啲菜…查看更多