平記富金軒雲南米線

營業中

休息中

星期六中午拜訪官涌街熟食中心bookmark咗嘅米線，果然冇失望強烈建議大熱天時唔好嚟😂😂預咗街市裏面環境衛生麻麻，服務都算係咁，老闆娘幾nice～紙巾長缺，最好自備🙈講返正題先，最出名嘅 黃酒雞米線 $48溫馨提示：黃酒較補身，食完會成身暖晒，加上有紅棗，呢款不宜黎緊m女仔食。黃酒湯底好足，味濃但唔膩，不過雞件就正常，唔算好滑。飲完會有陣甘苦味停留喺口腔，個人黎講就幾鍾意😆另一款叫咗 炸醬豬頸肉小窩米線 $45 +$5 凍檸茶呢個又係相當重口味米線，好正🤩叫咗中小辣，係偏辣嗰種，成個人會食到好熱出晒汗，最好嗌得保守啲🙈🙈豬頸肉正常，米線軟硬程度啱啱好，炸醬亦唔錯，唔係平時譚仔食開嗰種口味，而係好似辣肉碎咁樣😋P.S. 炸醬有好多油，最好分開上。總結呢間係平民美食，湯底別具風味👍🏻👍🏻

今晚帶老媽子試試依間隱世米線，試了最有名氣的黃酒雞米線，湯底的確係好，清澈食落唔口乾，有小小黃酒香，料頭有中大量杞子，紅棗，小許薑，依碗野相信係女仕欣物，秋冬食佢亦係暖胃既好選擇，雞件充足起碼有10件，我自己再加了菜與豬紅，豬血亦入味，夠身，米線煮得剛好，小小爽身但足夠霖，我幾乎飲左2/3碗湯，真心正，另叫了杯凍奶茶，出奇地又唔錯，未至於老茶記水準，但我已經覺得比好多連鎖垃圾快餐店好得多，應該會經常再來

-{佐敦街市大熱小鍋米線🍜}官涌街市嘅大熱米線😉今次encore但試另一款米線😎🤤黃酒雞湯米線🤤 ($44)個湯冇味精味 係好香濃嘅酒加雞嘅味😚係超級多雞件😂😂😂好誇張食極都有咁 麵質都係彈爽仲要份量真係好多🥰以下順序排最推薦嘅餸😛炸醬: Encore🤣😍係一粒粒嘅肉碎😍🤩係少少辣嘅有麻香 本身都有豬肉味 係食過最好食嘅肉碎大腸:有用滷水醃過😌洗得乾淨唔臭 份量都多😜👖褲評: 8.8/10報道都講過係每碗即叫即煮食得出好比心機煮🥳必試黃酒雞😌性價比: 9.5/10服務: 8/10環境: 6.5/10🚩 平記富金軒雲南米線 🚩地址: 佐敦寶靈街17號官涌市政大廈2樓熟食中心CF4號舖#fuudjai #fuudjai #fuudjai港式 #fuudjai佐敦

黃酒雞湯米線 🍜 $44米線一上檯就聞到好香酒味！湯頭夠熱，飲落甜甜地咁，酒味適中唔會苦/有灼燒感。湯底有薑紅棗同大大粒嘅杞子，加上大概十件雞肉，份量十足。雞肉應該有事先醃製過，食落有少少鹹味。肉質就正常，唔係好柴但又未算滑。米線都好食，彈牙無怪味。-招牌腩肉炸醬小鍋米線加豬頸肉 🐷$39+10高估左自己叫左中辣，所以食左幾啖就放棄俾男友食🥲🥲炸醬份量好足，肉碎肥瘦均勻，每粒肉都好香。最欣賞佢加左大量切成一段段嘅芽菜👍🏻鹹酸辣，混合肉香蔥香同醬香，再加上新鮮芽菜嘅爽脆，每一啖口感都好豐富☺️豬頸肉就有啲失望 :/厚切食落爽口，但無咩味同要咬幾下先咬得開-環境/服務環境麻麻但無想像中咁差樓底高加上大風扇令空氣流通，無臭味同唔會覺得好侷。每張臺都有紙巾同消毒搓手液伙計會行埋黎落單，態度都幾nice落單後大概15分鐘就有得食🥢-整體味道唔錯性價比高👌🏻想再黎試小辣嘅炸醬小鍋米線同炸雲吞