品香樓中西風味餐廳

營業中

休息中

一年前食過印象深刻，念念不忘再黎多次，點知今次大失所望。回頭率：🌕🌕🌕🌑🌑環境：🌕🌕🌕🌑🌑服務：🌕🌗🌑🌑🌑份量：🌕🌕🌕🌑🌑味道：🌕🌕🌕🌗🌑價錢：195/pal◆Summary◇有卡座坐得都舒服嘅，衛生一般服務一般(走單同專登收多錢當小費❌)食物選擇多，推介黃金蝦、南乳炸豬手同椒鹽九肚魚。整體性價比中下。——————————————————————◆火焰牛柳粒◇HKD113😋充滿視覺效果，牛柳夠軟亦夠入味✅份量再大啲就更好◆椒鹽九肚魚◇HKD98😍每條魚都好多肉，皮薄肉嫩，調味啱啱好，今次份量足夠大◆沙拉骨◇HKD98😔好普通份量又細，得幾舊骨。排骨炸得略乾硬，沙律醬太滯，二者完全唔夾◆凍朱古力◇HKD22😋唧得滿滿的cream成為標誌性的記認，打卡必備📸味道係平價朱古力入面算中上水平，飲得到微苦的朱古力味，亦算滑，個人來講有啲太甜，不過都交到功課啦。至於Cream係罐裝奶油就唔好期待幾特別了😂◆黃金蝦/南乳豬手/生炒糯米飯◇舊年食嘅，淨係可以寫下記憶中的味道，可能並不準確只作參考👇🏻黃金蝦🦐炸得酥脆，包裹的鹹蛋黃並不過鹹，食

品香樓Environment: ★★★★☆Service: ★★★★☆Taste: ★★★★★ 位於石硤尾的品香樓受城大學生和街坊歡迎，晚飯時間常常坐滿人，筆記早前曾到品香樓吃晚飯，借今天這個機會和大家談談。品香樓的佈置是典型的中式餐館，賣的食品都是以大牌檔風味為主。今次我點的是黃金蝦和火焰蜜椒牛柳粒。1. 黃金蝦 ($103)黃金蝦是連整條蝦炸完，再沾上咸蛋黃醬。蝦的外殻炸得十分脆，我是連殻吃了，可吃到很香的咸香蛋醬。蝦肉方面，吃不到蝦的甜味，口感尚算有些少彈牙。另外，蝦肉比較濕，影響整個黃金蝦的味道，這一點要扣分。打個比喻，像大家平日吃薯條一樣，外層雖然脆，但內裹卻是濕的薯溶。份量方面有十多隻蝦，十分康慨。2. 火焰牛柳粒 ($113)牛柳算煮得算是冧，份量頗多，有十幾粒，味道方面和大家平日去大牌檔吃的頗似。其他配菜如紅椒黃椒等很多油，吃了幾件就算。總結一試無妨。品香樓的份量算是多，味道方面和一般大牌檔差不多，但勝在價錢合理，如果大家平日經過，一試無妨。

夜媽媽9點幾係city開完會就慣例來品香樓食宵夜8個人來到，今日個姐姐態度怪怪的，好似係因為太忙了，宜家多左個宵夜時分，我地就叫左個海蜇，炒花甲，仲有個豬紅，其他都係正常的，點知宵夜時分的份量係超級細超級濃味，豬紅一d都無腥，韭菜多d就好啦黃金蝦炸的剛剛好，加上上面d蛋黃，味道適中，直接連皮時埋，脆脆的火焰牛柳粒係呢到的特色菜，上左之後就會開火，好得意，不過有d驚，怕d火燒出來，keep住燒，所以d牛柳粒係熱的，而且好嫩口，加上呢個汁係甜甜的雞煲望落去唔大，其實入面好足料，見見都係肉，好正！西蘭花爽口！同埋d帶子好大隻，好新鮮椒鹽鮮魷覺得比較鹹左小小，但係魷魚嫩口呢個翻好好食，一粒粒，而且好足料成晚淨係覺得個羹味道好淡，好似未落鹽咁不過可能係佢其他餸味道太重而導致的最後埋單$929，平均每人116，都算唔錯，不過呢到淨係收現金，整體來講，品香樓d野係便濃味，重口味的朋友仔就岩曬啦！

難得唔洗OT,收工就約埋女友去品香樓食飯。到既時候係七點左右，岩岩好唔洗等位，仲有卡位坐黎到就梗係要飲佢招牌既凍朱古力啦，但係我呢排肥左，所以我就冇叫喇。我最鍾意食呢到既風沙雞同椒鹽九肚魚，但係今次想試下其他菜式，最後就叫左黃金蝦，南乳雞翼 同埋 芝士肉碎西蘭花。大食既我倆都差d食唔哂黃金蝦有好香既咸蛋黃味，份量都幾多，推介！南乳雞翼炸得幾香唔會太咸，相信會係配啤酒既佳餚。唯一可能可以改進既係個芝士汁，由於女友喜歡食芝士既關系，佢就覺得個汁冇乜芝士味。但係對於麻麻地芝士既我黎講就覺得唔錯喇。整體黎講，我地都十分滿足，食物都係有水凖既つづく。

品香樓出名價錢親民，食物出色，今日一行六人再嚐草根食堂。一如以往，門多坐滿等候入座食客，由於限時個半小時，加上人齊才可入座，我們等了好一會兒。但眼見即使沒有訂枱，只要人齊，稍等3-5分鐘亦可被安排入座。黃金蝦加上鹹蛋黃走油至金黃色，夠晒香口，蝦肉結實，蛋黃份量恰到好處。咕嚕魚柳色彩繽紛，賣相相當吸引。入口炸粉薄，醬汁甜酸恰好，例牌份量亦夠多，開胃之餘送飯一流。芝士肉碎焗西蘭花肉碎入味，芝士汁不會太鹹，西蘭花未有煮過頭，介乎爽口與煮熟之間感。加二十蚊可加伊麵。南乳炸豬手香口，但肉不多，主要食皮。調味剛好，沒有過鹹。稍為乾了少少，加上沒有醬汁，轉難送飯。風沙雞皮脆肉嫩，排得齊整。雞亦不會過肥過多脂肪。一隻六個人都食唔晒。大肚婆炒飯乾身，唔夠鹹，味道不太突出，亦不明白名字由來。賣相可以，飯粒一粒一粒，沒有過濕。

第二round慶生飯局～朋友揀咗呢間飯店，第一次嚟，因為晏咗收工，自己過嚟～好彩朋友電話教路，唔係的話可能要兜幾個圈先搵到。。。由地鐵站行過去，路程好短，不過要知點行。。。由B1出口向前行，直至見到彩龍大酒樓，沿大坑東街行，見到南山商場類似塔嘅建築，就經橋底行上斜坡，喺右手邊會見到寫住『南山商場』嘅牌坊，入面有好多排檔，一直行到尾轉右，門口有勁多人排隊果間就係喇～朋友們點菜，侍應大哥話要等好耐，叫我哋一次過落單，我哋就好乖一次過落單，結果啲餸上得好快，5-10分鐘就上一味，超出我哋預期 幾個女仔叫咗支青島share，因為大家都唔係好飲得，志在開心吓～斟到杯啤酒咁多泡都知唔係飲開啦！哈哈哈哈！南乳炸豬手幾得意！細細塊，雖然係炸，食落又唔會覺得好油，小妹幾鍾意！另外小妹好喜歡食椒鹽九肚魚，好味！其他餸普通啦！好味嘅，不過冇咩特別位去寫～因為我係負責食，所以唔知每味餸幾錢～過咗幾日連每人俾幾多錢都唔記得咗成晚同班朋友傾偈好開心，時間過得好快，我哋5個人坐4人檯搭張櫈，同隔離大檯嘅食客好親密，但仍有我哋檯嘅私人空間，好喜歡呢種同人咁close又互相尊重嘅感覺，好似寫多了，哈哈！

因為住喺附近既關係，機乎每次屋企冇飯開都會黎品香樓，雖然每次必定要等位，但都心甘命抵 ! 唯獨份量少左DD，一家四口尚算夠食，如果多兩個人，一個餸真系要叫兩碟先夠！

約了以前的大學同學新年飯聚，一早book了其他食中菜嘅地方，但很多朋友臨時得閒可以參與，之前book嘅中菜地方都沒有大枱，危急之際，醒起哩間我地以前嘅飯堂，仲可以book位！經典凍朱，南乳雞翼，乳鴿都係必叫之選！各人都點了好多菜式，其中我未食過又覺得有驚喜就係豆腐芝士e面，豆腐裡原來饟了雞肉，芝士唔太漏，好食~！另外風沙雞都係店裡出名嘅食物，我食咗幾舊都唔會有好多肥膏。朋友都好喜歡嘅炸物~~~ 蠔同黃金蝦真係點咗好多菜，upload唔晒：好有風味嘅小菜，啱晒一大班人！

同一班同事都講左成兩個星期，等到頸到長埋， 尋日終於食到。唔講咁多，去圖 其實另外仲叫左炸豬手同琵琶豆腐，掛住食唔記得影 呢度既野食的確好食夾抵食，但唯一要批評下既係埋環境勁嘈，嘈到我地都要鬧交咁大聲講野

要不是朋友介紹, 也不知有此店.除要訂枱外, 還要預訂手撕雞...原隻雞按次序排好, 還有全副內臟; 肉質嫩滑配以沙薑醬...味道不錯炸得夠脆, 蝦有蝦膏, 肉質夠爽; 值得推介這個比較特別, 出面較少食到. 豬手皮炸得外脆內軟, 但必需配以其南乳醬汁才好吃..值得試一次...沒有什麼特別,沒有什麼醬汁伴隨...很香口, 又不太囪, 再配以醬汁, 味道不錯見很多人推介, 所以試試...其實只勝於有忌簾, 朱古力味道實屬一般, 太多粉狀同不夠滑身

以前在讀書的時候，只是試過幾次在這間餐廳吃過幾次午飯而已，覺得很不錯吃，不愧是不少城大學生喜歡聚集的餐廳。中菜吃過不少，不過這一間蠻令人驚喜的，好像有一點中西合壁的feel 這一天，有一個家庭聚會，所以大家都決定了選品香樓。一行人，差不多7點就到了，當天剛上品香樓外面滿滿排了很多人。所以大家要去吃的時候，記得要前幾天/一天要預約由於我們有預約，所以一去到的時候，等了5分鐘就可以進去吃了。這裡的菜單還有菜式招牌排行榜，很貼心吧~讓第1次去的朋友可以很快的選擇到這間餐廳裡好吃的，比較受歡迎的菜。這次我們點了手撕雞(要在訂位的時候，順便下訂!!)，生汁龍鳳球，南乳炸豬手，菜心，黃金蝦，賽螃蟹，明太子炒飯。招牌手撕雞鮮嫰的雞肉上，舖滿了黑芝麻，看起來非常可口呀一上的時候，大家都爭相的吃一吃，果然雞肉非常嫰，而且充滿了芝麻油的香味!!(還有雞本來的雞油香)一整個停不了口的吃呀~~這個手撕雞附上了一個醬汁，不過我覺得不點醬汁吃，那個雞本來也醃製過了，有鹽味，也是非常好吃的! 如果雞肉還能多點就好啦XDD生汁龍鳳球我本來還不知道什麼是龍鳳球，在上桌的時候，好像沙拉骨喔!後來才知道裡面原來是龍脷柳，這

香港這幾天都落著滂沱大雨，邊度都唔想去，不過講到食品香樓，再預訂埋手撕雞，真係大一大雨都要去！ 對上一次食都己經講緊成半年前，仲好掛住佢D手撕雞同埋熱炒！來到南山村既戶外大排檔，行過少少既平台就係品香樓。宜家擴充到本店以外，隔離黃色舖都係佢既分店，雖然舖位宜家大左好多，但係唔訂枱都真係排等。今次除左手撕雞，仲叫左黃金蝦、賽螃蟹、西蘭花炒斑塊、椒鹽豆腐同埋黑椒牛柳粒。上菜速度好快，大約十五分鐘就上晒枱，除左黃金蝦同凍食既手撕雞，其他都熱辣辣！好似豆卜咁，外皮脆，多汁，細細件，少少辣，不過多汁，香口，拌飯餸酒都好正。黃金蝦係我個人好鐘意既菜式，所以要求都幾高，呢度既黃金蝦上菜時己經唔係好熱，無左蛋黃既香氣，加上蝦過油過得唔夠已經唔脆，所以唔可以連瞉食，幸好是油不多，食落唔會太過油膩，內裡既蝦都幾大隻，食落口感唔錯，唔會乾。不過講到尾，呢味餸最好都係葵通金潮係最好，瞉都食埋！諗起都想食！西蘭花出奇地唔多油，一般西蘭花會吸唔少油，但係呢個算好清爽；斑塊有返咁上下厚度，而且肉一D都唔鬆散，好似新鮮拆出來咁，當然唔會好似蒸出來個D咁滑，但係都唔會食到雪藏味，正！上枱既時候，呀姨會幫佢喺個底度點火，

今次第2次黎, 原因記掛住佢既手撕雞....手撕雞一定要訂先有, 所以book 位時順便訂埋去到已經見到唔少人等位, 好彩book左位即刻有得入, yeah一家人食飯, 因為多人, 我地叫左好多野手撕雞 -- keep到水準, 麻油味香, 雞肉滑...好快掃清光沙拉骨 -- 排骨炸到十分香脆, 但唔油膩, 好乾身, 加埋沙律醬...正三絲炒公仔麵 -- 好有獲氣, 味道岩岩好, 麵唔會一pat pat....炒公仔麵聽落好容易, 其實好難, 能炒到如此水準真係相當唔錯南乳炸豬手 -- 又係炸到好乾身, 掂, 但豬手太少筋, 反而勁多骨, 無咩食椒鹽九肚魚 -- 全餐最唔掂, 魚肉太淋, 但皮又唔脆...唔好食黃金蝦 -- 蛋黃岩岩好包住蝦殼, 而且又炸得夠脆, 可以連殼食埋都得明太子炒飯 -- 炒到一粒粒, 有少少甜味, 又夠獲氣, 唔錯薑汁芥蘭 -- 芥蘭超甜, 可惜無乜薑汁味椒絲炒通菜 -- 淡味左少少, 還可以啦皮蛋莞茜湯 -- 足料, 似平時屋企滾既湯凍朱古力 -- 如果佢隻可可粉更濃味,會仲好9個人食左7百幾, 真係好抵食, 每人一百都唔駛, 而且有呢個水準, 正正係呢度排長

考完試去左南山食野~朋友從澳洲返黎~話要再黎食~我自己都快一年沒來~叫左南乳雞翼: 好入味, 好脆黃金蝦: ok蒜蓉炒豆苗: 正.. 炒得好好食, 好大碟咸桔蜜 x3 : 甜左少少, 加左熱水都ok碟小吃菠蘿幾好食

提早慶祝母親節，一行六人點了十個菜，連飲品才 HK$630。由於只能上載八幅照片，所以我刪除了兩味，分別為「生炒牛柳粒」及「豉椒涼瓜班腩」，因為兩味菜雖然出色，但卻沒有什麼特別，故此省略了。十個菜式均令人拍案，六人埋頭大嚼，轉眼間便把桌上佳餚一掃而空。注意事項：由於食客甚多，建議預早訂位，最好避開黃金時段 (7:30pm ~ 8:30pm)，否則可能要等待良久才有座位。