揀得啱車仔麵 (已結業)

落雨濕濕想食濃味嘢，如果在中上環的話，多數會揀呢間。因為它除了車仔麵有好多餸的選擇外，湯底方面有少有的麻辣和水煮。*水煮魚配上湯米線*。賣相不俗，魚肉份量十足而且非常嫩滑又無骨，雖然小辣都幾辣，但因為上湯米線是分開上的，所以可以按自己口味添加適量的水煮辣湯。$69吃得很滿足。*麻辣鴨血*。表面看和水煮魚好相近，但這個加了蒜蓉，把滑溜的鴨血和蒜蓉一同放入口，非常惹味。*車仔麵加麻辣汁*。先喝一口湯時覺得湯底略鹹，但拌勻後再試就吃到花椒的香味，加上餸和麵後就不覺鹹了。其中極品牛腩條必食，軟腍得來有牛肉味；黑松露雞肉水餃也很好吃，不過只得一隻有點孤寒；反而金錢肚最抵食，份量不少。*醉雞翼*和*咖哩魚蛋豬皮雙拼*味道普通，可以再「醉」點和再「咖哩」一點，要吃小食的話還是推薦麻辣鴨血。店內光猛乾淨，員工有禮，想食濃味辣味的可以試下，至少食完不會口渴。…查看更多

講起車仔麵多數都諗起啲好有歷史嘅老店或者啲殘舊罨耷舖 食落有種風味今次就試下呢間新派嘅車仔麵店睇下會唔會真係冇咁有feel?!門面光鮮乾淨真係聯想唔到係食車仔麵😂店內仲掛有幾句金句「我下麵很好吃」「麵壁不一定要思過」主打年輕人市場睇下menu先！3餸麵套餐加熱飲$55基本上有齊我哋平時食開嘅餸仲有啲出面少見嘅餸例如係「黑松露雞肉水餃」同「金錢肚」同朋友嗱嗱聲點兩碗麵食下先瑞士滑雞翼+黑松露雞肉水餃+香甜蘿蔔+蠔油炆花姑油麵(麻辣汁)+凍奶茶 $72一上當然要試個湯底先啦清清地幾好飲，唔係味精粉！麻辣分開上 加分～唔怕一下子太辣食唔到😂咬一啖蘿蔔嘩！真心驚喜！作為一個食米線同車仔麵都鍾意嗌蘿蔔但往往都會中伏嘅人呢嚿清甜蘿蔔真係「蘿蔔如其名」1. 煮得夠淋 2. 清甜！！食得出唔係就咁用水淥完擺入湯度吸味，而係本身煮嘅時候已經有用心調味呢一點十分打動到我！感動！另一誠意推介！！黑松露雞肉水餃🥟本身諗住喺車仔麵店叫呢d餸都係普通貨但！呢個餃食完係會令人難忘估唔到佢嘅黑松露會咁香！平時唔係特別愛黑松露嘅朋友試完都話好食～另外兩款餸都好好食搞到即刻想點多幾款餸🤪另一碗朋友叫咗豬紅+嫩滑腐竹+發達金錢肚+咖喱陳皮魚蛋米線(咖哩汁)+凍檸茶 $72一上枱，重口味朋友：「碗湯咁淺色嘅🧐」然後飲完一啖湯就變晒😍😍😍估唔到個湯咁正咁有味！再食埋啲餸真係不得了每款餸都好出色特別推薦豬紅夠入味、爽口冇腥味！飲品也不錯！小食方面都叫咗幾樣麻辣鴨血 $28本身都有啲擔心會太辣但佢係以香味為主平時食開微辣嘅人絕對無問題不得不提，鴨血超級滑，好似啫喱咁滑！入口即化😍千杯不醉雞翼 $22雞皮滑到呢～～酒味唔會太濃，啱啱好！油菜(唐生菜) $20正正常常👌🏻食車仔麵循例配返碟菜清一清腸胃～睇嚟呢間車仔麵已經成為我心目中嘅No.1😆下次嚟要試埋水煮魚米線🍜！！…查看更多

趁假期，出去搵野食❤️黎到上環，食咩好呢？眼見上環好多食肆星期六日都好早閂。所以揀左間車仔麵，食完就返歸😋本身諗住食車仔麵，上到去見到有麻辣小鍋米線，作為麻辣控既我又點可以放過佢呀😂🔸麻辣小鍋米線（配牛腩、豬大腸、黑松露水餃、牛肚）$82麻味辣味都好出，配料好好味牛腩燘得好淋豬大腸無酥味，事先有滷過黑松露水餃，皮有少少厚，不過好足料牛肚爽口得黎又唔韌🔹水煮魚配上湯米粉 $69相比麻辣小鍋無感辣，魚好淋身，唔腥最估唔到，係連魚都可以入味，唔知係咪事先有醃過呢🔸麻辣鴨血 $28最最最最最推介！👍🏻👍🏻薄切鴨血，好入味配上爽口既芽菜同麻辣汁，一流！想食多碟添呀！🔹千杯不醉雞翼 $22美中不足係暖暖地，不過肉質好滑有酒香味，同埋隻隻都好大隻😂另外仲比左個碟仔裝骨，好貼心❤️🔸凍奶茶、凍檸茶 $15單上面有少糖少冰多奶揀以為應該都係求其整點知真係少糖少冰多奶既奶茶調較到我鐘意既口味唔係間間都做到順便一提，待應服務態度好好👍🏻見到我個樣有d迷惘，唔知叫咩食好，會主動行埋黎介紹招牌菜另外，原來我地係最後一檯客，都無趕我地走，仲叫我地慢慢食（利申：我都係出門口先知咋！）💬建議醉雞翼可以雪凍去，味道應該會更好😋…查看更多

週末又開始去返🏝港島區漫遊，🕵🏻‍♀️細心觀察，中上環一帶其實有好多🥢港式美食。而我地至愛嘅，還是車仔麵🥰。呢晚去左一間✨環境乾淨又坐得舒服😌嘅車仔麵鋪 ，仲有好多小食可以揀，十分正!!#揀得啱車仔麵 呢到選擇非常多，麵底已經有7款，餸都有31款！我和鋒鋒各自選了喜愛的食物，份量十足🤩#麻辣鴨血鴨血好有咬感，煮得好入味，而且仲有好多芽菜，一個字，正！#咖哩魚蛋豬皮雙拼單睇相已經鋪滿咖喱汁，食落更咖喱味濃！想懷念下街頭小食，一定唔可以錯過！ #千杯不醉雞翼呢到嘅醉雞翼帶有淡淡酒香，我很喜歡佢係暖食。車仔麵最緊要有得「揀」，揀得啱，食得開心，揀得啱車仔麵 #麵底 #湯底 都有得揀，仲唔快啲黎揀你碗心水靚麵😜…查看更多

.🔻 揀得啱車仔麵 (上環).久違既上環，今次再黎呢頭發現新開阻間車仔麵店，見到有麻辣鴨血小食，好想試😍gogogo!.🔻三餸麵套餐+熱飲 ($55) 追加一餸+$12男友鐘意食現成野，佢揀阻火腿，咖哩陳皮魚蛋，紅腸，極品牛腩條，出前一丁，佢見到205辣醬好得意就揀阻，咖喱陳皮魚蛋既咖喱好入味，仲有淡淡的陳皮香，我都偷食咗佢兩粒魚蛋😛😛牛腩條好淋好入味，冇牙都食到😂呢度嘅出前一丁會畀返包麻油同埋調味粉俾你，另外加阻205辣醬，夾埋一齊食唔會唔夾，不過個醬真係好辣好刺激🤣🤣鐘意食辣既朋友可以黎挑戰下🙌🏻🙌🏻.🔻麻辣小鍋米線兩餸 ($58) 追加一餸+$12我揀阻神級蘿蔔，蠔油炆花菇，彈牙牛丸同埋醬燒豬軟骨，見佢個神級蘿蔔好似好勁抽咁，事實又真係唔錯，蘿蔔好淋好甜又冇渣，冬菇都好入味，牛丸大粒爽口，陣味有d似南記牛丸，個豬軟骨都好入味同好淋，又係無牙都食到😂我呢個麻辣湯底就比較油阻d,同埋冇205辣醬咁辣，但d 餸就好加分😋😋.🔻 千杯不醉雞翼 ($22/3隻）雞皮浸到好香好滑，雞翼熱辣辣，有少少酒香，但唔會好重酒味，好啱啲唔飲酒嘅人，我都食阻2隻😍.🔻麻辣鴨血 ($28)同樣地麻辣有啲油，不過鴨血就好入味，都唔錯既，麻辣再辣d仲正。.🔻總結係d 餸都好ok 好入味，feel 到有心做同埋會諗新菜式，呢個麻辣小鍋米線都係出左三個星期左右，有心思既小店值得鼓勵☺️☺️地方都幾大，一d 都唔迫，岩晒中上環 lunch 唔使去d 咁狹窄嘅地方食野🤭…查看更多

周末去吓啲平日唔會去嘅地方，由於大胃唔使過海返工，上環享受好時節。走上商廈，理應日理萬機嘅地方，今日變得好冷清，好彩都有餐廳營業呢個地段嚟講，價錢唔算貴，忍唔住嗌咗好多餸，搞到要分開裝呢間車仔麵嘅套餐名幾盞鬼，「兩點半餃餃陣」，顧名思義就係全部都係餃子油麵唔易索湯索到泡晒，保持彈牙:)菜都幾新鮮，唔會發黃剔菜單可以揀飲品奶量、冰度同甜度，好細心車仔麵有賣鴨血，梗要試吓咖喱汁好濃，魚蛋同豬皮相當入味酒鬼大胃醉愛酒釀雞翼，多肉又有酒香估唔到呢度會有水煮魚配米線，好特別胃民可以選擇倒唔倒米線落去呢度感覺幾文青，仲有啲抵死句子𠻹…查看更多

朋友在附近上班，所以才得知這間新派的車仔麵店！可能是下班時間過來～就只有數張桌子坐了客人。點餐的話是自己劃單後再給店員就可以囉主要的是 - 3餸套餐 + 熱飲 ($55) 追加一餸的話 +$12另外也有一些小食或是較特別的套餐！我選的是 - 幼麵+豬紅+發達金錢肚+醬燒豬軟骨汁的選擇頗多，最後決定點朋友推介的麻辣汁！香麻中的辣十分惹味～由於是分開放在湯匙上，如果擔心太辣可以慢慢加金錢肚一般，但豬紅和豬軟骨都很入味！特別是口感滑嫩的豬紅，中間的位置仍透著熱氣的耶餐飲點熱飲的就不用額外加錢，於是選了奶茶。凍飲要+$5、汽水或豆漿則要+$7 ~水煮魚配粗麵 ($69) - 有三種辣度可選擇。選了一度，雖然看到滿滿的辣椒～但也不至於不能入口。辣得來不會很鹹還有芝麻香，魚肉亦十分滑嫩！麵的話是分開裝上，這樣很貼心喔只是這個點飲品的話不論是哪款都需要加錢。最後小食點了 - 麻辣鴨血 ($28)不像車仔麵有湯可以緩和一下，這個更麻、更辣！…查看更多

星期六黎到上環做野，夜晚8點幾都吾知食咩好！係正諗緊食咩好既時候逛了逛就見到揀得啱車仔麵就入去食喇，原來佢地六日都開，收9點！遲放工都吾怕無野食！入到去環境光明，服務態度認真，而且好有禮貌，坐低左就即刻睇下點單紙。另外所有小食既辣度可以自選，講205辣醬超正，食辣既朋友一定唔好錯過左205辣醬啊，因為真係辣得好香，好過癮，包你食過翻尋味！1.蠔油炆花菇花菇夠入味，咬口感適中，不會過林2.老火炆豬皮第一次食到咁爽口既豬皮，好感動啊，下次要叫兩份啊3.黑松露雞肉水餃聞落去已經好香黑松露味，食落去成個味蕾同嗅覺都充滿黑松露味，瞬間變小天使飛下飛下4.香菇雞肉水餃菇味好到位，大大舊好抵食5.麻辣鴨血麻辣鴨血一試就會愛上，一片片的，咬落去就好似魚腐的口感，食完一塊你會繼續想食落去6.千杯不醉雞翼雞翼係我既最愛啊，有酒香，食落好夠味道7.酸辣木耳絲木耳絲不會大小不一，酸辣有帶點麻，好過癮架8.豆漿…查看更多

揀得啱車仔麵 (上環).車仔麵係香港特色之一(˶‾᷄ ⁻̫ ‾᷅˵)今個星期六去開中上環，見到上環有車仔麵，見都好耐無食，就去試試佢！見佢有店鋪嘅招牌205辣醬，因為我倆實在唔食得辣(´･Д･)」所以無叫，如果食得辣嘅大家可以試下！ .⚜️麻辣鴨血⚜️$28.！竟然有我倆打邊爐必叫嘅鴨血！ 幾時都話鴨血同麻辣係最襯架，果然食落好正(⁎⁍̴̛ᴗ⁍̴̛⁎)一客先$28，其實好抵食！.⚜️千杯不醉雞翼⚜️$22/3隻.聞落微微嘅酒味，食落都唔會話勁濃郁啱啱好！就算唔喜歡酒味嘅你地都可以試下！.⚜️酸辣木耳絲⚜️$15.唔係講笑😂睇到個價都覺得真係好平！入面有芫茜，木耳絲，蒜頭同辣椒🌶️ 所以酸酸辣辣勁好食！ ！ 係一個超正嘅涼拌開胃菜！.⚜️沙嗲湯底車仔麵⚜️$55/3餸加麵底.因為車仔麵我倆都偏好食多餸少麵，而且$55三個餸唔算貴！ 呢到仲要係開到夜晚九點，夜一夜都有得你食(⁎⁍̴̛ᴗ⁍̴̛⁎)男朋友叫左豬皮，貢丸，金錢肚，紫菜等，最特別嘅係有個黑松露雞肉餃！ 咬開啖啖黑松露香，我都有叫一份食！ 一份有兩隻(⁎⁍̴̛ᴗ⁍̴̛⁎).⚜️滷水汁湯底車仔麵⚜️.我叫左粟米，芝士腸，豬腸，金菇同金錢肚等，豬腸我最怕係洗得唔乾淨有陣味，呢到嘅無啊！(⁎⁍̴̛ᴗ⁍̴̛⁎) 粟米一份有三舊仲好甜🥰—————————————————————-環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌揀得啱車仔麵 (上環)上環皇后大道中181號新紀元廣場低座2樓205號舖—————————————————————- #hkig#hkigfood#hkfoodie#foodie#food#food#foodstagram#hkfoodlover#hkdaily#吃貨#美食#打卡好去處#相機食先#中環美食#foodiehk#foodig#foodlife#hkfood#foodblogger#hkfoodblogger#hkgirl #hkdessert#foodporn #hkfoodblogger#instafood #instagram #foodstagram#foodie#揀得啱車仔麵…查看更多

其實上環中心係多寫字樓，中午選擇都係好多，但一入夜真係唔知食乜。機緣巧合之下同男朋友發現左間車仔麵舖，係新紀元廣場。 見到佢裝修幾得乾淨企理咁就試下啦。🤩我地叫左個千杯不醉雞翼，呢個醉雞翼係熱食黎，同一般凍食醉雞翼唔同，好入味，入口係好香嘅花雕酒味，推薦試下。👍🏻另外叫左個麻辣鴨血，唔算好多地方有鴨血食，好滑少少辣味，惹味得來都幾好送麵食。🤤🤤講翻主菜車仔麵先，我就叫左蘿蔔、豬軟骨同埋滷蛋，蘿蔔係好新鮮同清甜，入貨做得唔錯；豬軟骨唔會油，骨同肉比例啱啱好，同埋好入味，d肉煲到林曬，係意料之外嘅味道。👍🏻👍🏻🤗男朋友個碗有叫黑松露餃子，係黑松露超濃，我覺得幾特別所以推薦😁要提一提嘅係205辣醬，佢都幾辣，但成個麵因為個辣醬變到好香，可能係因為我鍾意食辣啦，我覺得揀佢做湯底無揀錯。👍🏻我地仲叫左個菜嘅，食得健康d呀嘛比大家睇下個點菜紙，價錢上都幾經濟，係上環價黎講dinner可以一戰。…查看更多

平時係中環返工想揾碗車仔面食下都無，宜家知道上環開左間車仔面店，放工順路梗係約埋朋友過去食個dinner la依間舖頭關9點，真係啱曬中環返9至6既人，係放工去食dinner既好選擇我仲意食車仔面係因為我想一次過食好多唔同既野，而依間車仔面無令我失望，餸既種類好多，搞到我樣樣都想食，結果就叫左一大碗la我就叫左滷水蛋，墨魚丸，極品牛腩條，發達金錢肚，醬燒豬軟骨，入味豬大腸，瑞汁滑雞翼，黑松露雞肉水餃，香菇雞肉水餃，總共9餸1面，真係食到好滿足(放唔曬d食物相，太多了)sauce仲特別叫個出名既205辣醬試下，依個真係要推薦朋友食，好香好味好夠辣而我朋友就叫左個水煮魚配上湯米線，上餸時係分開一碗水煮魚同一碗米線，方便朋友可以share個水煮魚食，yummy個水煮魚魚肉超級滑，仲有分小辣，中辣，大辣，我同朋友都係食辣之人，當然叫番個大辣，味道剛剛好雖然叫左兩大碗米線，但我兩個大胃王決定要試下d小食，叫左麻辣鴨血，千杯不醉雞翼(5隻)，咖哩魚旦豬皮雙併，油菜(唐生菜)。麻辣鴨血一試就愛上，食唔停口。千杯不醉雞翼有種微微的酒香味，食落清香不油膩，好彩叫左5隻，3隻唔夠喉😂咖哩魚旦唔會好似出面既魚旦好鬆，食落有咬口，而且同豬皮一樣入味食左咁多肉當然要食番個菜，唐生菜配蠔油真係好好味，唐生菜爽脆青甜，非常新鮮星期六日放假既時候都會去返依度幫襯，係中上環開飯食好西之選…查看更多

呢間餐廳位於中上環區域係中環ot既首選之前經過都未試過入去食今日終於試到佢既205辣醬首先睇左餐牌先呢張餐牌上，顯示左不同既選擇。完全符合佢個名，一定「揀得啱」。由不同麵條，去到不同配菜及小食，都任你揀。簡直係豐儉由人，最平55蚊就有三餸一麵揀。佢有三款配菜係一般車仔麵舖沒有的，包括咖哩陳皮魚蛋同黑松露雞肉水餃。我就最中意試吾同既野，車仔麵係中環黎講真係好普通。所以我揀左後面既水煮魚套餐，我朋友就揀左最抵食既 揀得岩combo套餐。先講水煮魚先味道香辣，很易入口。魚肉入味，好過癮。另配有淨湯米線，不怕辣的，可以把米線完全倒入水煮魚之中吸辣。怕辣的，可以淨食米線解一解辣。這就是揀得岩combo套餐，睇得出足料。湯味配上205辣醬，是很香很辣的。但淨辣醬，就只有痛感。不過！佢既辣醬好特別，痛而不出汗不熱，適合食辣野食到周身大汗既人。另配有麻辣鴨血，不太腥，調味很好。也有醉雞。兩個人加埋小食飲品，人均104港幣。不太貴吧！…查看更多

平時系中環開工，食黎食去都係差吾多，上網睇到近近地有間車仔麵，仲要開到夜晚9點鐘，OT都吾驚啦！而間＂揀得啱車仔麵＂都真係幾特別，裝修充滿文青風格，唔講仲以為入左間CAFE。首先係招牌自選車仔麵套餐，有超過30款既餸自由配搭。基本HKD55仼選3款餸，追加1餸或者加底都係HKD12，覺得係中上環價錢合理。原來碗車仔麵幾夠份量，個人麵底叫左粗麵，另外出前一丁吾洗加錢，都吾錯啊，平時茶餐廳點都要加3HKD。蠔油炆花菇花菇入味，有咬口。無骨雞翼用醬油醃制，好入味，進食超方便。見到＂揀得啱車仔麵＂最近Facebook 有送禮券活動，玩完游戲送＂麻辣鴨血＂HKD 28味道方面麻麻的，不過不會太辣，挺開胃的。估吾到仲有水煮魚，辣度十足。佢地既水煮魚，魚質好滑，份量足夠。如果嫌唔夠喉，再加埋佢地自家製既205辣醬，包你一定辣得過引。千杯不醉雞奕 HKD28，5隻雞肉醃得好軟熟，食落有酒味，仲有杞子養生，價錢亦非常便宜，好抵食。酸辣木耳絲切得好幼細，條狀分明，酸辣有帶點麻，好過癮！咖哩魚旦豬皮雙拼 HKD22爽口既豬皮，爽口彈牙既魚蛋，咖哩非常惹味 下午茶都只係$28蚊咋，D餐兩點半餃餃陣份量都幾多，當午餐食都得仲有好好食既紫菜人氣之選黑松露雞肉餃、香菇雞肉餃、魚皮餃。總括而言，價格合理，份量足夠，味道也不錯，用心之作，值得一試。…查看更多