荳子 (德福廣場1期)

一入門店員會叫你選鍾意嘅消毒液味道，隨便揀咗一個，都幾好聞～因為食early dinner，叫咗個黃金蟹肉意粉，份量對女仔來講應該剛剛好，男仔就可能唔夠食～味道非常之唔錯，預咗會有飽腹感，但因為份量適中，所以都恰到好處！另外叫咗我至愛嘅焦糖單骨雞翼，呢個真係多多都食得落，好好味😋佢仲可以畀你叫「我想和你無所事事」嘅飲品，我叫咗芝士奶蓋四季春，少甜少冰，不過不失～唯一少少美中不足係，我碟意粉食剩少少時，侍應已經用迅雷不及掩耳嘅速度收走隻碟，建議下次節奏可以慢啲啲，畢竟當時都唔係最繁忙時間🙏🏻…查看更多

Beans 真係推薦餐廳🍴！！黃金蟹肉意粉好有驚喜，賣相好靚，啖啖蟹肉。焦糖雞翼好香，甜甜地又夠脆口。帆立貝Pizza 好Hawaii feel 😆😆😆 食完呢餐好有滿足感 🥳…查看更多

終於食到呢間經常排長龍嘅beans!估唔到當日平日lunchtime 12點半嚟到 等10分鐘左右就有得入座😀Lunch menu 好多選擇👉🏻龍蝦湯+$40Staff 會幫你倒龍蝦湯~ 龍蝦味唔算好濃郁👉🏻黑松露軟殼蟹意粉$86好creamy, 黑松露好香濃, 軟殼蟹份量足夠而且唔會過淋👉🏻黃金蟹肉意粉$86蟹肉已經拆哂舖滿係意粉 個蟹殼只係裝飾～ 蟹肉唔算好多但個汁幾好食 因為個汁偏稠身, 所以食到尾都有啲滯👉🏻山政小山園抹茶卷 +$28蛋糕夠濕潤, 唔算甜 👍🏼抹茶味都幾濃麻麻地紅豆嘅我表示無紅豆&啫喱會更好🤣午餐送黑糖薑母茶/檸蜜/Americano 總括雖然意粉唔算係好好食, 但個menu勁多小食&蛋糕可以加, 好吸引, 同埋lunch set 絕對抵食另外, 特別想讚下個後生女trainee, 服務好殷勤,態度好好👍🏼好耐冇試過印象深刻嘅用餐服務體驗～…查看更多

Beans近來在各區不斷疫市開分店，你就知道佢幾受歡迎！今天來到九龍灣一定要試試佢，果然無失望，終於明白點解成有人排隊！九龍灣分店都幾大，坐位很多，不過依然係咁多人排隊，我地就星期六下午三點去...都要排半小時店內燈光充足，整體感覺乾淨舒適今次試左佢幾樣食物都覺得好好食，好值得來，且價錢不貴黃金蟹肉意粉 $102蟹肉肥美，份量唔蟹田，不過個意粉汁做得好好食，個蟹肉汁撈埋蟹子，再加小小蟹黃，肥而不溜，太好吃了😋The Backyard breakfast $138喱個豪華早餐好正，岩哂有選擇困難症既朋友仔，因為咩都有，個班尼迪蛋醬配埋個煙三文魚好好食，哈密瓜好鮮甜，個菇都唔係交行貨，用牛油炒到好香，煙肉唔會煎到乾哂，油而不膩，種類好豐富，當下午茶剛剛好！榛子拿鐵 $37超級可愛！！第一次試喱杯立體拉花既咖啡超正，打卡一流！不過個立體拉花好快就會融化，所以影相要勁快，$37一杯同出面普通咖啡店一樣卻擁有喱個咁特式既立體拉花，來到既朋友一定要叫番杯！至於味道都好飲既，榛子帶小小甜，怕苦既朋友都不怕甜品我地揀左兩件cake，係叫完個main加錢再叫的，單點好似要成50蚊一件芝士柚子蛋糕果個有我好唔鐘意既柚子，所以我唔評分喇太主觀綠茶捲個綠茶味好重，入面個cream好甜，配埋中間有個啫喱，入口好柔軟，外層蛋糕好鬆軟，好綠茶好好食！最後我係極力推介大家來試，食物水準好高且價錢不貴不過有小小位覺得有待改善，就係我地去果日成三十幾度，餐廳等位區係一個露天位，等位果陣已經好熱，明明我地見到入面有幾張吉枱，店家都唔肯安排入坐，好似特登營造要排隊既感覺，帶位的時候又態度唔好，叫野食果陣又叫極都無人來....唔知係人手不足定咩....…查看更多

呢間喺德福嘅Beans長期都好多人排隊呢日見平日夜晚算少啲人等就決定食下佢！我地唔係好肚餓就兩個人嗌左個意粉 再加個薯條share~1) 黃金蟹肉意粉 ($102)上碟好靚 有個蟹蓋擺係側邊 打卡一流😆意粉個醬係咸蛋黃加忌廉唔會太漏/太咸 味道好好再加埋啲蟹肉碎同菜食落口感覺都幾豐富👍🏽2) 芝士薯條 (+$25)嗌左個pasta 就可以+$25要個薯條薯條係粗個隻 熱辣辣好新鮮個芝士醬就正正常常但加廿五蚊都幾抵 絕對可以試下！…查看更多

早幾日朋友話想食Beans，我哋就走咗去食(´･_･`)本身都成日聽到Beans呢間餐廳好似唔錯，所以對佢期望都幾高。一入到去，我哋好好彩咁坐到啲梳發位，所以坐得幾舒服。ʕ •ᴥ•ʔ我哋分別嗌咗黃金蟹肉意粉同埋黑蒜磯燒鮑魚蜆肉白酒意粉。碟意粉一到，估唔到份量都幾少⋯⋯😅我本身去食嘢個陣都未肚餓，所以諗住都ok嘅。點知到食完，一啲飽嘅感覺都冇⋯⋯但佢啲擺盤係真係幾靚嘅。如果你哋自在打卡，而唔係食嘢嘅話，都ok嘅(￣◇￣;)我自己就係食黑蒜磯燒鮑魚蜆肉白酒意粉。冇記錯鮑魚就有一隻，蜆就5-7隻到。以118蚊嚟講，我覺得可以比多幾隻蜆(´･_･`)而意粉方面就略為有啲乾，好似擺咗好耐咁。味道方面，幾普通，所以冇乜深刻印象。而朋友個碟黃金蟹肉意粉，佢就覺得幾好食，但係嗰兩條餅就唔係咁好食🤣總括嚟講，我自己覺得價錢略為高咗啲，同埋冇人哋講到咁好。但我都會再比多次機會佢，試吓佢其他嘢食。(⁎⁍̴̛ᴗ⁍̴̛⁎)…查看更多

雖然呢間人氣黃Cafe開到周圍都係分店，但係我一直都仲未有機會試，因為每次都太多人排隊而放棄左🤣 不過咁啱前排平日放假，早啲7點幾左右就過咗德福諗住試試佢，等咗30分鐘左右就入得啦🤭由於我同朋友都幾鍾意食青口，於是嗌左呢個菜式，青口份量都唔少，size適中正常，而個sauce都幾惹味🤤 本身唔太好蕃茄醬，但佢有少少紫蘇味，令到成件事唔係得個「酸」字咁寡🤣 不過如果啲醬再多少少就更好啦！見到呢個意粉超多人嗌，終是我地都試吓😆 賣相好靚，有個細細地嘅蟹殼做裝飾，面頭仲有啲食用花，啱晒打卡！意粉面鋪滿咗蟹肉，食落仲有啲流流地沙嘅鹹蛋黃，呢個配搭無得輸😋後來加咗$25要多份薯條做小食，薯條嘅賣相就麻麻哋，有啲少hea🧐 但$25就無咩要求，食落口感都係正常m記薯條，唯獨加咗車打芝士醬，令到我呢個芝士控一條接一條咁食，停唔到🤣野飲方面，見到Beans係同「我想和你無所事事」合作，所以嗌咗杯「是諗但」泰式珍奶🧋，泰式奶茶自從無去過泰國之後都無再飲過🥺，今次再飲返，就算偏甜，都一樣覺得好好飲，可能太掛住去旅行🥲最後，我哋見佢啲甜品都幾精緻幾吸引🤪，於是嗌咗個叫「cheese」嘅檸檬芝士慕絲蛋糕，造型超吸睛，真係整到成舊芝士咁🤩 食落芝士味唔算太出，但有淡淡檸檬香味，令佢唔會太膩，而且細細件，兩個人食啱啱好！總括而言，呢間超長龍黃店終於有機會試到🤤 野食幾唔錯，性價比都算幾高，份量多，但價錢都係良心價，重要食到我地超飽🤣 而店內環境好闊落，坐喺入面都幾悠閒，的確好唔錯🙌🏻…查看更多

今日係九龍灣搵食，朋友話想食Beans。一去到beans，佢已經貼左個牌話排隊等待時間30分鐘。咁我地就一班人係到排隊，傾下計，禁下電話，時間都好快過，都排左半個鐘左右，佢俾左窗邊位我地，個menu樣樣都好吸引咁，最後叫左3個主菜，1個甜品後上。個蟹殼好靚，但只不過係一個裝飾，裡面係好乾淨😆。不過佢d蟹肉都唔少，再加埋個汁，好食👍好快清哂。都唔錯，冇太特別既感覺。份量我覺得岩岩好，因為意大利飯食得多會有漏既感覺，佢呢個汁唔錯，食落都唔會太漏最後我地仲叫埋個甜品，焦糖香蕉waffle，好好食，個香蕉烤完再加上焦糖係絕配，再配下一口waffle，加佢俾既醬料。好好食😍佢地仲盛讚d爆珠，最後整碟好乾淨咁清哂😋…查看更多

今日去咗beans到食晚飯，好好彩等咗一陣就有位啦～食物質素：我覺得都唔錯，個黃金蟹肉意大利粉一上碟賣相已經好吸引，食落去都幾多蟹肉，而且都好creamy 。之後，仲有一個松露醬薯條，薯條岩岩新鮮出爐，外脆內軟，配埋個醬，味道濃郁，十分之正！…查看更多

收到疫情影響😷相信好多人都會選擇外賣自取美食今次我就叫左beans嘅意粉🍝🍝🍝不嬲佢哋嘅質素都唔差但係又會有啲擔心外賣自取會冇咁好食😥今次我就叫咗平時最鍾意食嘅黃金蟹肉意粉🤪我覺得味道同堂食差得唔遠一樣都係咁好食😋😋😋唯一一點係一個擺得太耐意粉會偏乾所以最好自取完之後盡快食啦😉😉😉擺耐左就真係冇咁好食不過呢樣嘢我諗同堂食都差唔多都係應該盡快食㗎嘛😂😂😂有少少意外嘅係 竟然連外賣都有跟蟹蓋人靠衣裝、佛靠金裝🤩有咗個蟹蓋當堂覺得個意粉都特別好味😂😂😂所以今次我對個意粉都幾滿意加上佢哋間唔中都會有外賣自取嘅優惠所以下次應該都會再叫返呢一間嚟食😛😛😛…查看更多

原來最近用openrice程式叫beans外賣有優惠，於是我伴侶去了買外賣，現在只能夠在家中吃外賣，不能在餐廳度食，叫外賣同樣好食。🍕我覺得個千島醬蟹子飯啊背披薩也是不錯的，喜歡佢個醬都幾惹味，而且個扇貝及醬子又新鮮，扇貝都好彈牙。🍝第二個最喜歡的是黃金蟹肉意粉，都有唔少嘅蟹肉，而且白汁香濃，意粉份量都多。🍚至於個黑松露雜菌意大利飯，今次就失咗少少水準，之前次次食得好香濃，今次也濃，但有少少酸嘅菇味，都有不少菇片的，也好飽肚。已經今次係第二次叫的薑母茶，因為真係好重薑味又濃，好驅寒，我又非常喜歡喝。…查看更多

德福新開咗Beans，在這抗疫時期都可以日日有人排隊等食，應該都好值得一試。今日終於相約朋友嚟試吓呢間荳子，睇吓有幾吸引平日下午人流不多，但仍要等一陣位，可見吸引力真係唔講得笑，好彩等5分鐘已經可以入座。舖面有蛋糕櫃，賣相都幾吸引，他朝有日輪到我派散水餅的話，我都會考慮佢哋，淨係睇個餅盒都夠有意思我就點咗黃金蟹肉意粉，果然好多蟹肉，配上鹹蛋黃醬，加埋成個蟹蓋放上去做裝飾，成個氣勢真係不得了朋友就叫咗榮華臘腸香芋意大利飯，入面有雜菇，香芋粒，面頭有幾片烤得甘香嘅臘腸，一放入口芋頭飯粒融為一體，唔知點解可以咁夾，真係好好味我哋仲加咗一份芝士薯條，熱辣辣嘅芝士醬汁再淋喺薯條上面，好惹味，份量都啱啱好。嚟得Beans當然想試吓佢嘅飲品，叫咗一凍一熱嘅茶飲，茶味香濃，啱晒我呢個愛茶之人Beans果然唔只賣gimmicks，食物質素都高，難怪咁多人願意排隊去試啦！…查看更多

We queued for 30 mins to get a table. The interior and seating was very spacious and the staff were very friendly. Overall, the food here was good and served hot which is very important. The pizza isn’t too great though, there was no depth in flavour so I wouldn’t recommend anyone ordering the pizza. Everything else was very good. Salty egg crab meat spaghetti 5/5 The pasta was really creamy and there was a lot of crab meat in the pasta. The pasta was served hot and the salty egg worked really well. I highly recommend this pasta dish. Pulled pork pizza🍕1/5The pizza base wasn’t very nice. It taste like as if the base was pre made and they just placed the topping on top for baking. There was no depth in flavour or taste. I wouldn’t recommend this dish or any pizza dishes. Matcha latte 🥛🍵 5/5We order little ice and little bubble tea but it was super yummy and the matcha was very strong and sweet. …查看更多